甜入心 (好運中心) (已結業)

話說俾人調左鋪去沙田返工之後都無啖好食。同事見我日日食飯團，睇唔過眼叫我去食甜入心。我心諗，lunch叫我去食椰皇同窩夫會否太過份？但佢話原來而家都有brunch同意粉食，太好，就去試下啦！一入去，少女心即刻出返哂黎，粉紅枱粉絲凳仲有咁大個心心，如果同男友黎又可以影相呃like甜入心當然係以甜品為主，我之前都有食過佢地既椰皇同窩夫，確係CP值非常高。但今日係番工放飯，又得自己一丁友，所以都係一切從簡，食個意粉算了。蒜香意粉。佢地係廚房整緊既時候已經聞到超香蒜頭味，食落欖油味道仲香，意粉硬度適中，加埋烤得香脆既吐司焗榛子咖啡，咖啡好香，榛子味恰到好處，唔會過甜搶左咖啡味，返工飲到杯好咖啡真係人生一大樂事以咁既水準黎講，我覺得CP值都算高。雖然我最想試既全日早餐已經暫停，但姐姐話係因為佢地餐牌會KEEP住有變化俾客人新鮮感，咁有HEART,下次一定要扯男友黎陪我食埋佢地個窩夫先得

冇咩野做，就去左好耐冇幫襯嘅甜入心，之前一直去開深水埗嗰間嘅，一直都幾欣賞佢啲創意，同埋都覺得味道幾好嘅。所以今晚就黎哩間沙田分店。睇左一輪終於簡到心頭好，簡返我最中意嘅椰王子系列，我老公就簡左香蕉船，叫人落單，個員工都未ready,仲係遠處執緊野，咁咪諗住等佢ready 先講啦，一行埋黎，我地叫左一樣野，我都未叫第二樣，就好似好趕咁，死問你仲有冇？仲有冇？好，我忍你。我叫埋第二樣，跟住又問仲有冇？我忍唔住同我老公講左句，佢趕住收工呀，趕住落單呀，起勢咁問仲有冇。我心諗我二個人黎食甜品，你想我叫幾多樣野呀即時搞到我心情勁差，唔知係咪其他員工知我唔滿意佢，拎甜品俾我時，就勁有禮貌囉。Anyway, 哩間甜入心我係唔會再去，我食甜品係想開心，唔係想俾人趕住要我落order , 同令我心情差囉。心情咁差，食完個甜品，都唔覺得好味！

同朋友吃過晚餐後還未滿足，決定在附近找間甜品鋪吃一下甜品繼續聚聚。找到了這間⋯甜入心，門口就有一個心型的燈。裡面裝飾簡約，感覺舒服。（$45）芒果小丸子椰皇子，用椰皇盛著裡面的甜品，有幾片芒果、一些小丸子、少許芒果沙冰的汁和底下的椰皇啫喱。小丸子很有咀嚼口感，芒果不會很酸，而椰皇啫喱很清甜，再加上椰皇殼的椰肉，很滿足的一樣甜品。（$36）芒果乘涼，主要就是芒果肉加芒果汁配涼粉，簡單的一味，芒果汁配涼粉很新鮮。（$32）煙肉吐司，點了樣咸點，看起來其實有點像Pizza只不過用了吐司做底層，上面再加上煙肉、瓜和芝士一起焗，表面再加些木魚。味道不錯，煙肉跟芝士很配。（$39）芒果出浴椰皇子，餐牌上寫的份量不變其實就是跟芒果小丸子椰皇子是一樣內容，只不過出浴意思就是脫殼了⋯（$52）芒果吐司粒粒山，吐司粒稍稍烘過然後加上芒果奶及芒果汁再配上芒果雪糕，美觀度最高，不過吐司烘過之後不是太沾到芒果汁，飽肚之選！（$54）綠茶心太軟，店員跟我們說要等待半小時⋯果然不多不少剛剛好半小時才送到，流心效果很好👍，綠茶味濃，配綠茶雪糕、紅豆和小丸子，味道是好不過觀感不高。甜品款式都多種類，不錯！

起初見到open rice, 此店食評挺不錯，就打算晚上到此店用餐，試一試all day breakfast及甜品。怎知道進店后才知道all day breakfast 已停售，已經有點失望，就改叫卡邦尼意粉加窩夫。誰知道下單後店員才告知意粉也没有了（那時才7點多）。心想此店應是主打甜品，便抱着反正來到就一試的心態，改叫了一個煙肉多士。多士先來味道還算可以，怎知芒果窩夫一上枱，就心知不妙，上層芒果雪糕及芒果酱都掩蓋不了燒焦感十足的窩夫，吃一口已覺得非常硬，而且差不多是整塊都是黑黑的，吃想上去一陣炭燶味的感覺。非常之大的失落感，感覺此店對食物基本的要求也沒有，我從來也沒有在OpenRice寫過食評，但此次的經歷我必須寫出來，以免大家中伏。

今日打風，原本都想取消做運動，不過下午2時已改3號，一早約好了朋友一起做GYM，落大雨都照去，做了一些重量鍛練，原來是很辛苦的，所以晚上食完正餐(晚餐)後，要來個甜品。第二次來這裡吃甜品了，上次食過仍然回味，所以今次叫了同一款椰皇子-榴槤飄香出浴椰皇子，上次是叫原隻椰皇子上，今次改「出浴」，更方便食，不用自己刮椰子肉，可能賣相不夠榴槤飄香椰皇子吸引，但我覺得用透明杯裝可以清楚看到它的「內涵」，上面是一大匙的鮮榴槤肉和榴槤沙冰，非常重和香甜的榴槤味，裡面有椰子水做的啫哩和幾片椰皇肉，好清甜，椰皇肉還是比較軟和爽，口感非常豐富!由於朋友想食布甸，但不想再叫了布甸椰皇子，因為份量太多，我們還想再吃別的東西，看到原來有焦糖布甸撻，我本身不是特別喜歡吃布甸，但這個是我新嘗試而又覺得出乎我意料，個撻皮是超薄，一件應該放了四分之一個布甸，撻皮沒有因為布甸放久了而變軟，一彈一脆，一甜一鹹的，很特別這裡原來還有提供全日早餐，可惜我們都太夜了，只提供至晚上8時便不能享用，有點失望，因為起初食晚餐時已預先看看這裡有無新產品，發現了有全日早餐，所以更興奮地想來試試一份班尼廸蛋全日早餐，唯有下次再來試。於是叫了

其實每次搭車都經過這間甜品店, 都好想試一試。 因為怕晚飯後時段通常都會好多人食甜品， 所以今日專登下晝時段過去幫襯下。 佢哋嘅室內佈置都好fancy, 入到去都有甜心嘅感覺。 打開餐牌實在太多選擇不單止好多甜品， 仲有好多意大利粉和“all day breakfast” 選擇。 今次我哋選擇咗蕃茄肉腸意粉； 燕窩燉奶木瓜；同埋all day breakfast。 先嚟咗個蕃茄肉腸意粉， 估唔到甜品店做出來的水準都好唔錯， 我鍾意佢哋煮出嚟嘅意粉剛剛好， 意粉質地有彈牙口感和濃郁蕃茄味。 all day breakfast好豐富，炒蛋又滑， 整個配搭得好好， 值得一讚係一杯小小嘅椰汁布甸好香滑。今餐好抵食，因為order意粉，可以半價再order埋all day breakfast 。來到甜品店梗係要試埋佢哋嘅甜品， 佢哋嘅燕窩燉奶木瓜，好夠熱同香滑，雖然只是碎燕窩但勝在 貨真價實。好滿足真係不一樣的甜品店。.

夏日炎炎 諗住去甜品店食下糖水 順便坐下嘆下冷氣 之前就入左去揀野食 見佢餐牌啲甜品好特別 就算好多野都暫停我都無乜所謂 睇左無耐我地就揀左雪花冰同窩夫 點知佢行埋黎話兩樣都無 我真係好唔開心 心諗你又唔痴住牌暫停姐係點 最後死死氣地揀左芒果吐司粒粒山同西瓜盅豆花食一開始係黎西瓜個個先既 我都熱左好耐想快啲食 點知一下食落去 完全想講曬生平學過既粗口出黎 個西瓜暖既？ 無西瓜肉既？ 豆花呢？ 同牛奶溝西米加個雲尼拿味雪糕有咩分別 😓😓之後第二個芒果吐司粒粒山仲出色 好有大家樂早餐個啲厚多士feel 又硬 又唔脆 又鬼咁大舊 我去烘塊多士 切開9舊加小小芒果醬 都出色過佢😓😓下次一定唔會再山長水遠入黎食 好難受 P.s 佢地啲椅子 好似不倒翁咁 我完全係坐得勁唔舒服

今日同友人食完飯,順便食個糖水,入到去果時已經爆滿場, 環境位置都好密麻, 前後有d逼,但都算乾凈而且佈置精緻。坐低之後叫左個熱既黑糖香草綠豆糖水同榴連椰皇子, 綠豆糖水香草味同甜味都適中, 不過成碗料太過稀，如果綠豆可以多多dd食落就有返多少層次。至於榴連椰皇子，榴連淨係得面頭幾啖肉，其他仲有西米 、奶 而大部分都係果凍佔滿,感覺似係叫左個果凍，大為失望, 而且咁樣五十幾蚊既價錢 真係有d貴。不過店員待客態度唔錯

要係沙田搵到一間街知巷聞既甜品鋪，相信橫壆街既甜入心會佔一地位。食完晚飯未夠喉，於是同朋友提議食埋甜品作為一天聚會既結束。慕名而來，門口已經一班信眾，更設有一個非常吸睛的餐牌，等位期間揀定心水甜品，望到張圖都已垂涎欲滴。店鋪主賣點要係椰皇系列,其他甜品仲包括烘焙同埋冰營系列。第一次品嚐當時要試下佢個主打椰皇啦，本人就對榴槤唔抗拒，仲有小小溺愛添，所以毫不顧忌揀左榴槤飄香椰皇子，而朋友就揀左桃寶燕窩椰皇子。榴槤飄香椰皇子榴槤飄香，耳熟能詳，是香港特色甜品之一，連歌仔都有得唱喇，對於唔食榴槤既食客黎講，相信就無口福喇。榴槤肉軟熟的、軟身，而且嫩滑，這樣口感才會香滑細嫩。一放入口，榴槤肉齒頰留香帖埋鋪在上面的小丸子，口感非常。桃寶燕窩椰皇子非常推薦女性食用的一款甜品。桃寶即固體天然桃樹油，同一般的蜂蜜也非常類似，可增强人體的免疫能力，亦有美顏，抗皺嫩膚。而燕則潤肺滋陰，營養價值高，兩者相輔相成。兩款椰皇子甜品，最重要食到最後仲可以用羹筆起椰子殼內的椰子肉。總結今餐兩個甜品平靚正之選，值我一食再食。

一行數人係沙田附近開餐，意猶未盡，一來未傾夠二來好似今晚個晚餐缺小左D野，就係飯後甜品啦自從上次係深水埗食過甜入心，咁就search過下呢間甜品鋪，原來除左深水埗之外仲有3間分店咁多，咁係沙田食完飯就提議下不如食埋甜品啦，咁就去左甜入心新穎既裝修我估都係開左無耐，沙田食肆就多，糖水鋪好似比較少，所以鋪仔細都好full我地今晚全部人都係食椰皇子，大家睇完餐牌，雖然有好多甜品簡，但大家不約而同全部叫曬椰皇子呢個叫焦糖布旬椰皇子，成舊布旬放左入去，雖然布旬比較甜但一啖布旬一啖清新既椰皇啫喱都幾過癮桃寶燕窩椰皇子，桃膠真係近年甜品界既𠖥兒，勝在平靚正，但呢度桃膠煮得偏甜最後朋友食既榴連飄香椰皇子，睇見d榴連啖啖肉，鋪頭真係毫不吝嗇有咁多放咁多，愛榴連既朋友真係要試

今日係行街行到沙田好運中心附近 突然想食個糖水 又想試下中式個啲 就係到諗左陣其實係好運中心附近都無咩好選擇 不過行行下見到間門口咁多人排緊隊 應該都係唔錯既選擇 原來呢間係叫甜入心 係其他地方都有分店咖 出名專食椰皇子 剩係凍熱款式已經有超過15款😯😯😯咁就試下呢3款😆😆😆桃寶燕窩椰皇子榴槤飄香椰皇子 呢個榴槤味好重但都好香 如果係榴槤愛好者 必要試👍🏼👍🏼👍🏼呢個係招牌焦糖布甸椰皇子🤤🤤🤤布甸暖暖地 口感好特別

行行下街突然甜品癮發作，所以就去左甜入心，其實以前都已經食過呢間，覺得都幾多款揀。今次發現新menu 多了all day breakfast 和意粉等鹹食，更加多元化，不過因為我只想吃甜品就沒點來試了。我選了芒果吐司粒粒山，真的將多士砌到像山一樣，份量超多，足夠兩個人share，幸好芒果當造，粒粒果肉十分香甜又多汁，沒有酸味，雪糕只是牛奶公司的一般貨色而已，略嫌吉士醬下手好像重手了點，浸濕了吐司，所以未夠脆口。

今日有個朋友係外國返左尼，難得一起食完晚餐，當然要搵個地方食糖水繼續可以吹下水，見耐d！不過沙田新城市廣場附近既糖水店真係唔多，離遠見到有d人等位似係糖水店即刻去睇下，去到門口係比佢d椰皇吸引左！就決定依間到食，等左5分鐘左右就入得去嚕，入到去d桌椅全部都係粉紅色，pink lady feel！好喇，打開餐牌，都幾多選擇，最後無揀到吸引左我入尼既椰皇，因為見到餐牌有d糖水名幾特別，我就嗌左個"重口味"，其實就係芒果加椰汁加涼粉咁，我就覺得味道比較普通，芒果偏酸，而有個朋友嗌左木瓜雪耳糖水，佢就覺得太甜了，哈哈糖水係甜既而整體尼講，依到d糖水味道都唔特別，但都係食下糖水吹下水既好地方既

西瓜果凍清爽自然，不是用化學香料調製的，很有彈性，還吃得到瓜果天然的植物味道，椰汁濃郁，佐上哈密瓜、涼粉和芒果，食材都新鮮，整體來說十分美味，很滿足，下次還會再來。

今日叫咗兩款甜品，第一款係<風花雪> ，材料係有豆腐花，芒果，雪米糍，同椰汁。呢款甜品真係比到我一d驚喜，估唔到佢嘅豆腐花有豆味之餘仲要係咁滑，滑到都就好似冇食過一樣好少食到一款甜品係由雪米糍配搭豆腐花，估唔到原來都幾夾架喎芒果嘅厚薄程度適中，而且香甜。另外叫咗一款熱嘅甜品個名叫做<玄綠是你>。呢款甜品呢就係由綠茶心太軟同埋綠茶雪糕仲有一d白玉丸子，紅豆粒組成。綠茶心太軟嘅綠茶味濃厚，絕對係綠茶控之選 另外白玉丸子都做到非常Q彈，紅豆粒粒分明最後想講呢間鋪頭除咗啲甜品好sweet之外，店員都一樣比到我sweet 嘅感覺。店員好細心，見到我哋兩個人入嚟食甜品，主動比多一個碗仔方便我哋share好好客，又有禮貌，而且好勤力。當鋪頭冇咩客人嘅時候，我見到有店員主動拎啲傳單出去比巴士站排緊隊嘅客人睇，呢d咁主動勤力嘅店員真係值得讚一讚！