番本日式放題 (已結業)

其實不嬲都有用開or既book檯function 亦一直都用得唔錯，未試過book唔到檯今次係第一次book完諗住上去食時，個餐廳既人話「因為我地無reconfirm所以你個booking係無confirm 到所以你係無檯既」正！咁問幾時可以有檯啦佢地係答「咁你即係walk in 咁計」其實本身對呢餐都有啲期待，因為都太耐無出去旺角食飯喇，但換嚟既居然係呢個結果，真係非常失望我應該以後都唔會再嚟食，唔該哂

同朋友去左呢間野食8點半放題，見都唔少人去食以為OK，但係入到去先知中伏。叫左燒蠔，點知係得個殼冇肉，同職員反映但冇回應，省成省到咁離譜，蝦全部唔爽唔新鮮，淋既應該係雪藏蝦，食一隻就停手，時食速度超慢，唔嗺唔上菜, 冇下次

每星期一天，帶媽媽吃好西。因為媽媽仲沒有吃過蒸氣火鍋，但是又想吃放題，我精心挑選了這一家，放題、蒸氣火鍋、酒精任飲，埋單218 +1 ,超級抵。餐廳位置非常好找，地鐵出去1分鐘就到。來到後，超級多人在等位！就坐後，店員就幫我們加上蒸氣火鍋，帽子10分可愛過癮。店員非常忙碌，東奔西走，不過仍然能保持良好態度，值得一讚。這裏除了一般放題，連酒精飲品都可以任飲。媽媽試Asahi啤酒，我就選了梅酒。除了酒精飲品外，其他飲品都需要自行到飲品雪櫃挑選。值得一提的是，店家還提供一個暖櫃提供熱飲。食物先來刺身，大部份都非常新鮮，特別是三文魚！色澤分明有光澤，厚度一致。媽媽選的芝士焗蠔，芝士味超級濃。牛油炒雜菌，牛油味超級香，有多種菌類。清酒煮蜆。點解提供兩種蜆肉，清酒煮蜆比另一種更好吃。湯汁類似烏冬湯底那種蜆肉沒有沙～還有媽媽很愛的雞翼尖，用泰式煮法，氣味濃郁帶椰香，還帶少許微辣。當然有這次的主角，蒸氣火鍋！其實他提供了很多海鮮，有扇貝、蜆肉、魷魚等等⋯⋯放在鍋子上，其實位置不夠，所以每次只能蒸少許。對於從來沒有吃過蒸氣火鍋的媽媽，感覺非常新鮮又過癮！最推介的是我們最佳了幾次的燒菠蘿！非常非常非常鮮甜

係我食過最差嘅日式放題午市！上熟嘢勁慢！刺身好一般，象拔蚌同帶子好腥一口牛還可以朗豪坊附近幾間無論食物質素同店員服務好過佢多多聲！價錢仲要係最貴，真係唔明咯。無下次！！

午市放題，每位178, 再加一。正常價錢，垃圾服務，選擇已經不多，比其他放題很多選擇，再加上很多食物冇得供應，人手嚴重不足，隔離枱等了很久的定食都冇得食，氣匆匆走了，不會冇下次。

同200磅哥哥去番本……點知就蝕晒大本……象拔蚌刺身有小小強🕷😫隻燒烤虾跟本死左一百年😝娃娃菜跟本老過我個太太太麻！慘到無朋友☠以後一定請都唔再黎！服務還可以！

香港既日式放題餐廳林林總總 但有質素保證（而且價錢又相宜）既放題餐廳又有幾多...經過上次食完番本既好評經驗後 今次又再幫襯！一如以往全場坐滿食客 好彩事前有book定位是晚有幾樣覺得值得推介既食物：枝豆無filter過既相 枝豆顏色嫰綠 表面有些少咸 係佐酒既良品邊同朋友傾計邊品嘗 不經不覺間要再點多碟黎食燒雞翼金黃色既雞翼表皮超脆（絕對係燒出黎既脆）而且肉質嫰滑同juicy 表皮咸咸地 超好味紫薯波+炸雞軟骨炸軟骨size有大有細 炸粉偏薄 但咬落有嚼勁 非常惹味 送啤酒一流壽司 刺身壽司選擇多 用料新鮮 顏色鮮嫩

未試過食放題食得咁開心, 員工很有禮貌, 食物出貨快兼沒有漏單, 父親節正日食都是238+1, 呢個價錢有象拔蚌刺生, 帶子刺生, 還有赤貝刺生, 重有梅酒及清酒任飲, 已經值回票價啦

這天我和朋友在旺角逛街，旺角是一個出名日式放題的集中地，到了晚飯的時間，我們便選擇日式放題，經家人介紹，便決定來這間日式放題試一試，來到這間餐廳，店內的顧客非常多，人客都要等候入座，看見店內環境非常寬敞和清潔衛生，座位非常多，所以給我一種很舒服和輕鬆的感覺特色蒸氣火鍋食物都是透過水的熱力和蒸氣而變成熟食，十分有新鮮感軟彈煙靭的肥牛，爽口微彈的金菇，清鮮甜美的帆立貝，非常鮮甜的海蝦，新鮮爽口的娃娃菜軟綿綿黏口的紫心香芋丸，香軟鬆綿的吉列魷魚圈牛油蒜香炒帶子，牛油味十分香，帶子軟彈煙靭十分清鮮甜美鹽燒牛舌軟彈煙靭，鹽燒黑豚肉香稔軟嫩和油膩，鹽燒海蝦十分清鮮甜美北海燒蠔，濃郁的芝去蓋過了蠔的海水味，蠔十分新鮮，芝士蟹子燒帆立貝，芝士味十分濃郁，帆立貝十分鮮甜黏口的三文魚剌身，白玉拖羅刺身細緻綿化，拖羅刺身售票一向比較貴，所以做放題的店鋪一向不會提供，北海道帯子刺身十分鮮甜，原隻甜蝦刺身清鮮甜美，用大量細碎的冰鋪低，刺身維持係一個很低的温度，保持食物的質素整體來說，食物的選擇非常多，食物的質素非常高，食物非常新鮮，上菜的速度延快，價錢相對非常合理，店員有良好的服務態度和有禮貌，所以我認為這間餐

一行七人6點到達，$238一位，啤酒清酒任飲，當中我地一位生日會半價同book位講定有朱古力噴泉送。有關同事馬上安排坐位，而員工好細心同我地講個蒸鍋係點蒸同叫我地記得點野去蒸首先當然勁點魚生，我每次20,20咁點無少到有時仲有多，三文魚厚切夠新鮮，白肉拖羅好味，象拔蚌夠甜，蝦甜夾爽。之後點熟食，水準平均，味道不錯，每碟叫少少份量唔會咁易飽，值得一提細細碗讚岐烏冬出奇好味最後到蒸鍋，全程有店員幫我地去蒸食物，會提醒我地夠時間食得，叫左海鮮，肥牛去蒸，鍋底係粥，好味道。P.S .差唔多7：40就將朱古力噴泉送到,我地當甜品食反而店內甜品選擇少無驚喜我地無食到雖然7：25已經last order, 但真係值得推介，食到大家攬住肚走，店員好笑容跟得好足，食物黎快，又會主動換碟，我一定會再去幫襯

來到美食集中營既旺角區，每條街上都有不同類型的食店，琳瑯滿目，今次我地揀中左放題]，呢間放題的特式係除左放題之外仲有蒸汽火煱。位於西洋菜街，場地非常大，大約可容納二百人，格局比較簡約。入坐時經過飲品櫃 及雪糕櫃，飲品有十多款，當中有汽水，罐裝茶，果汁同涼茶，如果唔想飲凍，另外有熱飲提供，非常貼心。以下係我極力推介的食物，當然我無食晒咁多款，所以只係局部的意見。三文魚刺身 - 鮮橙油亮的三文魚刺身， 油脂分佈平均， 肉質柔軟肥美， 入口甘香美味。甜蝦刺身 - 肉色油亮, 肉質晶瑩剔透, 入口甜美。 黃金焗蠔 - 賣相豪華的黃金焗蠔， 蠔面上放了大量的芝士沙律醬汁，雖然蠔身細細隻，但肉質鮮嫩多汁，每啖也r吃到香濃沙律醬汁，無比滋味。芝士蟹子燒帆立貝 - 金黃色的面層蓋住新鮮的帆立貝，味道鮮甜牛油蒜香炒帶子 - 炒得好香，入口有香蒜味,  牛油味較淡，帶子爽口不會過韌。燒菠蘿 - 新鮮菠蘿 ，燒左後特別香甜，食多幾件都唔會厭。燒牛舌  - 厚薄適中，燒得恰恰好，邊位很脆很香，而中間部份仍很軟腍的，肉質非常爽口，味道咸香 。燒雞翼 - 皮脆肉嫩，調味恰到好處，食幾件都唔覺口渴。燒雞軟骨 - 十

半年前曾與朋友來過一次，感覺食物好味，但今日去到，簡直徹底失望，不會再來因為本人很鐘愛赤貝刺身，但亦知道好多食店經常會缺乏此食品，於是到了門口亦重申問職員否有，職員表示只沒有鷄翼及墨魚咀，但當叫食物時，發現已多次選擇赤貝，但未有提供，故只好詢問職員，回覆未有貨，食物種類不多，新鮮道欠奉

好耐無食過放題，今次黎呢間番本試下。其實呢間都係第一次食，睇下係咪真係可以番本先！🤤首先一定要叫返一堆刺身先啊，三文魚大大片，又厚切！最正係個白玉拖羅，食落口好鮮甜，唔腥，唔似食緊魚生咁！榮螺片如果可以切細少少會仲好，可以食得再爽D!🙆🏻壽司叫左火炙芝士壽司、松葉蟹棒壽司同三文魚壽司。最好食係蟹棒，食落口啖啖肉，好正🤤炸雞軟骨係必食啦，好脆身，味道唔會好咸。如果有沙律醬點下就perfect啦！推介焗蠔，加左好多香草同沙律醬，但隻蠔size都唔算細，好滋味！另外呢間放題仲會包埋蒸海鮮，所以真係好抵玩，而且海鮮選擇都唔少。兩個人都有個迷你煲俾你蒸蒸下。侍應姐姐仲會定時定候幫你蒸埋，又會提你幾時食，好細心。有雞件、魚柳、帶子同蜆，推介食雞件同魚，加左蒜個味好香好濃郁。👻

友人陪讀日子終於完結, 意味著困獸鬥亦都完結, 佢話要好好食番餐慶祝, 我當然樂意陪食, 要夠盡慶, 放題係一個相當好選擇!呢間之前都食過, 價錢親民, 食物種類都夠多, 時間有2小時任飲任食, 地點又方便大家食完散水, 就呢度啦..................和式裝飾, 座位唔會迫, 枱面都適中唔怕食物黎到無位放食物種類多樣化, 前菜, 刺身, 壽司, 燒烤, 日本料理, 炸物, 酒類等都有提供, 岩食就落單比侍應後等食!話明任飲任食, 飲品及甜品自己出去雪櫃拎, 甜品有奶凍, 芒果布甸, 雪糕杯及雪米磁!刺身選擇多達9款, 三文魚, 希靈魚, 榮螺, 赤貝, 鯛魚, 帶子, 甜蝦等, 驚喜係連象拔蚌都有, 款款都算新鮮, 帶子係厚身架, 唔會毫無口感, 只係食幾轉都番本啦.......身為蟹籽沙律既忠粉, 有得叫當然實叫啦, 除左有多汁既青瓜絲外, 仲有沙律菜係底, 加上大量脆卜卜蟹籽, 口感爽爆!壽司細細件唔怕成大舊飯會"質"飽你, 款式都唔係無得比你㨂, 食落質數都唔差喎, 夾起上黎舊飯唔會散開, 個人推介係蟹棒壽司, 味道幾好!燒物點左鹽燒鷄中翼同烤有機菠蘿, 鷄中翼唔算

今日同好友相約食日式放題，記得之前好友提過番本日式放題水準不錯，我倆就決定聽好友提議book枱試試先。位置非常方便，旺角B2地鐵站出口對面，準時8:30pm到達，門口已經有不少人正在等位，好彩有預先book枱。同其他放題店一樣，一大曡點菜紙已經放在枱上，選擇亦都算多。飲品放在飲品櫃任取，而且仲有雪糕櫃，有3款不同口味的雪糕做甜品。當然先叫刺身盤甜蝦-鮮甜多膏，蝦味濃郁帶子-鮮嫩甜美象拔蚌-新鮮爽口赤貝-反而味道普通，不過不失日式清酒煮蜆日式清酒加上昆布同煮，湯底滲出淡淡清酒香氣，蜆肉鮮甜，完全沒有沙。鹽燒雞中翼外皮燒得香脆，雞肉多汁鮮嫩，一啲都唔乾，好好味呀！海鰻芝士卷海鰻軟身鮮甜，飯卷卷著芝士加青瓜，爽口又滋味。和風牛肉粒牛肉粒軟淋鮮嫩，而且肉味濃，加上和風醬汁惹味十足。鹽燒三文魚頭骨腩三文魚皮燒到脆卜卜，魚肉嫩滑。紅酒牛腩味道跟羅宋湯有點相近，牛腩入口即溶，好好食呀！鹽燒牛舌牛舌爽口鮮嫩，加少少鹽已經好夠味。炸雞軟骨粒必食之選，雞軟骨非常有咬口，而且味道惹味香口。好友果然無介紹錯，食物出色，而且店員服務態度好，手腳快，下次要帶埋老公一齊食。