癡膠雞 (軒尼詩道)

營業中

休息中

痴膠雞嘅花膠雞米線，唔知大家有冇試過呢？平時我多數會去太子嘅分店食，今次第一次試下灣仔分店🥰由於lunch 有少少趕嘅關係，冇簡到用爐慶住甘上個米線，個米線黎到唔係好熱，只係有少許暖，感覺上差甘d咁。味道同雞嘅滑度都保持一樣水準，個湯都夠濃，花膠都唔係d 車仔麵果種，但米線份量唔多，女仔一個人食都可能唔係好夠飽，如果男仔食應該仲唔飽，份量可以再加多少少，我個人意見，畢竟都成70蚊一碗😏我下次都會再試反太子果間，搬左之後都未去過😛

✨椰子雞米線 $60呢一碗米線嘅精髓就係碗湯！湯底係好濃郁嘅椰子雞湯🤩 椰子味好濃，飲落好清甜，覺得滋潤，完全唔油膩仲好開胃添😋米線入面仲有雞肉、雲耳、蔥花同蟲草。食材都好健康，絕對係養生同健康之選😆✨招牌花膠雞米線 $68呢碗湯底係清雞湯，雞湯濃郁，飲落好鮮甜，帶有濃濃嘅雞味😚～ 但飲落又唔會口渴，入面有雞肉、花膠同蔥花！不過個人黎講會鍾意椰子雞湯更多，因為椰子嘅香味真係好突出好正😍 呢碗嘅雞肉好嫩滑，花膠都有5.6舊😆呢個價錢食到花膠真係好抵呀！👍🏻

上網睇到介紹，講到好吸引，而且見openrice好多笑臉，於是搵左個星期六下午3點半左右去試，午餐都無食。下午茶時間都幾多人，接連有客入黎堂食。叫左碗招牌花膠雞湯米線同埋金磚豆腐。本身以為米線連火爐上，點知無，但走時又見隔離枱有，唔知點解呢🤔不過黎嘅時候都好夠熱，湯頭米白色，似好濃郁，飲一啖….無乜味，再飲都係淡淡地，而且個湯好稀，無乜膠質，碗入面有2塊硬硬地薄薄地啡啡地嘅花膠，米線就好滑身，雞亦都好多，係脾位，但雞無味，係好雪藏嘅雪藏雞。反而金磚豆腐夠晒熱同好滑。舖仔好細，枱好逼，午巿我就唔介紹大家去吃啦

收工之後想喺附近食個快餐，突然諗起「癡膠雞」，呢間鋪頭之前喺中午時段已經幫襯過幾次，次次都超級多人；今次揀喺傍晚時份去食，點知一樣咁多人，證明左呢間米線鋪真係幾受歡迎~先講鋪名，癡膠雞令人聯想到一句廣東粗俗鬧人說話「痴膠線」，而呢間鋪頭偏偏又係以米線為主打，店面都改得生鬼過人，又易記，淨係呢一點已經贏在起跑線上！再講味道，基本上我每次嚟到都係食雞肉米線，有時沙薑雞，有時就口水雞咁，佢會將米線同切雞分開，賣相同味道都相當唔錯；而我今次就試下佢嘅咸菜雞肉麻辣湯米線，因為係雞絲嘅關係，佢今次就一碗過咁上。味道方面，湯底依舊出色，麻辣味出得嚟又唔會遮到咸菜同雞肉嘅味道，非常鮮美；份量方面亦頗多，基本上一定夠飽！米線盛惠$38，而呢間餐廳仲有一個地方值得欣賞，就係熱飲只係加$4，唔會好似外面啲食店咁：加成十元八塊，賺到盡......最後，我懷住滿足嘅心情、捧住大肚皮咁行出鋪頭，喺灣仔呢個地段，$42食到高質米線晚餐(仲有野飲)，真係「痴膠線」架！

喺灣仔有一間極具人氣嘅養生花膠雞湯米線店，講緊嘅就係癡膠雞。佢哋嘅招牌花膠雞系列會有埋個爐跟配，可以令米線保持熱度。而我哋呢次叫咗佢哋嘅椰子雞米線同埋胡椒豬肚雞米線。佢哋個湯頭真係好鮮甜，完全無味精，用咗鯊魚骨、豬骨、雞肉等材料長時間熬製。所以見到湯頭呈完美嘅奶白色。椰子雞呢款都係花膠雞底，但佢仲會喺湯入面加埋新鮮嘅椰子片，所以湯頭會較其他嘅多咗一份椰子獨有嘅清香，亦帶有椰子嘅清甜。雞肉會用上優質嘅三黃雞，雞味濃郁，肥瘦均勻，而雞肉嫩滑，用嚟配米線就啱唒。而胡椒豬肚雞米線就喺原先嘅花膠雞湯底加上惹味嘅胡椒，而配料仲加上口感爽脆嘅豬肚絲，令口感變得更豐富。金磚豆腐 呢個喺人氣小食，我見好多人都推介，果真係好正，佢份量都幾多，即叫即炸夠唒熱辣辣，做到外脆內軟，炸衣夠唒薄身，唔會太油膩，而調味亦恰到好處，真係名不虛傳。

頂級的服務態度呀！老闆及所有員工都非常禮貌，態度友善。 令人有賓至如歸的感覺。基本上我們要求什麼，他們都滿足了我們所有要求。 完全令我們慶祝生日的一整晚非常盡興。沒想到在平民的食店竟然有五星級的服務。至於食物方面，湯底香濃，時常為我們加湯 又為我們換 gas。有許多蔬菜的選擇。 蔬菜配藥膳湯底超好食。價錢又合理，好抵食。離開後他們更追出來跟我們說生日快樂，好nice, 好 warm。整體的體驗滿分！會再去，同介紹給親友好友來吃。

跟住米紙去灣仔掃街😚早幾日米紙YouTube Channel出咗新片🤓有介紹呢一間食花膠雞湯嘅米線小店😇呢日係附近做完Facial就過左去食啦😌招牌花膠雞米線✨根據訪問片段老闆話～佢地每朝早六點返店舖開始煲個湯底😛材料係用左三十幾斤雞肉、湯骨同筒骨去熬製👀我一飲啖湯話嘩出聲😆超濃郁嘅雞湯啊😍好順滑～唔油膩！飲晒成碗都唔口渴😎有味精敏感嘅我可以證實～呢個湯完全無落味精🥰花膠有三舊仔😜花膠炆得夠林😋估唔到$68呢個價錢會食到呢個質素嘅花膠🤩至於啲雞係雞髀位黎嘅🍗雞肉好夠嫩滑🐥雞皮仲好爽彈添😝米線唔會煮到林啤啤🤗仲好有咬口架❤️明太子釀雞翼✨對比碗米線🍜雖然呢隻釀雞翼$20一隻有少少貴😚但我覺得都好值得叫黎食架😇一上枱已經勁香🤤 一咬啖雞翼已經滴左啲肉汁出黎💕入邊釀左好多明太子🤓味道有輕微辣！好惹味呀喂😋雞翼尖位都炸到好香脆🤩 桂花烏龍冷泡茶✨跟餐$10一杯冷泡茶🍵見咁抵飲無諗過就嗌咗啦🤪桂花味都幾香濃☺️烏龍茶有回甘🥰天氣咁熱飲到呢杯咁冰凍嘅冷泡茶的確好爽😄P.S. 門口貼住星期日休息～大家唔好摸門釘呀🤓癡膠雞 (軒尼詩道) (灣仔)灣仔軒尼詩道254號地舖

呢間灣仔嘅癡膠雞都算小有名氣，之前都已經耳聞過佢嘅好評。身為一個米線癡點可以唔試下！藥膳黃酒花膠雞米線（$68）藥膳嘅味道好濃郁，飲曬啲湯真係會有種養生嘅滿足感。米線口感彈牙，唔太淋有嚼勁，絕對係水準之上。而且啲雞都好嫩滑香口，好對得住間舖嘅名！黑松露醬薯條（$25）薯條非常香脆，上碟嘅時候熱辣辣，好滿足。加埋啲惹味嘅黑松露醬，即刻拉高咗兜薯條嘅格調。凍咖啡（+$6）不過不失，甜度適中，份量都比得大方，唔會有種飲冰水嘅感覺。唔錯。

呢度嘅養生雞湯米線真係好正 好抵食🍜揀咗椰子花膠雞米線✨雞湯加咗椰子 味道好清甜🥥雞肉係用咗雞髀肉 口感超級肥美嫩滑🍗配料仲有啲木耳同椰子片 好健康養生 又好食😋

迷你招牌 $48湯底真心無得頂👍鮮甜，又清又香而且加上富骨膠原、蛋白質豐富嘅冰島鱈魚膠，爽滑😋濃郁惹味嘅花膠雞湯底搭配米線，滋潤鮮甜🤟蜜糖雞翼濃湯米線 $38街外整嘅雞翼，原本無抱太大期望，反而味道都係差唔多……點知，唔食唔知，滿滿嘅驚喜❗先唔講肉質鮮嫩，而且配上佢地秘製嘅醬汁一起食，簡直一流！如果可以，我想醬撈飯食🌝*朋友嗌左杯熱柚子蜜，根據佢本人話，無咩驚喜！但反而覺得我嗌嘅凍咖啡☕超正👍

小店濃湯靚炸物。好食癡膠…….雞🐣見到佢有咁豪氣既米線又夠晒補梗係要試下啦😆睇真啲佢連火鍋都有呀😮第日凍啲可以再黎試下👍🏻佢嘅雞湯好夠龍，又有大大件花膠，雞有雞味🤣，又要夠滑。我飲晒啲湯都唔會口乾😍而佢嘅炸物非常出色，食得出係即叫即炸熱辣辣吹卜卜。粟米又夠甜。仲叫多咗杯咸檸梳打，酸酸甜甜，非常好味😋總括而言，呢一餐所有嘢都好出色，物超所值❗️推薦度（10👍🏻滿）：8.5👍🏻滴汗度（10😅滿）：不適用衞生（10⭐️滿）：8⭐️環境（10⭐️滿）：7⭐️賣相（10⭐️滿）：8⭐️味道（10⭐️滿）：9⭐️價錢（10⭐️滿）：9⭐️服務（10⭐️滿）：8⭐️地點（10⭐️滿）：7⭐️［癡膠雞 (軒尼詩道) (灣仔)］地址：灣仔軒尼詩道254號地舖#晚餐 #晚餐吃什麼 #晚餐時間 #食飯 #推介 #美食 #美食推薦 #美食日記 #dinner #dinnerideas #dinnerrecipes #dinnertime #dinnertonight #hkfoodpic #delicious #foodpics #foodies #topcitybiteshk #foodblog #hkblogger #foodhk #

⋰癡膠雞；滋補養生！食雞也瘋狂？⋰位於灣仔嘅癡膠雞開宗明義係間主打食雞嘅餐廳，嘢食絕大部分都同佢有關，超多款米線揀，湯底大部分都係養生健康的！𖦹 招牌花膠雞米線 $68湯底鮮甜，雞同花膠味濃郁，配上滑溜嘅米線，不錯，花膠都有好大件。𖦹 椰子雞米線 $60 比起花膠我更鐘意呢個，椰子嘅清香令湯頭提升至另一層次，啲雞又唔知點解我呢碗靚仔咁多，仲有脆脆嘅椰子片、蟲草花同雲耳呢。▻ 味道：★ ★ ★ ★ ☆▻ 服務：★ ★ ★ ★ ☆▻ 打卡：★ ★ ★ ★ ☆▻ CP值：★ ★ ★ ★ ☆▻ 回頭：★ ★ ★ ★ ★ ▻ $：70 pp 

尋日放工個人有d攰 想係街食完才回家第一次隨意找到痴膠雞 貪佢夠健康 就入去試下嚕～入到去18:00人不是太多，座位坐得好舒服，我一個人坐四人卡位。睇一睇餐牌，我想試下椰子雞米線。椰子雞米線到laaa🐔呢個米線我揀用熱爐上，keep住熱辣辣，好開心。呢個椰子雞超好味，特別係湯底。佢係奶白色，好有椰香味，重點佢湯係咸嘅，不是甜湯來的，好岩我口味。雞係雞脾肉黎，都有5_6件，好滑，雞皮都好有油香。食食下想加個時蔬，係花膠湯浸白菜仔。花膠湯好有濃花膠味，好飲呢一餐埋單80元，竟然免加一，一個晚餐真係很不錯，值得推介俾大家#痴膠雞 #hkigfood #灣仔美食 #米線 #相機食先 #hkfoodblogger #hkfoodie

去到月中係時候慳下錢 又係時候出動搵下啲抵食嘅嘢搵到灣仔呢間癡膠雞 應該就係食雞出名嘅啦入到舖頭店員好熱情咁幫我哋安排位置仲叫我哋坐卡位會涼爽啲好貼心 餐廳環境都幾乾淨舒服店員會企喺旁邊推介店舖嘅招牌食物叫咗個 ‘招牌花膠雞米線’ -$68同埋 ‘藥膳黃酒花膠雞米線’ - $68店員會主動問我哋需唔需要用個爐暖住啲米線有個咁新穎嘅食法當然要試吓食物好快就上咗枱 速度非常快唔駛等好耐 ‘招牌花膠雞米線’米線熱辣辣咁上枱 啖湯都好甜花膠有三舊 雞肉都好多 好嫩滑‘藥膳黃酒花膠雞米線’湯底藥材味好充足 花膠少啲啲啲雞肉份量都唔少 都係好嫩滑好養生食到中段 我哋自己叫咗店員幫我哋熄火因為已經夠晒熱 一人一碗米線已經夠飽啦下次再嚟想 試吓啲小食同埋火鍋

本身約左friend食晚餐然後被佢放飛機，所以一個人去左呢間食。開心係高質小店嚟🥳本身見到隔離有爐，以為係因為佢地幾個人打邊爐，點知我一人份嚟到都有爐😯少驚喜🤩🌟一人份嘅招牌花膠雞 (5分滿分，推薦指數:🌕🌕🌕🌕) (另外加左米線& 台灣貢丸)一嚟到梗係飲啖湯先，超濃郁嘅雞湯！留意返會越煲越濃！而雞方面大約有5-6舊，係雞腿肉嚟，所以肉質係滑嘅😆再加埋米線同貢丸，一個人真係飽到肚突🤰🏻另外一路有爐加熱真係幾過癮，第一次覺得食米線都可以咁開心😂總括嚟講，佢水準係超出我預期，係有誠意嘅雞湯米線。會令我想下次帶埋frd嚟試埋椰子雞湯底，同埋其他小食😯