番本日式放題 (已結業)

一早約十六個座位，等了30分鐘只安排三枱細枱，仲逼過大牌檔，投訴後才加一張，坐得非常辛苦，場面混亂，order叫的不到，不叫的亂送（全不合口味）亂送order,熟食送到上枱都係凍，只有個蒸爐非常熱又噪（見有幾枱蒸焦了） 鄰座很吵，環境不衞生，魚生不新鮮有怪味，款式不多，甜品款式少沒得選擇，個件所謂的蒸爐（根本不想吃）不安全亦非常浪費食材和gas，蔬菜海鮮洗不乾淨，服務一般般，不太差，只有知客不友善，非常失望一定不再光顧

跟幾位朋友相約星期五一起晚飯，三咀八舌一個想吃日式刺身壽司放題、一個想吃燒物、一個想吃蒸氣火鍋，於是經搜尋之下找到這間能夠滿足各位、集合刺身壽司燒物及蒸氣火鍋的放題餐廳。餐廳位於旺角中心附近，相當方便！8時到達人山人海，幸好預先訂了位。每張桌上有點菜紙及一個小型蒸鍋，一坐下職員便放生米及湯於蒸鍋內，做蒸氣粥底，等會點了蒸氣食物後，便放在上層蒸，任由精華溜到下層粥底令粥底變得鮮甜。小食點了 <芝麻八爪魚> - 很大隻。<和風蒜味冷菠菜> <胡麻豆腐> - 豆腐滑溜，配上胡麻很惹味。刺身點了多款，<白玉拖羅刺身、榮螺片刺身、赤貝刺身、鯛魚刺身、北海道帶子刺身、原隻甜蝦刺身>,還有一般放題少有的<新鮮象拔蚌> 。刺身質素不錯，都算鮮甜。吃過刺身後當然不少得壽司，選擇不多但特別，點了以下數款：泰式虎蝦壽司、火焰三文魚壽司、火焰海鹽象拔蚌壽司、火焰芝士玉子壽司、黑松露鯛魚壽司、香蔥海膽碎吞拿魚壽司、海鰻芝士卷。壽司飯味道偏淡，略嫌醋味，幸好配料不錯。還有一些不錯的日本料理，例如入味夠稔的<紅酒牛腩>和

旺角有好多間日本放題選擇，今次選擇了放題蒸氣火鍋的番本試試，感覺幾新鮮，餐廳在旺角地鐵附近十分方便。餐廳地方不算大，但坐得都很舒適，第一時間當然看看點餐紙。前菜：芝麻八爪魚和風蒜味冷菠菜胡麻豆腐做得都挺好，很開胃。刺身：白玉拖羅刺身榮螺片刺身赤貝刺身鯛魚刺身北海道帶子刺身原隻甜蝦刺身新鮮象拔蚌刺身都較為平均，十分新鮮，不會吃到冰的感覺。蒸氣火鍋：鮮蝦蟲草花雞南瓜肥牛冬菇蝦好新鮮，不是冰鮮，很彈牙。雞好嫩滑。燒烤：北海燒蠔芝士蟹子燒帆立貝鹽燒黑豚肉串鹽燒牛舌汁燒翠玉瓜串烤有機菠蘿喜歡芝士的就要試試燒蠔帆立貝，濃濃的芝士配搭不錯。牛舌不韌，翠玉瓜和有機菠蘿燒起來也好水潤。日本料理：牛油蒜香炒帶子日式清酒煮蜆紅酒牛腩日式響螺蟹粥紅酒牛腩炆得好嫩滑，味道很好。清酒煮蜆份量十足，蟹粥好綿。壽司、卷物：泰式虎蝦壽司火焰三文魚壽司火焰海鹽象拔蚌壽司火焰芝士玉子壽司黑松露鯛魚壽司香蔥海膽碎吞拿魚壽司海鰻芝士卷軟殼蟹手卷壽司質素平均，飯量不會好多，軟硬適中，火焰的壽司較合我胃口。番本的食物夠新鮮，蒸氣火鍋粥底夠健康，最適合怕熱氣的朋友。

旺角deli橦野多野食 今次選左放題試下可能平日關係 無乜人 唔洗排隊就入得我地系晚上7:30食 入到去 都幾滿場 燈光比較暗椅子不大 坐得小小唔舒服即刻點野食 餐單都算多選擇拎野飲先 有暖櫃 幾貼心隔離有甜品櫃 都系自助形式甜品有奶凍 布甸 我地叫左個梅酒附上二隻杯 有冰底味道不錯Sushi 樣樣叫d 細細舊最好 食多幾款 推介黃金焗蠔 好多芝士呀蟹粥都系另一推介 好鮮甜 真系有蟹肉成碗食哂叫左個九州拉麵唔算好油 叉燒唔肥 一人食兩啖就啱試玩蒸氣火鍋 系mini板Menu選擇不算多我樣樣點左d好kawaiii叫左粥底 不過有d杰 所以最終無食哂

客客氣氣問有無兩位卡位坐佢話：我地無兩位卡位 Pizza Hut (樓下既餐廳) 有 嘩 我心諗 你又唔係特別平 先唔講你食物質素 咁樣既Customer Service真係永不錄用 （激到我女朋友札札跳）

話說諗住男朋友生日諗住食放題，以前都有食開呢間，仲食到有ViP咭，今次揀返呢間食，8點半入去食已經系冇乜客個埸半吉，我地話想平排坐佢地5想又話要問經理又點咁，仲要一話平排坐就即刻黑哂面，之後又話ok，結果比左個角落頭位我地，之後上食物速度又麻麻地，叫人又冇乜人理，8點半入去食到9點半已經last order仲要坐足成晚個場都半吉,我都唔明點解唔可以比D好D既位黎希望佢地可以改善一下經理既服務態度，唔怪得越來越少人食，希望佢諗下點改善

今天放工約埋同事去旺角逛街，晚餐時間，同事提議食蒸鍋，但我比較喜歡食日本放題，而好多日本放題都有埋火鍋，至於有蒸鍋就比較少，上網查了一下，就有了，在我附近有一間叫番本日式放題，有齊蒸鍋和日本放題，於是我們就去試試！餐廳地方雅潔整齊，因為要放蒸鍋，放題食物種類很多，所以枱略為細左d！首先當然來一盆我的至愛，刺身拼盤，刺身非常新鮮，三文魚肥美、甜蝦大隻又鮮甜👍北海燒蠔：用沙律醬燒至金黃色，蠔身肥美，味道酸酸甜甜，非常美味👍芝士蟹子燒帆立貝：鮮味的帆立貝，加上芝士和蟹子，更加有口感和香味！😋另外還有許多食品：例如虎蝦天婦羅、火炙三文魚壽司和鹽燒雞中翼，都是好好味啊！我同事的至愛：蒸鍋，材料也是任食，有蝦、魷魚、蜆、帆立貝、雞⋯⋯,非常豐富，而且好新鮮，蒸完食物，打開蒸盆，下面是一窩粥，它收集左食物在蒸的時間，流下來的精華，所以鮮甜可口，不可錯過啊！最後還有不同口味的雪糕和雪米磁！啊！還有飲品是自取和任飲的。

又去到旺角覓食喇～旺角特別多好野食 我同朋友一齊放左學之後去覓食 近年好興韓燒、火鍋、雞煲呢啲食物 我想食火鍋 但朋友又話想食刺身 喺我地爭持不下之際 突然見到呢間番本放題竟然可以一次滿足曬兩個願望 有近年掘起既蒸氣火鍋番本放題好霸氣地佔左第三層樓全層 而且佢既宣傳牌亦放喺當眼處 大家喺旺角站B2出口一上樓梯 就一定會見到金黃色既招牌首先黎左個沙律做頭盤 🥙 呢個係黑松露帶子刺身沙律 帶子好鮮甜 配埋香濃既黑松露醬 我前後叫左兩碟 😂 沙律用既汁亦都好特別 甜甜地又咸咸地～今日呢個蒸氣火鍋免費～真係岩曬我既心意 我好少見咁樣既火鍋爐 感覺上好似幾安全 下面放左水 然後用蒸氣煮熟啲食物💨🔥食得火鍋點可以唔點肥牛同海鮮～由於太懶唔想剝殼 所以冇點到蝦🦐 不過就點左扇貝同埋白沙蜆 肥牛好薄好正 啲海鮮鮮甜味美 沾少少豉油就更好食第二擊緊係瘋狂叫刺身啦 😍 我地點左三文魚、帶子、八爪魚、白玉拖羅同甜蝦～三文魚一直都係我既至愛 質素唔錯😋 第一次見到放題有白玉拖羅 口感同三文魚好唔同 感覺魚既油脂更多 不過比起大拖羅 白玉拖羅較淡味～淨係刺身都已經食到好滿足😋 不過我地又點會咁細食 再點左兩碟壽

番本實在是放題好去處，大概一兩個月都會來一次，閒日來的話會沒那麼多人，不過還是預先訂位比較安全啦～飲料選擇超級多忌廉溝鮮奶／果汁先生／蘋果茉莉茶／冬蜜青檸／竹蓆茅根還有朝日啤酒，清酒跟梅酒 絕對要推介蟹粥給大家，超級鮮甜， 一人份量剛剛好，之前吃過，真的每次再來都一定要吃！！刺身當然依舊鮮甜，我媽真的超喜歡吃三文魚，她說這裡的三文魚真的算很不錯！牛肉粒比較鬆軟，有咬口， 醬汁不會太鹹，味道剛剛好～清酒煮蜆略嫌酒味不夠，不過蜆是鮮甜的，有待改進喔～最後人蔘雞湯一定少不了！很甘香，平常我還蠻怕人蔘味，可是這個真的超好喝，忍不住喝了兩碗，結果有點飽，哈哈！！甜品方面360牛奶布甸好香好滑芒果布甸就正正常常，沒什麼特別～總括來說，每次來番本都可以吃到捧著肚子回家希望以後還是會常來喔～

由於表妹之前食過話覺得幾好，有鮮象拔蚌任食同埋有粥底蒸氣火鍋，咁啱今晚我們約咗個朋友食飯，而佢又想食日式放題，所以我們就去咗旺角西洋菜南街嘅「番本日式放題」食晚市放題！我們首先叫咗個雜錦刺身拼盤，當中嘅新鮮象拔蚌真係超新鮮爽甜，赤貝亦都係好爽甜，北海道帶子好鮮甜嫩滑，由於真係好正，所以我們再叫多一盤嚟食，之後都仲覺得好想再食，所以我們又再叫多一盤！值得一讚嘅係我們總共叫咗三盤，但他們每次都係會出足夠我們叫嘅份量出嚟，而且態度仲好友善咁，唔會黑面話我們叫咗幾次而減少出嚟嘅份量，真係值得讚賞！和風珍味浸白蜆嘅味道都幾清甜！和風牛肉粒嘅肉質有啲實，唔算太鬆軟，但肉味都幾濃郁！至於蒸氣火鍋我們就叫咗爽甜彈牙嘅新鮮海中蝦，鮮味彈牙嘅半殼帆立貝，鮮甜嘅活口沙白蜆，香滑嘅肥牛片同香甜軟滑嘅日本南瓜片，所有嘅精華都落晒粥底入面，令到粥底嘅味道相當鮮甜！

做完啊assignment 要鬆一鬆，當然要食返個放題，由於食午市所以一定要等到搭正12點先可以入去係入去嗰時見到啲員工到未返齊工。首先當然食返個魚生，由於我不好魚生所以只是叫了三文魚，三文魚切得幾厚而且幾鮮色，油脂分佈十分平均，入口順滑加上沒有很多腥味，所以好容易入口。連我不好三文魚的人也吃了不下七件。炒雜菇一定要試吓，因為菇味好重，而且炒得好滑唔會炒到流老晒，加上分量不少。菇味濃郁，所以鍾意食菇嘅人一定要試吓，炒得幾好唔錯應該係即刻炒的。牛樓粒方面牛肉略嫌過熟脂肪嘅比例不足，但是黑椒洋蔥汁調味不錯，令我有一種係家中食到的風味。所以牛柳粒整體平平不會太差。肚子有空位可以吃一下。銀芽方面，覺得前期功夫做得不錯，頭頭尾尾有撤去，所以入口較為完整不會有很多絲。芽菜幾鮮甜，多水。食完好似健康啲。本人認為天婦羅值得推介，首先蟹柳天婦羅方面，炸粉不會太厚而且好熱好脆所以可以過下口癮。魚枊天婦羅最值得推介，因為入邊嘅魚柳好大舊，加上由於剛剛炸起，所以腥味唔會好重。反而會有少少鮮味所以魚簍天婦羅最值得試。由於全部天婦羅新鮮炸起所以會好熱唔會有好重油益味。👏飲品方面梅酒幾甜唔會好有酒味幾容易落口，飲酒

近年蒸氣鍋都受大眾歡迎, 估唔到旺角有間日式放題都有蒸氣鍋食!! 今個月妹妹生日, 順便同佢慶祝埋生日, 大食既佢必定係揀放題, 勝在款式多, 於是就book左番本日式放題度試試。好彩事先有book位, 我地8:00去到, 全場都已經坐滿8成!門口有張貼價錢, 更標明加幾多錢可以升級食d咩… 而我最欣賞佢地係門口已經張貼是日有d咩缺貨, 唔洗令食客抱住一心想試邊幾款而入到去先發現冇貨而掃興! 不過就見到升級食物上已經有兩款缺貨, 所以今次我地無意升級.入到去, 店員已預先幫我地檯既蒸氣鍋加熱, 而我地就急不待咁寫ORDER蒸氣鍋既選擇唔多, 一般都係海鮮、肉類同蔬菜而飲品方面都有支裝同罐裝, 就連紙包熱飲都有, 飲品就自助拎落左ORDER, D野食黎得超快!!! 第一次既order唔洗10分鐘已經黎齊哂!!刺身以冰墊底, 新鮮厚切, 而且款式都幾多! 特別係赤貝, 很鮮甜爽口!!每次追加刺身, 都有冰墊底~ keep住溫度慢慢食!蒸氣鍋既配料好快亦上埋檯, 店員係第一round就幫我地將d野食夾上蒸氣鍋上, 初時意為蒸氣鍋入面d野熟會有提示, 點知原來係各下自理~後來先發現原來每款配料

記憶中，在日式放題潮初起時，旺角已有此店。友人邀約星期日午餐，我發覺只有約7檯客，便知要寫下我第一篇中伏紀實。12:00到，35分鐘後才上第一碟魚生。侍應生推諉是師傅遲上班。其他食物亦遲來，侍應生推諉是午市有3小時，會慢慢出貨。竟然說如不滿意，可即走。焗蠔尚可，炒飯合格。天富羅不妥當，粉厚厚。全靠有湯粉才夠飽。三人要578元找數，如此平價，但服務，食品質素不應低迷如此。相反，當年在中環的大喜屋，發展甚佳，如日中天。一正一反面例子，反映飲食業的起落。

同朋友仔兩個想搵間放題又有清酒飲又有梅酒飲，盡興一下，記起之前曾經泥過番本呢度， 嘅刺身放題都唔錯 可以再encore一次 今次仲有驚喜添 原來依家兩個人都可以有個蒸氣鍋 跟埋畀你食 ， 一台有一個 簡單點咗幾款食物 ， 平時打邊爐食呢啲就食得多，原來用來蒸既效果都很不錯。 第一次蒸肥牛食原汁原味仲唔會韌添 。 當中最欣賞佢個蝦同雞件， 又滑又入味。 溫馨提示，真係唔好 好似我哋咁 開心得滯一次過落太多order，如果唔係擺到成枱都係，位都冇得你食呀😂 依家仲有點象拔蚌刺身任食㖭，真係好抵食，平時去食一碟都要二百幾蚊啦，而家一人都係二百幾蚊已經任得你食😋😋正 另外在點左其他幾款我刺身有三文魚，白玉拖羅，希靈魚，榮螺片，赤貝，鯛魚，北寄貝，帶子同埋甜蝦刺身， 睇見都流曬口水呀，超開心 除咗食蒸氣鍋刺身再另外點左幾款小食送下清酒， 呢款雞翼尖，都幾特別，係用蒲汁咖哩， 椰子味都幾重。 個墨魚咀仲炸得幾香酥嘢未添。 酒煮蜆都幾清甜而且很新鮮嫩， 食多兩碟都唔會覺得留。 這個蘿蔔炆牛腩炆得好腍好入味，推介 最後當然也要點我最愛食嘅辣味螺肉啦👍👍

今晚星期四$218 任飲任食放題，最特別可以有清酒同蒸鍋，小小枱擺放整齊，我們2個人，都有個細鍋，。當然6個人有另一個size,當然要黎試下啦，我們分別叫左蝦，蜆，扁貝，金菇，肥牛，鮮尤。 蒸蝦好爽口，蝦新鮮，鮮尤好鮮味，蒸鮮尤好特別，另外金菇蒸完好爽口，同火鍋口感不同，菇味濃些。鮮尤好吸引另外有蟲草杞子雞件，滑嫩有雞味放題加埋蒸鍋實在開心，可以除了火鍋另一重選擇，如果有長輩就更加適合，男女老幼各自點菜，在餐廳內所見，很多一家人來食，我們食最貴8點鐘，都係$218收費。 蒸金菇爽口，口感比火鍋更好。刺身夠凍，厚切。三文魚肉質柔軟，白吞拿比較薄身，赤貝爽口鮮甜（可以追加），象拔邦都很有口感，甜甜的（可以追加），甜蝦中size，鮮甜（可以追加），鯛魚肉質結實，彈牙，螺肉爽口，雪味比較重。天婦羅熱辣辣炸起，我們選了蝦，南瓜，日本蕃薯，都好脆好薄。串燒：雞翼- 咸咸地香口；牛舌燒得剛好，軟綿綿牛味濃；鹽燒豬腩片，油份迫了出來，燒得香脆。XO醬爆墨魚咀，辣辣地好適合送酒。另外飲品除了普通汽水，更有竹庶水，茉莉蘋果茶，楊協城涼粉爽，烏龍茶比較特別，甜品都係任食的，有雪米糍（綠茶味道，香芋味道，雲尼