甜入心 (好運中心) (已結業)

本身係廿幾年既沙田友，好耐冇去沙田食飯，難得去完陳根記，打算係沙田食甜品，見到呢間呢幾年先出現既甜品店，又成十個人排隊，即刻衝去睇下有咩咁吸引！原來係椰子愛好者既甜品店，真係好少見，餐牌上既甜品名更加係風趣又幽默，仲有故事講解(自己去睇啦)，唔怪得揀食咩都用唔少時間啦！叫左出浴椰皇子，朱古力綿綿冰，腐竹湯圓試一試中西糖水甜品有幾出色。椰皇子就真係有創意又有真材實料，一啖有齊椰子，布甸同啫喱，有口感，有味道，又唔太甜，好過癮！朱古力綿綿冰就特濃朱古力，冇水份，好有誠意既冰！最後個湯圓仲有得選兩粒唔同味道既台灣湯圓。等左十個人先入到去加上坐到好迫都算抵返曬！環保小貼士，如果免費果茶唔係洗用紙杯裝就完美啦！大家記得自己帶杯/水樽去裝啦！

沙田逛街後又想起要來甜入心吃甜品。小店主打椰皇子甜品，我和好友遂各點一個。我點了桃寶燕窩椰皇子（$56），面頭舖滿桃膠和燕窩，滋潤養顏，份量亦見慷慨大方。下層是椰子水果凍，果凍清爽滑溜，加上用新鮮椰子水整，味道特別香甜清涼，連桃膠和燕窩一起吃，口感豐富。最後刮乾淨椰子肉，椰子肉不會太乾，保留清香。焦糖布丁椰皇子（$42）可選冷或暖，好友選了暖暖地，特別暖胃。甜品基本上和我的桃寶燕窩椰皇子差不多，不過面頭的桃膠和燕窩就換上焦糖布丁。焦糖布丁同樣岀色，蛋香十足，帶有焦糖香又不會太甜太漏，好食。

難得入到沙田，一定要吃點好東西來慰勞自己。來到這家甜入心甜品店吃甜品。這裏的甜品款式很多，讓人目不暇給，不過當中招牌甜品相比是椰皇系列了，看到外賣的櫥櫃内也擺放著一個個的椰子。我點了椰皇系列當中最招牌的焦糖布丁燉椰皇子。有冷有暖可以選，最近天氣有點冷，於是我便點了暖的。不用等多久，甜品就來了。看著焦糖布丁浸在椰漿當中，感覺很是可愛。吃一口布丁，口感滑溜，而且焦糖和鷄蛋的味道很濃，十分不錯呢。最贊的是焦糖布丁底下不只是有椰漿，還有椰子水製成的椰青凍，椰子清香，帶點甜。整個甜品充滿著淡淡的椰子香，果然是店内的招牌呢。

再來甜入心! 一直覺得這間甜品店水準不錯，服務又好，這日難得去沙田晚飯當然要吃甜品下場。小店佈置溫馨，以粉紅色為主調，給予人溫暖的感覺。是晚雖然天氣比前幾天暖了一點，但我還是想吃一碗熱騰騰的甜品。幸好冷熱都有許多選擇。這碗戀上椰皇子($53)用椰皇子裝住滑溜的燉奶，上面有三色芋圓、小丸子、湯圓，材料多至幾乎滿瀉，十分足料！首先要一讚燉奶，超滑，而且奶香濃郁，水準一流。芋圓Q彈之餘亦食到芋味。小丸子都煮得好有口感。湯圓是芝麻味，都有三粒之多。吃完真的暖胃又滿足。

平日入坐，不是繁忙，綠茶心太軟30分鐘都未到，追完岀左碟咁既野。完全不流心，唔知搞乜。問個侍應，lee個係你地既心太軟la？佢話，係，你覺得佢唔流心丫？。。。。。。。無言，你唔係覺得佢流心丫？50幾蚊，有冇搞錯丫？獨市啫，唔憂做啫，唔識整就唔好整啦。黎左/想黎好多次，未搬落好運之前都有幫襯，之前都唔太好，越做越差，一係就排到炆，一係坐低左，叫乜冇乜，一係就要追單，又迫又嘈，又貴又難食。諗住見到平日少了人排，俾次機會，點知貼錢買難受。最後麥記新地脆都ko佢。永不光顧！

去完禾輋食晚餐只係九點幾，呢個時間好適合去食返個甜品，沿天橋行返去市中心並打算沿路搵下有冇甜品舖，行左幾個字終於去到好運，見呢啲細商場估計應該都會有一啲甜品舖，最終係OP上搵到兩個選擇，1.許X山2.甜入心，咁就唔洗諗當然選擇後者。舖頭唔係好運中心最多人去既上層，而係下層唔係會通過既地方，唔係經過OP搵都唔知道個度有間舖頭。可能係因為沙田區既甜品店選擇比較少，舖頭都比較多人等，大約都等左至少二十分鐘先入到去，而坐位都比較迫，其他人入去比較入面既位置都要特登出一出嚟。講返食物方面，發現佢既餐牌都係比較多椰類食物，相信好鐘意椰子既朋友會好鐘意嚟呢度。不過自己都係叫左其他食品，就叫左個龍顏青筋露，實際上係一個龍眼冰，12月都仲可以食到龍眼真係好正，而甜品上面都有幾塊眼肉，不過冰食落去既口感就真係普通，龍眼既味道雖然都食到，但係就唔夠濃烈，有時好似剩係食緊冰咁，希望呢一方面可以改善下啦。

食完晚飯 去食糖水點知好多人排隊 等左20分鐘先有位地方比較逼夾 叫咗個芝麻杏仁茶同埋椰皇紫薯芋圓-芝麻杏仁茶比較糊狀 同埋芝麻味重過杏仁味 食落還算可以-椰皇紫薯芋圓 一食落啲竽圓 是凍的而且竽圓份量非常少 味道一般 如果是熱騰騰的 應該會更好食~  

晚上跟朋友聊天仍未想回家，所以便到沙田地鐵站好運中心地下的《甜入心》暢所欲言！果然沒有介紹錯！ 環境以粉紅色為主，也有個大心心，很有愛蕉糖布甸椰皇子（暖） HKD 42 有驚喜！ 又好味！ 蕉糖布甸放進口內後便滑進喉嚨了，另外布甸底下還有透明的啫哩形就是用了椰青水凝結出來的！味道又甜又滑。吃到底後，還可以有椰青溶刮出來，外面曾經吃過同樣大小就沒得吃了。候爵特濃72心太軟 新版本（熱） HKD48 製作須時約10-15分鐘。餐廳推出新版本（舊的仍可製作），特選用濃度很高72度來製作，剛好甜度又不苦，又做到流心效果，用心製作。另外還有一球雲呢拿雪糕伴碟，奶味很重！贊

今天專程入沙田新城市廣場， 陪母親大人辦購年貨。 其實新城市廣場人流非常之多， 購物完畢後想找地方食嘢和休息下都比較困難。 母親大人話想食甜品補充下能量， 突然想起隔離的好運中心，有一間“甜入心”甜品店。 步行過隔嚟好運中心商場只需五分鐘就到了。今日天氣十分之寒冷， 新界只得六七度， 好想食熱辣辣的東西。 入到舖內店員介紹有新產品紫薯， 我們叫了一客“紫薯入心” 和芝麻糊，還有黑松露吐司。紫薯甜品最欣賞它用小蠟燭燃燒著保暖， 熱辣辣的紫薯蓉軟綿綿配搭QQ口感湯圓和芋圓都不错芝麻糊香滑不太甜黑松露吐司夠足料

之前食過幾次都麻麻地，不過今次真係寫番個review啦同男朋友去食糖水，好彩8點幾去少d人，如果夜d就好迫留意到轉左menu我叫左腐竹薏米糖水，佢話用樹記腐竹(大埔好出名果間)，不過好稀，有2片幾滑既腐竹，我好鍾意食薏米但得幾粒，其他好多一粒粒既野係好似西米既物體，但咬落去好似爆珠，個口感好怪好唔夾😂但個menu冇提及呢個ingredient男朋友叫左木瓜雪耳，唔甜，但食完個口有陣水喉水味😨 我食彳慢，但我食完我嗰碗都有陣怪味兩個人食左$55，我地喺其他地方用更平既價錢食到好10倍既糖水，沙田貴租，可惜唔好食😢

今天吃完下午茶，逛了會街，天氣涼涼的又想吃東西了。minipapa就跟爸爸到附近的甜品店。門口有個粉粉的心，好像在歡迎我一樣。☺️推門進去，滿眼都是粉紅色和心心形狀。桌子、椅子、就連牆上的掛鐘都是粉紅色的。萌萌的裝潢，完全是minipapa最愛的風格，整間店都洋溢著可愛少女心。別看這家糖水鋪店面小小，但供應的款式真的不能小看！每款都圖文並茂，印刷精美，讓我們看到花多眼亂，選了好一會才把想吃的甜品決定下來。但圖片僅供參考也遇得多了，所以我們是不會那麼容易被外表迷惑的糖水很快就送上來了，而且還是熱辣辣的。最怕那些送上來的甜品，外面燉熱了，可中間還是溫溫涼涼的，可這個絕對不會，在這個微寒的冬日，真是暖入心。我吃的是桃寶燕窩椰皇燉奶，燕窩和桃膠多到滿出來，絕對沒有偷工減料。爸爸見我夾起一塊一塊的吃，著急的提示我，要拌勻吃，要全部拌勻才更好吃！😂我就把燕窩、桃膠、燉奶一勺子下去全拌勻，混合後的燉奶，綿滑中又帶著爽的口感，而本身味道比較淡的燕窩也吸收了蛋香和椰子香，果然味道升級！😋太好吃了，我吃到最後連裡面的椰子肉也不放過，用勺子挖出來吃，又軟又滑的椰子肉實在太香了。本來想給爸爸的櫻紅小丸子也拍個吃

放早去左沙田行下覺得肚餓去食個甜品都唔算過份😂依款口感好特別，上層好似cheese cake，下層係caramel pudding。一次過食2種不同口味&口感，布甸好滑溜，加埋一齊食唔會覺得漏，可以食多個都得！依個甜品令我諗起之前喺巴塞隆拿旅行，有款好濕潤嘅蛋糕。另一款我點左戀上椰王子（因為有三色芋圓）之前已經想食芋圓，可惜無人陪我食。唯有自己食🙈，裡面仲有小丸子、芝麻湯圓、鮮奶椰皇！芋圓煙韌口感，軟硬適中！燉鮮奶好嫩滑！椰皇嘅肉又好香！好貼心嘅係，依度食完甜品可以去斟英式果茶黎飲，係免費架！可以清一清個口，不錯不錯！

沙田其實唔算有好多食糖水嘅選擇，尤其是喺好運中心呢頭。呢間舖頭嘅位置唔算好起眼，因為佢開喺好運中心嘅地下，而地下係銀行多，冇乜食肆。由於好早就食完飯，見唔算好飽，之前一直都想黎呢間試下啲甜品，就黎左了。差唔多8點，人唔多，入到去好有夢幻嘅感覺，因為天花掛左好多個圓形玻璃裝住嘅小盆栽，都幾特別。宇治品豆我係個超級宇治抹茶迷，所以一睇餐牌就決定要叫呢個甜品，有得飲有得食之餘又唔會太飽。一啜落去果淡就食到2種西米，有一種係軟身，有一種係爽口嘅，口感幾得意。不過味道就有啲淡。公主出巡呢款甜品真係有好多唔同材料，令人眼前一亮呀！有芒果粒、蜜瓜粒、蒟蒻粒、真係有椰肉味嘅椰果粒、雪糕、仲有啲脆卜卜嘅粟米片。有咁多重口感，但價錢又唔係貴，幾值得推薦！

天氣溫度驟降，有天晚上很想食糖水，所以就提議太太一同到沙田甜入心食糖水。我們去的時間還早，所以不用等位子，一看餐牌發現有熱食熱食，我們先點了一個碗仔翅套餐，套餐有一碗碗仔翅和兩粒食長洲大魚旦，碗仔翅的味道很足夠，不用落醋已經很好味道！我們很喜歡翅內的木耳絲，咬時索索的聲音，很爽脆！說真的還未試過長洲大魚旦，雖然只有兩粒，但是很大粒所以感覺吃了四五粒咁，長洲大魚旦帶點咖哩辣味，不錯！另外也點了「黑松露撻」，平常食黑松露通常用在Pizza，湯上較多，但好像蛋撻那樣真的沒有試過，創意十足，起初我還擔心會否太膩，但擔心是多餘的，完全沒有！撻很細個，是一口的Size，皮跟蛋撻的不一樣，皮很薄，黑松露很入味，放入口中，整個口中都充滿黑松露味，久久不散，喜歡吃黑松露的朋有記得叫！之後就食下甜品了，我先叫了一個芝士窩夫，窩夫剛剛出爐，上枱時還是熱呼呼的，芝士醬好像流心般流出來，凍的芝士我一般都受不了，但呢個熱的流心芝士醬不錯！窩夫烤得剛剛好，不會過焦。太太就點了熱食，椰皇燉鮮奶湯圓，仍是老樣子，整個椰皇，鮮奶很滑也很夠味，重點是湯丸，剛剛好的Size，不會太熟而發漲，先有濃厚的甜奶味，咬開湯圓就是芝麻

沙田人頭湧湧，想搵個位靜靜地食下野都唔係咁容易！今日行到黎好運中心諗住小人啲！揀左呢間甜入心！見佢除左甜品之外，仲有啲咸食，所以入去試下！榴連飄香椰皇子（凍） $56榴連味好香，食落去好棉！仲有啲爽口既水晶粒粒，椰汁味好濃，椰皇下面係佢地自家制既椰汁啫喱凍！第一次見呢個整法！唔錯！值得推介！☺️☺️戀上椰皇子（熱）$53入面超多料！有湯丸，三色芋圓，小丸子，鮮奶椰皇！最值得讚既係個鮮奶椰皇，其實即係燉蛋白，超超超滑！再加上暖暖地食，如果食完啲皮膚有咁滑就好！湯丸係黑芝麻，最後當然連啲椰子肉都挖埋出黎食！正！💜💜牛肉吐司 $32呢個吐司制作需時，最後先上，但係出乎預料之外！賣相普通，但係一切開！佢啲芝士係拉曬絲！照足料！食落去好似食緊pizza咁！但又冇pizza咁「濟」！😋😋碗仔翅+長洲大魚蛋 $28碗仔翅都好足料！熱騰騰！粉絲，冬菇，黑木耳！味道就正常普通，如果有埋胡椒粉或者醋就更加好！魚蛋好大粒，成粒golf咁大粒！味道同長洲相若！彈牙！👍🏻👍🏻雪糕香蕉船 $38食完全部野再叫左個香蕉船！雪糕球大大舊x3！有朱古力味，vanilla 同埋芒果！唔知佢雪糕係邊個牌子架呢？！都唔錯喎！不過