番茄師兄

營業中

休息中

7/8/2019 @ 深水埗蕃茄師兄今日嚟到深水埗買嘢之後喺附近食個飯，見到有間叫番茄師兄，一向都非常之喜歡食番茄的我當然要上去試下啦餐廳主打的幾款蕃茄湯底面環保餐牌自己畫自己食乜餐牌有圖文並茂介紹各款麵的口感和特色我揀咗招牌師兄推介的滑一滑番茄濃湯麵係新鮮騸牯牛肉 + 炒滑蛋 拉麵邊一邊有一兩嚿新鮮蕃茄， 但冇乜鮮茄味都唔係新鮮切落去， 蕃茄比較實，感覺未好熟… 最失望的是湯底顏色看上去比較像南瓜的顏色，喝上去…老實說不告訴我是蕃茄湯底的話，我完全不會覺得他是蕃茄湯底……因為我一點番茄味道也喝不出來 餐廳入面有部電視介紹湯底的做法，是把40斤的新鮮番茄打成番茄蓉，加入其他蔬菜和肉一起餚的新鮮蕃茄湯底…… 不知道是因為加入其他的材料太多蓋過了蕃茄味，還是真的沒有茄膏就沒有番茄味…… 湯底是有蕃茄蓉的，但是真的沒有番茄味……這是我十分失望的炒滑蛋很滑，但牛肉很老飲品有養生飲品的選擇 左邊是熱的桑寄生茶， 若是凍飲則會用右邊的膠樽裝住。 桑寄生茶不會太甜而且喝得出有桑寄生味…$48+6 一碗普通的面連凍飲要54蚊 深水埗來說一點兒也不便宜…總括嚟講我不會再幫襯， 沒有蕃茄味的番茄師兄

因為我自己真係超級鍾意食蕃茄湯底嘅關係！見到深水埗呢間都開咗好耐下終於搵到時間去試一試其實款式都算多~ 今次我就帶咗豚豚圓圓蕃茄濃湯麵🍜 因為佢哋賣晒左豬腩肉嘅關係我就換咗炸魚片頭！ 而朋友仔叫咗滑一滑蕃茄濃湯麵!!一上到黎的確係有少少失望😞 店員將烏冬同拉麵搞錯咗~ 我個碗變咗烏冬朋友個碗變咗拉麵~ 但係店家都冇話同我地轉返唯有照舊繼續食啦！而湯底方面 ， 食食下都覺得麻麻地有少少咸 整體上大致OK！ 最滿意就係佢個冷氣夠涼！不過因為我唔太鍾意食烏冬嘅關係 ，最後都係剩咗好多

咁啱同女朋友行過深水埗，見有d餓就上網搵下附近有咩好食，見到有一間係專賣番茄湯麵，完全係女朋友既至愛，諗都唔法諗就直接跟住地址去一去到都幾易認到，幾光猛入到去坐低左見到餐紙唔算有太多選擇，主要有5款麵，我估重點推介係牛，但我最後揀左豚豚圓圓，者係有豬頸肉同豬腩肉。點完菜等左一陣店員就行過黎話無晒豬腩肉，只有豬頸肉得唔得，我心諗依家午市已經無晒貨，點做埋晚市呀。。。野食到之前先黎野飲，係桂圓紅棗桑寄生茶，幾夠冰涼，不過似係飲紅棗茶，冇乜桑寄生味之後野食終於到，只有豬頸肉紅兩舊蕃茄，配料似乎有啲少，至於麵我揀咗上海麵，諗住可以掛多啲汁，點知食落嘅時候掛嘅效果都唔算太明顯，同埋麵嘅份量唔多夠。至於店舖推介嘅蕃茄湯底，個人覺得番茄嘅味道唔太突出，唔似食緊蕃茄蓉，可能溝淡左，見到女朋友仲有少少失望添，如果蕃茄可以濃番啲就好啦

記得餐廳新開無耐嘅時候黎過一次， 除咗覺得食物質素唔錯之外，仲覺得老闆非常有heart，會落手落腳之餘，亦會詢問客人對食物嘅意見👍🏻 今日再經過，雖然已經坐爆場，但都忍唔住入嚟支持一下！芝see菇牛蕃茄濃湯麵非常創新特別嘅菜式，係將免治牛肉同埋碎磨菇融入蕃茄湯，面層再蓋上邪惡嘅芝士， 嫩滑嘅牛同爽口嘅菇增添咗口感， 而芝士 同蕃茄湯底梗係完美融合， 唔會搶咗湯嘅鮮甜味！犇犇有禮蕃茄濃湯麵上次已經試過覺得好好食，今次極力推薦男朋友試呢款裏面有牛面頰、 牛崩沙同牛坑腩，牛面頰烹調得宜， 肉質結實有口感，牛崩沙入口爽軟不硬，牛坑腩肉質腍身有彈性，咬開亦唔會黐牙，牛味濃郁， 配搭清甜可口嘅蕃茄湯，非常好食！酸辣牛柏葉店員極力推薦嘅新菜式 ，但因為我哋唔食得辣，餐廳亦好貼心咁幫我哋走咗辣，調味酸酸地好開胃， 牛柏葉爽脆有入曬味， 果然冇介紹錯😍鮮炸紫菜墨魚丸墨魚丸新鮮即炒，熱辣辣口感QQ又彈牙！ 而且佢嘅小食細細份可以試多啲嘢之餘又唔怕食唔曬會浪費~檸檬雪梨露不得不提呢個檸檬雪梨露， 平時喺出面試到嘅通常都係加咗防腐劑嘅，但呢個雪梨露新鮮天然， 味道清新唔會太甜之餘，仲試到 粒粒嘅雪梨碎，非常健

去深水埗潮聖這家最近很紅的餐廳最有名的蕃茄湯底很吸引～🍅🍅🍅我是湯飯控！剛好看到有得選湯飯🍚一定要試試🤩.湯底果然名不虛傳🌟很濃味～😋😋但如果濃稠一點我會更喜歡！吃得出它的湯底是鮮茄湯底不像其他店的用茄膏或味道吃得出茄蓉，配白飯超好吃～選了炸腐皮墨魚肉，這個挺特別的也蠻好吃！.男朋友點了<滑一滑>是滑牛加滑蛋～配了烏冬滑牛滑蛋配茄湯很夾不過配烏冬比較不掛湯我們都一致認為配湯飯更能仔細品嚐湯底！會再encore啊！🤤

係深水埗基隆街有間番茄師兄，主打番茄湯底，一入到餐廳就見到有部電視係咁loop介紹呢間餐廳嘅節目片段😂 令人有啲期待～一場來到，當然要試下佢嘅番茄濃湯麵啦，選擇都幾多，咁我就揀左一貝子配烏冬～一貝子 $68先講下個湯底，蕃茄味幾濃，似乎亦落左茄膏，令到個味道冇咁天然～ 好彩有新鮮番茄搭救，增加番個口感層次～帶子係先用牛油煎香，內裡肉質嫩滑，質素唔錯！😊花甲嘅味道都唔錯，但部分花甲仲有沙，呢點就有啲失望了😔烏冬嘅口感都ok, 唔會煮得太腍，掛湯度都幾高！整體來講，呢個價位有呢個質素都算唔錯！

深水埗一直都是臥虎藏龍的飲食好地方。藏匿在南昌街附近的靠近街市的地方已經陸陸續續開左好多食店。而最屬於呢間特別係因為名字叫做"番茄師兄"可想而知番茄只不過是普通的菜式。就連西餐也只是用於飲餐湯出現的形式比較多。但是要濃湯底的吃烏冬，又是新的一種體驗呢。一輩子"一貝子"適合喜歡海鮮的可以選擇這個，加點+5元可以有一塊芝士。甜而不膩。

番茄湯麵係香港唔係咩野新鮮既事，但以番茄做主題既新式食店就少之有少！餐廳無論裝修同餐牌都睇得出有花過心思，用得番茄湯麵做主打，當然對佢既湯底好有期望！最後揀左招牌既滑一滑，係騸牯牛柳再配搭湖北雞蛋造既滑蛋。牛柳口感幾滑身而且有肉味，滑蛋都夠滑同幾濃蛋味，可惜既係佢既番茄湯唔夠濃，調味上比較偏甜，唔係話唔好食，但番茄既香味酸味欠奉。食得番茄湯既，就會期待佢既番茄味係好濃好濃，但如果以一碗普通既蛋牛麵，絕對係合格有餘！值得一讚既係依度既小食，70度慢煮麻香瑞士汁雞中翼，無諗過麻香同瑞士汁係咁夾，值得一試！

我平時好鍾意食蕃茄湯底嘅食物，今次來到深水埗買電腦野，見到呢間蕃茄師兄咁多好評，當然要試吓。打開菜單，發現呢度啲菜名好得意，幾好意頭😆犇犇有禮：我揀咗配米線，有三款牛，我唔係好識分，淨係覺得好林有牛味，總之就好食，仲加咗菇同埋粟米，湯底清清地得來又有蕃茄味，有屋企嘅味道，我超級鍾意食！一貝子：揀咗配拉麵，加咗滑蛋，帶子煎香左好鮮甜，蜆肉都幾大粒，但有一兩舊有少少臭味，但我接受有時海鮮就係咁樣。另外仲加咗麻辣瑞士汁雞翼，好入味，又有小小麻辣，超正。仲有紫菜墨魚丸，超彈牙兼有咬口，又係好好味。 一定會再來幫襯

本身係極度番茄愛好者，食之前已經好期待，不過希望愈大失望愈大。豚豚圓圓：餸有豬頸肉同豬腩肉，份量夠食，因為用左高溫慢煮再煎香，所以肉就好香同軟滑。重點係番茄湯底，入面好多番茄蓉，所以番茄係好濃，但我覺得整體偏酸甜，感覺陣味有啲假，唔係好鍾意，最敗筆係個湯太杰，唔岩餸麵食，已經唔算係湯麵。其他餸就正常味，好食嘅，但略貴。間餐廳地方好細，位好迫，我坐二人位，其他人出出入入都要起身讓位行，屬於快食快走型餐廳。因為名聲過大，吸引左黎食，試下就算😗

今晚同老公食個early dinner，其實蕃茄師兄唔係第1次食，但今次要特登黎比番個好評，係因為好多野都更加好左。今次都係點左鮮氣逼人同犇犇有禮，我地下午差唔多6點入座，6點半前埋單都仲有下午茶優惠，有兩杯飲品送。 老公係鐘意食蕃茄，間唔時我地都落黎食碗麵，之前都有試過滑牛麵，一貝子果啲，但都係覺得犇犇有禮同鮮氣逼人最好食，呢到以蕃茄濃湯出名，個個都話湯底好足料，老公都好鐘意。我個人口味偏愛淡，都覺得湯底唔錯，但唔會飲晒，因為始終覺得濃(個人喜好黎既)，但係今次黎到，我食第1啖就望住老公話：唔同左既。我覺得湯底比之前仲好味左，清甜左，今日我直頭一啖湯一啖麵咁食晒。蕃茄師兄，仍然好比心機做得更好。鮮氣逼人，一如概往咁新鮮，蝦肉鮑魚墨魚滑全部新鮮彈牙，唔腥唔臭，最鐘意墨魚滑淡淡既麻辣香，仲好細心剪晒左啲蝦頭同蝦鬚，擺都擺得咁整齊犇犇有禮，有兩款牛肉係入面，一款彈牙，一款稔滑。兩杯紅棗桂圓茶，養生我鐘意。二人埋單$166，可能會覺得食兩碗麵$166好貴 但物有所值。

逛完高登腦埸，附近揾嘢食，行到一間門面紅色，好搶眼的，就是深水埗番茄師兄，門口自助式取票，等一輪先有位。叫咗碗豚豚圓圓，實際是豬腩肉加豬頸肉配蕃茄湯，湯底就不用再說，茄味濃郁，稀濃適中。豬肉當然冇牛肉咁諗身啦，但係好入味，半肥瘦的豬腩肉，一点也不肥膩，加上爽口嘅豬頸肉， 你可以選擇上海麵拉麵烏冬米線 整體不錯。另叫皇牌是犇犇有禮，分別為崩沙腩、坑腩、牛臉脥配蕃茄湯底。雖然唔係食牛專家，分唔到崩沙腩同坑腩，正常边樣好食些，但係兩款都係入口即溶，非常霖身，相对牛臉就有些咬口，但絕對吾係韌，一樣好味。絕对要讚的是番茄湯底， 不知不覺飲晒成碗湯。加多个小食，炸紫菜墨魚丸，不算太脆口，有紫菜混合一齊，但味道就不明顯，魚肉彈牙但冇特别。地方細但整潔，有牛肉、豬肉、海鮮任你喜歡，值得推介嘅係蕃茄湯底，每人平均$90,價錢合理。

本來係想食隔離間餐廳，不過人太多喇，見番茄師兄人少啲，自己又好中意食番茄底既野食，所以就入左去一試。叫左個番茄雞奕公仔麵，雞奕有四隻，都大隻既，亦都好入味，不過價錢就貴左少少喇，仲要響深水埗呢個地區，如果六七十蚊呢個價已經可以食到好多野，或者食到兩個餐添如果你去西九龍中心。番茄湯亦都好好飲，好濃，好飲到我飲曬，如果個湯可以比多啲份量就好喇！公仔麵正正常常，冇話煮到過林。同行食牛果款，都覺雞奕正啲！

之前睇到報道介紹呢間專食番茄湯底的小店，一心出嚟試下係咪咁好味今次叫咗滑蛋牛肉烏冬同犇犇烏冬，一試湯底真係好濃郁，但飲完唔會口渴，真係似熬咗好耐的湯底，啲牛真係好軟腍，一次過食到唔同的牛部位 連烏冬老闆同我地講都係佢自己做，唔係交貨，真係好用心嘅小店

老細之前係做金融業，轉投餐廳創業.主打番茄湯底面.每日新鮮製造.食得出係用心製作.甜度好足，有陣番茄清新味.而唔係化學味.而且好濃，多得牛骨湯底.牛肉煮到好滑.唔錯.