甜一刻

營業中

休息中

路經深水埗，見到有間甜品鋪新開張，而且裝修好靚，吸引左入去試下啦！見餐牌的相分量好似好大，但總覺得係影相效果啫，所以6個人叫左7樣野，諗住咩都試下，可能時間早又係平日，無咩客人，等左一陣已經有得食啦！一上檯，已心知大件事，因為每樣都好大碟呀，同餐牌的一樣咁大份，佢的分量要再多幾個人先食得哂。特別係個士多啤梨吐司好大份，吐司脆脆地又甜甜地，好好食。仲有個益力多沙冰，伴碟的紅豆同丸子都好味。食到我地要抱住個肚走我地食到十點，已經開始多人，所以如果唔想等咁耐，真係早少少去食好d, 而且門口可以泊車，真係好方便。

今天係我既生日，朋友發現長沙灣有間新開既甜品店，知道我很愛吃甜品，就提議一起去試下！店內很寬敞，一入門口店員很親切的引領我們入座，看著餐牌上的甜品圖片很吸引，樣樣都想試，店員知道我們第一次黎，就細心為我們推介，接著我們點了→士多啤梨吐司磚塊，芒果龍眼雪糕,朱古力/芒果雪糕磚塊~賣相很吸引，開動了，比預期中還要好吃， 首推:士多啤梨吐司磚塊→涷同熱交替既極致佩搭，熱既吐司佩上雪糕和士多啤梨醬，入口很脆'口感十分好老闆娘聽到今天是我的生日，還細心趁我不為意時，問我朋友我既英文名，在碟上用朱古力寫上happy birthday AKI，真的很驚喜，感覺得窩心，多謝美麗的老闆娘~^^~接著→芒果龍眼雪糕，芒果雪糕很美味，芒果好新鮮，讚→朱古力雪糕磚塊 和 芒果雪糕磚塊，完全無令我們失望，全部過關，真係好好味 (總括黎講，賣相吸引' 份量多' 味道好，吃得出來老闆娘對甜品係好有要求，還親切地詢問我們吃後感^^很愉快的一次體驗，一定會再黎，也會推介俾其他朋友。)

本食家對食物和店員服務態度都非常講究，有以下的評價。讚！店內環境裝飾非常可愛 so cute！(看老闆應該是有點童真和創意的人)店員有禮貌，服務一流！食物有點令我喜出望外，價得一讚！缺！食物款式少了點，可以加多一點。(不過可諒解，是新開店)希望下次再去時多點選擇。我今次和另一位食家去此店試食，叫了一個 “芒果磚”，上檯時，我心裡 “嘩” 了一聲，份量十足，而且同單張的相片一樣，仲加了一小粒公仔朱古力(對顧客有點心意，價得一讚！)再食落去外脆內軟，口感不得再一讚，甜度OK！另一位食家非常嘴叼都話非常好食，下次我必定會再來！

入到去好有玩味，但有個阿姐好惡咁叫你座，座咪座囉，洗唔洗咁惡啊！叫左個涼粉紅豆芒果奶冰，超甜囉！樣樣都得個甜字，無靈魂㗎！ 除左好甜嘅沙糖味，就食唔出其它味！涼粉、紅豆都係咁，芒果仲衰，酸到陣。仲要賣$30幾一碗，食得出全部都係現成，無用心自己整。甜品界嘅笑話，我朋友叫個熱焦糖燉蛋，嚟到係凍㗎，無辦法，唯有食。呢間啲裝修整得好靚，但放入口就…………我唔會再去

兩日前，友人邀請我到去這家新開的甜品店試食。踏進門口，感覺裝潢環境挺新穎舒適，比附近其他的甜品店有創意。Menu上的選擇不太多，種類跟其他甜品店的不同，都是類似酒店式的甜品。價錢尚算大眾化。點了一個朱古力雪花冰，等了約十分鐘，來到了面前。制作好有誠意，賣相90分，大分量$42，值！慢慢細嚐，朱古力冰夠幼細，朱古力味濃又不過甜，可惜香蕉未夠熟，要稍扣分。看看鄰枱客人的甜品，都是賣相靚仔和大份量，不少客人都拍照留念。今次試食都幾滿意，唯希望此店能保持水準和誠意，加多其他甜品種類，保持待客水平。

早陣子收到傳單, 知道附近開了一家新的甜品店, 下午茶時間肚空空, 便特意一起來試試。店子並不在甜品店林立的元州街, 反而選了在後一條較靜的路上, 幸好店面很大很粉紅搶眼, 尚算易找呢。一走進店便被牆上的卡通頭像吸引, 很可愛呢, 一問之下原來是老板的神來之筆, 厲害。不知是否新開張, 餐牌上沒有傳統的熱甜品, 微微失望, 再細看自創的西式甜品, 給其中一個很壯觀的「吐司磚塊」吸引, 可惜我們只有2人, 太大份好像吃不完, 放棄了。最後選了綠茶窩夫和香芒小丸子。等候的時間稍微有點久了點, 先來了香芒小丸子, 賣相不俗, 小丸子很有咬口, 底下的沙冰也很有清甜的芒果味, 芒果雪糕充滿奶味, 唯一問題是鮮芒果有一塊有點根, 略嫌不足。接著綠茶窩夫也來了, 嘩!真的很大件, 是珍寶size呢, 本也略嫌整體價錢有點兒貴, 但如配上如此的份量, 其實也很合理了。窩夫配上雪糕再加上紅荳, 還有一個朱古力lego人仔, 賣相已很可愛了, 很有意外驚喜! 試試味道, 窩夫做得很香脆, 淡淡的綠茶味, 配上奶味濃郁的綠茶雪糕, 食感一流, 本以為自己吃不完, 但一下子便吃光了, 也沒有很滯的感覺。店子

同老婆又去開車房，見下午無嘜人，決定比多次機會佢，點知又中計！ 我咁大個仔都未食過無朱古力味又粉口嘅心太軟，唔知係咪粉太多定唔落夠朱古力呢？？個口感極奇怪，雖然裝收好靚，睇個門口都幾好，但只會去埋呢一次囉，食完無嘢令人記得 入到去張枱仲好 叫個阿姐清潔下枱面，佢仲對我黑口黑面，見佢年紀都唔細，咪忍左佢囉，但返嚟念念下就好 一間餐廳清潔係好重要㗎，個阿姐竟然咁對我！唔知係咪因為咁樣，個心太軟等了又等，老婆都食緊我都未有，平時去其它地方食甜品都無等咁耐，啲職員態度勁差！比錢仲要受氣

去開深水埗食飯，個fd 帶左我黎呢間新開既甜品鋪食甜品，入面都有幾台客食緊，我地4個人好快就有位，鋪入面既環境一流，牆上既公仔畫幾靚。我叫左個士多啤梨吐司，六十幾蚊，都好大份下，整得幾靚，味道幾好，唔會話太甜，吐司都仲脆脆地。 係廚房出野慢左d，等左都幾耐下，但整體感覺不錯，幾有新意。

同老婆行過見有個6~7歲妹妹仔派紙仔叫人去幫襯 咪去食下囉 點知老婆話涼粉味好怪 又唔夠奶味 我就認為死罪係生果唔新鮮 芒果勁酸 蜜瓜雪到變成透明都仲比客人食 個麵包甜品超磚頭 唔夠醬已經係死罪 食到牙都痛啊 得個樣靚有屎用咩 食落肚㗎嗎 妖 一個字差 大把糖水舖啦，各位咪去啊 又貴喎 $30~80幾 錢都算啦，但味道真係嘔心

在下久不久都會吃一點甜品糖水，趁明天放假，便走到長沙灣甜一下。甜一刻是新開的甜品店，位於長沙灣的福榮街，走去深水埗也只不過約十分鐘左右，而店舖隔鄰多數都是車房居多，而且面對學校，應該會有學生來奉場的。店內新開都幾光猛的，以粉紅色和紫色為主，也十分相襯。兩邊牆壁都掛滿了圖畫，像似是小朋友畫的，而且顏色的運用也合適。餐牌裡沒有傳統的糖水，只有西式甜品。當中有雪糕窩夫，以生果和雪糕成的甜品，但內裡亦有近乎茶木的麵包甜品都有。然而在下雖然對麵包甜品有點興趣，但是始終得一個人，要吃的話，似乎不太可能吧！最後還是選了繽紛一刻杯，用上了兩球雪糕和生果，當中包括了抹茶和芒果雪糕，士多啤梨，蜜瓜，西瓜，奇異果等，其中以奇異困較為酸之外，其餘都幾甜的。芒果雪糕有著淡淡的芒果味道，而抺茶雪糕也較濃郁。雪糕方面可自由選擇的。接近下午六時半，顧客不多，固可坐多一會才結賬離開。

今日又去試新甜品店！其實只係咁岩行過有人派傳單見到好似幾好味同埋話送沙冰所以咪去食下囉，入到去裝修好靚好可愛，直接叫了個芒果磚塊，都等咗15～20分鐘左右，哇～上到枱先知咁大份，味道同茶木相比呢個冇咁甜同埋脆身d，我鐘意食脆多d，如果有多球雪糕夾埋落d磚塊到就更加好啦，但係最吸引我既係磚塊隔離個朱古力lego人呀，真係好得意！值得一試！下次再黎想試下朱古力窩芙Hehe~~~