甜入心 (好運中心) (已結業)

沙田近十幾年轉變好大，今日的沙田已是人來人往，水泄不通的景象，要找一個能享受甜品又能靜靜聊天的地方實在不易。甜入心位處好運中心地下，正正在停車場車閘入口旁，不算難找。這裡有新派老派甜品，亦有正餐如意粉、All day breakfast 提供。 龍顏大怒 - 單看甜品名稱已經很有氣勢，材料有龍眼、西米、Q珠及雲呢拿雪糕。西米、Q珠加起來很爽脆的配搭，甜度適中，味度清新，下次必點之選。 咖啡布甸椰皇子 - 椰皇子是甜入心的招牌菜，一整個焦糖布甸放入椰皇之中，配以咖啡方果，咖啡方果沒有預期中甜，反而咖啡味十分濃郁。焦糖布甸底層還有透明色的椰子布甸，兩者味道層次分明，椰子味香濃，賣相亦十分精緻。 朱古力心連心窩夫 - 窩夫一看便覺得過份焦黑，由於烘烤過度口感變得過硬又不算脆口，敗北之處是窩夫模看似很深但深坑的設計令粉漿過薄，賣相不錯，可是我食過最差的窩夫了。 咸牛肉班尼迪蛋 - 以咸牛肉配上班尼迪蛋，配搭甚為創新，姑且一試。班尼迪水煮蛋甚考功夫，可惜今次的蛋還差一點點時間，切開中間還見到半透明的生蛋白流出。傳統的班尼迪蛋醬汁帶有較重的sour cream味道整體偏酸，而這道菜醬汁是

同完中同食飯，又點會咁快捨得散水，食飯當然唔少得食糖水啦 沙田其實都比馬鞍山多野食 但糖水鋪頭反而係沙田新城市嗰邊就少見啲 我地行過甜入心，就決定黎呢到食啦//黑松露吐司粒粒山//第一次食黑松露雪糕感覺好特別味道唔似平時食西餐嗰種好「利」既味道味道都算唔錯而且啲吐司仲係熱一凍一熱xd食嗰陣記得要拿拿林食晒啲雪糕吐司比啲雪糕整濕晒就口感好奇怪＊濕少少無所謂 ::宇治品豆:: 呢個算係好平既糖水 抹茶雪糕味好濃 好好食 不過如果對於紅豆控既我 再多啲紅豆就好 份量都算幾足 下面類似紅豆冰咁 不過再稠啲 味再濃少少 #榛子朱古力# 朱古力 全部都係朱古力 睇樣就知好好食 可惜胃口有限 我都係偷啲中同既食幾啖xd

今日去沙田一田超市掃貨，係openrice seach 到有甜入心分店，於是去了好運中心地下去hea食休息下，下午3點幾好多人，仲有免費英色凍紅茶可以自助飲，而前門位置仲有個朱古力噴泉，自己用棉花糖點，我覺得店鋪很重視客人，地方佈置好漂亮，有葉子，甜品相架，簡單而有家的感覺。今日才發現餐牌有新的全日早餐和意粉，不只甜品，同男朋友叫了全日早餐$68和蒜蓉意大利粉$58 服務員很nice 佢介紹 可以放2杯飲品，而咖啡最佳選擇，我選了棒子咖啡，和蘋果紅茶。棒子咖啡，棒子味道好香，適合不可以飲太濃咖啡的人，而且用鮮奶打，所以好滑。蘋果紅茶，蘋果味好濃，幾甜夾紅茶有解渴作用因為即叫即整，所以要等一下，店員都講定要等候，好的美食我不介意等的🍽。先上枱係咸牛肉班尼迪，層咸配上杧果醬的沙律菜，甜甜酸酸很Frest ,重點上層忙果醬，第2層班尼迪，第3層咸牛肉同咸牛，最層脆口像鬆餅包，4種層次口感，流心軟熟的班尼迪蛋，同咸牛肉好夾，第1次食，蛋夠滑多汁同咸牛肉咸味一齊食，好有食完再食衝動堅流心有忙果醬很開胃。全日早餐黎啦，真的比餐牌更漂8亮，多士2條，茄汁豆，炒滑蛋，烤煙肉2條，高級腸仔2條，3粒大蕃

今晚母親節 我們一行六人本想和母親吃完晚飯後到來想吃甜品到達後因門外沒人安排入座 只好推門進入問店員 然後她說安排轉頭下張枱 眼見門外有些人 之後店員安排入座 便覺得門外的人是等外賣當我們坐下後一陣子 有個男人走入來大吵說是他們拿到票先 然後店員走來問我們有沒有票 我們說沒有 剛才問你們 你們亦沒有給票！之後另一位女店員要求我們起來 雖然她說下張枱要安排給我們 但我們整肚子都是氣！便離開 眼見門外的男人氣衝衝地看著我們 根本不是我們的錯！！我們都非常生氣！！！以後都不會來！！！

沙田美食多就不用多說，不過，近沙田新城市中心附近一帶就比較人多，友人帶我走遠少少來到好運中心，說這裡也有美食，原來是一家甜品小店，但更提供了鹹食，所以，在此吃一頓悠閒午餐。我們來得比較早，還沒有人客，朋友說是因為鹹點最近才推出，故大多數街坊也是在非正餐時間來光顧的。先來一客黑松露吐司（$32），野菌下得多之餘，更添加了蕃茄、青瓜、木魚碎及芝士，吐司烘得軟軟，綿綿細嚼，口感與味道很豐富，黑松露的幽香像在口腔內不斷盤轉。友人推介了這裡的班尼迪蛋，但配鹹牛肉還是頭一趟遇上，鹹牛肉班尼迪蛋（$68）賣相不錯，除了有兩件鹹牛肉班尼迪蛋外，還伴有沙律菜，最滋味是下了鮮芒果醬，所以，沙律菜吃起來既爽脆，又有香甜嘅芒果味。而配鹹牛肉嘅班尼迪蛋感覺不俗，鹹鹹香香，面面的醬汁酸酸甜甜，還撒了點點香草喔。飲品方面，芒果「粉絲」的我們同時也選了「芒芒不忙」（$28），冰涼而很香芒果味，底下有不少粒粒咬口的珠珠，很有趣，但如果甜度再減少許就更合我們的心水。來甜品店不吃甜點，似乎有點兒那過，故點了一客「雞蛋布丁」（$36），而一客共有4件以原隻蛋殼盛載的布丁，的骰別緻。雖然不是很滑溜，但蛋味的確是超香濃。這裡的鹹

自從好運店開張後來過一次之後都無嚟過，今日約左契囡同契囡媽媽去食。 見到有新Menu有All Day Breakfast, 意粉同Egg Benedict等咸食。 All Day Breakfast $68 賣相超好，當然有半肥肉厚的煙肉，茄汁豆，牛肉腸，炒至半熟既蛋，上面放左少少炒磨菇及黑松露。成份野好夠熱辣辣，任由我影，都係暖笠笠，最正係個麵包，因為被烘到黃金色，脆卜卜，但一啲都唔燶。沙律菜切到細細，方便進食，上面淋上芒果汁，十分醒胃，整碟All Day Breakfast 色彩繽紛，色香味俱全，估唔到甜品店能做到這個質素!牛肉吐司 上一次來,有的吐司只是甜食, 砌成吐司山一段,每粒都脆卜卜, 加上朱古力/芒果雪糕, 令人回味無窮. 第一次見到甜入心有咸既吐司, 當然 近日發現白頭髮多了，同事話多吃芝麻糊或芝麻產品對這方面有幫助，但一直覺得黑芝麻唔好食，-食只係為改善大量白頭髮出現-既心態去食。依個加埋杏仁茶，就減左嗰種重黑芝麻既味，芝麻糊好滑又夠傑身，好似好滋補咁。 一餐可以食矖靚靚鹹食同正宗甜品，十分飽足同滿足，咁近我教會，下次必來再食！

OT 到很晚，很多食店都差不多關門，便與同事到了這甜品店，打算吃點熱食果腹。店內很整潔，桌子和椅子也是粉紅色的，裝潢給人甜美溫暖的感覺。翻翻餐牌，款款賣相也很吸引，每款也很想試。最後，我們每人點了一個桃寶燕窩椰皇燉奶，再加一份黑松露吐司粒粒山share食。桃寶燕窩椰皇燉奶 $59桃寶燕窩椰皇燉奶首先雙雙上桌，想不到分量比餐牌上的圖片還要大。桃寶應該是新興的美容食品——桃膠，它是由桃樹上自然分泌出來的天然樹脂。據說桃膠除了對潤腸、通便有幫助，亦可潤燥，幫助排出體內廢物後，間接有助美顏。燕窩出自燕子的唾液，它的美容功效人所共知吧！這款包含動植物蛋白的甜品，營養價值甚高，十分適合工作了長時間的我們補補電。桃膠和燕窩的分量相若，兩者都滿滿的舖於椰皇上。燕窩原本應該無味，這裏的燕窩有少少冰糖味，甜味剛剛好。桃膠味道清清的，我認為有點像杏甫的味道。燉奶熱熱的又滑滑的，暖肚之餘，奶味亦很香濃。椰皇肉可以刮起來吃，清甜又飽肚。每一啖的感覺也很健康、養生。晚上九時多仍未吃晚餐的我們很快便征服了你這個椰皇甜品，連椰肉也吃清了，一點也沒浪費。桃膠和燕窩也是需要十分多功夫處理的食材，還要配上椰皇和燉奶，四重享

五一勞動節就梗喺要勞動吓，趁未到盛夏，天氣仲喺廿度鬆啲，約咗朋友行吓山，由城門行去金山，正正喺衞奕信徑第6段，全程5.3公里，上山落山多，平路少，有啲挑戰性，唯一缺點喺無乜景，但勝在樹蔭多，唔使點曬住行。搭埋頭頭尾尾出入口位，成段路慢慢行，行咗3個鐘，大家都夠晒皮，再落番沙田食嘢。都幾年無嚟「甜入心」，都喺知道佢哋新加咗啲鹹食，專登順路入嚟撐吓朋友場。所以，午市嚟到，都見有唔少客幫襯，相信好多客同我一樣，食啲鹹點後再試佢哋甜品，始終，佢哋嘅甜點一向有水準。芒芒不忙 $28行完山就梗喺要補充多啲水份，芒果一向喺「飛弗」，本來喺想要杯凍鮮奶咖啡，可惜話部咖啡機有問題，無得供應，所以，要杯「芒芒不忙」，其實即喺芒果汁，不過，就加入啲咬口嘅水晶珠，而個芒果汁嘅芒果味鮮甜濃郁，但有些微偏甜。北極光 $28友人嘅「北極光」賣相極之靚，紫紫紅紅，有少少極光感喎，不過，味道又唔算好特別，辨別唔到咩味，只可以講喺酸酸甜甜，清涼得嚟有啲似梳打飲品，底下同樣有啲水晶珠。鹹食方面，多咗幾款意粉、全日早餐及班尼迪蛋，定價$58-$78，都唔算貴，當然，如有啲加餐飲嘅優惠就更好啦，哈哈！全日早餐 $68從餐牌所見

勞動節無理由一早就起床吧？和太太一覺醒來已經是12點了，便出發去沙田一田逛逛，記起沙田有甜入心，我都沒試過沙田呢！一來到便見到門口的Poster，原來推出了新產品，你怎麼知道我想食意粉？我點了茄醬肉腸意粉，等了大約20分鐘，心還想點解咁耐？原來隔離枱個個都叫，黎到賣相不錯，橙紅色的，仲有一塊法包，茄醬甜甜的，只有蕃茄沒有肉碎，還配有四片肉腸，肉腸有點像德國的法蘭克福腸，味道有點偏咸，但整體這個意粉不錯，比起其他西餐廳還要好！太太叫了全日早餐 All day breakfast，被價錢吸引了，$68超值！我最欣賞黑松露炒蛋，黑松露味濃，配上香菇加上蛋，味道突出，蛋亦炒得很滑。另一個賣點是沙律菜，清新爽甜，還加上芒果汁，是一個新的味道！酸酸甜甜的芒果汁加上沙律菜的確令人很開胃！還有我喜愛的蕃茄仔，鮮甜又健康！我和太太一個另加一個甜品，我叫了西瓜中豆花，消暑佳品，一整個西瓜中加上豆花，增加了豆花的甜味，豆花上還配有Vanilla雪糕，食唔切令雪糕融入豆花，令豆花更冰凍！太太喜歡熱，叫了椰皇燉鮮奶湯丸，今次多了一堆西米，逐粒爆珠真是有趣！奶味充足，證明鮮奶是鮮奶，不是奶類飲品！湯丸是芝麻餡，鮮

呢排肥左好多，但其實我十幾年都KEEP住一百零幾磅(好難得架喇)，只不過一肥就肥喺塊面同肚腩，手腳係纖幼，但塊面同肚腩爭幾磅肉就超級明顯。口裏一直話要減肥，食少啲，亦都多做左啲修腰瑜珈(面肥左就冇得救架喇)。去完朋友屋企探B，佢話發現佢樓下有間野食All Day Breakfast好正喎，話帶我去食，原來係甜入心。我上年成日都去深水埗間甜入心食韓式伯爵茶飄雪冰架啦，一大個水壺上，好吸引，味道又清新唔太甜，可以睇返我上年八月嘅食評- 「一壺飄雪冰」!沙田呢間裝潢好童話FEEL，未食已經甜左一浸~我哋7點已經到左，當時仲未FULL，趁機會影張靚相放FB吸吓LIKE先~冇諗過甜品舖竟然會有全日早餐$68。仲要咁高水準，未食已經覺得好正。炒滑蛋，兩個字:「嫩滑」!仲有黑松露炒香菇~多士焗到金黃色，咬落去非常鬆化!將炒滑蛋放上多士食，好正煙肉都幾厚，但都幾咸:蜜瓜很鮮甜而且清涼入心，用新鮮芒果汁做點綴:小蕃茄很Juicy開胃，一流! 腸都好食，可惜只有一條，兩條就更完美。新鮮芒果醬汁淋喺沙律菜上，香甜而不膩，依然清爽!茄汁豆是凍的，但我喜歡食熱嘅，全份早餐就係爭呢個。最窩心的是焦糖布甸，香滑無比

享受連假既最後一日...行到攰去左食下午茶☺️咸牛肉班尼狄蛋（$68連飲品）層次豐富，沙律菜配上芒果汁好有創意，而且味道好夾好清新開胃唷！幸福感同蛋汁一樣...爆瀉呀❣️❣️Alldaybreakfast 完全滿足左鹹食同甜食既口癮，松露炒蛋非常香，略有不足既未算嫩滑。多士香脆而且有蜜糖甜味，好好味！焦糖布甸好有雞蛋味 ，焦糖味不太甜，質感軟滑!最愛既係椰皇燉鮮奶湯圓（$48）超級好食，相信係第二間既糖水店唔會搵到唷🤤🤤🤤原個椰子加上鮮奶蛋白一齊燉，燉奶香滑之餘仲滲出絲絲既椰子香！而湯圓呢...就係黑芝麻餡料，味道唔太甜，good 呀！👍🏻不過仲未完架喎，食哂之後呢...仲有椰子殻內既椰子肉😍😍😍椰子唔老，所以毫不費力就刮到椰子肉出黎食喇😬✌🏻椰肉好滑，椰香味好濃，大滿足呀另一個椰子甜品就係桃寶燕窩椰皇燉奶，聽個名就已經覺得夠哂美顏喇!!桃寶其實係桃膠，有潤腸通便既功效，而燕窩就滋養肌膚，食完真係可以由內靚到外唷!宇冶品豆岩哂我個抹茶控既朋友仔!宜杯野又係豐富既飲品又係豐富既甜品唷，哈哈!層次好豐富，由紅豆、小丸子、綠茶雪糕、啫喱組成，每啖都好有口感!綠茶雪糕發淡淡的茶香，不會太甜膩。小丸子

今日假期趁有空檔 就約朋友一齊去呢間甜入心食dinner~ 當你以爲佢只係一間甜品店 你就錯啦 佢係有咸點咖 仲幾好味呢😛😛👍🏻佢成間鋪既裝修都好有田園風 掛左好多綠葉同燈 仲有植物既波波 好以走左入童話世界咁樣🤗🤗🤗佢門口仲有個心心 好靚❤️ 佢仲會提供花茶比客人免費任飲👍🏻👍🏻👍🏻一黎我地叫左個點松露鴨胸意粉 真係喜出望外 估唔到甜品店做既意粉都咁好味😍😍😍黑松露既香味好突出 正呀😎😎 認真汁都撈埋💕💕跟住再黎個all day breakfast ☺️☺️有炒滑蛋 有煙肉 有甜蜜瓜 有烘過既脆面包 有車厘茄 有香腸 有沙拉 有椰汁布丁 有茄汁豆 好豐富呀😚😚😚😚 樣樣都好配好好味 我覺得個蛋炒得幾滑 我朋友就中意沙拉個汁-係芒果汁 令成個沙拉個味道提升左 更加fresh🌱☘️來個近照 想想都覺得想再食多個啦又😌😌另外我地都有叫甜品：呢個椰汁布丁 真係用真椰汁做 好香椰子味 個布丁又香又有濃濃的蛋黃香 好正呀😝😝😝 下面係成個椰子奶凍 仲有椰肉 好真材實料呀！讚👍🏻👍🏻👍🏻我朋友就叫左點個芒果小丸子 用左新鮮既芒果肉 丸子好Q好彈 甜甜地 再有芒果汁 同下面同樣都係用左椰子奶凍 用既都係真椰

有日同朋友兩個人搵個地方打算坐成個下午，呢間甜入心，野食好味亦坐得舒服，裝潢都好靚有個霓虹光管整既心心係門口，就吸引左我地兩個入去喇！桃寶燕窩椰皇子，滋潤養顏。面有好多燕窩同桃寶，而放係底既係由椰青水所整成既啫喱，好適合係咁熱既天氣下食。整個甜品唔會話好甜好膩！另外朋友同我果個都係一樣不過個底既椰青水啫喱就變左燉奶，燉奶滑溜溜，熱食感覺更加滋潤。新雞蛋布丁，布丁係用番雞蛋殻黎裝，賣相好吸引！雞蛋布丁既味道同焦糖糖漿好配合，入口都好香滑。一客雞蛋布丁有6個，適合幾個人一齊share！叫左一客黑松露吐司，附送一杯野飲，只係需要32蚊，好抵食！黑松露吐司賣相有啲似pizza，配料有野菌、番茄同青瓜。仲加左芝士係面，夠滋味又夠健康，而且幾適合素食者食。卡邦尼意粉，雖然同平時傳統既有啲唔同，不過都唔錯。呢個意粉冇咩芝士，食落唔會好膩。仲有而家有全日早餐系列半價優惠，都幾抵食！野飲就分別叫左芒果紅茶同北極光，芒果紅茶好岩我口味，飲落去仲有d蒟蒻粒粒，有啲野咬下咁。北極光賣相夠哂靚，飲落去就係酸酸甜甜，岩哂鐘意刺激既朋友。另外，係門外睇到呢張poster，難道有愛心既小店，大家都黎支持一下吧！

今日去左沙田運動場做火炬跑既義工，完成之後行番去市中心度醫肚，由於係假日，新城市廣場人山人海，所以決定移師去隔離連接住既商場度搵食，最後係好運中心地下橫壆街方向搵到呢間小店🤗由於小店隔離有鋪頭裝修緊，圍左板，所以如果要搵佢，要係好運中心個門口向前行幾步先會見到既。呢度唔係齋食甜品架，仲有意粉同all day breakfast添。Menu呢度仲有個自助小茶水間，提供免費既英式果茶，香味清新，入口香甜蜜桃鴨胸班尼迪蛋$78呢個班尼迪蛋既靈魂係佢個水煮蛋，做到皮嫩心軟，蛋白半凝固，蛋黃半生熟，再用蜜桃配上鴨胸，中和番肉既肥膩感，仲有芒汁蔬菜拌碟，成個都好fresh卡邦尼意粉$68呢個意粉賣相唔錯，份量又夠大，佢好creamy，不過就食唔到蛋黃同芝士味，可能d忌廉味太濃，但係個味道都唔錯，而佢伴碟既蒜蓉包好酥脆，牛油蒜蓉味又夠朱古力心連心窩夫$48呢個窩夫份量大，而且食落鬆軟，再配極多朱古力醬同超大朱古力雪糕，超滿足

我和同學下課後，由於連續上了很多節課，所以沒有吃午飯。我們到了沙田好運中心的甜入心店鋪吃了頓下午茶，很特別的一點是，甜入心有供應正餐，能醫飽肚，又能吃甜品，一舉兩得。.首先店鋪裝潢比較具特色，還有朱古力噴泉在門口。我還很喜歡他恍似森林的裝飾和裝潢，就像cafe，而且環境舒適，午市也沒有太多人，環境寧靜，很適合來這裏溫書或做功課。.我們叫了一客全日午餐和黑松露煙鴨胸意粉為主菜，全日午餐材料豐富，內裡有炒蛋、蜜瓜、煙肉、布丁和多士。雖然是平凡的材料，但配搭起水果在內，感覺清新。.而黑松露煙鴨胸意粉確實一流，鴨胸煎得剛好，吃下去沒有苦澀味，而意粉配上獨有的醬料和黑松露後，完全配搭得很好，會令人胃口大增。.然後，還點了多款甜品，包括朱古力窩夫、芒果吐司粒粒山、雞蛋布丁和金色西米露。先說朱古力窩夫，窩夫厚度和份量剛好，配搭上雪糕，能增加點餐的意慾，身為甜品狂人的我覺得甜品水平不錯。.另外，芒果吐司粒粒山是具特色的一款甜品，設計新意，味道和份略都不錯，很適合年輕男女來打卡，女士必定相機食先，因為甜品賣相確是不錯。 .雞蛋布丁的焦糖集中在第一口，焦糖味道配合蛋香，讓焦糖味伴著濃濃滑蛋的香味在口中很長