番本日式放題 (已結業)

相約一些舊同事聚舊食日式放題，見一些食評評分都幾高，沽且一試，點知一試中伏失望。刺身迷你件，無鮮味，無甜味。熟食如焗蠔，焗帶子，唔熱，淨係得沙律醬味。炸物又係涷嘅~ 最好笑係蒸海鮮，全部超超超迷你，連殼帶子最離譜，帶子肉好似5毫子大少，蝦就似蝦乾。最快係添飲清酒、梅酒，服務態度都ok, 可惜距離45分鐘夠鐘前竟然話要last order, 有無搞錯，45分鐘差不多仲有一半時間，即是放題時間得1個鐘頭15分鐘？好離譜囉！以咁嘅食物質素，環境，真係唔會有第二次!

兩年前都黎個，果陣食物質素唔差性價比高。到前幾日去食物差左而且價錢都提高左手，首先講佢講果個新既任食象拔。第一完全沒鮮味第二完全唔凍又沒象拔本身既味道，諗住叫下熟食啦。點知黎左幾樣，比如牛肉粒完全唔熱又硬。我未試過住十分鐘就叫埋單，仲有一樣佢地係高明既。專登叫客係出面等位，其實入面好多空位。營做好似好多客光顧既方式其實入面有一半吉位，呢招高明👍🏻👍🏻👍🏻

今個月又和一位朋友來番本吃放題。我重遊舊地的原因是因為我認為它的食物款式 都算多, 而且食物的質素和價錢成正比。我們約六時半便進去, 那時已經有很多人在裏面進食。店員告訴我們今天沒有象拔蚌刺身, 所以改為了長腳蟹。前菜方面, 它有很多選擇, 例如胡麻醬日式豆腐 、枝豆等等。刺身方面, 我們點了最多的是三文魚刺身、帶子刺身和白色拖羅刺身。燒食物方面，我們點了翠玉瓜串、燒雞翼和燒牛舌。燒牛舌肉質爽口。燒菠蘿也是一個不錯的選擇，甜而多汁。甜品方面, 它的選擇比較少, 主要有雪糕糯米糍和雀巢牌雪糕。雪櫃亦有牛奶布甸供選擇。

平時行西洋菜街，成日都見到有人扮鯉魚，原來就係宣傳呢間放題。我地有成十個人，早一日打左黎訂枱，餐廳都好好咁安排張VIP枱俾我地，有沙發坐，而自成一角唔驚嘈親其他客人😂講真，我食放題其實就唔會太重視食物嘅質素（咁當然唔可以太差啦），放題嘅意義，就係嗌到成枱都係嘢食，享受果種食極都食唔完既滿足感！（利申，我食放題唔會浪費架）所以我認為俾齊order好重要，好多放題都係寫10件就比五件，咁樣好冇癮。呢間放題都唔例外，第一round已經漏單一半以上，刺身等左勁耐都未到🙈 當我地叫左十隻雞翼，但最後只係黎左4隻，其中一位朋友終於忍唔住問侍應點解會咁，個侍應就話 你哋嗰10隻仲等緊，呢4隻係整多咗既，驚你哋肚餓所以俾你地食住先😂 雖然都知道佢係bullshxt，不過佢轉頭真係拎返十隻雞翼俾我哋，原諒佢啦😝食物質素不過不失， 飲品甜品嘅種類都多，而且雪米糍係任食🤘🏻

　　好耐都無食放題，今次難得朋友生日，到旺角番本放題。依稀記得以前曾經食過。不過旺角自古以來都係放題集中地，質素參差不齊，確實難搵到一間係值得信賴。既然對旺角放題信心不大，自然要求會降低。話雖如此，今次到番本就算係喜出望外嘅一間喇。　　先講放題必須食嘅刺身，一般有嘅三文魚、帶子、甜蝦呀咁啦。但係今次有比較少見嘅象拔蚌，而且無雪藏味，比較驚喜，好似仲要係期間限定，要試嘅就快喇。甜蝦方面，係用上帶頭甜蝦，ＳＩＺＥ唔細，可惜似乎略欠鮮甜喇。　　燒物方面款式亦唔少，而且出菜快又無漏單，確係值得一讚。而且水準亦唔錯。料理亦唔係將貨就價，而我最喜愛就係佢嘅炒帶子，落重蒜香牛油炒，十分惹味。牛舌亦都係一個唔錯嘅選擇，同行朋友一個人就清咗幾串。　　飲品除咗基本款外，今次我地仲突登試下清酒，本來以為同其他放題一樣屬於垃圾級別，但係竟然估錯，雖然未致於驚為天人，但至少可以飲得過。

刺身失望 好一般 除咗白肉拖羅同三文魚算比較好而且好重雪味環境望落算乾凈 但食完都係肚痛侍應服務周到 帶小朋友去仲有小禮物送俾佢但有一樣食物催咗幾次最後都冇到反而日式料理算比較好 人參雞湯都唔錯梅酒反而冇梅味 軟殼蟹手卷真係唔好食食完覺得維記雪米糍最好食蒸氣火鍋...都冇咩特別 當一家五日去差唔多要$1000埋單大概下次會選擇食翻元X算炸物 刺身之類 冇想像中好 唔會係食完想再食 可能係睇完好多好評期望太大 唔怕伏嘅朋友仍可一試

需知道一分錢一分貨既道理 但點都估唔到咁差…… 今晚我和朋友只有2人 所以開唔到蒸煱 所以只能寫日式放題評語 首先刺身全是迷李板 今晚去就冇象柭蚌换左(長腳蟹刺身）滿心歡喜以為都唔錯吖……一黎原來係冷凍長脚蟹……okok都冇問題 第一round還可以 之後再 order 就大單啦 D蟹未完全溶雪之餘 更係冇肉 㯲落去係“林”既 剪開更加係得4份1肉……隻隻都係咁 d雪仲多過肉囉……極之失望…… 心諗d所“貴”價野唔惦啫 D燒物熟食應ok呱 點知D熱食 串燒完全唔熱 係微暖(粆飯就熱）又有油億味 真係非常失望……今晚仲要平日 都咁差 唉……已經睇晒食評先去 亦中伏……

26號果日系特別時段入去食，收每位$228加一，點知入到去要乜冇乜，要蟹粥又冇，要蜆又冇，入座前又唔講定，入到去先講，最後想食既又食唔到。加上寫既同黎既食物數量都有出入，我寫2，佢次次正係黎1，雖然服務唔差，但可唔可以增加番啲食物數量，唔好要乜冇乜，價錢又唔係抵，真係...比甘貴但又食唔到自己想食既會好嬲。見到隔離枱都埋怨要既野都冇，好多野都冇得食，比咁多錢入去乜都冇得食既話，服務再好都冇用啦！！

因男友十分喜愛吃日本料理，但他食量也十分驚人。所以這次在網上看到番本放題，就帶他來一吃番本！在預約了位置後，也不等就已經能入去進餐。雖然是平日日子，客量卻非常多，安座後環顧四周坐無虛席在看周圍的同時，男友已經整裝待發一氣取下所有放題紙下來一併選擇，當然食物種類繁多刺身、熟食、頭盤等都極為齊全！放題刺身當仁不讓，一口氣叫了各種不同刺身！三文魚、甜蝦、帶子十分鮮甜，刺身質素都很新鮮，螺肉也沒有像一些放題有腥味反而非常鮮甜，這令我非常有驚喜唯一美中不足是象拔蚌鹽水味較重，吃上去淡淡咸咸，沒太多鮮味壽司也沒點太多，因害怕吃太多飽了就吃不下其他其中柚子胡椒針魚壽司給男友高度讚賞，魚肉嫩滑配上小許胡椒的辣度，魚鮮味與辣味相夾十分過癮！接著清酒煮蜆＆和風牛肉粒煮蜆放面蜆肉量非常足夠，少見空殼，而且也有一定酒香味，很帶勁！另外牛肉粒炒也非常入味，肉質嫩身，細嚼幾口已能夠吞下。燒蠔和芝士帆立貝，兩者的芝士味都十分重，調味也不錯，味道很野味。略嫌不足是蠔肉份量較子，不能完全吃出蠔肉鮮味。燒鯖魚燒得香氣逼人，調味適中，配上少許檸檬汁更為好吃！最後吃了眾多美食，也少不了甜點，因太飽原因也只拿了數個雪米糍吃。整

这是一家在开饭喇评分很高的店。今天来拔草这家店，室友吃过的是筑地番本。而我吃的是番本。这是门口。和其他放题店一样，这家店也是有一大堆可以点的菜，我抱着尽量每种都尝试的心态，吃我认为喜欢且不错的。图2和3是刺身，一到日料放题店，必须要吃刺身，我点了两次刺身，三文鱼刺身两片，象拔蚌寿司四片，白玉拖罗刺身4片，希灵鱼刺身2片，荣螺赤贝各四片，鲷鱼刺身两片，北海道带子四个，甜虾四片。最喜欢的是象拔蚌，白玉拖罗，和甜虾。其他的口感也很好，很新鲜。有嚼劲。前菜点了胡麻豆腐，黑松露贝柱粒沙律。前菜开胃，味道不错。只是豆腐不给我用勺子吃有点不开心。手卷点了鳗鱼手卷，辣味吞拿鱼军舰。吞拿鱼的口感很喜欢。海鳗中规中矩。日本料理点了和风牛肉粒，牛油炒粟米，牛油蒜香炒带子。XO酱炒墨鱼咀。四个都不错。最喜欢炒带子，配杏鲍菇炒的。粟米甜甜得很喜欢。烤物点了盐烤大虾，牛舌，猪肉，还有烤菠萝。菠萝越烤越好吃。寿司每样一个，虎虾寿司，北极贝，黑松露鲷鱼，柚子胡椒针鱼寿司，海鳗芝士卷，日式生虾米纸菜卷。北极贝感觉没有特别新鲜。天妇罗点了虎虾，海鳗，糖心番薯。拉面没有点。

放題~~真係好耐無食啦~成日都要搵個可以唔駛理儀態既朋友一齊真係唔容易陣間見信義妹食得咁瘋狂嚇親就唔好啦~~~哈哈難得有人陪就一於放題一下啦~下午就已經放題，睇來我地兩個係超餓底~呵呵~~朋友介紹去番本~~反正未試過一於試下啦~我地BOOK 咗12點呢個時段不太多人我地先點一輪刺身先~~~唔知係咪好耐無食放題呢~~~呢度有象拔蚌刺身啊!!!!象拔蚌鮮甜爽口甜蝦夠大隻三文魚肥美雖然帶子略細，但係鮮甜攞滿分 海鰻芝士卷鰻魚就一般般，太薄啦~~~肉質亦都有少少鬆散~~~但係內裡的芝士卷味道濃郁，都不失為一個選擇 北海燒蠔蠔比想像中大 味道鮮甜，當中有厚厚的芝士襯托芝士控的信義妹大讚 XO醬墨魚咀~~呢個不太辣，無雪味墨魚咀爽口，鹹度適中如果可以辣多啲就更好啦 火炙三文魚跟芝士玉子壽司火炙三文魚魚油豐富，食入口口感豐盈芝士玉子，玉子就略甜，但係芝士的鹹香混合就剛剛好啦 鹽燒海老蝦有手掌差不多大架!!!!殼外面有少少鹹，肉質有彈性，有海鮮的甜 天婦羅蝦炸但入口不油，內裡的蝦亦都唔會過咗火 當中亦都有不同手卷選擇手卷既份量唔算大份，可以試多幾款口味 牛舌，呢個我地ENCORE咗好幾次入口軟滑，鹹味

［食得滋味］系旺中行完街，又到食飯時間，於是個同妹妹齊齊二話不說，就選擇左食壽司。尼間番本近旺中，近近地就衝左上去。放題的價錢都系中等，任食黎講$198一位都可以接受～～入到去，有好多款餐點任我們點，刺身、壽司、手卷、軍艦、串燒、拉面、天婦羅.....這麼多選擇，所以，第一round當然點左想吃的刺身系列先：三文魚、甜蝦、帶子、象拔蚌......三文魚唔算切得太薄，算厚肉、紋路分明；甜蝦好味，我妹妹至愛，一直食不停，所以第一round由她任食甜蝦在等食物的過，可以去自選飲品和甜品任飲的選擇都算多送菜的速度都比預期的快，因為在繁忙時段，叫的人應該比一般時段多，但沒想到都幾快有得食。一口壽司，一啖梅酒，真心不錯，而且可以將陸續叫的鹽燒牛舌、芝士蟹子燒帆立貝、芝麻八爪魚、蟹子沙律....都可以選一次而特別想推薦的是以下的：鹽燒黑豚肉串一串2件，燒得剛剛好，肉質並沒燒得太乾身，也沒太油，可以叫多轉。芝士蟹子燒帆立貝比想像中滋味，芝士味夠、加上燒烤的香，令帆立貝的味更濃食到有點飽，可以食奶凍或芒果布甸、仲有雪米滋和雪糕任你選擇。任食2小時，雖然環境略吵，但一班人來食真是會特別興奮。此次食得番本，

早前, 我和朋友到了旺角一家日式放題吃晚餐。餐牌上的食物款式蠻多的, 有燒物、刺身、拉麵、前菜等等。 去吃放題 , 我通常也會叫一些比較高級的食物, 感覺會值回放題的價錢。我們點了很多回刺身、燒蠔、 厚身兼爽口的燒牛舌等等。甜品方面, 它的選擇比較少，主要有雪糕和糯米糍。

第2次同幾個朋友食呢間，上次同男友食過一次，之前食過一d放題，連續幫襯幾次就覺得質素下降左，今次第二次幫襯，刺身仲保持到新鮮又大件，上菜又快。唯一美中不足就係煮蜆，上次同今次都係咁多沙。。整體都值得推介，希望佢一直保持，兼改良，蜆咁多沙，一係浸返晚先賣。

系openrei見到E間野，睇d評論都幾好，於是就帶住期望去試下！結果，期望越大就失望越大，態度服務都極差，食物就更加唔失望，刺身嘛嘛，炸野唔熱，壽司特別鰻魚有藥水味，羊架認真難食，不定漏單，追完柯打都系漏單，仲要收200幾蚊一個人頭，甘噶食物資素同服務資素一d都唔值