登堂 (已結業)

今天家人聚會、想吃西餐挑選酒來到酒櫃，店員熱情推薦，我們問有什麼適合女生易入口的酒，有白酒、清酒。最後叫了有香蕉菠蘿味、又有petirra美容成份😹的日本清酒。不錯不錯👌🏻法國生蠔 🇫🇷帶子沙律，特別的調味汁、有提子美容清酒🇯🇵😆串燒拼盤馬尼拉🇵🇭蜆西班牙🇪🇸火腿pizza呢個我最鍾意、黑松露的Carbonara西班牙🇪🇸海鮮鍋飯燒三黃雞+ 意大利🇮🇹珍珠粉表演切雞大法

今日去完apm 行街街所以睇下附近有咩jap jap就搵下open rice 啦見到係附近有間西餐一於去trytry sin.好彩去到walkin 都有位置可能時間尚早感覺上又唔算多人woo.我地坐底後都人過黎介紹今日既special吊燒雞不過兩個女仔好難食成隻雞於是嗌左其他野食.我地就嗌左1. 卡邦尼蛋麵+$80黑松露片2. 唔記得叫咩野芝士薯條3. 煮蜆配蒜蓉包野飲就兩柸西柚梳打.so far 野食都正常發揮既不過個蛋麵慢到嚇死人上餐前食哂all 薯條（勁大兜同埋all 蜆野飲都差唔多飲哂追左一次單先黎最重點係80蚊既松露片唔夠香蛋麵太林有d,失望.下次可能試下好多人推介既威靈頓先

好特別嘅湯，好creamy 嘅紫薯湯，甜甜地又鹹鹹地，個人唔係好鐘意呢個配搭出奇地好味，d 菜好新鮮同埋個哈密瓜好甜又多汁，巴羅馬火腿唔會死鹹好多嘅薯條山，芝士唔係好熔，味道正常，無咩特別個雞翼好juicy 外脆內多汁，個sauce 幾特別，同個雞翼好夾，做前菜小食一流一黎到就覺得好靚，個三文魚好滑，再加埋d 魚子好有魚嘅鮮味，三文魚嘅滑再加埋底層嘅薯蓉令到個三文魚又多汁又creamy,之後再加埋魚子嘅口感同味道，非常好味，食到有點腌嘅時候，食d 冰菜令到個口清新返黑毛豬好淋，我地叫左7成熟，幾好味，不過對比個魚好似無咩驚喜呢間餐廳講明係自己人手造意大利麵，虎蝦好彈牙又大隻，意大利麵有d 似蛋麵，唔係好有咬口，整體唔錯好creamy, 個sauce 同佢自己整嘅麵好襯，唔錯好多芝士，pizza 似餅乾底，整體唔錯窩夫都叫脆，紅豆唔會死甜，粒粒分明，雪糕無綠茶味，同埋唔洗好耐就溶左，成個甜品令人有點失望呢間餐廳整體出奇地好味，但中午唔係好多小食叫，佢適合一人叫一個餐自己食，好難share

登堂 Downtown～經過一星期既作戰～星期五真係要放鬆一下～同三五知己食個靚飯飲返杯！Happy Friday 20:00來到全場依然座無虛席～炭烤雞翼配泰式羅望子醬🎖🎖🎖雞翼烤得不錯皮有點焦香～肉質嫩滑多汁配埋羅望子醬Perfect 池！避風塘軟殻蟹🦀🎖🎖成隻軟殻蛋都比風沙淹沒左！蒜就足哂料👍🏻但辣味就差小小～軟殻蟹都有2隻份量算多既👍🏻西班皇者紅蝦·自家製手造幼蛋麵🦐🎖🎖🎖紅蝦大大隻色澤都好吸引！蝦肉結實彈牙蝦咪濃郁😋手工都都造得唔錯夠彈牙～唯一就係醬汁如果再香濃一點配襯返紅蝦就一流了～烤12小時低溫慢煮乳豬件🐷🎖🎖🎖皮燒到脆一脆乳豬肉嫩多汁～一層油一層肉滿滿既滿足感～食埋呢餐又要減肥啦🥲蘋果批·自家製雲尼拿雪糕🍎🎖🎖🎖切開見到酥皮包住滿滿而熱辣辣既蘋果肉肉桂味非常之香～個人覺得配蘋果係絕配😍雪糕雲尼拿味香濃細滑口感極佳除在美食外～餐廳都提供紅酒免費試飲～當日小編就試左2杯唔同產地既～但對唔識飲既小編來講😂易入口唔好大酸就係好酒😂😂

第一次嚟都叫有啲驚喜，畢竟都只係靠食評決定去呢度。事隔一年今次第二次食，Menu無乜太變化。食物水準叫維持到。上次食嘅威靈頓牛扒形狀賣相都幾有驚喜味道方面都叫正正常常唔算出衆。鷹嘴豆八爪魚冰菜沙律幾驚艷。冰菜做沙律嘅掛汁能力好強。今次點左蕃薯條，因為只跟沙律醬，食到咁上緊都幾寡。可以考慮下配咖哩粉沙律醬。蜜糖芥末醬都OK。薄餅係好食嘅，餅邊脆餅底薄，而且唔會薄到冇乜咬口面啲餸就正正常常。主菜點咗個豬手，肉係好稔嘅，皮係好脆嘅。但唔係叫做好食到曉飛囉。甜品方面都叫係咁樣啦。個人唔鍾意佢個蘋果批入面有提子乾。因為我亦都唔鍾意食蕉就算佢用飛路皮再加糖霜包喺面我都唔會覺好食不過就真心欣賞佢啲雪糕服務態度見仁見智，有人會覺得佢地叫friendly有人會覺得呢啲叫多事禮貌上都只係當你熟少少的態度對於部份人嚟講就會叫無禮貌

今年是愛麗絲夢遊仙境70周年，不少商店也有聯盛商品售賣。這間餐廳特設愛麗絲夢遊仙境下午茶每個下午茶，每款下午茶也以故事中主題名為。‘Mr Rabbit’是 “sleepy tea” raspberry marcaron. 這個marcaron外型十分討好是一隻小兔，味道不太甜。‘Cheshire Cat ‘是英式玫瑰花茶紙杯蛋糕, 十分美麗，用上夢幻的藍色與粉紫色組合，蛋糕上方還加上食用紙花蝴蝶。蛋糕有重玫瑰花茶味道，但是忌廉實在有點多吧！甜品之中”Alice”最為突出，是藍色的Panne cotta加上raspberry jam syringe. 可以玩的甜品 。鹹點方面，’The hatter ‘用上如此蟹肉碎做批，容易入口，味道不錯。整體而言還是甜品較為特別和突出，是給女生作為打卡的下午茶。

今晚為咗威靈頓牛柳而黎既，每次同朋友都想去一d食物好食、又好坐既餐廳(重點唔限時間)，預先訂座，繼續都係貪Asia miles 25分啦頭盤：帶子沙律 (值得一讚帶子+魚子+bb菠菜+青瓜+生菜+提子配) 帶子大隻鮮味，好開胃主菜：威靈頓牛柳(冇令我哋失望，有肉汁，唔會over cook)Order時怕威靈頓牛柳太大份，所以食完以上兩款之後，再後加一份寛條麵主菜：海膽魚子寬條麵(感覺一般，忌廉汁唔夠濃郁)另外，侍應服務很好，我哋食完牛柳，仲幫我哋換咗新碟，準備食寬條麵，唔錯既服務。今晚滿意嘅，食物質素唔錯，坐得舒服（可能早到，比到梳化位）令我哋有個Happy Friday

響觀塘換完身分證，search附近餐廳俾我搵到呢間多笑面既餐廳，撞上去試試。下晝一點半，好多人埋單，勁快有位坐。本身都冇諗過寫食評，但難得有驚喜，真係要讚讚佢。叫左一份牛扒一份羊扒，有薯菜同意粉，薯菜有濃烈既牛油味，明顯係用牛油炒既，而意粉係冇味既，要自己加鹽……羊扒七成熟，唔太濃既羊味，有烤香左既味，肉身好淋，好味既……最突出既竟然係塊牛扒，揀左medium，佢又真係插返個牌仔寫住😂 肉身好有牛味，有咬口而又好淋，外層有燒牛肉既香烤味，塊牛扒係冇落調粉，檯面岩鹽自己落……驚喜就驚喜在午餐都做得咁仔細，係午餐時段食到晚市級數，工廠區lunch都有咁高質，真係對得住個價錢！

價錢又貴又難食呢個價位有好多其他好啲嘅選擇只係喺工廠區修理企理少少價錢同食物質素完全成反比完全唔明點解有咁多正評難食到專登開個食評希望減少人中伏最經典係下邊個所謂慢煮西班牙乳豬得層硬到切唔開嘅豬皮在加中間厚厚嘅脂肪好似百潔布浸滿充滿羶味的豬油我諗層肉同指甲一樣咁薄鍾意油膩嘅 值得一試意粉就完全唔值$2xx價位出邊有好多手工意粉嘅更好嘅選擇龍蝦湯飲到落左過量麵粉，口感奇怪罐頭龍蝦湯仲好飲埋單接近$700兩個人難受嘅經歷

平時放工後總會急急腳走想避開放工人潮，這天happy friday 反而約了朋友在觀塘chill 吓。餐廳佔了全層，面積大得可搞cocktail party。當時客人不多，坐位舒適。先叫了個芝士薯條，邊吃邊等朋友。薯條份量大，炸得外脆內軟，芝士也很慷慨朋友都到齊，我們叫了個蟹肉鹹蛋黃意大利飯，上菜時都被漂亮的賣相嚇親，上面還有不少金箔呢！不過份量share 食的話就有點少 ，味道也比賣相來得普通，沒有很驚艷之後pizza 也上來了，餅底煙韌，咸香的火腿配芝士，再加火箭菜是不敗的菜式~本想試試他們的waffle 做甜品，不過剛剛賣完了~點了個脆皮香蕉配綠茶雪糕，真的棒住肚埋單了~

本來順路打算到來食件蛋糕和飲杯嘢，被餐廳介紹下，突然變了食afternoon tea set，食到飽飽。餐廳現在做緊Alice主題的二人下午茶餐，平日星期一至四價錢$528再加一，其他日子就要$568再加一，價錢不便宜，包兩杯飲品，食物和飲品內容和選擇，可看以下menu，我哋叫的兩杯凍飲都係細細杯，食物鹹的可以，甜點就…。餐廳環境和服務也可以，不過本人覺得這樣的質素，價錢有點貴，不比一些酒店便宜，不推介。

重回兩年前到訪過的「登堂」 但這次有點失望😔 首先餐廳的情調已大打折扣 這次燈光沒有刻意調暗 環境也有少許嘈雜 靠牆位置的座位空間不算很多 左右兩旁的談話內容幾乎可以全都聽到 食物方面還好吧 性價比沒有很高🙃🙃 以人均$500的預算可以有更好的選擇𝗪𝗵𝗮𝘁 𝘄𝗲 𝗼𝗿𝗱𝗲𝗿𝗲𝗱:‎♡ 松露油帕馬臣芝士炸薯條 $78 ‎♡ 法式焗田螺 $98‎♡ 烤西班牙黑毛豬扒 $298‎♡ 海膽蟹肉意粉 $258‎♡ Hazelnut Honey Latte $55 ‎♡ Pot of Jasmine Tea $48

當晚一家四口外出食飯慶祝生日，所以就book咗觀塘區一間好似幾高級嘅餐廳。1） 澳洲牛面頰肉醬闊條麵 （$158）呢個闊條麵質素幾好，欣賞佢嘅溫泉蛋，只係份量略嫌太少，我哋四個人分，每人都只係食到一啖🤥2）燒德國鹹豬手X2（$228 per one）今次order既呢兩隻鹹豬手烤得偏乾，啲鹹豬手嘅表皮亦都頗韌，唔算脆，感覺似係一早煮好，我哋落單先翻熱俾我哋咁😵‍💫 3）紅豆窩夫+抹茶雪糕（$68）一般餐廳窩夫水準，伴碟的紅豆略嫌太甜🤔整體來講，以呢個食物價錢，餐廳嘅服務質素只能算是還好，樓面長期唔夠人，搵個侍應加單都難。只係餐廳裝修得grand，而令到成間餐廳嘅食物好似high class左，個人覺得係over price🤥

觀塘高質餐廳有好多，而登堂嘅環境，食物質素，服務暫時都係屬於中上水平的，個別服務員介紹餐飲食物做得唔錯，更有酒侍推薦餐酒，如果想同朋友食一餐有質數啲西餐，登堂可以係你嘅其中一個選擇。介紹返今晚呢我哋就order咗每人一個5 courses tasting menu($480)，三個前菜，一個pasta，一個 main。我就加咗Wine pair up($250)包4杯餐酒，好喇就等我講下有的乜野食啦。法國生蠔 - 當日時推介嘅係white pearl，食開生蠔就一定識 white pearl，佢爽脆得嚟帶海水味，加埋佢哋個帶酸Sauce，鮮味得嚟又醒胃。la naine blanche 2018 - 成枝酒只係用葡萄之王 "Sauvignon"釀造，nutty同dry，配生蠔好夾。魚子醬三文魚他他 - 魚子醬味唔係好出，係鹹鮮嘅，但唔太明顯，外圍嘅白點係啲酸汁嚟嘅，我諗一來係擺盤靚啲二來係佢知啲caviar唔係靚貨，想充撐一下啲食味咁，底層啲三文魚他他就正常，擺嚟打卡係唔錯嘅，但整道菜食味一般。香煎鴨肝伴帶子 - 兩者煎得生熟程度剛好，鴨肝外脆內嫩，size雖然較細，但食味濃郁又帶鹹香

【瘋癲試食】｜Downtown Happy Friday約埋舊同學就齊齊落觀塘搵吓有咩好嘢食啦 見到登堂好似唔錯咁 環境又闊落 食物種類都算多 咁就入咗去試吓🙆🏼‍♂️一開始就已經見到有生蠔🦪店員見我哋望緊生蠔都主動過嚟介紹吓有邊啲時令生蠔好食😋 咁我地都決定叫半打打個頭陣☺️ 生蠔淨番既數量都唔算太多 Gillardeau 海水味比較重 食落口感非常彈牙結實👍🏻 夠哂鮮甜😍仲叫左個避風塘軟殼蟹 軟殼蟹都幾大隻吓 面頭鋪滿足好多好多炸蒜❤️ 配上熱辣辣炸起既軟殼蟹 惹味到不得了🙆🏼‍♂️主菜部分就有煙三文魚Pizza 個堆Mozzarella Cheese 同 Feta Cheese 🧀 多到不得了😂 之後有個手製全蛋麵Carbonara再配上夏季黑松露 我就覺得比較普通啲 麵身做到好淋身 無咩彈牙嘅感覺 有啲啲失望 😞 然後最後就仲有威靈頓牛柳 酥皮焗到非常脆身 切開時仍然見到粉紅色肉身 唔會焗到過哂火位👍🏻 牛柳肉質嫩口亦非常Juicy👍🏻另外仲有燒豬肋骨