甜一刻

營業中

休息中

初初開啲窩夫不錯的、仲有秘製雞翼尖個汁好好味。近日再光顧，已經水準下了。食品質素差，價錢比起附近的貴，但麵包似隔夜、芒果又過熟。感覺很差、中式糖水好稀。感覺好怪。

假日在旺角晚餐後，走到深水埗打算食個甜品糖水才回家。本來想去松記的，但由於人太多了，於是周圍再逛走到了較為偏靜的甜一刻。第一次到甜一刻，店內以桃紅/粉紅為主題，很少女的裝修。是夜店內有不少食客，不過幸好不用等位。寶寶點了傳統中式糖水芝麻湯丸，我點了芒果蜜糖脆磗(轉綠茶雪糕)。湯丸一碗6粒，芝麻餡蠻滿的，不過皮不夠薄。我的芒果蜜糖脆磗(轉綠茶雪糕)，賣相很吸引。蜜糖脆磗切開的大小適中，而且焗得很香脆，口感很好。再加上芒果醬的甜味，配起來很好味。雪糕蠻香綠茶味，冰涼的綠茶雪糕加上酥香的脆磗，令人回味。

開業初期是非常有心，直到冬天加推中式熱洪洪糖水也是品質不錯。但近來再幫襯已經決定不再光顧。腐竹糖水這些低成本的、竟然是以砂糖來造出甜味、還有吃得出是加水的。喳咋更加恐怖。加水混糖的情況更嚴重至不能入口。住在附近實在太多選擇。從此要我花雙陪價錢再光顧需很大勇氣。

同朋友食完晚飯 佢地講話不如食埋糖水先 咁就陪佢地食啦 佢地帶左我黎甜一刻到食睇左好耐唔知食乜好 就叫左窩夫黎食 個窩夫唔算好食 價錢幾多唔記得 我覺得有小小乾同硬 同埋加左士多啤梨醬有d甜所以覺得唔算太好食 不過見賣相都幾好就冇所謂啦

這天是我的新曆生日，跟男友吃午飯慶祝後，就一直去逛街，未有在餅店購買一個屬於自己的蛋糕來慶生，總覺得有些遺憾，於是即趕去『甜一刻』點份厚多士，再要求店員在碟上用朱古力寫上Happy Birthday許願後，吹蠟燭，切多士，當切蛋糕，心情一樣好！說回這個吐司磚塊，今次已是我第三次在這裡吃，但首次選士多啤梨味，因為之前未試過；細意品嚐，其質素仍能保持，外層吐司及內層磚塊，都香脆夠熱，沾上雪糕及糖漿，冷熱口感交融，伴碟的士多啤梨也很鮮甜上枱時熱辣辣，黏稠度適中，綠豆加臭草，香味也很濃，甜而不漏埋單孖八好意頭

第一次寫食評，睇左開飯咁耐終於忍唔住要註冊尼寫呢間野！ 今日朋友話肚餓，想試下呢間野喎，見新開唔想成日食松記咁話...五點幾六點入到去，得一枱學生，之後坐低左一睇menu，忍不住講左一聲"頂，點解係長沙灣區可以咁貴？"Menu無乜野簡，咁就好快簡左呢杯綠茶帥哥因為無人啦，個餐廳都好靜，所以我就不停聽到啲插冰聲，係咁"插插插"，當時我都未知咩事。過左三，四分鐘到就送到我面前啦，咁就好循例咁影左張相，之後食左一大啖蜜瓜連低啲碎冰，哇！好似好得喎！我諗係椰汁碎冰？唔怪得之岩岩係咁聽到冰鑿"插插插"啦 之後食第二啖淨椰果肉，已經覺得好怪 咁好啦..食第三啖，淨係食冰。我頂！ 一食就feel到成口不銹鋼味，好濃烈既不銹鋼味！ 咁好啦..算啦..我見夾埋其他野食唔多覺，就無出聲...食左1/4真係頂唔順，好似飲完血/流緊鼻血咁成口血腥味咁！ 真係十萬個難受囉！ 之後食左大半個雪糕球就無食！當時已經心知不妙，咁就九秒九坐地鐵返屋企啦！點知坐到一半頂唔順，即刻落車上的士返屋企喪屙！有無搞錯呀？ 雖然$35係好平。但係俾返小小衛生意識俾返小小Quality尼好

上次和朋友來過一次， 感覺比較一般，味道還是後面的 老字號三姐松記 比較好吃， 因為香港的糖水很多也是用忌廉奶的，所以汁底好緊要， 香港普普通通的糖水鋪都好多，如果食生果的糖水一般都唔會咁容易仲伏， 因為很簡單容易 。講番正題～這一間鋪頭上次我和朋友來過一次， 已沒有再來第二次的衝動， 因為今日帶著小朋友，諗住食蜜糖磚塊，看起來一座山咁小朋友很開心， 就嚟多一次， 時間為晚上九點半進入，只看見有 一枱客人， 我們點了三樣食品～ 1 . 士多啤梨蜜糖磚塊～69元 上一次來， 是吃朱古力味， 上一次食，包皮唔好食的，包肉也尚算鬆軟 有食到蜜糖味。 今日 因為小朋友點了士多啤梨味， 今次賣相比較靚， 上面的機械人朱古力，好食 。 淋在面層的士多啤梨味cream 味道較甜，士多啤梨味略淡， 雪糕球我無食唔知好唔好食，食完雪糕球，拿下一層一層的， 切左小小包皮來吃～沒有麵包香味 麵包皮外貌沒有烘焙過， 但比較硬 ， 唔似平常吃的 台式厚吐司嘅嘅口感， 因為平常吃的 台式厚吐司是 包肉鬆軟包皮不會硬。包肉的厚度大細不一， 因為一塊后吐司等同於兩塊普通麵包的厚度， 因為厚吐司無理由會大細不

今晚同舊同學食完飯，又去食甜品啦！因為大家都想坐得舒服啲，所以又黎啦！唔知點解星期四都要等位,不過等咗十分鐘啫！今次我叫咗芒果小丸子，第一次係呢間食，佢啲芒果沙冰甜度適中，d小丸子仲好q同埋甜甜地，好好食！因為其實好多甜品店都有呢款產品，但係我食過好多間呢間比較好個批我啲同學叫咗香蕉船同埋朱古力脆杯同埋小丸子紅豆西米露，雖然我冇食到但係睇賣相好似好靚同埋好大份我個同學仔話個脆杯入邊啲多士焗得好脆，好好食，我上次都食咗個吐司都係好好食，但係今次我真係好飽， 所以下次會再來食過

我很喜歡食甜品，很喜歡到處和朋友週圍試， 早幾天去長沙灣食野， 路過看見這一間甜一刻 ， 看見他有檯式甜品吐司， 看見相片賣相也很吸引， 諗住搵日找朋友試試，因為看見圖片一個人一定食不到。 今天8點和朋友來是試 共點了三樣食品～朱古力吐司， 生果雪糕，朱古力刨冰 。朱古力吐司69元， 賣相精美，頗吸引的～味道 : 選用的朱古力雪糕像牛記味道的雪糕 ， 淋上面的cream忌廉（ cream忌廉 的味道 略為淡味道，但OK ）， 給3塊麵包來說cream真的非常少（ 如果只吃麵包的中心，麵包皮不吃就夠 ） ， 三塊吐司 切口比較深 中間的麵包肉 烤得剛剛好，好食 ， 甜味適中，不會 太甜， 因為中間的麵包肉已切粒， 有力叉給你切開麵包皮食， 但 cream忌廉 太少 ， 三片麵包皮，只吃了一片， 因為切口太深另外兩片無味道，無cream忌廉，所以沒有食浪費了 士多啤梨沒有時多啤梨的味道不靚唔新鮮 ， 廚師的刀法一流， 士多啤梨切片上， 仲要勁簿 生果雪糕杯35元因為朋友的不是我的，不知道好不好，但是我看見很少生果 朱古力刨冰42元  ～食到的朱古力很唂咕味， 味道 沒有什麼朱

上次提及過要試這裡的朱古力吐司磚塊，兩星期後，付諸實行；晚上十點幾去到，週末宵夜時間，人流多了很多，加枱加到出店外，剛巧望到店內仍有一張二人枱未有人坐，即向店員示意入座，可以嘆住冷氣嚟食

剛過去的星期六，終於和男朋友到了這間甜品店一嚐那裡的甜品。店子剛開張時已想去光顧，但每次總是在晚餐時吃得過飽，於是吃不下甜品。那晚，我又點了心太軟~ 本想來一點新意，但看到menu上大部份都是有雪糕的甜品，其中雪糕吐司賣相實在吸引，但我們都不嗜麵包，而且，那個甜品太飽了，於是，再仔細看一看，只有焦糖燉蛋和心太軟吸引到我，因這兩款甜品都有一點點難度，雪糕甜品不是不好，而是個人認為製法頗簡單，所以，總是喜歡吃一些有點難度的甜品，看看店子是否能給我驚喜。一口吃下時感覺有少許苦，感覺像是在吃70%dark chocolate的心太軟，由於個人較嗜甜，所以要立刻伴雪糕吃~^^"~ 不過，說實在，我想喜歡dark chocolate的朋友可能會喜歡這個心太軟~另外，也嚐了男朋友點的甜品，我可是"大鄉里"，第一次吃"水晶"，那些"水晶"粒粒口感很得意，好像吃mini爆珠一樣 (不過是沒有餡的) ，真的很爽口!!! 伴芒果雪糕、沙冰&芒果粒吃很好~ 不錯不錯~ 

元州街一帶, 甜品舖林立,我全部都幫襯過,上週末登入 openrice,發現了這間新開的甜品店,（但其實已開張了差不多兩個月），毫不猶疑即去試試 , 下午六點去到， 只有兩三枱客， 感覺寧靜舒適 ; 先點了芒果吐司磚塊，製作需時二十分鐘:

車子找位, 進了這街, 本想到大街的糖水店吃甜品, 沒想到原來內街有這新店, 一試!這士多啤梨甜包格, 賣相不差, 若包的味道可再甜一點更好, 亦不是很脆口, 有點失色, 雪糕沒得出錯, 其他的果及忌廉都OK

堂食:心太軟，楊枝甘露心太軟：中間流心控制得很好，外面不會太乾，硬，燶，整體很好。朱古力味相比其他甜品店濃，甜度剛好，但雪糕一般。楊枝甘露：芒果味夠濃，新鮮，不會偷工減料，份量多。環境衞生：環境整潔，清潔工夫做足，餐牌，枱面，廚房，玻璃，碗碟可見乾淨。相比附近甜品店，座位舒服闊落。服務：家庭式經營，服務有禮貌，細心，二人食會俾多支匙，叉；很少食店有這樣的服務即使是高級餐廳和酒店。整體：環境味道好，餐牌相片同實物一模一樣，值得一讚，廚房有二至三人工作，希望將來可加多些款式，例如souffle, crepe, pancake, cheese cake, mousse.

好姊妹生日，點止食飯咁簡單，當然要食下甜品賀一賀佢啦  一入到Sweet Moment，未坐低已經被牆上得意嘅公仔吸引住〜有禮貌嘅店員放底佐餐牌之後就耐心咁等待我地order〜最後我地揀佐士多啤莉𥖁塊、朱古力窩夫、芒果王子、益力多棉棉冰〜先上枱嘅係朋友楝嘅益力多棉棉冰，老實講我之前都喺其他甜品店食過棉棉冰，但實在係好快溶同食落冇咩口感，影多幾張相就開始溶， 所以真係嘛嘛地鍾意…不過今次朋友點佐又即管食下，點知又唔錯喎，入口個感覺又唔錯喎，feel到棉棉冰一層層咁喺口入面溶化〜令我對棉棉冰改觀佐 之後再黎嘅係芒果王子，估唔到食食下頂頂舊雪糕再食落去有啲脆脆嘅𥖁塊，口感又凍又暖、又軟又脆〜唔錯 之後再食嘅係朱古力窩夫〜OMG~~~舊窩夫好脆呀！配埋個朱古力雪糕真係食到停唔到！上枱一陣就好快比我地掃晒 最後上枱嘅就係士多啤莉𥖁塊，之前都喺某台式連鎖食肆食過，不過就排隊呆等佐好耐先有位、入到去就算order佐都仲要等30分鐘…喺呢度唔洗等餐死，而且仲可以幫我地寫上生日祝福字句喺碟邊，仲有隻LEGO朱古力人喺雪糕頂〜真係又睇得開心，又食得開心