甜牙牙

營業中

休息中

佢平日大概要等5至10分中但係星期六日就真係多人排到好誇張佢個心太軟相當好食本身以為心太軟要等好耐不過都係10-15分中就起好唔使有排等個心太軟仲有士多啤莉好甜(如果佢係酸我分分中會負評心太軟既流心都幾夠熱但係唔會太甜,控制得幾好個皮都幾薄唔錯之後友人仲叫左個Waffle, which is 應該係呢間野最出名的佢有小小SYRUP比你自己淋上去不過佢WAFFLE都有好多款都好多SIZE岩唔同人食有款大概6-7層既係呢間野既GIMMICK 如果你45分中內一個人食得曬就唔使錢不過我唔覺得有人會空肚去食甜品BTW WAFFLE旁邊果D唔係砠糕而係類似木糠布甸既甜品幾得意

好難食唔食好過，食完都無哂心機8：52分入單，9：45分至有得埋單，等左半個中果時已經過唔要，又唔比人埋單，話好快焗緊，一般灑客既態度，幾枱客都話凍叫佢熄細d冷氣，個類似老闆娘咁既叫熄左個冷氣，個侍應就彩佢都傻，不過難為我地凍果d囉

吃過午飯，再吃甜品，才算是一頓完滿的午餐。因此我和朋友兩人去了附近的甜牙牙吃甜品，而我點了草莓waffle。草莓waffle -waffle的皮脆內煙韌，口感不錯。我點了原味waffle，其味道比較淡，但奶香味非常突出，再配上vanilla雪糕，味道剛剛好，不會太過甜，很適合不喜歡吃太甜的人。而且加上草莓的酸甜，更是完美的配搭。所有配料不論味道，還係口感都能互相配搭。

邊個話晚飯後先可以食甜品咖?同朋友係旺角食完午飯心思思好想好想食甜品發現甜牙牙竟然有下午茶的窩夫餐連飲品都係$34當然叫返個黎過口癮啦鮮果窩夫有奇異果火龍果西瓜哈蜜瓜等而窩夫亦堆砌得高高的看起來就很有霸氣外皮香脆的窩夫 內裡卻是熱辣辣的軟綿口感沾上朱古力醬和糖霜令其甜度增加配上雲呢拿雪糕這可算頓豐富的下午茶啊!

今日同舊同學黎試食甜牙牙兼吹水、聚舊，叫左呢個甜品—香蕉pancake配雲呢嗱雪糕份量都幾大份，pancake入口鬆軟，入面果刻軟綿綿，配合埋糖漿、糖粉，甜度適中得黎又易入口 而上面雲呢嗱雪糕頗為香滑，配合埋點綴既果仁，食落香口之餘又不失主角雪糕既幼滑，可以話係錦上添花，唔錯！ 但敗筆之處係隨餐附送既薰衣草花茶，佢既味道有別於一般飲開既花茶味道，總係覺得有d唔自然，入口怪怪的 溫馨提示 呢款甜品都算幾大份，最好就兩個人share食，作消閒tea time用最perfect！

買咗戲飛睇戲又未夠鐘入場，於是就齊齊食個甜品hea吓時間！叫朋友係旺角揀間要坐得舒服又吹到水嘅甜品舖，朋友諗都唔諗就帶我去咗呢間仍然揀番我至愛嘅配搭，香蕉同朱古力綜合咗就喺香蕉蜜糖窩夫配朱古力雪糕大約10分鐘就開得餐，舖頭將1塊大嘅窩夫切好再擺盤，都幾有心思，連切都唔駛切就食得份量對於1個人嚟講係啱啱好，兩個人就一定唔夠食！蕉味香加上凍冰冰嘅朱古力雪糕好搭，仲有小小蜜糖同nuts，點落剛出爐嘅窩夫，窩夫烤得外脆內軟，牛油味香，令人食完都想叫多1客唔知喺咪平時嘅下午，所以舖內無噤多人，兩個人傾足大半個鐘都仲得，不失為1個幾好嘅聚腳點

夜晚係旺角食完飯之後，同男友一齊行街街，行到咁上下，諗住食完個糖水先走~ 宵夜時間，入面已經坐滿哂人，我地要等大約15分鐘左右～首先叫左個Strawberry Waffle($48)賣相都算唔錯，只係實物既士多啤梨少左而且無咁厚切(變成薄薄一片)，但都係可以接受喔。蜜糖係用一個小器皿裝住，分開上, 可以自己調校甜味。可惜成個甜品敗筆係Waffle 身上以及個自家製士多啤梨醬。一食落口，waffle 只係暖暖地，連熱都稱唔上, 而好食既waffle 應該熱騰騰送上......自家製既士多啤梨醬，我自己覺得過酸，無乜甜味，份量好少，而且醬亦都唔夠濃。雪糕無咩特別，我自己揀左雲呢拿口味（仲有朱古力味選擇喔）。本來窩夫配雪糕係有冷熱交替既口感，但呢個完全無，好失望......朋友叫既係桂花荔枝雪糕號($40)好伏!!賣相係超水狀，雖然知道會有荔枝汁，但實物同相片相差頗遠。桂花茶凍配荔枝雪糕佐荔枝汁，但現實係，面頭鋪住無味既碎冰覆蓋住荔枝雪糕，然後桂花茶凍係無桂花味，我覺得似係食緊魚膠粉，to be frank,酒樓整既好似仲更加好食......最後，朋友淨係食左個雪糕同一舊茶凍，因為成盤野好快

今日在旺角搵下午茶食，被孖寶拉了入甜牙牙。粒粒芒果木糠布丁批($39)：我家小姐點的，芒果不夠甜，但勝在木糠布丁批整得香滑，餅乾碎口感也好，三扒兩撥便吃完。Apple Crumble ($68)：都整得夠香，唔夠小朋友搶，好快食哂。公司窩夫三文治配香蕉脆脆Sundee車(set for two)$90：用架車盛載食物梗夠吸睛啦，我家少爺指定要叫這個，但味道只是一般，食物全放在空間有限的車型器皿上，食時好有難度，隨車跟手給客人兩隻碟子，讓客人可把食物放在碟上才吃會好很多。可能我們有小朋友同行的關係，其中一名職員十分熱心，主動和我們聊天，又送了數粒英國棉花糖逗小孩歡喜，和客人打好關係，讚!

食完飯去食糖水，聽聞甜牙牙口碑幾好，而且好多人排隊，就囉張飛等埋一份試下。其實都坐得幾逼，枱枱都坐到好FULL，枱貼枱咁，不過唔緊要啦，食完就走。打開個餐牌見到樣樣都好吸引，三個朋友仔，最後點咗兩份甜品，公司窩夫三文治配香蕉脆脆同士多啤梨窩夫。士多啤梨窩夫賣相好靚，窩夫熱熱地好脆口，加埋士多啤梨醬同士多啤梨一齊食，甜甜地幾好味。而士多啤梨好在唔酸，甜甜地幾新鮮。用架車載的公司窩夫三文治配香蕉脆脆真係好精緻，載住4塊窩夫同香蕉脆脆。窩夫有朱古力同綠茶味，朱古力味好食D，味道比較濃，但綠茶味真係淡咗少少。香蕉脆脆真係非常好食，食落有蜜糖味又脆口，而朱古力及綠茶雪糕都好滑，用嚟送窩夫一流，下次再來!

之前已經試過，覺得好好食，雖然等距烹飪伽時間稍長，但物有所值個雪糕喺牛奶口味，旁邊個窩夫好熱，好硬，但完全五影響個雪糕 冰冰的切起上裏有D難。旁邊搭配伽水果有中和的感覺，配合來吃無咁容易上火。好在今次個奇異果五酸。而對面個喺麵包干，同樣好脆，當中個紅豆個人認為太甜，但個麵包搭配個汁又幾好食落有 新鮮薯條的感覺

早前Wing跟朋友Gathering完以後，咀裡總是想要點甜的，走到旺角廣華街，看著看著，又好像很久沒有吃過「甜牙牙」，所以便走入去這裡吃個甜品~~公司雪雪堡 ($54)公司雪雪堡呢，其實雪糕就沒特別的，但配搭得宜，讓食客的味蕾有多元化的感覺，水果就夠新鮮，配合雪糕來吃讓感覺更豐富。至於厚多士，該是這個雪雪堡的重點啦，夠厚夠香夠脆的，配合起雪糕跟水果一起吃，口感超豐富的。要是厚多士不夠脆，口感該會大打折扣啦，幸好這個做得好啦，印象也很不錯呢~層層疊雪雪堡 ($90)這裡是二人份量啦，跟第一個甜品有點點似樣啦，但這個用上的卻是朱古力窩夫，帶點點黑朱古力的澀味，配合上滑溜的忌廉跟水果、雪糕一起進食，口感豐富之餘，也把那點點的澀味趕走，帶來的是甜甜的感覺~

去到鋪頭都幾多人，岩好有幾個空位。我哋見咁多人已經快快咁點甜品。但其實都要等35分鐘甜品先到入面裝修都可以，筆過有D熱、吵。。甜品五算貴，大部分都抵食我哋叫左2樣甜品。。都幾好味分別喺｛綠茶雪糕堡、鮮果窩夫｝雖然等左好耐甜品先到。但都幾滿意，個麵包同窩夫都好脆加上我個綠茶雪糕堡屬於下午茶套餐，附送一杯薰衣草茶，但我覺得個味道怪怪的，可能喺五岩我口味。適合喜歡食甜食的人，總體我對呢個餐幾滿意！鮮果窩夫伽水果就欠佳，好在個窩夫好脆。可惜其中奇異果超酸。適合喜歡酸酸甜甜的人士。

晚飯後來這裡食甜品，點了紅豆抹茶綿綿冰同楊枝甘露果拼，等待期間，人越來越多,由於地方小，開始變得嘈吵，等了15分鐘，望入廚房，得一位師傅整甜品，唯有耐心等待。甜品終於來了～紅豆抹茶綿綿冰，甜品底部一灘水，紅豆差不多被淹沒，碟邊周圍也弄得很髒，綿綿冰溶了很多，像是整好了很久也沒有店員安排上枱，真係沒有勇氣去吃。找店員詢問，店員還聲稱今天的冰塊比較大，但我反問為何甜品底部出水，店員啞口無言，把綿綿冰拿回廚房，我們心想她會要求廚房再整一碟，等了一會，甜品再次上枱，仍然是剛才那碟出水的綿綿冰，只是頂部再加了幾層剛弄好的綿綿冰！我們既憤怒又失望，本想息事寧人，嘗試吃了幾口，毫無抹茶味，心想花費了$51吃這樣質素的東西，實在忍無可忍了。叫另一位店員拿掉這個出水的綿綿冰。這位店員看到我們的表情，主動替我們取消綿綿冰價錢。至於楊枝甘露果拼，生果味道正常，楊枝甘露裡有啫喱，可惜椰奶過多，蓋過芒果味道！總括而言,以後不會再光顧！

看戲前來這兒吃甜品, 諗住甜品當晚餐。第一次來, 當然要試他們的WAFFLE, 但其實可選的味道不多。strawberry waffle: 賣相OK, 蜜糖分開上, 可以自己調校甜味, 可惜WAFFLE只是微暖, 我以為是熱的....一口咬下去, 出奇地脆AND LIGHT, 但沒有牛油味和蛋味, 只有麵粉味。 WAFFLE本身是無味的, 而STRAWBERRY 醬只是少少酸, 但不甜, 我不愛吃蜜糖, 所以用來蘸VANILLA 雪糕吃。tiramisu pancake: 我們等了半小時才來!! how come!!! 我們忟忟地之際, PANCAKE來了, 這個終於是熱的, 還很厚很大件!!! PANCAKE本身已有少許蜜糖, 微甜, OK, 我以為中間夾住的是TIRAMISU, 但原來是香蕉?? 9 5 搭8 WOR.... 朋友說香蕉烔軟了不好吃

好耐無出去旺角食飯! 今日終於約埋一班小學同學係旺角食個甜品左諗右諗,都係想一齊去試下甜牙牙!!之前一直斬未有機會食一行5人去,都唔洗等好耐位~ 坐得都好舒服食左個waffle~擺得勁靚@@價錢合理!下次再食過!