甜一刻

營業中

休息中

住在長沙灣，從來都不乏美食、甜品，總有一間在附近。今晚跟家人外出食飯，回來時想食甜品，所以便到屋企附近的甜一刻啟動第二個胃。甜一刻位於私人屋苑美居中心樓下，鄰近港鐵，交通方便。從店員口中得知，甜品店老闆創意無限、藝術天分又高，所以牆上每一幅Q版畫都出自他的手筆。在甜品方面，老闆的創意更大、更廣，除基本甜品外、還有很多種類，例如：船仔系列 (香蕉船)、由100%呂宋芒果打造的楊枝金露系列、台式刨冰系列等…而老闆仲會按潮流、季節推出新品，雪糕雞蛋仔系列、雪糕窩夫系列就正是近期新作。今次我們就選了兩款台式刨冰來消消暑。浪漫戀人 (HKD43)賣相跟餐牌一樣，材料豐富、十分吸引。上層有富咬口的OREO曲奇雪糕；周邊圍著台灣直送的九份芋圓、紅毛丹、煙韌的波霸珍珠；而底層就有透心涼的椰汁冰底。香芒雪花冰 (可拼藍莓/草莓) (HKD49)今次選了拼草莓，雪花冰刨得綿滑輕盈，入口即溶，上層的芒果果香濃、下層的草莓酸甜，透心涼同時可刺激味蕾。另有咬口十足的爆爆丸、小丸子等，即時豐富整個雪花冰。

與朋友在深水埗吃了晚餐，在附近的商場逛了一圈，來到這間甜品舖附近，決定來一頓飯後甜品。大約九點來到，店內已有數位客人。店內環境乾淨闊落，播放著流行音樂。餐廳的甜品選擇很多，有中式和西式甜品，由於選擇多，最後點了一個紫薯脆磚杯和一個浪漫戀人。紫薯脆磚杯一上桌已有陣陣焗麵包的香味，很鬆脆；最上面的雲呢拿白裏透紅，漂亮。浪漫戀人：最底是椰子冰，中間有芋圓和珍珠，最上面有一球曲奇雪糕；最喜歡的是珍珠，珍珠很煙韌，配個軟綿綿的椰子冰

食飽飯同朋友係附近食下甜品，公司同事推介一路都想試下，餐廳menu有選擇多，睇到我地都揀好耐先落單，最後叫左薑汁芝麻湯圓，薑汁味濃而不辣，仲有少少甜味，幾易入口，就算我呢啲平時唔中意食薑味既人都幾中意飲，芝麻餡料濃郁，總共有7粒，都只係重點就士多啤梨吐司磚塊，一上枱已經嚇親我地，超級巨型，連隔離枱都望過黎，三層多士，大量蜜糖磚配士多啤梨醬、雪糕同cream，超好味！一啖啖幸福既感覺，建議飯都唔洗食黎試下呢個，多士甜度合適，而且多士烘邊夠脆！推介！

前幾日係深水埗争鮮食完晚餐，就同朋友去左去下場。呢間甜一刻位於長沙灣A2岀口，慢行5分鐘就到。店內坐位寛鬆舒服，桌面夠大，環境非常乾淨。我地每人叫左半份窩夫。窩夫即叫即整，外脆內軟口感一流，凍左都唔會變淋，依然好脆。首先係芒果窩夫，芒果雪糕味道香濃，配上碟上甜溜嘅芒果醬，完全中和左淡淡嘅cream味。而草莓窩夫方面，草莓醬濃厚偏酸，草莓雪糕好甜，加埋一齊食中和剛好，非常好味。半份份量都好足，一個女生食好飽，成份窩夫幾個人share食好方便🤓

係開荔枝角食飯又突然想食甜品，見到一間街坊甜品店，一於幫襯下試試佢，間店門口有好多貼紙👍🏻街坊feel熊仔雪花冰熊仔造型岩曬少女😍打卡必叫，草莓味道唔會太甜, 配上雲呢拿雪糕, 味道剛剛好, 而且雪花冰嘅質地好綿，炎炎夏日，超消暑，配上煙韌嘅丸子，值得一試😋紫薯芋圓冰($41)紫薯泥好香口感creamy ，味道重，食落有紫薯味，芋圓比較大，口感係較硬身，好有咬口，份量都多，食完都幾飽。冰底係椰汁冰，椰汁味香濃，整體味道唔算太甜，同都好足料，夏天食依個岩曬👍🏻

「女人晤補好易老」 莫不信，今日早了吃飯，後來到福榮街旁《甜一刻》停了一會兒，後來一聽到一對情侶說平常很多人架！ 這個有人情味地方，職員特別感到善地～ 餐牌上有各式各樣的甜品，很美啊！ 有D24 榴蓮系列，價錢都是53up 、 雪糕雞蛋仔 50 up 、 想跟朋友分享可點吐司等等天氣熱又乾渴的日子最愛滋潤養顏一下，點了熱南北杏木瓜燉雪耳 HKD 33 (冷熱同價）感到多膠質～ 不錯 ！吃完後回到長沙灣地鐵站A2出口只須3分鐘。 非常方便呢 ～～

依間係平時游完車河，小編同友人會坐底食下甜水既小店，都幾多車友會去既，位於長沙灣食完方便大家走同埋都收得較夜推介心太軟👍🏻👍🏻送上枱時已經有陣陣朱古力味，朱古力味濃郁，唔算太甜，食心太軟重點係流心，依間流心度up，配埋個朱古力雪糕，一邊凍一邊熱，感覺好爽朱古力脆磚杯 朱古力雪糕味道唔算重配埋有曲奇碎，口感豐富，再加埋 cream, 跟埋個底炸左既麵包粒，麵包面頭有少少牛油，香口得黎又香脆，入面有少少軟，口感十足👍🏻

Tucked away in a quiet location of Sham Shui Po is a little place where you can have your own sweet moment.The shop offers a wide variety of dessert including waffles, traditional Chine style desserts.The durian waffle was a pleasant surprise! Served on a slice of CRUNCHY waffle, paired with vanilla icecream and a scoop of mashed durian. Surprisingly, the mashed durian was not bad, the rich unique flavor of the durian is present and the mash maintains some integrity of the durian fiber texture.

揸車經開，原來長沙灣此處有間甜品舖。被它的粉紫色系吸引了！見到紫薯立即心心眼，二話不說點了「紫薯芋圓冰」。真材實料的紫薯啖啖肉，鐘意紫薯口感的一定會好滿意！半融的椰子沙冰好香，混香芋丸，蕃薯丸，紫薯芋一齊食，大滿足！哈哈！香蕉船，好有童年回憶！士多啤利雪糕，芒果雪糕，朱古力雪糕，香蕉，朱古力脆棒，朱古力醬，再加彩粒點綴，好味又飽飽，大小朋友都喜愛！雞蛋仔&窩夫系列同樣吸引，今次已經食到很飽足，下次再試！

餐廳名字：甜一刻📍長沙灣福榮街218號美居中心62號舖地下重點： 意想不到超可愛熊仔泡冰*******Kay gor 同朋友食完飯渣住車當然係搵糖水食啦依間都幾多車迷會去阿，質數一定有保證粉熊冰團 ($46)👍🏻👍🏻👍🏻👍🏻👍🏻最後都係叫左依樣，因為太鍾意隻熊仔好得意，粉量都幾多大量冰花仲有小丸子係後面最開心係影到佢好似笑緊好得意紫薯芋圓冰 ($41)👍🏻👍🏻👍🏻👍🏻冰底係椰汁冰芋圓都好有味，都幾有口感好好味整體超出色糖水店，可愛熊仔泡冰超得意Kay Gor 推介食物 👍🏻👍🏻👍🏻👍🏻環境 👍🏻👍🏻👍🏻👍🏻服務 👍🏻👍🏻👍🏻👍🏻價錢 👍🏻👍🏻👍🏻👍🏻備注👍🏻5粒代表最推介———#kayGorfoodie #foodie #hkblogger #foods #hkfood #hkfoodie #likeforlikes #like4likes #likeforfollow #likeforcomment #likeforlikeback #likeforcomments #instalike #followers #followers #photooftheday #amwriting

同朋友兩個人食完晚飯, 意猶未盡去咗佢屋企附近嘅呢間甜品店度坐下傾吓計老闆娘推薦新推出嘅窩夫系列甜品, 但由於我哋剛剛食咗晚餐, 怕食唔晒會好浪費, 所以就冇叫我叫咗抹茶雪花冰而朋友就叫咗黃金滿屋我好鍾意佢嘅雪花冰, 綠茶味道唔會太甜, 配上面頭少少煉奶, 味道剛剛好, 而且雪花冰嘅質地好綿好滑, 配上煙韌嘅丸子同甜甜嘅紅豆😋好推薦!😋😋朋友叫嘅黃金滿屋其實係楊枝甘露, 加左一球芒果雪糕同小丸子, 都係好唔錯👍🏻

今日同媽媽出開長沙灣，諗住順便食埋糖水先返舖頭外有枱櫈坐，我估應該係比食煙嘅人坐😅鋪頭裝修好得意，牆身劃滿唔同嘅公仔或者甜品做裝飾媽媽唔好凍食，於是我只點左一款凍的秘製雞翼尖 $26蒜香同辣味係永遠嘅朋友配咩都咁出色😆😆而且雞翼煮到入晒味，骨膠原都出晒黎，連汁都食得出滿滿嘅骨膠原😍椰香星洲喳咋 $26熱食甜品對媽媽黎講當然唔少得，媽媽話喳咋里嘅豆都煮得好冧，椰奶好香法式焦糖燉蛋配雪榚 $46焦糖燉蛋的口感較綿密濃郁，奶油味好香、好滑，配上一個配上朱古力醬及朱古力曲奇碎的香草味雪榚榴槤脆磚杯 $58滿滿的一大杯。最面的是榴槤肉，不是冰、不是雪榚，而是半個拳頭咁大嘅榴槤肉啊！OMG！鐘意食榴槤的人一定要試試🥰🥰下面是滑嘟嘟嘅蛋香同煙韌嘅小丸子。最底係炸得脆口但不油膩嘅吐司，6邊都脆脆嘅吐司有濃濃嘅牛油香，真係好好食，唔停得手😆😆😆我地食完搭地鐵走，發現原來舖頭都好方便，行左4-5分鐘就到長沙灣B2出口👍🏻

深水埗同長沙灣一帶出名多人隱世美食，看不見大集團的壟斷卻有滿滿的人情味！今天晚上晚飯過後和朋友一起吃甜品，到甜一刻見到佢哋嘅窩夫好吸引，一於每人半份。餐廳可以俾你選擇一份窩夫或者半份。我哋選擇咗一份曲奇味和一份雙重朱古力味！兩份窩夫外脆內軟！好香蛋香味，超滿意，如果配料可以更加多就好啦😌😌員工超熱情！好主動咁樣向我哋介紹，店內嘅裝修用粉紅色為主題好有少女風格❤️仲有唔少親手畫上去嘅圖畫！好溫馨嘅感覺，有幾會再㴝❤️

路過這間小店經營的甜品店，在門口看了一下餐牌，看到都有不少年青客人，於是試試🤗店內有一些手繪壁畫，畫得好靚，店主說是手繪作品，很有創意😍喜歡吃窩夫的我，當然被這一系列甜品吸引喇，祗是選擇實在是困難😅由於即叫即製，需時25-30分鐘，食好嘢當然要有耐性啦！而且他們有全份或半份的選擇，為左試多一種味道，決定叫兩個半份😂芒果🥭水滴窩夫$46元半份，芒果好甜又多汁，窩夫熱辣辣加上芒果味雪糕，一冷一熱，好過癮，正👍🏻另外這個朱古力香蕉🍌水滴窩夫$46元半份，依舊是水滴💧型的窩夫造型，朱古力味十足，加上香蕉🍌，perfect match 💕小店經營，誠意之作，推薦👍🏻

見附近糖水舖都排好長龍，諗住試下哩間啦。一去到，唔洗等位就有得。個店員仲叫我地「隨便坐」，咁就揀左個側邊位坐。一坐低張枱勁大陣噏味，之後頂唔順換左位，一打開個餐牌仲痴立立，見d野咁污糟真係好唔想食。點知過左陣黎左一大堆人，個店員笑笑口叫我地調位讓一讓，開頭都冇咩照調，但之後一坐到邊嘅位，個店員就秒嘴秒舌，見到都嬲到冇哂胃口。其實附近咁多選擇，根本冇必要食佢，衛生同態度咁差，整甜品果個幾勁都冇用。岩岩睇到哩間野劣評仲多過正評，都唔係冇原因。