瘋狂小面 (佳德商業大廈)

營業中

休息中

中環每日鮮製麵條瘋狂小面位多年來以每日新鮮製造的麵條聞名，特別是愛吃麵的朋友，絕對要試！晚上人氣依然高，中環來說收得早，但$109套餐（麵+小食+飲品+甜品）性價比高麻辣牛肉麵是瘋狂小面的靈魂所在，麵條據說每日新鮮製作，粗細恰到好處，表面光滑卻帶點天然麵粉香，咬下去Q彈有勁，韌性十足又不失柔軟。紅油湯頭麻辣交織，花椒的麻香和辣椒的熱力層層遞進泡椒鳳爪必食！泡椒的酸辣嗆鼻，每咬一口都帶來小驚喜。雖然是小食，仲辣過碗麵，食到好爽甜品一定叫埋冰粉入口滑嫩冰涼，帶酸梅片的微酸和花生的香脆，甜度剛好，平衡番味蕾晚上人多氣氛熱鬧，服務仍保持快捷，多年來品質穩定，難怪屹立不倒

🐂瘋狂牛肉麵 – 麵條筋道彈牙，湯底醇厚帶辣，牛肉分量可多一些。 🥤 紅肉柚子飲品 – 清新解辣，紅肉柚子香甜中帶一點酸，完美平衡重口味。 🥗 涼拌木耳 – 酸辣爽口，木耳脆彈，非常開胃，絕對是必點的配菜！ 🍲 紅棗銀耳湯 – 溫暖滋補，紅棗的甜味與銀耳的柔軟口感搭配得恰到好處，適合作為餐後甜品。地道重慶風味的小面館，辣味帶勁但不失層次感。小店簡單親切，適合想快速飽足的日子！🔖 快來試試吧！

終於同fd食到呢間人氣重慶小麵店！餐廳裝修充滿中國風，座位寬敞，坐得舒服～主打正宗川味麵食，由湯底到配料都勁有心思，麻辣控絕對要bookmark！✨———🍝 瘋狂小面套餐▫️ 瘋狂豌雜面必點招牌！麵條勁掛汁，拌上自家製辣椒油、花生米同綿密豌豆醬，香辣中帶豆香，口感豐富到爆！🌶️🥜▫️ 瘋狂牛肉面(紅湯)湯底濃郁麻辣，牛肉燉到軟腍入味，麵質彈牙，嗜辣嘅朋友一定會愛上！🔥🐮———🥟 瘋狂小吃▫️ 鐘水餃皮薄餡足，豬肉餡鮮嫩，蘸滿香辣紅油，一啖一隻超惹味！😋———🍹 瘋狂飲品▫️ 烏梅汁加冰酸甜解辣神器！冰涼清爽，完美中和麻辣感～❄️▫️ 可樂經典配搭，爽！🥤———🍧 瘋狂甜品▫️ 紅棗銀耳湯(凍）食完辣嘢最啱滋潤下！銀耳滑溜，紅棗香甜，凍食更爽口～💕

環境裝修古色古香瘋狂小面主打麻辣重慶小麵小店亦曾到訪過好幾次記憶點深刻因為難得有豌豆粉另外水麵嘅麵質亦唔錯完全迷倒我呢個追求煙韌嚼感嘅人前幾天再訪發現豌豆粉下架豌豆fan另一選擇我推薦「瘋狂豌雜麵」豌豆煮到軟腍再加埋肉碎同各種醬料係碗幾惹味嘅撈麵健康之選係自家煲嘅番茄湯之前試過確係真材實料至於嗜辣朋友識食一定係食紅湯(怕辣亦有白湯，係好香嘅豬骨湯底)花椒麻、紅油辣作潤飾仲可以加啲保寧醋酸麻辣食到豐富層次我唔太食到辣一口就要接一啖烏梅汁解辣朋友反倒係食得津津有味相信重口味嘅朋友可以再加麻加辣怕辣亦有白湯係好香嘅豬骨湯底高湯蒸蛋有茶碗蒸嘅影子清甜嫩滑表面淋上一層薄薄嘅雜醬熱辣辣食得好舒服清潤結尾有銀耳湯紅糖微甜透心涼清潤結尾有銀耳湯紅糖微甜透心涼

今日喺中環搵到一間川菜館食午餐，真係大快朵頤！餐廳氣氛唔算太豪華，但好有川菜館嘅地道風味，簡單之中見到整齊同舒服。**肥腸小面**真係川味嘅代表作，小面煮得爽滑不黏，吸收晒紅湯嘅精華，肥腸處理得非常好，冇腥味，彈牙又爽口。紅湯嘅辣度唔單止麻得出色，仲帶有深層次嘅香味，飲一口已經感受到辣味穿透到喉嚨，但絕對係令人回味無窮。**牛肉麵**方面，牛肉煮得非常嫩滑，每塊都厚切，有肉味而不柴。配埋嘅紅湯依然保持佢嘅辣得來有層次，麵條同樣煮得剛剛好，唔會過軟或者過硬，整體口感一流。**涼拌木耳**同**涼拌青瓜**真係令人眼前一亮，涼菜係川菜裏面必不可少嘅一部分。涼拌木耳保持住咗爽脆嘅質感，調味帶有少少芥辣，同時酸酸辣辣，非常開胃。涼拌青瓜則係清新嘅代表，青瓜切得均勻，調味入味而不會太重，一啖青瓜一啖芥辣味，絕對有驚喜。整體嚟講，呢間川菜館絕對值得推薦，紅湯同涼菜都非常出色，性價比高，對於鐘意麻辣嘅朋友嚟講真係唔可以錯過！希望你食得開心又滿足！

瘋狂小麵，中環幾出名既重慶麵，仲有攞獎添👍🏻主打就係由好多唔同調料廚出黎既重慶小麵，辣唔辣都有，仲有素既選擇，四川重慶小食都好吸引🤩環境舒服，中式裝修，準備開餐🍜#瘋狂牛肉麵，紅湯，BB辣加麻，都好大碗下，試下個湯先😎幾有層次，牛味加紅湯真係最夾最好味😻紅同香得黎唔算好辣，麵條有蛋味，非常掛湯，有啲底味，非常好味，講明只用水麵唔係炸麵，鮮彈好多又無油味，吸湯食好正🫶🏻淨係湯同麵已經⼀絶，仲食得出有加麻，好爽🤩牛肉係半筋半肉，好腍好好味，唔會俾湯底蓋過個牛味，相當高質✨成碗麵真係好高質👍🏻加左個高湯蒸蛋，每日限量15份，好多好惹味肉碎同葱係面，個蛋滑到癲😌加左高湯，又滑又好味，食辣配烏梅汁啱晒，解辣又開胃🤤次次食完都話下次麵加倍但次次下次都唔記得🥲再提自己加麵加麵加麵！🙌🏻🙌🏻🙌🏻 $12就可以食到極高質既小麵，性價比爆炸🤞🏻

麵類可以揀乾撈或者湯麵 總共有10款餐牌分咗ABCD可以自由配搭揀嘅A+B+C 有齊主食+飲品+小吃🥢A+B+C $98 (+$14+$9)🌶️正宗重慶酸辣粉最鍾意呢種紅薯粉 煙韌Q彈好好嚼湯底揀中辣少麻 麻辣酸爽恰到好處會越食越開胃嗰種😋亦可以走花生走配料加咗一份牛肚 口感煙韌有咬口 唔會有腥味至於會嚼到啲滷水香氣加配嘅煎蛋金黃邊邊位微脆仲有啲溏心 浸落湯底好吸汁😈配料方面有大量蔥花芫荽同埋豬肉碎食到底底都仲有 唔會話剩翻啲麵底咁好寡👍🏻🍹烏梅汁呢款飲品好啱解膩 味道酸酸甜甜之餘帶淡淡嘅藥草回甘感覺健康養生得嚟又好好飲！🥢涼拌木耳 哈哈哈基本上每次食嘢見到佢都會嗌😆木耳滑捋捋又爽口 醬汁酸中帶微微辣 行嘅溫柔路線

今日去咗一間係中環嘅餐廳，專注於獨特嘅四川面食，尤其係佢哋嘅面條，聽聞評價非常好，於是慕名而來。自家製鮮茄醬湯牛肉面 🍜🍅湯底色澤鮮艷，味道濃郁，使用新鮮番茄熬製而成，酸甜適中。牛肉煮得恰到好處，軟嫩入味，另外都加咗牛舌，非常入味✅瘋狂大排面 🍽️今次選擇咗嘅係中辣，肉排份量十足，外焦內嫩，搭配特製醬汁，味道香濃。大排的肉質厚實，麵條係自家製嘅新鮮麵，非常有彈性！泡椒鳳爪 🌶️🐔選擇咗泡椒鳳爪作小食，帶有微辣的泡椒味，口感爽脆。鳳爪的味道十分入味，辣味恰到好處，既開胃又解膩

今日去咗瘋狂小麵試佢哋嘅招牌牛肉麻辣麵，一上枱就聞到陣陣麻辣香氣，即刻流晒口水！ 🍜 麻辣湯底麻香十足，揀咗小辣都已經好夠味，飲落去唔會得個死辣字，反而有層次，飲完個嘴仲有少少麻痺感，好過癮！ 🐮 牛𦟌切得厚薄適中，滷得入味，咬落去鬆化得嚟又唔會散晒。牛筋炆到淋淋哋，膠質豐富到黏住個嘴，正到爆！ 🥬 酸菜爽脆得嚟唔會太鹹，中和返個麻辣感 。流心煎蛋煎得啱啱好，一篤穿蛋黃流出嚟撈麵，邪惡到不得了 🍽 雖然麵質普通咗少少，但勝在掛湯力強，所有配料夾埋一齊食真係好滿足，麻辣控一定要試吓！

**瘋狂牛肉麵** - **特色**：經典的牛肉麵，湯頭以紅燒或清燉為主，牛肉塊燉得軟嫩入味，麵條多為手工拉麵或寬麵，口感彈牙。湯頭濃郁，帶有牛肉的鮮香。 - **推薦點**：牛肉的品質和湯頭的濃郁度是關鍵，適合喜歡傳統牛肉麵的人。**總結**： - 如果你喜歡清淡口味，可以選擇「瘋狂小麵」。 - 如果你追求飽足感和肉食滿足感，「瘋狂大排麵」是不錯的選擇。 - 如果你是牛肉麵愛好者，「瘋狂牛肉麵」會讓你回味無窮。 每款麵食都有其獨特之處，建議根據個人喜好選擇！可能可不辣

今次同朋友嚟到中環呢間主打川菜粉麵嘅「瘋狂小面」餐廳，餐廳環境充滿川式風情，見到餐廳用左好多心機裝飾到好有成都感覺🌶️咁今次我地一次過試試佢地招牌菜式😍♡瘋狂牛肉面 / 瘋狂肥腸面♡瘋狂牛肉面嘅紅燒湯底麻辣得黎又鮮香，牛肉煮得軟腍入味，配上新鮮非油炸嘅水面，口感彈牙又掛湯，食落好過癮！至於瘋狂肥腸面，肥腸處理得乾淨，滷得黎又入味，帶少少嚼勁，同麻辣湯底好夾，食到停唔到口🤤♡烏梅汁 + 凍檸茶♡烏梅汁酸甜解膩，飲落好清爽，完美中和麻辣嘅刺激感；凍檸茶茶底香濃，檸檬清新，兩款飲品都係解辣神器🍹♡麻辣夫妻肺片 + 麻辣棒棒雞♡麻辣夫妻肺片嘅牛肚同牛舌切得薄身，口感爽脆，麻辣醬汁香濃帶少少麻，食落好開胃！麻辣棒棒雞嘅雞肉嫩滑，醬汁麻辣得嚟帶住花生香，口感層次豐富，好惹味🌶️♡成都老冰粉 + 紅棗銀耳湯♡食完麻辣嘢，當然要食返啲甜品平衡吓！凍成都老冰粉清涼爽滑，配上紅糖水同花生碎，甜而不膩；凍紅棗銀耳湯滋潤養顏，紅棗香甜，銀耳滑溜，食完好舒服🍧整體嚟講真係好正宗，麻辣紅燒湯底香濃得嚟唔會過嗆，食材新鮮，份量十足！下次一定會再嚟試其他菜式👏真係食到好滿足！

來到中環食呢間隱藏喺大廈入面嘅瘋狂小面！餐廳提供唔同嘅重慶面食！環境裝修古色古香～✨瘋狂大排面大排係煮到好軟腍嘅豬骨！湯底麻辣鮮香！麵條偏幼身，掛汁有嚼勁，令人忍唔住食晒成碗～✨瘋狂擔擔面有大埋雜醬、青瓜絲、蔥花同埋花生，撈埋一齊食，惹味十足，而且口感豐富～✨高湯蒸蛋有一種似日式茶碗蒸嘅感覺，蒸蛋清甜嫩滑，表面仲有一層雜醬～✨泡椒鳳爪鳳爪爽口有嚼勁，味道酸酸辣辣，令人好開胃開胃～✨凍 紅肉柚子味道酸酸甜甜，底層仲有少少嘅果肉～✨熱 羅漢果冬瓜茶羅漢果冬瓜茶微甜，而且帶有淡淡嘅羅漢果香味～

四川成都電視台推介既麵店瘋狂牛肉麵 🍜 牛腱肉質好冧，湯底濃郁，啖啖都有味。每口都令人想再嚐多一口，真係好正！😋🥢❤️瘋狂豌雜拌麵 🍜 味道香辣，拌得好透，豌雜同麵條嘅配合好好！每啖都係驚喜，令人食得停唔到口！🔥💥🍽️泡椒鳯爪 🐔 酸辣開胃，啖啖都有膠感，食完令人心情大好！💫😄蒜泥青瓜 🥒 清新爽口，蒜味十足，係一個好好嘅配搭，平衡咗辣味！🍃👌成都老冰粉 🍧 甜品清涼又解膩，口感特別，係夏天食都好舒服！☀️❄️烏梅汁 🍹 酸酸甜甜，飲落去好開胃，完美收尾！🍋✨📍瘋狂小面 (佳德商業大廈) 士丹利街66-72號佳德商業大廈1樓 ______________________________ 唔好走住，記得follow 我______________________________

瘋狂小面位於中環，方便又易搵👍。我試咗佢哋嘅瘋狂肥腸面套餐，真係好正！😋首先講下瘋狂肥腸面加牛肉，呢個組合真係無得輸。🐮牛肉煮得好嫩滑，入口即溶，配埋肥腸，真係一流。🐷肥腸用傳統川式手法處理，將腸內壁所有油脂清除，再用川香調料小火燜三小時，真係好入味，軟糯得嚟又唔會太油膩。👍白湯版本嘅肥腸面唔辣，適合唔食辣嘅朋友。🍜湯底清甜，配埋肥腸同牛肉，味道層次豐富。成都老冰粉真係一個好好嘅甜品選擇，凍冰冰，食完主菜再嚟一碗，真係好滿足。🍧最後，烏梅汁真係一個好清新嘅飲品選擇，酸酸甜甜，飲完之後好解渴。🥤整體嚟講，瘋狂小面嘅瘋狂肥腸面套餐真係值得一試，無論係味道定係質素都好高。👍

星期六有啲野做要去中環，去到下午茶時間先得閒食飯，記得朋友提過呢間好味，於是決定試下～我叫左個A+B+C+D 組合，有麵、飲品、小食、甜品，咩都試下瘋狂豌雜面（走辣）碗麵有肉碎、兩種醬、花生、蔥粒、榨菜、菜芯；同麵撈埋一齊味道好豐富又唔會太鹹，而且麵條幾煙韌，唔錯唔錯～涼拌木耳木耳幾爽口幾脆卜卜，調味幾清新而且帶有少少酸辣，幾開胃成都老冰粉呢味甜品好多人推介，我當然要試下。冰粉滑溜溜得黎好清涼，上面亦有少少配料例如花生碎、提子乾，食落唔會太甜，真係無介紹錯～凍檸茶茶味幾濃郁，食完咁多野飲返杯真係透心涼