登堂 (已結業)

餐廳環境寬敞，空間感十足，完全沒有侷促感，還劃分了幾個區域，設有吧枱、圓桌、小桌子等不同座位，充滿著驚喜！裝潢設計走簡約時尚風格，感覺很chill很型格，氣氛輕鬆舒適。朱古力爆谷鮮奶 ($45)入口朱古力味道香濃，帶有焦糖爆谷的味道，口感順滑。威靈穎美國特級牛柳 ($348)香氣四溢，酥皮黃金香脆，切開後看到粉嫩的牛柳，極為吸引。北海道鮮帶子魷魚意大利飯 ($188)勝瓜·玉子豆腐·鹹蛋黃賣相精緻誘人，意大利飯香味撲鼻。北海道帶子鮮嫩無比，魷魚非常軟腍滑溜，當中還混入了鹹蛋黃，令意大利飯更香口惹味，每一口都齒頰留香。

今日同屋企一起慶祝所以就選了一個環境同食物都有水準的餐廳食晚餐。我地選擇左位於觀塘的此間西餐廳 因為都在附近上班 地點較近而且見餐廳食物的相片不錯於是就決定一試。餐廳位於The Wave 2樓全層 空間很大。不知道是因為一早預約的關係還是知道有人生日的關係 職員安排了我地坐於Live band前面。 一路食飯一路可以聽音樂。而餐牌的選擇都很多，也有set menu， 由於我們想食的東西在set menu沒有 所以決定單點。 我們共叫了5款食物。1. 串燒拼盤 2-4人食 有大蝦，有德國腸， 薯條，一口牛扒等等 加上有四款醬可以點 味道不錯 不過價錢略貴2. 豬肋骨 烤得唔錯 好入味 呢個幾推薦3.北海道帶子玉子豆腐飯好creamy的一個飯 帶子好大粒 加上玉子豆腐好夾 雖然好好食但食少少都會很濟。4.威靈頓牛第一次試這款菜式 牛扒味淡 不是很出色5. 巴拿馬火腿菠蘿薄批是出奇地好食 餅底很脆配上有巴拿馬火腿及甜甜的菠蘿 味道很好！另外餐廳沒有提供水 只有枝裝水 大家要留意。總括來說 餐廳的格調舒適及有氣氛 侍應態度良好 食物可以 適合一班朋友聚餐

發覺原來觀塘除左行apm之外wave都好多好野食～依日去左登堂！ 之前都食過幾次依個集團既野 見佢地個餐牌差唔多樣 都係幾好食😋叫左前菜沙律 好多桃 幾開胃 同埋parma ham 都好多 好好味Main course 叫左個次次都必叫既威靈頓牛 好味到不得了 其實依到食真係好抵食 四百蚊唔駛 平時出面餐廳差唔多八百幾蚊 真係唔捨得食 仲要依度控制得好好 唔會話過熟或者太老 咬唔到咁 賣相都夠靚～叫左杯cocktail 有少少澀 不過都Ok Ge

朋友說位於觀塘的登堂有live band 演出，所以這天我們特地一訪。餐廳格調高雅，環境以舒適自在為主調，佈置談不上堂皇，卻是光鮮潔亮，使人心情愉快。我這天點了一份主菜、主食及兩杯飲品。兩個人分享吃這個配搭的食物，食物種類不會單調，量份適中。在能夠品嚐朋友喜歡的牛排的同時，價錢亦會比較實惠。我們點了五成熟的牛排，但我覺得這個略為熟了一點，不過這塊牛排肉質還算是很嫩，而且味道亦很香濃。主食裡頭的魷魚圈很柔軟，寬條麵充分地沾滿了細滑醬汁，因此我非常喜歡。飲品外形不是很出色，但味道挺不錯，一邊欣賞音樂，一邊慢慢享受飲品，挺寫意！

看到Facebook的廣告得知觀塘The Wave 這裡有一間頗有氣氛的西餐廳，便預訂了今晚到來大吃一頓。餐廳內的裝修很有氣派，中間還有個酒櫃擺放了多款紅酒白酒燒酒等。Cold Brew Apple Tea這款蘋果茶有濃厚蘋果香味，但又不會很甜，會飲得出茶的清香。Hot Rose Hips 600ml朋友點了這款熱玫瑰花茶，玫瑰花味道很幽香，茶壺下面還有蠟燭暖著，不會放涼，可以慢慢細嚐。香烤雞中翼碟上旁邊的是泰式羅望子醬，職員特地提醒不要點太多，只是一點點已經辣到要飲水解辣。北海道鮮帶子扁意粉帶子十分鮮甜，沒有雪藏味，扁意粉煮得軟硬適中而且不會太油膩，加了少許煙肉更加惹味香口。12小時低溫慢煮烤乳豬件外皮極香脆，賣相吸引，乳豬肉嫩油香，厚切薯條在底下盡吸乳豬精華，雖邪惡但極美味。蘋果批蘋果批外皮是酥皮，香脆鬆化有層次感，蘋果餡料足料，吃落陣陣鮮甜蘋果味。

機緣巧合之下得知呢觀塘Ｔｈｅ　Ｗａｖｅ上面有間非常高質既西餐廳，特地黎拜會一下。登堂非常大，坐位好寬敞，以為佢係普通西餐廳，但原來佢又係Ｃａｆｅ、Baｒ黎，結合咁多野，原來佢范范都咁掂！呢到燈光暗暗地，好有氣氛，好適合情侶黎拍下拖。適逢今日七點幾仲有駐場歌手唱歌，更加有氣氛。未開始食，就已經對登堂既感覺非常良好，好期待佢既食物質素！呢到有蠔、Ｐａｓｔａ、Ｐｉｚｚａ、牛扒等等，好多選擇，價錢中上。經店員介紹後，揀左生蠔、烤餅同兩個ｐａｓｔａ。今日既蠔有兩款，分別係綠寶石同吉拉多。由於未食過綠寶石，所以叫左兩隻試試。今日既蠔有啲瘦，不過味道唔錯，有淡淡海水味，而且蠔味濃，蠔味係口腔久久不散，加上佢爽口既口感，唔錯。大推雞肉墨西哥烤餅，兩塊薄薄既烤餅夾住雞肉、芝士、洋蔥、蕃茄等，有啲辣辣地，加埋熱融既芝士，完全唔乾，好ｊｕｉｃｙ。餐廳亦附上三種蘸醬，酸忌廉、牛油果醬同蕃茄Ｓａｌｓａ，我最鐘意牛油果醬，好ｃｒｅａｍｙ。店員強烈推介鮮魷魚自家製寬條麵比我。入面除左有新鮮魷魚，仲有煙肉同菠菜。魷魚好彈牙，亦都食得出鮮味，數量都唔少。芝士忌廉汁掛滿係每一條手製意粉上面，每一啖麵條既濃滑又彈牙。另外一

觀塘是一個舊區，現時已經做緊重建，不久將來好快就會有一個新的觀塘區重現，到時就非常熱鬧暢旺，今晚去到位於興業街The Wave2樓(登堂Downtown)食多國菜，餐廳地方十分寬敞設計特色，除左用餐區還設有酒吧區一站式的消遣，又可享受到寧靜的環境，十分舒適。烤黑松露菌醬海鱸魚柳手工貝殼粉$148，海鱸魚烤到魚皮香口，肉質嫩滑。鮮魷魚自家製手造闊條麵$168，一吃便知是用新鮮魷魚，看見雪白通透的鮮魷魚，煙韌的自家製闊條麵掛上醬汁，十分鮮甜清新健康。澳洲藍青口$148，藍青口帶有少許海水味，新鮮嫩滑而不會過韌再配上香濃的忌廉汁，口感十足Earl grey on rock用伯爵做茶膽再加蜜糖汁、檸檬汁、接骨木花汁，茶香味濃。Snowvocado材料有牛油果蓉、牛奶、蜜糖、椰奶、菠蘿汁，不會太甜，好香牛油果味，口感好特別。

一般我覺得評分真係好高都會推薦, 但係觀唐區黎講呢間係第一間!地方優雅別致, 比較豪華high class, 晚上會有樂隊唱歌, 仲要覺得唱歌水準好高!wellington 牛 348$食物方面比試既, 有呢道, 底層有牛扒, 連面層既酥皮食, 口感好有層次, 打卡都一流, 醬汁黎講唔算濃味, 淡淡地又突顯到牛本身既味道, 唔會因為汁既味過濃而令到牛味失色!牛本身口感軟易入口, 牛味肉汁重. 其他地方好少食到咁既菜式, 算係特色之一.蘿蔔糕 78$就咁望落去大家會難D估, 因為大多數人唔會expect 有蘿蔔糕食, 一黎呢到唔算中式, 二來 通常餐廳都無呢道菜,但係蘿蔔糕依舊只要有放料落去炒, 例如xo醬等, 都係會變成一道好正既菜式, 味道有小小辣,蘿蔔糕 口感係好鬆軟, 一口咬入面入面會好熱.ribs 比較難咬我無叫太多黎試, 但呢到既醬係好食, 甜甜酸酸咁汁既味比較濃, D肉就比想像中易咬出黎,薯條反而唔係太主角無咩特別, 比較都叫脆口.pizza 就正正常常, 餅底就脆為主 同一般出面食到既西底差不多, 芝士味濃, 我覺得PIZZA係呢到主要係食個脆脆既口感, 味道反而其次,

早排同事話觀塘有間餐廳環境同野食都幾正, 今晚決定同好姊妹👧🏻收工去試下😊 餐廳環境確實幾大而且幾有情調, 食物嘅種類幾多而且幾特別, 最後我地叫左一個前菜, 一個小食, 兩個主菜同兩杯野飲🍹!😋冷泡烏龍茶蜜糖牛油果奶蓋☕🍯🥑🍼冷泡烏龍茶味道唔算太濃, 牛油果味奶蓋好香好滑, 味道幾好!Earl grey on rock🥃E杯cocktail由自家製嘅earl grey gin, campari, elderflower syrup, 檸檬汁🍋同蜜糖🍯而成嘅, 入口清新香醇, 之後一陣濃郁嘅earl grey茶味隨即慘透每一個味蕾, 隨住冰塊❄溶化, earl grey味慢慢變淡但elderflower嘅花味就愈嚟愈出, 感覺特別同幾有層次感, 極度推介!👍🏻👍🏻Ancelin 蠔肉質感爽滑, 清甜帶微微海水味同礦物味, 幾好味!😊法國煙鱔青蘋果沙律🥗由法國煙鱔, 西班牙辣肉腸, 意大利白豆, 青蘋果同嫩菠菜沙律製嘅, 法國煙鱔煙燻味道濃郁, 肉質嫩滑, 油脂甘香, 辣肉腸比起平時食嘅無咁咸, 菠菜葉口感幼嫩, 青蘋果酸酸甜甜令個沙律食起上嚟無咁膩, 而松露蜜糖油醋汁甜甜地令味道層次昇

觀塘其實有好多好西食，今次就約咗朋友喺收工之後食西餐，之前已經見過呢間登堂，今次一於試吓佢。我哋叫咗份避風塘蘿蔔糕，蘿蔔糕本身煎起嚟已經好好食，再配埋避風塘一齊炒，更加惹味。小食方面，仲叫咗雞肉墨西哥烤餅，配料夠晒豐富，食落去啖啖肉，不錯不錯。主食方面，揀咗先魷魚意大利粉，食落去好creamy，咁就唔使怕食落去太乾啦，而且仲食好飽！最後仲叫咗份西班牙黑毛豬火腿菠蘿pizza，Pizza唔會太厚，食落去仲好脆添，好滿足。

觀塘出名多上樓餐廳，今日去呢間仲特別有feel 的。入門即時見到呢個酒櫃，幾十款紅白餐酒任你揀。價錢合理喎，即時歎返杯，來自阿根廷的紅酒。南美風格，入口有果香，飲落又有點香料味，都幾有層次。Susana Balbo BenMarco Malbec 2016 $62除了紅白酒，原來餐廳仲有D自家製特色 cocktail, 心思思想試吓。Earl Grey on rock $96伯爵茶做的大冰塊，再 mix 埋Gin 酒、力嬌酒、檸檬汁同蜜糖等。摸住酒杯底來慢慢硏究食乜好，幾爽！12 小時低温慢煮烤乳豬件 $238第一眼見到都係忍唔住嘩左聲，好大件烤豬呀！隻乳豬烤得好香，一刀切落去，即時 feel 到豬皮好薄好脆，應聲斷開。乳豬肉好嫰好滑，而且冇乜油，配上酸酸甜甜的燒汁，真係好好食，完全冇得輸。配菜有薯仔件、沙律菜同埋蘭度豆，健康的 superfood, 口感少少似綠豆，幾得意。好野記得襯熱食北海道鮮帶子魷魚意大利飯 $188 熱辣辣又香，鐘意意大利飯的人咪錯過。除左面頭三隻香煎帶子夠吸睛外，意大利飯仲粒粒飽滿煙韌好有咬口。飯底好香咸蛋黃味，仲食到有勝瓜、魷魚同玉子豆腐，口感豐富。而且暖笠

朋友推薦的西餐廳~今日終於約實要食了 ~ 地點不算難找~ 地鐵一出大概八分鐘就到 見到~ 電梯直接上二樓就到啦 ~ 環境非常好~  我哋睇下有咩野食先~  好多選擇吖~ 叫咗*低溫慢煮炭烤西班牙黑毛豬鞍 *避風塘軟殼蟹 同埋北海道 鮮帶子魷魚意大利飯 ~ **避風塘炒蟹~超香口超鬆脆 而且很大隻 熱熱的 脆脆的 好食**低溫慢煮炭烤西班牙黑毛豬鞍極推介 ~ 成個斧頭的形狀~  而且勁多肉汁 而且脂肪非常多而不肥膩 真係超好食 仲有薯仔配菜**北海道鮮帶子魷魚意大利飯 帶子非常大粒 好新鮮 而魷魚非常煙韌~  而且整個飯有鹹蛋黃的香味 非常好食~ 最後還叫咗個甜品 焗香蕉卷配開心果雪糕 酥皮超薄 而且裏面係有海綿蛋糕 ~開心果雪糕比較特別～ 第一次食~ 果然真係有開心果係入面 ~仲有叫咗兩杯嘢飲一杯係冷泡烏龍茶黑糖牛油果奶蓋 ~ 茶味很濃 配埋奶蓋一起飲又有不同感覺一杯係冷泡卡啡爆谷奶蓋 ~ 咖啡很濃　爆谷是脆脆的而且仲有live band show～整個感覺很不錯～　 下次會再來 ~ 

就係普普通通😂無咩特別既一間餐廳。係觀塘the wave 上面，主打fusión/西餐既菜式。今日就係來食lunch既三文魚意粉-廚師煎香左個三文魚,煎法同家常好似.中規中舉咁,至於個意粉唔知點解係無汁既…食落好淡 無咩味, 不過意粉既口感係唔錯既.而佢個牛扒都係比較普通,又唔可以話唔好食,但就一定唔係好食個種. 同埋佢既出餐時間都偏慢,等左一段時間先有得食Suggest大家如果lunch/係附近來食下就OK…唔會抱好大期望

Downtown係M1旗下的餐廳之一，旗下餐廳一向質素高有保證，不用味精雞粉等調味料，今日終於可以試下啦。放工黎到著住hoodie同牛仔褲，一身頹look見到個門面已經覺得自己格格不入，下次要帶衫換😭有live music既餐廳特別有feel🥰加上有格調的裝修 同有禮貌的侍應，環境氣氛一流。門口有兩張long table，原以為俾一大班客人gathering。點知係幾對散客湊在一起搭枱，對面係唔認識的客人感覺怪怪的。長枱後面有一間房仔擺酒，睇返menu，呢度供應的酒類選擇好多，有champagne, white and red wine, 清酒, draught beer, whisky, 同場仲有葡萄酒品酒師同清酒唎酒師，好專業呀👍鍾意品酒既朋友可以問下有咩推介，酒量唔好既我飲返茶就夠了😂鮮海膽手拆鮮蟹肉自家制手造寬條麵一大塊鮮甜海膽，見到隔離枱打散佢mix落意粉度，我更喜歡原汁原味咁食😋除左手拆蟹肉，竟然仲有蟹膏🦀同出面的醬汁不同，呢碟用了檸檬忌廉汁，檸檬味較突出，味道酸酸地令忌廉汁不會太濃太膩。12小時低温慢煮烤乳豬件燴煙肉皺葉甘藍蘭度豆 無花果蜜糖燒汁乳豬件等左大約20分鐘，美

留意左登堂呢餐廳好耐，一直搵機會去試，見其他食評d相，環境grand，食物又好吸引。今晚就約左個好耐無見既朋友一齊去食好嘢。侍應帶我地埋位坐低之後，就介紹番餐廳推介既食物俾我地參考，對於我地呢d有選擇困難症既人，加晒分！冷泡烏龍茶蜜糖牛油果奶蓋:朋友既飲品，佢話清清甜甜咁，岩晒佢。Snowvocado:當我仲十五十六唔知飲咩既時候，侍應就推介我飲呢杯Snowvocado，話好多女仔都鐘意呢杯，無介紹錯，好好飲，有椰子既香味，又有少少酸酸甜甜既菠蘿味，而且影相仲好靚添！北海道鮮帶子魷魚意大利飯:仲配有勝瓜、玉子豆腐、鹹蛋黃，好fusion，無諗過呢三個配料可以同意大利飯咁match，特別鐘意玉子豆腐，好滑好好食，但點都搶唔到大大粒帶子既風頭，帶子燒到兩面微焦，好香，啖啖肉又鮮甜。威靈頓美國特級牛柳:餐廳推介之一，上菜既時候，侍應會教我地十字咁切開，見塊牛柳粉嫩既顔色實在太吸引，食落好有牛味同勁juicy，而酥皮吸收左牛既肉汁，太好味，仲想食多d。法式芒果拿破崙：甜品又點少得最愛既拿破崙，淨係講擺碟已經100分，而主角拿破崙，皮酥脆，吉士唔太甜，加上裏面有一塊塊芒果肉，超好味 。