甜一刻

營業中

休息中

香港人加油！<甜一刻 想食就即刻>😂呢間想懲罸佢好耐 黃到出名到俾人攪既甜品店 , 成個牆身掛哂 figure畫哂香港人加油既圖案 平時晚飯後勁多人 . 今日早 左 d 9點幾到 就排一陣入得 餐廳幾細同迫 食物主要都係一般糖水 但竟然仲有小食 麵飯等等😂不過我地今日主要係食甜品 大家要留意番 佢個吐司磚塊要等好耐 但好味 而且可以寫字 有時間等值得試下👍🏻🍴楊枝甘露 39 蚊🍡呢個楊枝甘露其實係落足料 有哂西米粒粒 芒果等等 但可能芒果品種問題 唔夠甜 如果可以甜番 d就好🥭🍴秘製雞翼尖 26 蚊🐤26 蚊黎講足料 雞翼尖數量唔少但偏細隻 佢個辣椒似用黃辣椒醃 但唔知點解唔太辣 如果辣 d更好 翼尖個口感唔錯 幾軟滑 ok 👍🏻🍴香芒吐司磚塊 88 蚊🥭🍞講定俾大家先 有時間先好點 88 蚊一 d都唔貴 好大個 有三塊幾厚既多士 夠哂香脆 中間切成一細細磚塊 放左喺入面 芒果肉都唔少🥭 加埋軟滑既 cream 同芒果醬 撈撈香脆既多士 而多士上面帶 d 牛油香 個味幾 match 👍🏻 雪糕既芒果味香濃 🍦如果我知甘正 我會加錢 加多舊雪糕😈#多士 #吐司 #芒果 #

ot完十一點幾又渴又餓，想一次過滿足兩個願望當然係食個靚糖水。行過松x都見到人唔多反而呢間好旺場，出於香港人心態寧願排下隊都試間人氣高嘅。試一試又冇失望wor見到menu有一版特別推薦榴蓮，我對榴蓮唔但冇抗拒仲有好感，畢竟佢個味其實係天然的。於是就叫左一份。榴蓮肉壓得好結實，份量好多。其餘配料有西米，沙冰之類，都係糖水常見嘅配料。每一啖配少少榴蓮肉，香氣滲滿口腔，十分滿足。佢係用左d24榴蓮，味道濃郁，獨特嘅苦味介乎金枕頭同青泥之間。值得一試再試。menu度仲有其他配搭。食完十二點，仲繼續有人排隊，想食就要早d到了。

幾十歲都要去training今日放學喺深水埗附近食完嘢諗住搭巴士返屋企 喺九龍工業學校隔離見到有間甜品店 出面有pepe同連豬好有共同回憶所以就走咗入去食 因為本身lunch係食咗好少嘢所以嗌咗朱古力脆磚杯其實即係脆多士配雪糕多士磚超好食勁脆 係用厚身多士正好滿足撈埋啲雪糕夾埋一齊食勁好食超推薦👍脆卜卜又香 啱曬鍾意食朱古力嘅人食野有大玩性價比極高見到隔離小朋友食宇治抹茶刨冰好想食 可惜我已經好飽喇下次會再來試因為又大碗又好食☺️🎀甜一刻Sweet Moment🎀九龍長沙灣福榮街218 號美居中心62號舖地下Shop 62

作為一個黃絲梗係要去支持下良心小店今日一個人收工見得閒冇約人 決定自己一個人嚟撐香港人 梗係齊加油啦一丁友去到我以為好快就有得坐點知原來畀連登呃咗都好多人去食我叫咗一個宇治城堡係用抹茶雞蛋仔家抹茶雪糕上面有幾粒麻薯 紅豆蓉 加蛋捲仔宇治抹茶雞蛋仔 即叫即整脆卜卜 綠茶味好足食得出佢係整完之後等佢凍咗先放雪糕 因為雞蛋仔一整完係林嘅要等佢凍咁啲先會脆卜卜宇治抹茶雪糕 好滑好香攞埋個雞蛋仔一齊食 真心好邪惡紅豆蓉少少甜 撈埋雞蛋仔食啱啱好食完呢個飽到晚餐都食唔到性價比好高 員工全部都好友善請大家多多支持幾十歲都要去training今日放學喺深水埗附近食完嘢諗住搭巴士返屋企 喺九龍工業學校隔離見到有間甜品店 出面有pepe同連豬好有共同回憶所以就走咗入去食 因為本身lunch係食咗好少嘢所以嗌咗朱古力脆磚杯其實即係脆多士配雪糕多士磚超好食勁脆 係用厚身多士正好滿足撈埋啲雪糕夾埋一齊食勁好食超推薦👍脆卜卜又香 啱曬鍾意食朱古力嘅人食野有大玩性價比極高見到隔離小朋友食宇治抹茶刨冰好想食 可惜我已經好飽喇下次會再來試因為又大碗又好食☺️

依間鋪頭最近都好出名，一黎到已經唔少人坐喺度，遲少少姐應該要等位啦。今日食嘅晚餐唔夠飽於是就下場食甜品，見佢第一版咁多紫薯嘅產品，仲要強調係健康之選，於是我哋就揀咗個紫薯芋圓冰試一試。紫薯果然冇令人失望，真係啖啖肉，duk鬆佢再撈埋啲冰食就好似煮紫薯冰咁，好新奇有趣。另外，我哋就仲叫咗朱古力雞蛋仔配朱古力雪糕同香蕉，本身以為佢係甜品舖對佢雞蛋仔都冇乜期望，點知雞蛋仔係好好食，唔單止微溫，仲要外脆內軟，充滿朱古力味，正！

一個字 "伏" , 只怪我打開食評, 卻沒有睇別人的食評, 路過睇到多人食就以為唔會難食🙈。當日喺附近食完晚飯, 見未夠飽, 決定食返個甜品。見到這間甜一刻坐滿人, 應該唔會差掛, 諗住一試無防。 鋪頭選擇多, 但我鍾情榴槤, 見到多款D24榴槤糖水, 全部around 五十幾, 價錢都ok。我揀左最貴既榴槤飄香配雪糕 $58我可以大膽講句, 這是我食最難食既甜品, 白雪雪既椰冰底, 以為會食到好重椰汁味? 結果係淡如水, 食緊冰鎮榴槤? D24榴槤肉味亦不夠濃。

今晚在深水埗飯後，點都要食個甜品先會滿足，我們選擇了靠長沙灣福榮街美居中心的"甜一刻"，朋友說他們做的Fusion甜品很不錯，我們就來試試。看看餐牌，比一般甜品舖更多選擇，真的眼寬肚窄。紫薯芋圓系列：健康之選百分百紫薯製作絕無添加劑絕無人造色素雪糕窩夫系列：可選全份/半份，適合細食的朋友選擇。多款雪花冰、特飲船仔系列、楊枝金露系列、小食一刻招牌雪糕雞蛋仔系列、D24榴槤系列吐司磚塊系列紫薯芋圓小丸子涼粉 $42我點了這款紫薯芋圓小丸子涼粉，紫薯蓉吸引，還有我最愛的芋圓，Q彈煙韌，還有小丸子和涼粉，整體配搭不錯。香芒水滴窩夫 半份 $46這個招牌雪糕窩夫不能不試，可選全份/半份，心型窩夫心心眼，全芒果系列，新鮮芒果肉和芒果雪糕，好滿足。下次一定要再試其他系列。

同友人一齊去美居中心覓食下晝五點人唔多 一打開menu 好多款甜品唔知揀咩好最後叫左芋圓曲奇雪糕牛奶冰同雪糕香蕉船牛奶冰份量足 又有清甜荔枝香蕉船有三球雪糕 仲有oreo碎碎 好滿足唯一缺點就係鋪頭少人做野 所以等得有啲啲耐

中秋除左約老友食飯， 仲要去姑奶度食飯聚一聚。 晚飯過去，老公提議去食宵夜，佢話頭先經過間甜品鋪無人，唔駛等，有得即食，咁就落去睇下啦！ 嘩！好彩行快一步，轉個頭已經滿哂人，連街外的枱都開埋。多芒小丸子涼粉露 $45 芒果控既我揀左多芒小丸子涼粉露，咦... 點解既！ 黎碗堅係我叫既多芒小丸子涼粉露 ????? 原來係忙中有錯.... 俾漏左球雪糕我，店員禮貌地補回一球芒果雪糕給我涼粉&小丸子頗多，芒果不酸，可以一試。榴槤飄香配雪糕 $58 榴槤控既老公見到D24 就發左光，D24 榴槤香味濃郁，椰冰底夠消暑。… … … …

半夜同男朋友想食甜品，諗起呢一間同路人嘅店舖，就打算來支持一下啦，位置都好方便，一出長沙灣行一陣就到，算係就腳。本身諗住過下口癮就算，點知有驚喜喎！係好好味喎！！！兩個人食咗三個甜品，分別係曲奇脆磚杯，香芒小丸子同埋宇治金時三份食物都賣相好，坐位幾舒服，價錢同埋份量都好合適雖然等嘅時間會耐少少，因為佢間鋪細細，得兩至三個員工幫手；不過食甜品都係想傾吓計姐，坐下等下又有咩所謂喎～黎食既話🔥脆磚杯🔥係特別推介啊！！！

深水埗想食飯後糖水, 今次輪到阿媽帶我去搵好西! 呢間野都幾多人, 不過好在算早, 未洗等位order完一人一個甜品, 店員好識做生意, 拎另一個餐牌出黎, 問要唔要叫埋! 頂! 係d串燒同炸野 好邪惡!! 結果 叫多個炸洋葱圈, 唔太油, 份量多, 炸粉又唔會多到死~ 幾好幾好. 係邪惡d😈我叫嘅oreo雪糕+芋圓+椰子冰 凍到敏感牙齒lol不過芋圓係高質嘅, 椰子冰係堅重椰味! 媽媽嘅傳統野 楊枝甘露, 師奶仔話 多d芒果就好喎🤷🏿‍♂我地兩個淨係識睇餐牌, 見到隔離枱嘅甜品好靚又心太軟又toast咁! 原來貼晒喺d牆度!

店內以粉紅色和紫色為主，兩邊牆壁用了充滿童真的插畫背景，亦提供免費Wi-Fi。在甜品方面選擇非常多，中、西式甜品也有。榴槤仙境 $53用上D24榴槤蓉，榴槤味夠濃郁，好似食緊榴槤味雪芭咁，加上綠茶Q果和水晶珠，另可將原本的椰冰底改為芒果沙冰，榴槤控必試！楊枝甘露芋圓 $44由100% 呂宋芒果打造的楊枝甘露配上台灣味的Q彈芋圓，甜度適中，加上紅柚粒和芒果果肉，以及滑溜順口的西米露，有著不同層次的豐富口感。兩份甜品$100都唔使。

住在長沙灣真好，周圍都是美食。最愛食完飯落街食甜品，今晚就去甜一刻！這裡有齊四季甜品，又有楊枝金露、船仔、沙冰、雪糕雞蛋仔、榴槤等主題系列等，選擇很多！今次我們就選了香蕉船及刨冰。香蕉船 (HKD43)賣相令人即時勾起兒時回憶，香蕉船內有芒果、士多啤梨及朱古力三款雪糕，香蕉及朱古力脆脆。一次過食三球雪糕，超級透心涼；而香蕉加朱古力醬，亦十分之夾，好滿足呢！粉熊冰團 (HKD46)刨冰的熊仔造型立體又可愛，打卡一流；由士多啤梨刨冰、雲呢拿雪糕及小丸子組成，刨冰酸甜綿滑、小丸子夠煙韌，飽肚食都不覺膩，值得推介！

甜一刻深水埗同長沙灣一帶出名多人隱世美食，看不見大集團的壟斷卻有滿滿的人情味！鋪頭裝修好得意，牆身劃滿唔同嘅公仔或者甜品做裝飾員工超熱情！好主動咁樣向我哋介紹，店內嘅裝修用粉紅色為主題好有少女風格仲有唔少親手畫上去嘅圖畫！好溫馨嘅感覺腐竹薏米雞蛋糖水😋😋😋😋最近食得太多熱氣野，所以選了腐竹薏米雞蛋糖水，薏米本身有清熱去濕之功效，腐竹的味道和薏米柔軟滑身的口感，加以雞蛋的營養價值，吃起上嚟甜度適中，而且有美容功效，可以讓人的皮膚滑溜溜哦😋環境味道好，餐牌相片同實物一模一樣，值得一讚，廚房有二至三人工作.我地食到十點，已經開始多人，所以如果唔想等咁耐，真係早少少去食好d, 而且門口可以泊車，真係好方便。推介😋😋😋😋😋———#foodie #hkblogger #foods #hkfood #hkfoodie #likeforlikes #like4likes #likeforfollow #likeforcomment #likeforlikeback #likeforcomments #instalike #followers #followers #photooftheday #amw

喺長沙灣食完晚飯，最啱就係食甜品啦，咁啱經過呢間小店，於是入去試吓。入面地方都幾大，坐得都舒服，店員都好細心咁介紹餐牌入面喺甜品比我地。因為太多選擇，我地最後決定咗以下呢2款。香芒雪花冰-咁熱嘅天氣最啱食冰，d芒果冰好有層次，好薄好薄咁一片片，食落好滑，入口即溶，簡直係涼入心，芒果味非常濃郁，仲要配埋紅豆蓉同我最愛嘅煙韌小丸子一齊食，勁正，食食吓，原來入面仲有藏住玻璃珠，d玻璃珠一咬爆開，個質地都幾得意。榴槤飄香配雪糕-一上枱已經勁多榴槤味，上面有一大球新鮮榴槤肉同一球雲呢拿雪糕，下面就係椰汁味嘅沙冰，仲有玻璃珠。榴槤控一定要試呢個，因為d榴槤肉勁香甜，配埋雪糕同椰汁冰，好match,除咗榴槤正之外，椰汁冰嘅味道都好fresh，好香椰子味，雖然係沙冰，但係椰子味都好濃郁。下次一定要試吓其他甜品，真係有好多款式。