癡膠雞 (荔枝角道)

營業中

休息中

癡膠雞位於太子荔枝角道78號勝興樓地下係太子站出口，行幾分鐘鄰近大南街招牌花膠雞 配上海麵 $68鎮店之寶收柯打逐碗煮足料有4至5塊花膠餐廳特選三黃雞肉質嫩滑雞味濃最重要係湯底以雞肉、豬骨，以及鯊魚煲制上檯時用火烘住保持溫度，令湯底越煲越美味粉麵同湯分開食時先落咁就唔會索晒d湯可以慢慢飲朋友喜歡食水煮魚水煮魚配米粉$68辣度係微辣有辣椒，花椒經典配搭芽菜同爽口木耳，青瓜做配搭魚肉無骨刺，滑嘟嘟每片都大塊金磚豆腐$32必叫七味粉令豆腐更香滑豆腐一口一大小炸到熱辣辣

《癡膠雞》太子店對於又喜歡雞又喜歡米線的我當然不能錯過這家雞湯米線專門店星期六光顧 小店完全坐滿～招牌癡花膠雞濃湯米線 $68🍜以小窩上枱 自行放湯加熱米線有四塊花膠 加熱後雞肉仍件件嫩滑 而且是雞髀肉呢 加分！湯超級多 雞湯香濃又帶有骨膠原黏黏的口感  飲了大量湯lol而且米線份量亦很多 果然是招牌 這個價錢性價比超高👍🏻麻藥蛋$28 🥚 這道冷盤太好吃了！五星評級！半熟蛋黃香濃 蛋有有麻油和味醂的濃沃香氣一個人都可輕易ko 如果我住附近 一定會經常光顧lol

暖笠笠人氣花膠雞湯米線✨癡膠雞 我諗好多人都識 尤其是太子店 星期六/日要排隊係基本款 所以我就揀平日嚟食😆ꕥ 招牌癡花膠雞濃湯米線見到係招牌 當然要叫嚟試下🥢雞湯底好濃郁 唔會好油膩 花膠都有好多件 雖然薄薄地但口感實在👍🏻雞真心無得頂 肉質嫩滑 配濃雞湯味道特別突出🐔ꕥ 椰子雞米線呢個湯底比雞湯清澈 呷落有淡淡椰子香🥥雞係雞胸位置 啖啖肉 而米線質感都係比較滑身嗰種🍜以上兩款都係用小火鍋形式上枱 一路有火㷫住 所以食到尾都係熱嘅 米線都係另上 咁就可以自己控制 唔洗怕食得慢就稔晒 叫濃湯米線仲可以用跟餐價加配飲品ꕥ 蜜糖雞翼ꕥ本來無特別期望 點知都有驚喜✨雞翼都幾大隻即叫即炸 所以上枱時係熱辣辣 外層金黃脆身 入面仲有肉汁 唔會乾柴 蜜糖味啱啱好🍯

餐廳:癡膠雞地址:太子荔枝角道78至84號勝興樓地下D號舖每日返工好忙，難得平日下午有時間和朋友一齊午餐。我哋決定去太子荔枝角道「癡膠雞」，食返個滋補養顏花膠雞米線。餐廳門口已見有人排隊，幸好等候時間不算太久。✨羊肚菌花膠雞米線 $82湯底係用雞殼、雞肉熬製而成，羊肚菌可以增強免疫力，花膠爽滑，雞件都有5-6件，米線吸收咗湯汁更好食。✨姬松茸竹笙花膠雞米線 $78湯底清甜，飲得出沒有味精，姬松茸、竹笙都可以降低膽固醇和血壓，多食也不怕肥。花膠養顏，雞件肉質嫩滑，而且係一人一鍋形式上菜，可以保持溫度，慢慢食都唔會凍👍👍👍✨柚子梳打 (跟餐+$12)柚子梳打酸酸甜甜，味道清新，好飲。✨薏米檸檬水 (跟餐+18)薏米檸檬水可以清熱解毒，美顏，啱曬想瘦身嘅女士飲用。

餐廳位於係太子站附近，交通好方便，好容易搵到。成日經過見到好多人排隊食，所以特登黎試試佢！無失望！同人地所講一樣，好真材實料！份量好足，好大碗，好夠飽，重點係唔貴！人均60-80。每一鍋米線都有熱爐灶興住食，簡直係新鮮熱辣，好正😋必試‼️招牌椰子雞濃湯米線湯底椰子雞味好濃郁，雞好足份量好多肉而且雞非常入味，搭配鮮嫩雞肉和彈牙米線，碗湯又熱辣辣，食落好好味👍🏻新品｜羊肚菌花膠雞米線米線湯配料豐富足料，有羊肚菌和花膠雲耳，湯底比椰子雞清淡，但都唔差，清清甜甜融合左羊肚菌和花膠的鮮味，雞肉都係好多好嫩滑。炭燒雞肉串上菜出晒煙，新鮮熱辣，串燒有炭燒味雞肉烤得剛剛好，外酥內嫩，唔錯！

天寒地凍，有乜好過食一鍋有火㷫住熱辣辣嘅米線？湯頭鮮美，雞湯濃甜😋，再帶有羊肚菌味道獨特，飲落暖胃，終於可以除低件褸。其他配料也給得慷慨，如雲耳，蟲草花都頗多，竹笙爽脆，反而花膠冇乜印象，雞肉算滑（必須早點撈起），米線略嫌腍身，而同事就覺得米線量少。睇返條片，原來當日係19度，但係唔知點解我嗰日覺得好凍，第二日仲跌到得返12度，或者同香港人嘅心情一樣，如在冰窖🥶。唯有食碗熱騰騰嘅米線，應該會療癒一點。

聽講呢間係人氣花膠雞湯米線，今次午餐12點就嚟到，好彩仲係冇乜人，店舖內座位不多。有期間限定餐牌當然要試吓menu主要都係花膠雞湯米線，仲有口水雞、沙薑雞、人參雞、胡椒豬肚雞、酸菜魚、水煮魚、蕃茄肥牛咁。熱鍋形式期間限定嘅姬松茸竹笙花膠雞米線，$78聽落都好補咁都幾多料，煲住食真係好食好多，啲湯超濃味，普通花膠雞濃湯就超濃雞味，呢個就超香菇味，好濃，配米線好食，最後湯都飲到一滴不留，啲雞都好滑同好入味金磚豆腐 $42炸得好脆，外脆內滑蜜糖雞翼 $42面頭淋咗蜜糖，估唔到都超脆，脆卜卜而且好香嘅雞翼，而且雞翼都幾大隻

寒冷的天氣下最適合食熱辣辣的食物。週末下午接近兩點來到痴膠雞還需要等位，這個天氣下大家也想吃熱騰騰的食物暖暖身。招牌痴雞濃湯米線($68)很快就送上，基本上整間鋪頭的客人都是點這款最招牌的。店員給了一碗淨米線還有一個底下燃點了的鍋，也需要等一段時間鍋裡的湯品才會滾。雞湯味道味濃，配著米線感覺舒服，不過有一大問題就是表面的雞油十分多，很容易就會掛在麵上，然而吃到底除了湯底的味道變得很鹹之外，很多的雞油仍然存在。鍋裡的材料只有幾件沒有甚麼肉的雞，即使有肉質程不上滑，另外還有幾片細細碎碎的花膠，因此整個鍋都是稀稀、水水的，沒有甚麼材料在裡面，湯底還要很油，沒有誠意。我們點了小食金磚豆腐($42)分享。炸豆腐的外皮的確很薄，裡面的現成盒裝豆腐是很軟的，一個不留神金磚豆腐就會破裂掉了，豆腐的表面灑上一些椒鹽、七味粉，都是惹味的；$42一客食水都幾深，但大概比前者出色。雞湯米線來說，外面餐廳的選擇比比皆是，然而有不少的比較之下更顯得這裡的不足。這裡的賣點好像只有那個熱鍋，靠有火熱著的食物來作招來，但食物的材料、質素及比例有待改善，性價比低；以這個價錢和質素，大概未必會再來。

之前已經有朋友推介我去試下灣仔花膠雞麵，話好正。今次經過太子，見有分店，就去一試。如果order 招牌的雞麵，都會跟一個爐，好似打邊爐咁，我加左$10 轉雞脾，希望啖啖肉。麵同個湯係分開上，咁樣麵就吾會煮得太爛。我意外的好鐘意個湯，好濃郁，有大概4-5 塊細花膠，雞肉好嫩，好似海南雞的口感。整體十分滿意，我一定會再encore

呢間主打湯米線嘅餐廳，招牌係雞湯，當然要試試不同口味嘅雞湯。首先係招牌癡花膠雞濃湯米線（$68），真係有幾塊花膠，而且個湯又癡癡地，充滿花膠味道。麵方面除咗米線，仲可以轉米粉、上海麵、薯粉等，今次我就轉左米粉。因為唔想食太多麵，所以另一份點左椰子雞（一份，$50）。椰子雞湯椰子味十足，好似落咗好多椰子咁，個人覺得呢個比花膠湯更好味。特別之處係所有雞湯都係一隻鐵鑊咁上餐，好似快餐店打邊爐咁，下面有個火熱住，咁樣啲湯就唔會凍咗膠住。另外值得一讚係雞嘅份量幾多，男士食都夠飽。最後點多個濃雞湯時蔬（$28），試埋佢最原始雞湯味，用湯煮嘅菜清淡得嚟又有味道，唔錯。

想試試這間花膠雞湯米線蜜糖雞翼濃湯米線$48比起花膠雞湯清淡三隻雞翼炸得剛剛好可轉紅薯粉招牌癡花膠雞濃湯米線$68用火鍋裝着雞湯把米線也放進去煮花膠大大片雞湯濃郁金磚豆腐$42金黃色的豆腐內裡非常嫩滑外皮香脆食物價格相宜味道也不錯

旺角就去得多，但好少行黎依邊食野，今日想去花墟買嘢就順便食埋個午飯先啦，先發現原來依邊都幾多嘢食，仲要價錢相宜，搵日要再試多啲。叫咗個藥膳黃酒花膠雞湯米線，佢仲有個爐熱住個湯，包你食到尾都係暖嘅。雞肉係醃製過嘅，都幾鮮嫩，仲有啲零耳，飲埋個湯真係感覺暖笠笠，冬天一定要再嚟食多次。而佢個米線係分開上嘅，我見好多人都係𢳂啲湯落個米線度咁食，但建議直接放米線入去煮一陣，咁就可以每條米線都包裹住雞湯啦～～

晚市好多人食,幾乎滿座,等咗15分鐘先有位~叫咗招牌癡花膠雞,花膠唔係好多,湯唔夠濃,不過都唔錯~人蔘雞米線夠唒滋補冬天食更正,食落唔會苦仲甘甘地味👍🏻雞件都幾滑

🔖金磚豆腐 $42 (3.5/5) 老實講間店嘅米線味道麻麻 但呢個小食頗高水準🙀 炸皮薄到幾乎感覺唔到自己食緊炸皮 入面嘅豆腐超滑 完全無好熱氣嘅感覺 一口一粒不知不覺就清左半碟 可惜食到最後會開始feel到油膩 炸皮同豆腐中間會有油滲出 扣左少少分🤏🔖招牌痴花膠雞濃湯米線 $68 (2.5/5) 雞件同花膠都足料 但湯底平平 其他店嘅雞湯米線更有記憶點 食完一星期打呢個食評已經唔記得左陣味 雖然食落飽肚暖胃 但唔會係因為好味而encore嘅米線～ 另外湯底太多雞油 食食下覺得好有要撇油嘅需要🥺🔖藥膳黃酒雞湯米線 $68 (2.5/5) 呢個湯底好啱鐘意油味嘅朋友 因為酒味真係幾重架!! 我同朋友覺得味道太重 要溝淡佢個湯底嚟食🤣 但啲雞索左酒味就啱啱好

今次嚟到痴膠雞食晏晝，叫咗個胡椒豬肚雞米線，如果唔食米線都可以揀紅薯粉。個胡椒豬肚雞係跟爐上嘅，可以熱辣辣咁食。入面仲有雲耳，紅棗嗰啲配料。個湯底好濃味，豬肚同雞個份量都好足！