番茄師兄

營業中

休息中

我唔係第一次來番茄師兄食野，早於上年八月，曾經同朋友食過當時係食“一貝子”。今年帶另一位朋友來，除左可以回味濃郁ge番茄湯底同新鮮食材外，多左一層意義→支持良心小店。因為知比較多人幫襯，早於未夠6點已經去到門口等位，一入內聽到播放屬於真正香港人ge歌曲，迴盪在呢一間小小ge店面內，我相信今次來到除左食好料外，亦食出一份香港人對未來ge冀盼，如果過去呢幾個月社會事令你覺得心很累，來一來食碗麵，同身邊ge陌生人交流一下，相信都會令你得到放鬆。今次同朋友仍舊叫了“一貝子”同“犇犇有禮”一齊share，番茄湯底入口鮮甜，就算過後都唔會覺得口乾，有別一般方間用番茄膏煮開ge罐頭式湯頭味。望落雖然份量唔多， 但貝類少而大、無沙，帶子又圓又飽滿，而牛肉(對唔住我無細心記住分別食過咩牛肉類別，因為我唔係一個專業食評家)入口有好濃郁ge牛肉味，偶有痴著少許脂肪，但有著少少肥膏ge牛肉至食到甘香ge油脂味，係呢一碗番茄麵中，無比湯底完全搶走味道。另外仲order左兩支奶茶，比較港式ge味道=) 不過我偏向中意多奶ge味道。當你食哂成碗麵時，除左食慾上得到滿足外，亦食到一股暖意，更可以感受到，以往繁忙ge香

去開深水埗，都知深水埗多餐廳選擇，這次試了上次都想試的餐廳。兩個人選了犇犇有禮蕃茄濃湯麵及滑一滑蕃茄濃湯麵各一碗。上枱時先試一試湯底，雖然兩碗都是蕃茄濃湯，但味道竟然不同。犇犇有禮的湯底有濃郁蕃茄味，覺得是蕃茄為主混雜了小量其他素類煲成，似是沒有加茄膏的味道，基本上我本人未試過在餐廳吃蕃茄湯類食物可以吃到既濃郁又深清新無添加茄膏而又美味的蕃茄湯。再試滑一滑的湯，更加不得了，除了上述的蕃茄味外，更多了頗濃的牛味，可說是無得彈。麵方面分別叫了上海麵及拉麵，口感都不錯，彈牙。餸方面，犇犇有禮有牛面脥，牛坑腩及崩沙腩，非常新鮮，口感不錯，可說是數一數二的質素滑一滑的牛肉，上枱時有部份是紅色的，牛肉應該是用熱湯浸，紅色的都是浮出湯面上沒有浸到的，因為是熱浸，故此牛質地好，不會過熟，牛肉味重，同樣是帶有新鮮的味道，都是數一數二的質素，還有炒滑蛋，半生熟，很滑，蛋味濃。因此，我覺得餐廳都提供質素很高的食材及用心及優良的烹煮技術。

一家似快餐店格局嘅舖頭，睇名就知以蕃茄主打買嘅係用騸牯牛（唔識係乜品種）同大量蕃茄炮製嘅蕃茄湯底麵食，感覺其實有啲唔中唔西，不過未食過，盡管試下叫左個滑一滑（應該指滑蛋同滑牛吧？！）食評：蕃茄湯唔夠蕃茄味牛肉又冇底味見好多人話好平喎，但肉嘅份量似乎太少吧！雖然諗住簡簡單單一餐，但依個價錢食碗比佢較好味嘅麵，深水埗選擇多的是！如茶餐廳嘅牛腩云吞麵包油菜或飲品$40左右仲有間越南蟹糕蕃茄湯檸等等結論：冇下次

老公放假出去揾食，因為最近此店聲名大噪，就到此一試啦！到達大概下午1:30，由於係食飯時間。。等食嘅人非常多，我地要等到兩點先可以入座。店面唔係好大，坐位都比較迫，但我覺得完全值得。店入面麵食都以蕃茄湯底為主，另外都有多款小食，飯類及飲品，非常多樣化！但我見客人主要都係食蕃茄麵。由於我地兩個都無食早餐，所以叫左好多野食，我自己都覺得誇張吖！滑一滑：其實係滑蛋蕃茄牛肉麵，牛肉好新鮮好滑，唔似醃過。蛋炒得剛剛好，仍然有蛋汁在上，蕃茄唔會煮到爛曬，好有咬口。麵我揀左由日本採購返來既拉麵，唔會太冧或太軟，我好喜歡，蕃茄湯底真係一絕，蕃茄味好濃郁，又好鮮味，飲完再飲，一d都唔會頸渴！犇犇有禮：睇個名就知呢個麵入面充滿住牛啦！湯底都係個個，但就多左好多鮮牛味，真係好好味，呢碗揀左烏冬，都係由日本採購返來！由於個人口味，我同老公都鍾意食辣，所以試完佢原味既湯底之後，就加左佢放喺枱到既辣油。嘩。。真係一試愛上，呢個辣味係香，唔會好嗆喉，反而令到個湯更加豐富。之後見到仲有一種香料“百里香"，就再加落去試試。嘩！係頂瓜瓜呀！百里香既香味同蕃茄好夾，加左之後又變左另一隻味，一個湯底食到咁多隻味，真係好值得呀

事緣網上介紹一間黃店，所以特意到深水埗嘗一嘗。就如店舖名一樣，該店主打蕃茄。但不得不說，小店好受歡迎，去到夜晚已經排晒飛，但好彩都令到尾籌。間鋪都幾多元化，好似車仔麵咁，加自己鍾意嘅嘢食，然後就以蕃茄湯底為主。 我自己就叫咗一個已經配搭好嘅面，帶子牛朗蕃茄濃湯麵。個面賣相好吸引，湯底有蕃茄嘅濃郁未。帶子幾有咬口。但我自己最鍾意就係個牛脷，幾足料有四五塊，好入味。 咁嘅蕃茄面價錢都可以接受。最正都係個環境，播住唔同激勵香港人嘅歌、最後張丹都寫住天佑香港、香港人加油，間鋪比我感覺幾窩心。

第一次來食，就叫左個好多餸嘅犇犇拉麵拉麵質地係曲麵，中曬我喜好，而碗麵真係有半個蕃茄，重要好好吃牛雖然唔識分咩部位，但係食得到三種不同質感，平時真係好難食到呢支係師兄獨門炮製既泡茶，真係好香同好甘，3點後飲品仲免費，真係好抵見到對面有其他人食一貝子，粒蜆真係有圖咁大，唔係吹水，仲見到佢加左炒蛋，食得津津有味，下次來一定要跟佢叫！呢餐好豐富，本來不太愛蕃茹，但我都開始食上癮，加埋啲野飲都好正，呢餐我俾滿分💯

已經不是第1次來了。因為好味所以回頭。個湯底是真的用番茄煮的，食完覺得沒味精，因為不會令人很口渴。食完個麵，我都會飲埋個湯。我今次吃了一貝子（$68），另加滑蛋（+$5）和粟米（+$3）。真的好好吃。帶子很新鮮，甜美。另外蜆也很甜美，肉地很好，沒有沙。滑蛋是很值得推薦的，因為是火候控制得好好，個蛋不會生，但又好滑。真的炒得好好。粟米也很甜。另外加了鮮炸腐皮墨魚蝦條（$14，2條），也超好吃。蝦很新鮮。

今日專登坐車去深水埗，就係試呢間充滿香港人味道嘅小店。平日晚上6點幾，已經超多人排隊，好期待呀😋湯麵有好多種配搭，樣樣都想試呀：滑一滑蕃茄濃湯拉麵 $48試一試推介款式先！蕃茄湯底超好飲呀，湯底唔會好稀，所以可以完全掛在麵條上，有好濃嘅蕃茄味但又唔會偏酸，味道啱啱好，睇到fb page 寫住湯底用：蕃茄、洋蔥、西芹、牛腩、牛骨黎煮，好足料呀，唔怪得咁好味。牛肉牛味好重，不過肉質可以軟熟d 更好。滑蛋超級滑，同湯底一齊食好夾呀！拉麵麵質好彈牙呀，正😋😋😋檸檬雪梨露 $18帶點檸檬酸味好清新，仲有好多雪梨蓉可以食到，好飲又健康。店內播放很多幫香港人打氣嘅歌，配上好好味嘅蕃茄麵，真係食到眼濕濕🥺 我呢家已經好掛住個湯底喇，決定過2日再去食喇～～～😝

近來放假放上癮，有事無事只想慵慵懶懶放空一天。是日下午獨自來到深水埗，本想吃個越式三文治醫肚，但想著想著又想吃點濕濕的湯粉麵，腦內突然冒出一直未有機會一試的番茄師兄四字，二話不說動身前往。 小店坐位三十個左右，中午一時半左右幸運覓得一位置，裝潢整潔四正，座位不算太狹窄，橙黃色的燈光讓人感覺溫暖。 滑一滑蕃茄濃湯麵 $48 千呼萬喚，等了大約二十分鐘左右終於上桌，讓我一度懷疑漏了單。湯底以大量牛骨加蕃茄製成，味道香濃；向香港麵廠入貨的烏冬煙韌彈牙，吸了湯底的精華更顯出色；主角牛肉軟稔有肉香，吃到少許美極調味，而滑蛋蛋味濃之餘質感亦嫩滑，整碗合起來就是出色。 觀乎小店每個細節都做足，實在不難感受到其製作的認真和用心，一邊吃一邊已想著再臨要試什麼，滿足矣。

阿媽話聽到早前電台有人介紹， 話好想來試，於是放假就搭車出嚟深水埗試！ 我揀咗個炸腐皮墨魚蝦條加粟米烏冬、阿媽就揀咗個牛脷帶子拉麵，呢度啲麵嘅名都幾有心思我喺出邊啲餐廳食嗰啲蕃茄面個味真係好濃！D 顏色係好鮮色！但呢度嘅蕃茄湯比較淡色，蕃茄味冇比我想像中濃！ 阿媽就話已經叫做好濃，我諗係因為佢比較天然，冇加一啲人工嘅嘢變相就好放心咁樣飲晒成碗湯我見隔離左右個個都成碗飲晒！（平時食麵我絕對係唔會飲啲湯）個腐皮墨魚蝦條好好味，好彈牙！好食過X記嘅腐皮卷！追加嘅粟米好多好正！我本身唔好拉麵所以一定係想烏冬，感覺同蕃茄湯底係最夾嘅阿媽對個牛脷讚口不絕我都試左，的而且確係好林好大件好好味估計佢個番茄牛脷飯都應該唔錯最正係午市餐飲可以加$6飲一啲比較健康嘅飲品!我揀咗個桑寄生茶阿媽揀咗個亞搭子柚子茶！兩杯都好足料好好味柚子茶已經好正。仲要有啲亞搭子咬下，阿媽表示10分滿意會再來試其他嘢！

中秋放早 一心想試這間好有名氣的蕃茄師兄對於蕃茄迷的先 十分期待！幸好我一個人吃 剛好有位不用等目測外面有6 7 名顧客等候地方好光猛 簡潔不像身在深水埗沒有很多選擇 但每款也好想吃我點了最簡單的滑一滑米線$48 餐廳雖然滿坐 但10 分鐘內也能上菜嘩 好正喔蕃茄迷味道濃郁 口味適中不是味精煮出來的炒蛋也做得出色 滑而有質感牛肉也嫩！整體很高分 ! 必定再來試每一款我居然全部吃光 一滴湯也不留真係好好食on 蕃茄迷food list

深水埗其實真的有好多有特色而且又好吃的小店，今次同朋友來到一家專門吃蕃茄的餐廳。因為人好多，都等了九個字左右到入座。點了豚豚圓圓蕃茄湯配日式拉麵，而豚豚圓圓指豬腩肉和豬頸肉。蕃茄湯底真的比想像中濃郁，一來會大概飲到有微細的蕃茄粒粒，二來還有原整蕃茄，湯底偏甜的，真是蕃茄控必試！個人認為豬腩肉和豬頸肉沒什麼特別，基本上是沒味道，最後吃光了麵還有好多肉剩下⋯⋯而餐廳還有好多款式是外面比較少見的，包括帶子鮮蝦拉麵等等，挺特別。

係附近買完電腦零件，友人提議去食近期好hit的番茄師兄餐牌上都好多選擇，可以揀唔同麵 同埋加配料。點餐紙可以重用 好環保犇犇有禮烏冬($78)個牛份量都幾多，内邊有牛坑腩，崩沙腩，牛面脥。呢三個部位肉質燜得好腍身，又唔會痴牙，非常好食一貝子烏冬($68)花甲好鮮甜，帶子亦好新鮮，一d都唔覺得腥麻香瑞士汁雞翼 ($14)慢煮牛就試得多，慢煮雞翼都係第一次好香麻香味，甜甜瑞士汁味，非常入味鮮炸魚片頭($20)魚片頭好爽口，又唔會炸得太乾鮮炸腐皮墨魚蝦條($18)腐皮墨魚蝦條都唔差，都好足料檸檬雪梨露($18)好清新又唔太甜，仲飲到粒粒雪梨碎 夠哂潤喉蕃茄湯底濃郁，鐘意蕃茄濃湯既一定會好似我同友人咁 連!湯!清! 非常滿足!小店一d都唔馬虎，連餐牌都玩埋食字，"一貝子"，"豚豚圓圓"等等每樣食物都睇得出用心製作，真材實料，又唔洗加一服務費。絶對值得支持香港人加油! 天祐香港💪

Came here after seeing the line up outside, waiting for 45 mins for a table and finally sat down. Ordered seafood Shanghai noodle and Egg and beef Shanghai noodle with 2 cold drinks, sweetened tea and some other herbal drink which tasted a bit weird. Food came quickly however noticed the service was a bit unorganised. The beef noodle didn't come with big pieces of beef, they where tough and over marinated. The egg however was nice. The soup base is supposed to be the biggest winner however it wa

-地點：地舖好易搵，近深水埗港鐵站，揸車黎就麻煩少少，無咩地方泊。😖-環境：以為深水埗區一定乾淨有限，但店舖好整潔，座位又夠闊，店舖內所有野都好似好新咁。👍🏻-食物：崩沙牛肉烏冬，有好多舊崩沙，亦好新鮮！💕厚切豬扒上海麵， 豬扒唔算滑，亦好似無咩調味， 但就唔會食到過份既鬆肉粉處理。重點係佢湯底，食得出食蕃茄打爛左成， 唔係茄汁，亦唔會過酸🤤仲掛到麵。麻味瑞士雞翼，瑞士汁唔夠入味，可再濃d。一路食，一路有微微既麻味，岩我唔食得辣，幾特別！-飲品：檸檬雪梨露好好好好飲！❣️唔太甜，又唔會酸到敏感牙齒，加上雪梨蓉，邊飲邊有粒粒口感，成件事好fresh，岩哂夏天！桑寄生茶都好清，亦唔會過甜。-價錢：2個人食左$172，唔算好平，但食材心思都值既，又可支持小店！師兄親身落場，員工亦好親切，俾錢都俾得開心🥳。