甜牙牙

營業中

休息中

有次星期六 同妹在旺角做gym後,都晚上了時間, 都有點肚餓, 經過見到~甜牙牙, 不知不覺甜品癮又發作,咪下去囉! 裝潢好有Coffee Shop 感覺, 舒適優閒.* * *【英式全日早餐】$70同妹Share食醫肚,留返肚食甜品。這英式全日早餐非常豐富,以大堆頭的形式上碟,包括有香草腸、法蘭克福腸、煙肉、焗豆、草莓、牛角包、雜菜沙律、太陽蛋,牛角包十分香脆可口,最愛醮蛋汁一齊來食架。*另套餐配特飲半價 $15【西瓜特飲】 飲上去是清甜西瓜沙冰,再配上厚切西瓜肉,清新怡人,好COOL,十分消暑。* * * 【金寶蘋果批】伴 MOVENPICK 雲呢拿雪糕 $70 好大份蘋果批,內有好甜甜軟蘋果,與面層酥脆鬆化可口金寶牛油粒等有強烈對比口感,配香滑MOVENPICK 雲呢拿雪糕,多重口味,強烈冷暖口感,是好飽肚的甜品。* * *【Tiramis 伴 MOVENPICK 瑞士朱古力】 $72 賣相好吸,甜品最頂是香濃MOVENPICK 瑞士朱古力,中是潤滑香甜的Tiramis ,最底是好簿鬆軟的班戟,一次過食, 有多層口感, 回味無窮。

同女生食飯, 你會發現佢地好多時只係食一點點就會叫飽每位都好似雀仔胃咁, 啄2下就唔再食但只要提起飯後甜品, 女生們的雀仔胃就會即時變大胃王, 多多甜品都食得落我的女生朋友就係個好例子跟朋友於旺角聚會, 飯後再找一處地方吃甜品, 最近的甜品店就是甜牙牙.店內地方不算大,多客人的時間感覺會有點擁擠.不過大多數的甜品店都是這樣的格局.原以為朋友們只會單點雪花冰、雪糕等輕食的甜品. 因為上一餐仍未落格呀~誰知她們嚷著要叫窩夫(汗顏)餐牌是圖文并茂, 而且圖片精美. 看上去樣樣都好吸引, 不知選那一款.甜牙牙的窩夫相當出名, 所以款式同味道都特別多選擇.我們糾結完一段時間, 終於有決定啦.先來一份芭娜娜提拉米蘇窩夫 HK$62窩夫份量很大, 足夠2個人食. 賣相十分吸引窩夫上的配料也不少.有一球雲呢拿味雪糕, Tiramisu蛋糕一塊及烤得微焦的香蕉(芭娜娜)再於面上加上朱古力醬做裝飾, 很有酒店級的水準.另外配有糖漿, 可以按自己的喜愛增加甜度窩夫口感紮實飽滿, 外脆內軟，奶味和蛋味平衡得剛剛好配上雪糕或 Tiramisu伴以同食, 一暖一冷的感覺增加了窩夫層次感. 味道也中和了不會太甜,O

同事之前整親腳在家休養，趁今日得閑便去探望他，時間尚早，便於廣華街一帶逛逛街揾食，見到甜牙牙掛上下午茶餐牌，於是進內坐下。店員隨即遞上特餐餐牌，常餐餐牌，還有甜品餐牌。最後見特餐好抵，由$22-$28不等，而且隨餐附送多士，太陽蛋及柚子冰紅茶。於是我便點了"午餐肉奄列出前一丁"不久，店員便送上多士和太陽蛋。香脆多士熱辣辣，一咬好脆又軟熟，牛油味亦很香，但牛油不會搽得太多。太陽蛋我嫌煎得太熟了，不是我喜歡那款。柚子冰紅茶唔甜，好濃柚子味及紅茶味，甜度適中，比較細杯，冰唔夠。最後店員遞上"午餐肉奄列出前一丁", 午餐肉奄列有成個碗甘大塊，亦有很多午餐肉粒，不會太油，只是嫌奄列煎得太熟了。而麵條左啲, 沒有麻油香味，還附上生菜兩條。這個下午餐非常抵食，只須$24。下次要試試其他套餐。

平時夜晚行過這裏,總是人山人海,今日下午行到這裏,見人數不算多,就入去坐低咗.內裏坐位不算多,都坐得舒服. 原來這裏不單止有出名的層層層疊還有特餐,好抵,做到晚上8點.多士都厚身,好脆口雞蛋亦煎得好靚,半生熟,有少少燶，就最好味友人叫了午餐肉奄列出前一丁,多士太陽蛋 24元 配柚子冰紅茶。,餐肉醃列好大件,比平時餐廳食早餐還大件,午餐肉一條條就好像平時的火腿粗絲一樣,出前一丁好大碗,麻油另上,自己落麻油,可以即是聞到香味,胃口倍增。瑞士雞翼 5 隻 38元。 不是太大隻,皮就不是太肥,太厚身所以好入味,唔咸,就算連皮一起吃,都沒有罪惡感紅荳冰,好重奶味,雖然不是太大杯,但好多紅荳,紅荳好林,若味道淡一點更正,夏日消暑佳品Bond 就叫了美式全日早餐,有香草腸,煙肉,熱香餅,黃豆,番茄生菜。煙肉煎微燶,脆脆地,好有趙口。抵讚黃豆是暖的,即不是一開罐頭就比你嗰種,有誠意熱香餅好厚身,比一般食慣薄薄的更有口感,且有好濃蛋味,沾上配上的蜜糖,更加好味。這裏做心太軟很有講究朱古力百蘭地酒心心太軟(朱古力流心餡)伴以雲尼拿movenpick雪糕 ,因有酒在蛋糕裏面,所以比較重身,倒出來時會有些間失

身住屯門的我早已嚐過甜牙牙了，甜品表現實在太棒了。而那天跟朋友在旺角，她說想去甜甜牙用餐，於是就看看這裡咸甜食物是否適合她的口味。於是我們就點了兩樣咸點雜錦小食拼盤及經典原味（鹹味）的套餐，再來兩客甜品伯爵茶木槺布丁及莫卡奶凍伴Baileys+棒子雪糕。雜錦小食拼盤，先填填饑餓的肚子。小食拼盤有三種腸子，附碟亦伴隨沙律，沙律新鮮又爽口。而腸子濃味十足，內裡都是熱騰騰的；腸子咸味不會過火，味道是剛剛好的，不會令人吃後十分口渴；腸子的肉質不會太散，起碼不會一切開就已經肉質分離。經典原味（鹹味）即是雞蛋、火腿、芝士配料的窩夫，原來窩夫配上咸點時，味道都幾特別，而脆皮的窩夫亦非常可口。火腿外皮脆口，配上軟熟雞蛋及爽口的生菜，口感非常特別。而雞蛋味道很濃郁呀，跟在街市買的雞蛋口味完係不同呢～感覺很像農場新鮮的雞蛋般。而在配料跟窩夫之間，有少許濃郁香味的芝士，吃下來不膩不油，令窩夫更加香噴噴。而窩夫更配上細粒又新鮮的水果，可以在吃咸點之間清清口腔呢～甜點上場了，先來伯爵茶木槺布丁。甜品表面鋪滿芝麻，令甜品一上場就已經搶了我們嗅覺的注意。木槺布丁自己曾製作過，軟硬程度是有點兒難掌握的。但這個木槺布丁

忙完一日工作，甜品就係比自己最好既鼓勵 陪朋友去油麻地睇完模型，就到內街街找找甜品食！突然聽到大大笑聲，原來有人在甜品店挑戰45mins內食曬整個:超級窩夫層層疊  咁我都入去邊食邊睇賽果！點了伯爵茶木糠布甸，質感鬆軟，咬落有伯爵淡淡茶香味，再配上脆餅杏仁，整個味道簡單清新！芒果可麗餅併movenpick雪糕，芒果清甜唔酸，餅皮厚薄剛好，即使食曬都唔會膩，！朱古力果仁可麗餅併movenpick，其實我本身係唔多食朱古力咁甜既人，比佢有杏仁做配搭而吸引左！朱古力味重，我就一塊皮底+脆餅+雪糕食，味濃唔甜！士多啤梨特飲，配以soda，清甜解渴！最後參賽者挑戰成功！ 旁邊有人仲好主動走去恭喜恭喜！仲有證書tim 用心製作既甜品，味道、設計、配搭都好有水準！下次要試埋梳乎厘系列！

陪友人買完打槍用品, 行到累累地當然要食返個甜品補下數, 呢頭唔知幾時開多左好多甜品舖, 一諗到想食窩夫, 就自不然雙腳行左入呢間由於時間尚早, 夠鐘食甜品既客未到, 唔駛坐得咁迫, 可以慢慢嘆打開餐牌, 發現除左有甜品外, 原來仲多左咸食, 我地就叫左"特餐" - 芝士腸泡菜辛辣撈面, 送多士, 太陽蛋及柚子冰紅茶 ($24), 相當抵食喎! 份量唔野少, 個辛辣面都幾辣, 若然由撈面變為湯面會好D, 好在有杯柚子冰紅茶解辣全日早餐真係好多時都見到佢既踪影, 估唔到連呢度都有$70, 材料豐富, 尤其欣賞佢個迷李牛角酥, 好香脆, 配埋個茄汁豆一齊食, 梗加好味! 仲送埋杯柚子冰紅茶架好啦.....甜品時間到啦! 由於食左以上兩樣, 飽飽地就唔食窩夫啦, 改食呢款係三色脆蕉可麗餅 ($68)賣相幾靚仔, 所謂既脆蕉其實係似拔絲香蕉個脆面咁, 用香軟既可麗餅包住香蕉加, 雪糕加杏仁片一齊食, 又硬又軟, 好快被我地KO左啦!意猶未盡, 再叫多個伯爵紅茶梳乎厘 ($65) - 食到淡淡既伯爵紅茶味, 味道唔太甜, 配埋朱古力雪糕岩岩好以上2款朱古力雪糕球都係用MOVINPICK, 唔怪之

我今次無影相，因為太嬲我連影相既心情都無！我地如常點野食，都唔係第一次食，以往都好有水準。於是朋友叫左個$8x既雪糕waffle , 一個焦糖燉蛋，我叫左個芒果綿綿冰。個芒果綿綿冰食開都有一隻大餐碟裝住，一半係綿綿冰一半係配料，佢今次竟然係用左隻咖啡杯墊底果種碟裝比我，得手掌咁大隻，份量激少！配料仲要墊底見都見唔到！有無搞錯咁都好意思囉出黎比我？然後我投訴佢咁少，以為佢會變返正常餐牌果個款啦，點知佢只係加多一督上面頭！！！我即刻果斷咁同佢講：唔要啦！然後朋友個焦糖燉蛋，嘩！痴線架！$4x蚊得葡撻咁大個咋！！！！離譜囉! 乜野都縮哂水！！！然後waffle 來到，嘩 又一個伏！佢平時$8x果個好大份架，佢黎到同以前$4x果個size 一樣咋！我呆左，味道亦都無以前咁rich咁香咁好食，個waffle 好似無哂香味，雪糕話係movenpick但完全唔似！我覺得呢間甜牙牙已經變左質！如果唔信我，即管去試下望住個餐牌，再order返黎睇下係咪變哂做迷你版啦！嬲到核爆呀！

叫左lee 個2個人share! $198聲稱係movenpick ice cream! ！我肯定個vanilla ice cream 真心唔好食lorlorlorlor! 乜原來movenpick係咁！真係可能我見識少 未食過咁特別嘅甜品！$198一個，好心比d心機製作！個心太軟苦嘅！心太軟下面係d冇味嘅蛋糕同cream! 越食越苦個樣係呀！呃到人, 但個味又冇心難食lor 地方又迫，同隔離張台貼到連行返出去走都有難度！最令我討厭係連杯水都有陣味！搞笑！勁呀！水都可以咁！

超級傷心，係一個好肚餓既情況下，呢頭間間餐廳都好多人，只係甜牙牙唔洗等位...一心想食咸既野，諗住叫個all day breakfast, 點知原來8點後就冇得食,咁就唔係all day la 算...我同呀妹2個人，叫左呢個話可以2-4人食既甜品，個賣相真係好吸引！點知.....心太軟係有流心既，但佢又焗得唔夠，中間好明顯有成舊朱古力未溶！呢個甜品標榜佢係用mövenpick 雪糕, 但我同呀妹都覺得vanilla味唔似係mövenpick lor ! 除左心太軟同2球雪糕之外，入面仲有一大舊cream ? 定唔知咩冇味既野同一層帶苦味，愈食愈苦既朱古力蛋糕...成個甜品最好食只有雪糕同生果！但咁既質素要賣成$198，早知食街邊小食算啦下次想食好野真係唔可以懶！其他店等哂位咁係有佢地既原因的！好後悔浪費左個胃既quota

打完波, 肚仔餓去旺角搵野食,行到去煙廠街有幾間食甜品既餐廳。行左幾轉, 諗黎諗去最後俾呢間個下午茶價錢吸引左入去…價錢黎講呢間算唔錯…入到去坐角落頭位, 聽到個女服務員不停低聲自言自語, 埋怨一啲同工作有關既野… 雖然我都明飲食業係辛苦既,仲要成場都係佢一腳踢(收碟, 上餐, 抺枱),但都唔好係啲客面前係咁講吖, 好影響氣氛.@@食物方面叫左一個綠茶紅豆窩夫同一個三色雪糕窩夫… 以呢個價錢黎講都唔錯啦, 個窩夫仲係熱熱地同脆口.不過跟餐飲品就唔好有咩期望啦…柚子冰紅茶只有紅茶味.都冇柚子味既….

甜牙牙沙冰有很多款口味之前我點了抺茶朱古力及芒果抺茶沙冰包括了小丸子紅豆抺茶粉及珍珠是偏苦的味道甘甘的抺菜味是我的最愛覺得苦的時候可以連紅豆一起吃因為紅豆的味道偏甜的珍珠亦都很彈牙朱古力沙冰味道較甜更配合酸甜的士多啤梨令到口感再提升連士多啤梨一起食就有酸有甜而且還有朱古力脆脆有乾又濕的的topping 更符合我的口味最後是芒果沙冰Topping 比較少而且味道都比較清淡

星期六下午放工去旺角行街, 未食lunch但已經係tea time, 行過廣華醫院附近見倒呢間小貓三四隻, 週圍都full唔想等所以入去試下。坐底無耐就突然好多客入黎, 都無所謂啦。落單無耐就突然聽倒廚房鬧個樓面啲單亂, 又話呢樣無果樣無, 都幾大聲下, 啲客都聽倒(包括)... 嚇到有枱即刻走人, 我都有諗過走架, 不過朋友話算啦所以繼續等... 點知過左陣廚房第二次鬧樓面... 鬧到好大聲, 有枱客忍唔住出聲話返個廚房... 話佢有權關門唔做生意, 人地做樓面jar...駛唔駛咁惡?落單呢樣無果樣無都算, 仲要令啲客咁不安... 侍應樓面都係人je...跟住先停左... 我啲order之後就到左... 不評論食物質素啦！以後都唔黎啦…見個樓面咁慘, post 上黎比大家參考下評下理。

放假四圍行四圍買, 行到攰就搵個地方休息下, 食個下午茶. 見甜牙牙下午茶餐唔係好貴, 而且類型都幾多選擇, 一於試試, 下午時段唔洗排隊.碎蛋沙律牛角包$36呢碟野都等左好耐, 唔知係咪較少人食唔係甜品既野. 講番味道, 牛角包都幾鬆軟, 但祗係微暖, 唔會太油. 餡料有碎蛋, 火煺粒, 生菜等, 配埋蛋黃醬口感不俗. 而主要碎蛋亦唔會太少, 份量都算OK. 旁邊仲有幾塊薯片, 配搭搞鬼.總括黎講, 唔食甜品普通野又真係普通左D, 路經唔多人可以試下.

這款綠茶的味味道十分濃，濃到有一點點苦的，但亦有甜甜的紅豆放在一齊，而且紅豆都有一點咬口的，令到整個甜品更加有口感，紅豆十很甜的，不會太軟的，雪花冰都不會像下了佷多糖似的，感覺天然的味道