癡膠雞 (軒尼詩道)

營業中

休息中

今日收工同朋友試吓癡膠雞，餐牌選擇眾多，唔同湯底米線，梗係要試吓啦佢嘅椰子雞湯同埋藥膳雞湯，我哋嗌咗椰子雞湯米線同埋藥膳雞湯米線。特別之處，同坊間其他米線好唔同，一小鍋雞湯米線，能夠保持熱度同溫度，椰子味濃厚，藥膳雞湯充滿當歸味，雞肉嫩滑，最後連湯都飲。小食方面，我哋叫咗燒豬頸肉，配合沙嗲醬，十分惹味，仲有蜜糖雞翼，脆口充滿肉汁。呢間店咪先特別之處在於一路食，個爐一路煲滾小鍋，能夠保持溫度，十分突出。

依家通脹越嚟越嚴重，要出街食到平靚正嘅餐廳都好唔容易… 但近排發掘到呢間係灣仔軒尼詩道頗抵食嘅養生米線！我地2個女仔細食少少，$110已經搞點一餐～.🔺️招牌花膠雞米線 $68 | ⭐️: 4.5/5推薦！個雞湯底好鮮甜，配埋米線食好好味！以為咁平唔會有好多料啦，點知都有3塊花膠+ 8舊雞。雖然雞唔特別嫩滑，但$68蚊嚟講 份量完全夠我地兩個女仔share嚟當dinner食～ 重點係侍應會主動問你需唔需要有個爐熱住啲湯，食到尾道可以保持熱度🔥🔺️金磚豆腐 $32 | ⭐️: 4.2/5外脆內軟，又一個推薦大家嗌嘅小食！外面層椒鹽味好惹味，食吓食吓就就清咗成蝶 ಥ_ಥ 想encore 呀…🔺️白桃烏龍冷泡茶 +$10 | ⭐️: 4.2/5淡淡嘅桃味，無額外添加糖，所以飲落清甜但無負擔！

.📍癡膠雞 📍香港灣仔軒尼詩道254號地舖蜜糖雞翼芝士竹輪麻辣米線(45hkd)雞翼都算大隻，外面裹滿了蜜糖，燙嘴又多汁😍芝士竹輪絕對是我的最愛，爆漿超級正😝小辣會是很輕鬆那種，雞湯底很香很好喝，但不會太咸，不是喝完要狂灌水的那種😂份量也剛好🥰明太子釀雞翼麻辣米線(50hkd) 雞翼裏面有滿滿的明太子，很足料，值得嘉許，無骨雞翼就是讚👍🏻必點必點，這碗點中辣，辣度還好，不會吃到滿頭大汗😂有很香的麻辣味，和雞湯出奇地好夾，下次絕對可以吃大辣😋整體表現中上，Cp值都高，喜歡吃米線的人可以換下口味！#foodiblum港式

＜灣仔快飯之選🤘🏻雞湯米線🥢>_灣仔癡膠雞：-椰子雞米線$60 + 凍檸茶$6 & 胡椒豬肚雞湯米線$60 + 凍檸水$6 _終於到咗星期五喇😭但夜晚仲要開個夜會，拿拿臨落街食個快飯差個靚電，再上返去打仗😒作為一個標準嘅米線控，無論時間幾趕都要搵間正嘢食碗米線🤘🏻今日試吓平時Lunch 排哂隊，Teammate一直想試嘅-癡膠雞😌_入到癡膠雞，已經充滿湯味，今日order 咗椰子🥥鷄米線同胡椒豬肚雞湯米，依度米線上枱好特別，首先速度極快，叫完等左一陣就上枱，上枱果下我同Teammate 呆左係度，大家一齊話我哋冇order 火鍋喎😂原來依度米線喺用小火鍋形式上👍🏻由頭食到落尾個米線都熱辣辣的，溫馨提示記得叫凍飲😝_🥢椰子雞米線：湯頭椰子味好出，雞味濃，似煲左好耐咁，唔重味精味，米線分量可以多啲，因為同個湯好夾，好掛湯👍🏻至於個雞呢？喺貴妃雞嚟，雞肉肉質好滑，唔係老雞，帶有少許咸味，非常夾，有下次～🤓_🥢胡椒豬肚雞湯米線：個湯胡椒味好重，依度廚師好細心將豬肚切到好幼身，好容易咬，個湯同米線都好夾，重口味朋友仔絕對鍾意佢，雞同椰子雞米線一樣的，由於下面有個火，一路熱住，食到尾我哋都

咁啱係灣仔區附近做嘢，灣仔區物價比較高，食物又多熱氣嘢，真係唔知食咩好。係差唔多搭巴士走嘅時候見到呢間癡膠雞，個名幾gag就諗住去試吓啦。入面個裝修唔算豪華，但係個粉筆壁畫又幾有心思。不過去食嘢個嘢食都先係重點。咁我地就叫咗個招牌癡花膠雞濃湯米線同椰子雞米線。個花膠雞湯底好重雞味，啲花膠爽軟得嚟彈牙又唔癡口，啲米線又掛到湯。而個椰子雞米線就好香椰子味，未食已經聞到好香嘅椰子味，個湯亦充滿雞油香。個雞肉亦都好軟滑，咬落去啲雞味爆晒出嚟，非常之吸引，係其他地方好難食到咁高質有油香味又有雞味嘅雞肉！飲品跟餐我地就叫咗個蜜桃烏龍冷泡茶同桂花烏龍冷泡茶，個茶底味好香，回甘味出，但又唔會濃同苦。桂花味亦都非常清香。呢間癡膠雞係灣仔區算係一間比較冇咁heavy嘅選擇！

癡膠雞終於有分店啦！開咗喺灣仔好近我公司地點！環境同太子分一樣都係得20個座位左右，光猛整潔～貴妃雞濃湯米線 $45 好種意食呢個，因為貴妃雞髀肉好滑嫩，而且皮薄，仲好似啫喱咁彈，一口冰涼口感配一口濃湯熱米線，好正啊👍🏻藥膳黄酒花膠雞米線 $68呢個招牌菜都係必點嘅～藥膳湯一定要用鍋熱住飲先好味～藥材味好重，飲完感覺好補好暖身～ 雞肉藥材味好重，好入味～蜜糖雞翼 $34雞翼新鮮炸起好香脆，表面淋滿蜜糖，甜蜜蜜So Yummy!

招牌花膠雞米線 $68｜湯底｜木瓜蕃茄湯，蕃茄濃郁、鹹中帶有瓜的甜味，質感沒有「黏黏結結」，兩者味道和諧，是少數飲得落肚的湯！｜米線｜軟硬度方面，恰到好處，重點是非常入味！Good!｜花膠｜爽滑彈牙，較厚身，不只一兩塊，夠誠意。｜雞｜啖啖雞脾肉，質地似像斬料雞，仍保有彈牙口感，有鮮味。金鏄豆腐 $32豆腐十分幼嫩，又薄又脆的椒鹽外皮。端上來還能聽到👂滋滋聲｝｝😋簡直食唔停口，下次很期待試蜜糖雞翼呢！

最鍾意椰子味🥥又比我搵到湯底好正嘅粉麵店😊灣仔出名多好野食🥰平嘅貴嘅都好食😊呢間係專食雞嘅粉麵店，鋪頭唔算大，但座位幾舒服，店員態度唔錯。椰子雞米線 $60 轉薯粉佢有問我使唔使要個火熱住，我見夏天就唔使，如果天氣凍有個火就一流😊不過佢都用鐵鍋上，好保溫。雖然佢應該係食米線比較出名，但我鍾意食薯粉，轉咗薯粉都好好味😆🥰，好滑溜，好索湯。湯底好重椰奶味，又會透出雞肉嘅鹹香。仲有唔少配菜，例如雲耳同椰子肉🥥蜜桃烏龍冷泡茶 跟餐+$10好大杯好解渴，係平時台式飲品嘅包裝，飲唔哂可以邊行邊飲🥰

一直喜歡雞湯米線，網上有推介這間餐廳，便和友人前來一試。知道招牌是花膠雞湯米線，但我實在太想試胡椒豬肚湯，便點了這個米線！湯底充滿雞味，加上胡椒味十分開胃，辣辣香香，雞竹件數目亦算多，有五、六件，沒有雪藏味，唯豬肚份量就少了一點，只有數塊且切得很細。米線口感彈牙，比起連鎖集團的米線好味，一口湯一口米線實在一絕！友人點了黃酒藥膳雞湯，湯底充滿藥材味，同樣值得一試！

💛黃店推介💛前酒店廚師響港島九龍開設良心雞專門店 -癡膠雞🐔佢哋嘅食物都充滿着一份濃厚嘅人情味🙇🏻‍♀️疫情期間飲食業經營本身已經非常困難面對限聚令 禁堂食 等等嘅措施真係令餐廳百上加斤🥲但呢間良心餐廳多次派口罩、消毒酒精等等嘅物資比街坊學生醫護仲有折 而且餐廳仲會間唔中免費派飯比長者🙈呢啲店舖真係好需要香港人多多支持🙏🏼🔥花膠濃湯雞米線 ($68)米線用爐上 保持住熱度 唔怕放耐左凍哂😍價錢親民 但花膠就好足料 大大舊 滋補又養顏💕黃油雞件肉質超嫩滑 值得一提嘅係湯底每日新鮮熬製足幾小時 味道濃郁 唔油膩又鮮甜碗米線簡直就係吸收晒湯入面嘅精華 🤩金磚豆腐 ($32)炸到金黃色 灑上少量椒鹽粉 令到豆腐更香口惹味🤤一啖一粒 咬落外脆內軟 豆腐口感滑溜 又唔油膩

諗住食碗米線 點知佢咁認真竟然用一個爐上 明火滾下滾下$68 一碗藥膳黃酒花膠雞米線 親民嘅價錢都可以做到咁有心雞湯真係要熱辣辣飲先好飲咁樣用明火熱著 湯底雞味越嚟越濃酒味亦越滾越香 花膠會煮得更加淋驚喜嘅係雞肉依然保持滑溜唔會越煮越嚡口米線分量都多一定夠飽不過就要早啲用潷起啦如果唔係就會越嚟越淋藥膳味亦都好濃沃 特別是川芎雞件大約有五六件件件都有肉食 唔肥雖然食住熱辣辣嘅米線但係餐廳冷氣好夠唔會食到成身汗檸檬薏米水普普通通 唔夠薏米味

📌 癡膠雞📍 灣仔 Wanchai📎 今日經過灣仔嚟到一間食雞嘅小店😋 裏面嘅米線都非常之便宜🙌🏻 每一道餸都超級飽肚🤓 尤其係花膠雞米線!! -招牌花膠雞米線 $68蜜糖雞翼濃湯米線 （木瓜蕃茄湯底）$38 👑 -❥ ❥ 招牌花膠雞米線 小店好貼心咁用一個火鍋黎盛花膠雞米線💕 所以食嘅每一啖都超暖笠笠!! 花膠雞好多, 連雞翼同雞髀肉都有😋 而我最欣賞嘅係米線, 擺咗好耐都唔會淋🙌🏻 保持住彈性🤩 不過略嫌湯底有點鹹, 應該落左太多鹽🙈 ❥ ❥ 蜜糖雞翼濃湯米線 （木瓜蕃茄湯底）呢個蜜糖雞翼超好食,炸得脆卜卜🥰 沾咗好多蜜糖黎食真係好正!!! 上面仲有芝麻點綴😋 而上海麵都非常有咬口 超掛番茄湯底🤓 不過番茄湯底有點甜🙈 無番茄嘅酸酸甜甜味🙈 -▫️味道：4/5▪️賣相：3.8/5▫️環境：3.8/5▪️價錢：4.8/5▫️服務：4.8/5▪️Overall：🌕🌕🌕🌕-🔍#CY灣仔 #CY米線 #CY花膠雞

呢日同朋友去灣仔體驗空中瑜伽，難得過海，早少少去港島搵吓好嘢食先 ☺️搭地鐵期間，上網睇吓上堂附近嘅餐廳呢間個名即時吸引到我～ 《癡膠雞》見到呢間餐廳有花膠雞米線、椰子雞米線、藥膳黃酒花膠雞米線、胡椒豬肚雞米線…… 全部湯底都好吸引呢😍～上堂前唔敢食太飽，同朋友兩個人叫咗一碗米線share，同埋跟餐叫多杯”薏米檸檬水”🔸招牌花膠雞米線原本以為係一碗碗嘅米線，上菜嘅時候先知道原來係一鍋米線，仲連埋小火爐一齊上㗎！🔥花膠嘅份量比我想像嘅多，有幾塊，而且size都唔細喎！雞件肉質有口感得嚟又唔’鞋‘，有雞味，少脂肪米線軟滑雞湯清甜，同米線非常夾個爐一邊食一邊暖住，熱辣辣咁食，非常滋味！啲湯好味到一滴都無得留低😋鍾意餐廳提供一個碗用嚟揼骨頭，安排好細心，食得好企理 🔸 薏米檸檬水落足薏米，再加片檸檬🍋唔會太甜，食完熱辣辣嘅米線，再飲返涼涼地嘅薏米檸檬水，盡收祛濕清熱之效！💪🏼👍🏻我同朋友未食完已經講緊下次幾時再嚟試佢其他口味嘅《癡膠線系列》喇！😂😂🤣

真係無諗過食米線都可以咁招積用花膠同雞湯做餸🫶🏻招牌既痴膠雞鍋仲隨火鍋送上,可以飲到熱辣辣既湯之餘仲可以繼續加湯打邊爐,追加配料由雞件,肥牛,白菜仔到米線都有,有超過20款選擇,已經決定左下次黎要試下!係要唱反調既我入到去當然唔會剩係叫招牌菜啦,試埋口水雞撈紅薯粉同金磚豆腐紅薯粉係幼身的, 面可以掛汁但又唔會糊晒口水雞同痴膠雞裡面既一樣咁白滑🥰雖然口水汁咁重口味但仍然食得出有雞味，唔簡單呀！金磚豆腐係bite size, 外脆內滑😋推介！另外野飲方面叫左白桃冷泡茶,黎到好實派,size仲大過預想圖.無甜味但有茶香

@癡膠雞 平野都有好野！超正雞湯米線😊座位寬敞坐得幾舒服，張凳仲要幾可愛😂😂除左招牌的雞米線，其實都有豬軟骨飯，魚片，一人火鍋的選擇~其實超多野食！就算食邊爐都係一百蚊樓下 👍招牌花膠雞米線 🤏$68連住爐上的雞湯持續加熱住~甘就唔擔心食到最尾D湯會凍左。🤣煮到奶白色的雞湯內有米線、有厚身的大舊花膠、雞肉分量多,而肉質食落去好嫩滑。食到尾聲店員都超級親切主動行過黎幫我地熄火😆貴妃鷄濃湯米綫（轉木瓜番茄湯底）😍$45🤭雖然明知鋪頭主打雞湯，但實在太中意番茄&超級好奇番茄🥫+木瓜的湯底會係咩味~！而都無失望！好甜，好味~🫣一上台發現湯底超濃鬱、而飲落去超級鮮甜，比起平時普通的番茄湯底更加甜，應該係因爲加了木瓜的緣故🤣原本以為個湯除了米線咩都無，但入面中有番茄塊、好多木耳絲同埋腐皮，食落都幾豐富！貴妃雞盤裝另上，表面撒上白芝麻和芫茜~雞肉緊實都無咩骨。都係45蚊，抵食過好多米線舖頭！平平地食個飯好選擇，四五十蚊已經飽肚又好味~好推薦大家workdayLUNCH OR月尾食！平得來又有質素，推薦~！📍癡膠雞- 灣仔軒尼詩道254號地舖