甜入心 (好運中心) (已結業)

話說俾人調左鋪去沙田返工之後都無啖好食。同事見我日日食飯團，睇唔過眼叫我去食甜入心。我心諗，lunch叫我去食椰皇同窩夫會否太過份？但佢話原來而家都有brunch同意粉食，太好，就去試下啦！一入去，少女心即刻出返哂黎，粉紅枱粉絲凳仲有咁大個心心，如果同男友黎又可以影相呃like甜入心當然係以甜品為主，我之前都有食過佢地既椰皇同窩夫，確係CP值非常高。但今日係番工放飯，又得自己一丁友，所以都係一切從簡，食個意粉算了。蒜香意粉。佢地係廚房整緊既時候已經聞到超香蒜頭味，食落欖油味道仲香，意粉硬度適中，加埋烤得香脆既吐司焗榛子咖啡，咖啡好香，榛子味恰到好處，唔會過甜搶左咖啡味，返工飲到杯好咖啡真係人生一大樂事以咁既水準黎講，我覺得CP值都算高。雖然我最想試既全日早餐已經暫停，但姐姐話係因為佢地餐牌會KEEP住有變化俾客人新鮮感，咁有HEART,下次一定要扯男友黎陪我食埋佢地個窩夫先得