甜入心 (好運中心) (已結業)

今日叫咗兩款甜品，第一款係<風花雪> ，材料係有豆腐花，芒果，雪米糍，同椰汁。呢款甜品真係比到我一d驚喜，估唔到佢嘅豆腐花有豆味之餘仲要係咁滑，滑到都就好似冇食過一樣好少食到一款甜品係由雪米糍配搭豆腐花，估唔到原來都幾夾架喎芒果嘅厚薄程度適中，而且香甜。另外叫咗一款熱嘅甜品個名叫做<玄綠是你>。呢款甜品呢就係由綠茶心太軟同埋綠茶雪糕仲有一d白玉丸子，紅豆粒組成。綠茶心太軟嘅綠茶味濃厚，絕對係綠茶控之選 另外白玉丸子都做到非常Q彈，紅豆粒粒分明最後想講呢間鋪頭除咗啲甜品好sweet之外，店員都一樣比到我sweet 嘅感覺。店員好細心，見到我哋兩個人入嚟食甜品，主動比多一個碗仔方便我哋share好好客，又有禮貌，而且好勤力。當鋪頭冇咩客人嘅時候，我見到有店員主動拎啲傳單出去比巴士站排緊隊嘅客人睇，呢d咁主動勤力嘅店員真係值得讚一讚！