甜牙牙

營業中

休息中

Mongkok is an area that i will always try to avoid coming especially during weekend as it was imfamous for the crowd. On this particular Sat noon, i decided to make my rare visit to this area as i need to buy some sports apparel. After some hectic walking for couple of hours, my stomach began toroar. In order to give my stomach a pamper, i decided to roam around nearby for some quick bites. After awhile, i decided to settle on this rather small dessert shop as i was tempted by its photos and boa

食完午餐, 行左一陣街已經想食甜品, 尤其是大熱天時, 最好就係食一些透心涼的食物。下午茶時段都有常餐, 方便一些未食午餐或遲食午餐的朋友, 不用到甜品店只可食甜品, 而是有不少熱食選擇。始終是甜品店, 最旺的時間非晚上莫屬, 現在不用等位都可以食到, 時間上有優勢。內裡的設計偏向歐陸式, 型格之餘亦不失感覺置身於歐洲地方, 享受高級的下午茶。店內選擇何其多, 介紹一下全日早餐 &可麗餅窩夫 抹茶系列傳統甜品窩夫層層疊心太軟坐下就會安排一杯水, 不只一杯水, 水杯的骰又靚, 不可與其他店相比。餐牌上面雪糕好多都會配上movenpick 雪糕，就算非movenpick, 每球升級都只需加28蚊，要怪只怪自己口味特別，movenpick無出抹茶及菠蘿口味，我偏偏就想食這兩樣，唯有下次再揀有movenpick雪糕的甜品！******************************宇治金時冰冰($38)吸睛的方法有好多種，用高身杯將食物一層層放好，視為一種視覺的享受！底下有紅豆粒配少量牛奶，中間就用抹茶整成沙冰，上面就放上涼粉及一大球雪糕。抹茶味好突出！！味道不太甜，沙冰奶味亦不重，輕輕與已溶

芒果雪山我已經好耐未食過甜牙牙,今次黎到覺得價錢貴左而且份量亦都少左好多😥之前食雪花冰大碟得黎份量又堆積如山,而且係明顯甘見到一片片嘅雪花片冰痕,但係今次細碟左之餘仲有D溶溶地😔朱古力窩夫層層疊雪糕堡除左右朱古力窩夫之外仲有3球雪糕, 分別有雲呢拿,朱古力同綠茶雪糕🍨綠茶雪糕味道怪怪地一D綠茶味都無,而且仲要空心嘅😅朱古力窩夫吾夠熱亦吾夠脆,朱古力味亦吾算突出,整體味道好一般😔

抵食下午茶＠甜牙牙 以前在尖沙咀番工的時候，最喜歡就是到甜牙牙食下午茶，有一杯餐飲加上一客窩夫，附近工作的女孩子也喜歡點上這個當lunch，因為非常抵食 早幾日到廣華看醫生之後搵食，才知道附近有甜牙牙，於是就和老公去嘆下午茶 很喜歡這裡令人花多撩亂的餐牌，點單也成為一件苦差 ，岩岩是下午茶時段，於是就點上下午茶的食物比較抵食 店內精緻裝修，走歐陸風格，入面的梳化非常舒適～ 跟餐的檸檬茶，非常之淡，不好飲～ 原本英式全日早餐是$70，而在下午茶時段則是＄５５，相同食物，價錢卻便宜得多～ 英式全日早餐有入面有煎蛋，牛角包，沙律，番茄，腸仔和茄汁豆，非常豐富，看起來也很好看這個價位可謂非常抵食。一個女仔絕對食不完～ 芥末腸窩夫早餐＄５６，看起來很飽肚的樣子，幸好那窩夫做得非常薄，有蛋香之餘又不會好膩，上面加了點沙律菜，食起來比較清爽，而上面那四件芥末腸，外面包了煙肉，非常惹味，幸好不萛好肥的那種煙肉，但下次還是等有男孩子在才好點這個足料的煙肉好了

28/8 So I always come here for dessert. This time I didn't need to wait for a table got one right away for a change. This time I tried their Tiramisu and green tea waffle.

火焰雪山蛋白打得好企身(外表燒到金黃色)，像焦左的白雪山，等待係……………………店員加烈酒一刻燒紅了烈酒，倒在雪山頂📷📷📷📷📷嘩著火的白雪山(不足5秒)視覺100分熄火後……內裡有格仔窩夫(好重蛋味)有一球呍尼嗱雪糕在甜品中央(中和了烈酒的苦)，整體外觀100分，味道被烈酒的苦，佈滿，全個甜品(有烈酒的苦澀)這點又扣了一半分數另一款可愛甜品汽車盤上(有4塊窩夫，焦糖香蕉，3球雪糕)外表好可愛，每塊有不同口感，有士多啤梨+cream(好鲜甜)窩夫好重蛋味(不算焗得脆身)另一層(芝麻脆+cream)好香口好美味woo整體甜品外觀吸引，味道有小小失準

甜牙牙話說剛剛在附近晚餐完想食甜品，朋友便提議到尖沙咀的甜牙牙食甜品。芒果伴Mövenpick熱情果芒果雪芭可麗餅 我自己最鍾情於法式可麗餅，所以便選擇了甜甜酸酸的芒果伴 Mövenpick 熱情果芒果雪芭來試試。一塊正正方方的薄薄可麗餅上放上一球熱情果芒果雪芭，旁邊伴著忌廉和新鮮的芒果果肉，在碟上灑滿香脆的杏仁粒，最後加上朱古力醬作裝飾。簡單，實而不華。可麗餅有淡淡的牛油香甜味，如果不怕酸的，配上這球 Mövenpick 熱情果芒果雪芭，一冷一熱，帶來味覺上的刺激。而怕太酸的我，幸好新鮮芒果肉夠香甜，能抵銷雪芭的酸。將可麗餅，芒果肉和雪芭一起放入口，感覺十分清新及消暑！朱古力果仁可麗餅個雪糕好滑好嫩，口感係先脆內軟，好濃郁既古力味，臻子非常香脆，蛋捲好脆，同埋D cream加埋雪糕一齊食好正。

食焦糖燉蛋布甸，最喜歡食上面個層脆脆的焦糖，但此店只燒一燒，面層仍然是糖粒，並不是焦糖，完全做錯，燉蛋的味道一般！！朋友點了All day breakfast, 味道也一般。最差的是，點兩樣食物，足足要等30分鐘，不合理的耐！！

星期日見周圍full又以前食過tst甜牙牙ok又肚餓,八點幾無客，一枱都無所以入左去入面樓面得兩個阿婆，後尾有個後生仔返工貴左份量少得過份，又唔係特別好食同特色size 比相同以前比都細好多, 塊蛋糕細到我覺得似送咖啡甜食雪糕內有冰, 我唔覺得雪糕係movenpick, 唔同味就成五十蚊我朋友食pancake份量多少少, 味道一般不會再來

幾次經過甜牙牙，都抽不到時間嘆嚇，今日是吉日，可以嘆嚇啦！餐廳的趣味畫睇完畫睇嚇琳瑯滿目甜品的餐牌，都是視覺享受！噢！原來，常餐都有，常餐一個曾經很熟悉的名稱。栗子瑞士朱古力可麗餅才是我的主餐...香濃栗子茸，包裹滑滑瑞士朱古力雪糕，軟綿綿可麗餅配合香脆榛子杏仁片，碟子盛滿豐富口感和味道，這頓下午茶不單只豐富口感味覺，而且飽肚，本來都想吃埋15年陳皮紅豆沙，現在已經很飽和滿足，15年陳皮紅豆沙，留待下次了！享受我的主餐承惠$78！

甜品糖水舖開到成巷成街, 朋友話呢間唔錯就飯後來試試。去到見到等位人數唔算多但舖頭面積蠻細,等左2x分鐘可以入座, 但舖面積細座位迫坐得不太舒服。 食物味道不太出眾,以呢個價錢同等位時間, 應有更多選擇。

今日同5個fd食完飯想食個甜品 見到呢間未食過就入去試下，見到啲雪糕船有8折，同個menu 啲圖都幾好睇， 點知就中左伏。個oreo 朱古力 同 龍眼荔枝船 上到來個兜係熱既， 搞到啲雪糕融得勁快， 本身上到來就水旺旺咁， 個龍眼荔枝變到成西米露咁 但係係無味室溫既西米露。之後個香蕉船同芒果船都正正常常(本身冇水)。大家食既話就唔好叫船啦 唔係一陣搭沉船就無謂啦。

同成班朋友聚會，天氣熱食甜品就一流由於我地人多，都叫左幾多野食下英式全日早餐$70有茄汁豆，煎蛋，牛角包，沙律，番茄，腸仔覺得甜品唔夠飽，可以叫呢個味道ok, 算係多野食心太軟$60甜度不算高，食落黑朱古力味重一切開都幾流心，蛋糕層焗得ok草莓窩夫$58窩夫即叫即整，一上碟咬落仲好脆粉，牛油，雞蛋比例唔錯草莓蛋糕同面頭的果肉好夾奶凍baileys 配榛子雪糕$58食落奶味幾重，好特別果凍好彈牙，少少baileys 味法式焦糖燉蛋$36焦糖層好脆，燉蛋唔算甜，但蛋味同奶味都ok, 有生果粒係面朱古力雪山$55呢個味道ok雪冰磨得好細，唔會有冰粒面頭有香濃既朱古力醬，幾好食西瓜特飲$30夏天天氣熱，飲呢杯都幾清暑有果肉，甜度亦岩岩好，好清涼朱古力草莓流心布丁$58外層係硬朱古力，唔算甜一切開係草莓流心布丁，仲有汁流出黎味道就幾特別，好重雜莓味荔枝流心布丁$45我鐘意荔枝果肉夠多，好爽甜布丁都整得ok, 奶味幾重，好滑口

呢排心情真係好差，覺得生活幾苦，我個fd就提議食甜品減下壓聽到甜牙牙呢個名，覺得幾得意呢度甜品既選擇比一般甜品舖多，重有all day breakfast添荔枝流心布甸 ＄45朱古力＋士多啤梨流心布甸 $58英式全日早餐 ＄70賣相靚，而且幾豐富有煙肉、沙律菜、太陽蛋, 牛角包同茄汁豆等等沙律菜新鮮又脆口，最愛牛角包，有淡淡牛油味之餘都好香，點茄汁食重正有兩種唔同腸：香草腸同法蘭克福腸可以試哂唔同口感既，唔錯classic心太軟 ＄60佢係用Valrhona朱古力整雖然有d苦，但朱古力味非常濃郁流心唔算太多，但質感有驚喜，配外層脆身既蛋糕一d都唔膩雪糕既甜味又可以中和蛋糕既苦味，唔錯雜莓窩夫 ＄58窩夫有d乾身，但係食落有鬆軟既感覺，而且蛋香味濃不過雜莓有d酸法式焦糖燉蛋 ＄35焦糖分佈厚薄一致，少少脆，頗有口感燉蛋非常嫩滑，淡淡蛋香莫卡奶凍伴Baileys+榛子雪糕 ＄58Movenpick雪糕冇得輸莫卡奶凍香滑，同Baileys甜酒好match食完之後好滿足好幸福，心情都靚返哂

糖水點少得楊枝甘露呢個熱門 佢嘅材料好重要包括有 沙田柚 芒果西米露等等 食得楊之金露當然要睇啱時間 夏天係芒果當造嘅時候所以夏天食楊枝甘露就係最精明嘅選擇 呢個楊枝甘露 芒果肉好多好甜 而且面頭鋪上有好多沙田柚肉 加上底層有粒粒分明嘅西米 再配合有芒果汁食落口 好咬得嚟又夠水分