癡膠雞 (軒尼詩道)

營業中

休息中

聽呢間餐廳個名都知 佢係出名食花膠米線嘅今次就同👧🏻一齊黎食下午茶睇吓好唔好食？👧🏻叫咗迷你招牌即係細嘅花膠雞米線咁當然佢配料有花膠同滑雞雖然呢個係下午茶版本但份量都算慷慨⋯滑雞有4-5件花膠都有兩塊啲雞好夠滑身花膠有咬口⋯雞湯都好濃味另外叫咗椰子雞米線開頭諗住佢唔會好重椰子味我個人食米線 會先飲啖湯強烈建議要攪落底部啲椰子味先夠均勻飲落除咗有椰子味 仲有啲椰奶味？所以都好滑身 加埋啲滑雞食極都仲有😂😂😂我以為佢係火鍋先有原個爐上點知米線都有 冬天食 暖笠笠😌😌仲口痕叫多咗個金磚豆腐外脆內嫩 加埋凍檸茶 夠哂🥰

成日睇相覺得個花膠雞好吸引🤣而且價錢好似又唔貴😆所以去開銅鑼灣個附近就去食🤓🍜招牌花膠雞米粉 $68一上枱見到雞既份量都幾多，有5大舊👍而花膠就有3舊✨雞食落咸咸地肉質唔會好鞋。雞湯好清甜配埋米粉入口好清爽😋🍜酸菜魚米線 $68魚既分量又係好足👍大大片又幾滑😍除左酸菜仲有少少蟲草花仔🤔食落好有口感有d驚喜👍而且湯底濃郁少少辣仲帶點薑味✨重點係餐廳會提供小火爐，熱辣辣咁食住碗麵唔驚凍左🥰幾貼心。另外仲嗌左小食豬軟骨，滷得幾入味又帶點甜味，味道唔錯😋

🚩癡膠雞 (軒尼詩道)灣仔軒尼詩道254號地舖夜晚嚟咗呢間養生米線食晚飯 叫咗招牌菜花膠雞鍋 同埋胡椒豬肚米線 正😋餐廳唔算大 不過有幾張卡位 坐得幾舒服 亦有大圓檯可以成班人一齊食👍一人份花膠雞鍋份量適中 可以一路食一路飲湯 上檯之後個火一路熱住 啲湯就越煲越濃😋 雞都好嫩滑 畀曬啲肉質最好嘅部位👍胡椒豬肚米線夠晒胡椒同酸菜味 唔會太辣 米線都好滑 食下食下又唔覺意飲咗大半碗湯😂總括嚟講 經過灣仔或者喺附近返工都推薦嚟試下癡膠雞 高質又抵食👍

灣仔 癡膠雞間舖頭個名好過癮。聽同事講已經開咗一段時間， 每次番工經過舖頭都聞到一陣好獨特嘅香味。係同事既極力推介下，我哋lunch time齊齊去試佢既癡膠線（啫係米線）我點咗個招牌花膠雞湯米線，米線同湯分開上，幾貼心。 湯底呈奶白色，雞味濃郁，一層層嘅黃色雞油浮喺面， 唔建議大量飲用。 花膠唔係薄薄碎碎果種，幾厚身有咬口。雞肉大概有五六件，嫩滑唔鞋口，好好食。

我向來好喜歡吃養生湯底米線，看到這間店評價不錯，價錢實惠，選擇亦非常多，決定試一試，結果一試愛上，幾乎每星期都會來。🍽️沙薑雞濃湯米線熬過湯底的呈乳白色，完全不油膩，又加入腐竹和黑木耳絲，清甜美味。雞肉份量很多，雞肉滑嫩，醃製得入味，沙薑醬又非常香濃又不油。🍽️鹹菜胡椒豬肚湯米粉我非常喜歡這裏的胡椒豬肚湯，因為胡椒味夠濃，湯底夠辣，湯底加入了鹹菜、腐竹和黑木耳，我每次都會把整碗湯都飲完，豬肚清洗得乾淨，沒有腥味。而且這碗米粉只需$38，性價比非常高！

匆匆忙忙要吃個晚飯再繼續努力工作😤喺軒尼詩道見到痴膠雞，個名實在太特別了俾佢吸引咗，同埋去睇個餐牌原來有火鍋吃又有米線吃，覺得幾特別，決定試一試🤩🤩🤩睇餐牌招牌菜係花膠雞系列。因為咁決定叫佢嘅招牌花膠雞米線。覺得這間餐廳諗得比較周到🥺🥺下單後問我要不要個爐，原來是一路加熱食過花膠雞米線🤩🤩等我一路食一路都熱辣辣。呢樣嘢非常之欣賞。的確有真材實料的花膠，好幾塊雞肉，個米線湯底都清甜，濃濃的雞湯味，食落覺得幾驚喜唔錯🥳🥳🥳另外叫咗個四川擔擔麵，擔擔面的面底好吃，濃湯惹味，仲有香噴噴的花生🥜香氣，值得一試🥳出街食嘢梗係唔少得買到杯嘢飲㗎，叫咗杯白桃烏龍冷泡茶，唔甜，濃濃的茶氣再帶香甜的桃心味，用來配熱辣辣的麵食😍正。呢間餐廳仲有火鍋吃，如果唔係趕時間一定會揀食火鍋，下次時間鬆動啲再嚟食火鍋🤓🤓🤓

招牌花膠雞米線$68黃酒花膠雞藥膳米線$68檸檬薏米水凍$18金磚豆腐$32.我去到叫完食咩之後，店員都好有心問我哋使唔使叫爐，都有同我哋講加咗爐會熱啲好食啲，同提醒我哋食到一半記得整熄個火，如果唔係個湯底會好濃，亦都有賴呢個爐，食到最後個湯都仲係好熱好熱，值得一讚👍🏽.佢一碗俾咗雞脾另外一碗俾咗雞胸，雞髀位置係嫩滑嘅，另外雞胸唔似擦子膠😝.花膠方面size唔大唔細，花膠雞湯有三舊，黃酒雞湯有兩舊.彈牙得來都軟身嘅😁.另外就係個湯底啦花膠雞湯同埋黃酒雞湯飲完成個咀都充滿膠質，花膠雞湯嘅雞味會重啲，另外黃酒雞湯就藥材味重啲，唔建議飲完黃酒雞湯先飲花膠雞湯，咁會飲唔到花膠雞湯個精粹😌.另外金磗豆腐就冇乜特別，正常發揮😅.檸檬薏米水同出邊有少少唔同，出邊飲落去會好漿口，但係呢度飲落去好似飲緊甘露咁清甜解渴，但係飲到最尾就有少少苦苦地，因為塊檸檬係入邊冇拎到出嚟，建議飲咗幾啖就拎塊檸檬出嚟😂.CP值及夠飽價錢正常，份量都正常🙂.翻啅如果想食花膠雞湯都會過嚟食佢👍🏽

朋友話呢間花膠雞唔錯，所以同男朋友去試試，果然沒有讓我們失望👍🏻首先一定叫招牌花膠雞米線，花膠有4-5件，又爽又滑，雞亦嫩滑，雞湯非常香濃！胡椒豬肚雞米線，胡椒湯底也好正，食完暖笠笠！小食部份，叫左金磚豆腐。外脆內軟，一口一啖，真係好好味！日式豬軟骨，好濃味，而且好淋👍🏻明太子雞翼，這個我覺得幾特別，亦好好味😋田園蔬菜🥬這個份量比較少另外一提這間小店的服務態度非常好，下次一定會再去😊

冬天就想食湯米線暖身，除左連鎖店可以試下呢間，有招牌椰子雞湯同花膠雞湯，冇落味精係健康之選。🥢藥膳黃酒花膠雞米線：米線鍋用火爐暖住啱冬天食！藥膳味易入口，酒味唔重，適合入門者。雞件唔會粗糙，花膠口感清爽。份量夠二人食。🥢金磚豆腐：脆漿薄身，豆腐嫩滑，十分推介👍🏻。🥢雲耳豬肚絲：麻辣醬涼拌雲耳豬肚絲十分醒胃，加埋炸花生🥜食好香口。味道：🔅🔅🔅新鮮：🔅🔅🔅分量：🔅🔅🔅衛生：🔅🔅🔅速度：🔅🔅🔅（5🔅為滿分）

同事大讚嘅痴膠雞，間中都會買外賣返office食，今次經過一定要試吓🐔招牌花膠雞米線🍜💰$68🥥椰子雞米線🍜💰$60同事話呢2個湯最好味，講到好正咁，呢2碗一望都好吸引，雞湯奶白色，湯底濃郁，椰子嗰碗更加係有濃濃椰子味，超正😍先飲一啖，真係好似老火湯咁正，滋潤唔油好有雞味椰子味雞都係滑雞，好好食，米線質地適中，唔太硬唔太腍，整體真係好好味好滿意，怪不得同事大讚啦不過呢個一定要襯熱食襯熱飲湯，熱好食好飲好多～💰$148/2ppl🚩癡膠雞 (軒尼詩道) (灣仔) 📍灣仔軒尼詩道254號地舖

🎏 港島吃貨系列 — 痴膠雞✨性價比高到癡膠線🤣#90cp銅鑼灣篇 #90cp米線篇➖➖➖➖➖近年香港多咗好多呢啲養生米線舖，呢啲舖頭普遍嘅湯底都非常吸引🤣 今次喺銅鑼灣附近就搵咗呢一間癡膠線嘅米線舖試試佢🍜美味指數 😋: ⭐️⭐️⭐️⭐️環境指數 🏖: ⭐️⭐️⭐️⭐️服務態度 👨🏼‍🍳: ⭐️⭐️⭐️⭐️翻兜指數 💫: ⭐️⭐️⭐️⭐️⭐️(五粒星為滿分💯)🍜 招牌花膠雞米線 $68話明招牌唔使講湯底都非常濃郁，唔算太油膩而且非常足料🤪 花膠至少都有五舊，雞嘅質感都算幼嫩，米線硬度都適中，基本上呢個價錢都冇咩可以挑剔正🤩🍜 椰子雞米線 $60佢嘅湯底好重椰子味🥥 個人口味覺得呢個湯底更加出色🥰🐓 蜜糖無激素雞翼 $34呢個雞翼簡直係不得了😋 一份有五隻，炸得好香口，甜啲蜜糖將甜甜地咁食真係一流🙌🏻🍵 蜜桃烏龍冷泡茶 $10💰Total: $172✅ 晚市來講呢個價錢真係一啲都唔貴🤕 性價比極高，真心癡膠線🤫➖➖➖➖➖📍 癡膠雞 (軒尼詩道) (灣仔)灣仔軒尼詩道254號地舖

雞同雞 呢到賣得最多嘅係雞！🐥米線會附上火鍋爐一併上菜🍲 咁樣可以確保到米線嘅温度🔥🔥 不過食到中間就記得熄左個火啦唔熄啲米線會痴底嫁*❣️招牌花膠雞米線 $68食落一啲油膩感都無 就連油都無點見到舊舊花膠都落重本 唔會太薄嗱！花膠有大量豐富嘅膠原蛋白想食得健康又可以扮靚靚可以揀佢地嘅招牌菜🧚🏻‍♀️*❣️藥膳黃酒花膠雞米線 $68養生之選！養生必叫！🩺當你聞落 食落都有香濃嘅藥膳味有蟲草 木耳 當歸 聽完都已經覺得好保下🙌🏼*❣️金磚豆腐 $32極力推介！即叫即炸！💥同平時嘅食開嘅金磚豆腐會有所出入 因為係用左軟豆腐去製作比起其他嘅金磚豆腐用嘅硬豆腐做法難度更高但佢地又真係可以做到外脆內軟😮同時又保持到軟豆腐嫩滑嘅口感當咬落去有種豆腐花嘅滑lu lu

12月27日，係2021年最凍嘅一日，喺港島行都覺得凍，見到呢間餐廳嘅招牌好得意，望一望原來係食花膠雞肉嘅鍋，就入去食嚟暖暖身！叫咗個一人嘅招牌花膠雞火鍋，都有好多配料可以加！仲要價錢都幾抵！滿滿嘅一煲雞湯！雞湯飲落幾清！雞味濃，好飲！食得花膠雞，最重要當然係花膠！花膠份量都幾多，吸收埋雞嘅味道，好滋潤嘅感覺！雞件份量都好多，雞肉質滑溜，唔會煮到鞋，而且件件都有好多肉！好有誠意！食完啲雞當然要食配料，叫咗牛頸脊，豚肉同炸魚片。每一樣嘅份量都好多，加埋落去吸埋啲雞湯，一流！食得雞湯，點可以唔叫米粉！吸曬啲雞湯精華，一流！埋單先二百有找，抵食到爆，而且冬天食到啲暖粒粒嘅鍋，真係好幸福！

同事話呢間花膠雞質素唔差，所以呢日就過左黎食lunch第一次黎，當然要揀招牌系列黎試啦一向都好中意食媽媽煮既黃酒雞，加上而家凍凍地…咁就一於點一碗“藥膳黃酒花膠雞米線”暖下胃先見到有“黑松露薯條”都好吸引，為食既我最後都忍唔住叫一份黃酒花膠雞米線原窩咁送上黎，好有睇頭入面都有幾多餸㗎，有兩三嚿花膠之餘，仲有五至六舊雞件啲雞就算係雞胸部分都唔算太鞋，味道唔錯～黃酒湯底有藥材嘅味道，但唔算好強，都好易入口不過米線嘅份量就比較少，大食既男士嘅話就可能會覺得唔係好夠另外追嘅黑松露薯條都幾有驚喜～薯條幼炸得香脆非常，沾上松露沙律醬後味道更佳值得一讚嘅係呢度嘅凍奶茶都做得好好，夠濃夠香滑

如果嫌打邊爐太隆重，但又想熱辣辣一下家下都有樣嘢叫火鍋米線，一人份量啱啱好又有儀式感其實椰子雞米線可以揀要爐定唔要爐，大胃當然要食得不平凡啲有個爐焫住碗米線，雖然好熱，但特別滋味湯底非常之濃郁，一覺唔覺意會飲晒佢，雞肉經椰子洗禮，零舍嫩口胃民就唔要爐，所以嗌跟蜜糖雞翼嘅米線雞翼黐黐地甜而香口，送麵不俗湯底都好濃㗎，仲有爆芝竹輪𠻹呀上次喺太子總店食過佢地嘅金磚豆腐，覺得唔錯，所以今次再嗌過，一口一粒好鬼爽跟餐加錢可以飲到冷泡茶，中和吓火氣都好由於胃民唔太火，所以檸檬薏米水都好夠