癡膠雞 (軒尼詩道)

營業中

休息中

又是一年一度的寵物展，經過灣仔就試試朋友介紹既哩間花膠雞湯米線招牌花膠雞系列係原煲送上（咁樣幾貼心）花膠湯凍左好易凝固，熱住吃，吃到最後湯底仲係熱辣辣招牌花膠雞系列中的湯底選擇都幾多，今次試左椰子雞湯和胡椒豬肚雞，椰子雞湯較清香，仲有淡淡奶香味中意清淡口味可以試試哩款，而我較中意胡椒豬肚雞，湯底味道好濃，忍唔住一啖接一啖食(湯底可揀麵/米線）推薦揀麵（口感好好，好襯哩個湯底，可以索哂d湯）最後叫左個小食─金磚豆腐，炸得又香又脆，而且價錢實在很抵食！

癡膠線的我每次經過看到它的招牌都感到莫名親切，擇下立春當天前往一試小店環境挺有趣，牆身有手繪畫，燈光充足，感覺光猛裝潢簡潔乾淨，座位間不狹窄，卡座尚算舒服招牌花膠雞湯米線可轉薯粉等主食，原鍋連爐火上枱，單看賣相已覺有誠意沙薑雞濃湯米線可追加竹笙等配料，雞分開另上，有芝麻及香蔥調味小食金磚豆腐呈金黃色，炸得香脆，豆腐亦夠滑口水雞雞肉嫩滑，醬汁味道層次豐富，辣中帶香、香中帶麻檸檬薏米水可走檸檬，清熱利尿，能改善水腫和排毒凍奶茶夠滑，茶味亦夠

食過返尋味，今次已經係第二次來。因為上次食過好好味，我又嗌咗同上次一樣嘅招牌花膠雞米線！個湯鮮甜濃郁，暖笠笠冬天食一流上次見到對面枱嗌個金磚豆腐好正咁，所以今次都嗌。果然味如其相，外面脆卜卜，入面好滑，下次再去一定會再食！另外再叫咗個椒鹽粟米，都唔錯嘅。不過下次可以再試下其他。因為係平日食lunch時間，同埋鋪位都細，所以都等咗三個字有多先入到去。落咗單又等咗3、4個未先有得食😮‍💨睇來下次返工想食都係叫外賣算。

係門口位嘟安心出行個陣已經聞到好香既藥膳味 已經好想食🤤所以唔洗點諗 就揀左藥膳黃酒花膠雞米線 我地一行3人 全部揀同一款米線🤭🤭🤭 但3個都係唔同部位既雞 我既係雞胸 朋友既分別係雞髀同雞背 雞胸鞋口些少 不過雞胸⋯ok啦🤣 朋友既雞髀就好滑口 湯底方面 藥膳味濃郁 冇乜酒味 成碗湯差唔多飲哂 好補既感覺😆 不過食到後尾 湯有少少苦味 但整體好味😋另外叫左金磚豆腐 有驚喜 夾起唔會散 但入口超軟 入口即化💯 但椒鹽粟米就只係普通粟米 冇乜味 靠面頭既椒鹽調味 但其實夾起粟米個陣已經跌哂落尼

今日想去食米線 就揀咗呢間食花膠雞藥膳湯出名嘅米線鋪我哋要咗藥膳黃酒花膠雞米線 👉🏻藥膳味幾濃 好似阿媽煲嘅老火湯咁🤭 一路食米線一路飲 去到尾個湯都幾乎飲晒咁滯另外本身要左黑松露醬薯條，但店家就話賣晒 結果我哋轉左椒鹽粟米🌽 不過粟米麻麻哋 就咁拎去咋冇乜味 好普通另外叫咗金磚豆腐，豆腐好滑好滑好滑！重要嘅事情係要講三次😂😂😂😂😂 個豆腐滑到接近一夾就爛🤭 我好想問吓舖頭佢喺邊度攞貨😂 仲滑過平時食嘅百福豆腐🤔整體嚟計呢個價錢都唔錯👍🏻

平時一到中午就勁長龍難得今日可以早D食lunch就走去呢度食我想食好耐嘅 花膠米線叫左個藥膳黃酒花膠雞米線仲專登加$15 加竹笙我本身對黃酒雞係好有期望但係佢個湯完全唔係黃酒雞o個種濃郁香味完全唔係o個回事藥材味就有嘅但係主要係聞落好香藥材味食落就冇乜味蟲草花就得幾條零碎雞係夠滑嘅As expected 整體來講我覺得冇人地講得咁好唔係吾好食 只係十分普通如果要排好耐先食到就更加唔值得價錢方面我加左竹笙，加左熱飲埋單$87

搭巴士時常經過，終於入去試個下午茶$48花膠雞米線跟一杯飲品。個花膠雞米線，一試難忘。雞有雞味，肉質不錯，問哥哥仔，原來是用了三黃雞。湯底唔會好咸，好好味。花膠有2小塊，硬硬的。雖然是小店，質素很高。

19:05叫野食本身坐張喺路中心嘅枱，見到有卡位啱啱空咗，就問職員一可唔可以調枱，佢話可以。點知調左，職員二話落左單唔可以調枱，因為會搞亂order, 所以要我地番去原本張枱。我地話職員一話可以，佢就話職員一搞錯咗。咁我地就番去原本張枱。19:15其中一碟海南雞飯到。賣相好一般，個飯本身係咁，我地無搞過。味道都一般。雞比較少，飯就好多。19:20明太子雞翼濃湯米線仲未到。吹咗一次。職員二無端端上左嘢飲俾我地，但我地無叫野飲。原來佢送錯左。我地無調枱佢都送錯，唔怪得唔俾我地調😅😅19:25淨係上米線，話雞翼未整好。19:32 雞翼終於到。「濃湯」一d都唔濃，而且明太子雞翼無明太子味。職員一無端端送左碗淨米線俾後面枱就走咗。過咗5分鐘，再送野食俾同一張枱。個枱嘅客問：「點解有碗米線嘅？」職員一都好驚訝問番同一條問題，跟住拎走咗碗米線😅😅😅總括，其實間店唔係好多人，但d職員好亂，同對食物好失望。

呢間店主打雞湯米線，今次唔係第一次黎食！提提大家，可同店員講想要爐！有個爐熱住啲湯米線！會好食好多，暖笠笠除左米線，仲可以揀上海麵。1. 花膠雞煲翅（淨湯）無左米線、個花膠雞湯更濃更香！如果唔想食麵，淨湯都好飽肚，不過餸比較少⋯2. 薯條配黑松露醬鮮炸薯條，配黑松露醬，都只係$25，一邊食麵，同時可以滿足為食嘅慾望3. 花膠雞湯米線好多雞！雞湯好香好濃～加左爐，個湯麵會熱住咁食，個雞湯香到撲鼻，食到咁上下先熄火

繼上次試完椰子雞湯米線和花膠雞湯米線後，實在回味無窮，想試埋其他味道的湯底。今次去灣仔的分店，試了平日我最喜歡的蕃茄木瓜湯底。❇招牌花膠雞湯米線🍜(轉蕃茄木瓜湯底）️🌀材料足，有滑雞、四至五篇花膠、幾片鮮蕃茄，但湯底味道令人失望，只有鹹味，感覺是用蕃茄醬調出來的湯，完全沒有蕃茄和木瓜味，而蕃茄就像臨尾加上去裝飾，非常失色🥲 還是椰子雞湯米線和招牌花膠雞湯米線比較好食。另外，今次沒有以火鍋形式上菜，於是問店員，他表示可以個別要求的，因有客人反映以爐上菜太熱了！❇️明太子釀雞翼🌀雞翼太乾身了，咬開也沒有甚麼肉汁👎

一路都有朋友介紹呢間餐廳🤣終於今日有機會去試下 坐坐下仲要排隊鋪頭唔算大 但係都坐得唔迫茶餐廳裝修同乾淨既情度兩個人叫左椒鹽粟米同一個半隻雞花膠雞火粟米炸得出色 唔會過火雞湯火鍋一路食一路飲🤩🤩🤩濃郁既雞湯 配豆腐同竹生都一流🥰🥰🥰雖然雞件普通 不過咁既價錢仲想點🤔🤔🤔飲品略普通 同埋樓面得兩個人做到佢地隻野咁 不過小店都盡量體諒🙏🏻🙏🏻🙏🏻已經計劃左下星期再去飲雞湯 正😝😝😝

椰子雞米線 $60椰子湯底鮮甜🥥椰子味唔係好濃好濃個隻 但一定飲得出 以湯底黎講算岩岩好米線未到煮到好彈牙 但至少唔會淋哂🥸雞好食😋食得出新鮮 未到好嫩滑 但箍緊牙嘅我食都絕對ok冇問題藥膳黃酒花膠雞米粉 68酒味唔算好濃 淡淡藥膳香酒香 做麵嘅湯底黎講係夠味嘅😗但如果係重口味人士 可能會有啲失望不過米粉份量超多 食慢小小都索哂啲湯底🤣金磗豆腐 $32朋友見我咬唔到啲粟米咁慘豬 另外幫我嗌左呢個豆腐 超香脆🤤🤤唔油膩 椒鹽口味好香口 呢個小食係每人嗌完一碗麵都要嗌！椒鹽粟米 $32同樣椒鹽味好香濃 粟米唔會炸到乾哂 好可惜箍牙比力唔到咬🥲🥲不過都堅持食左2舊 證明幾好食！！蜜桃烏龍冷泡茶 跟餐+$10蜜桃味唔算濃 不過當野飲解下膩絕對唔錯羅漢果胎菊茶 跟餐+$18羅漢果味唔會好甘 但都算濃 最重要係少甜🤤清熱黎講一流

明太子雞翼米線 木瓜蕃茄湯底外賣有分湯，米線咬落彈牙， 軟硬度適中 。 可惜個湯差減啲。個湯有啲似用番茄醬開出嚟咁， 完全見唔到有木瓜或者番茄殘渣 ，飲落亦冇木瓜同埋鮮番茄味。 用隻金撈一撈個湯底裏面只有少許腐皮同埋木耳絲 ，之後就連牙菜 ，韭菜之類嘅配菜都冇， 有少少單調。 作為主角嘅釀雞翼得兩隻，有些少炸過頭，連內裡都被炸至乾身，冇乜肉汁可言。 外賣自取45蚊碗， 如果食開譚仔又想食試下其他口味嘅米線可以不妨試下呢間。

今日放工黎到灣仔，今晚想食一啲中式粉麵，灣仔區新麵店舖林立，好多都已經食過， 所以今次決定試吓呢家舖頭名稱好獨特餐廳。呢度嘅招牌係花膠雞湯米線，我地就試吓呢度嘅招牌，湯頭味道濃郁，米線非常吸味，口感彈牙非常有咬口。花膠都好入味，令到成碗米線口感味道更加多完。見到餐廳都有打邊爐嘅餐牌，價錢亦非常貼地公道，好抵食。如果我今日唔係胃口唔太好，我都一定會叫黎試試，整體而言餐廳無論食物質數，服務態度同價錢都好好，下次會再幫親。

兩個米線都係用左個鍋裝，幾特別🤣🤣花膠會比足，椰子雞湯好好飲，金磚豆腐好脆，新鮮炸起！好食！值得再黎食，最緊要係好抵食！！見到有打邊爐，如果用比個湯底打邊爐都幾滋味🥰🥰