甜一刻

營業中

休息中

食完一個early dinner諗住去食個甜品先啦，搵下長沙灣附近有咩甜品食，見依間未食過，又有我最愛嘅榴槤食，就試下啦。因為我地好早，約7點半左右入座，冇人(好正常)個貌似雪肌蘭CEO劉陳小寶女士(可能係老闆)丟個餐牌俾我，不過我都算啦，拿拿臨睇下食乜仲好過。當然我Target係榴槤啦，佢得3個有榴槤選擇，因聲稱係D24系列，所以每款都超過$50以上，都唔緊要，如果好食嘅我都唔介意。我叫左榴槤飄香配雪糕($58)，有D24榴槤一球，一球曲奇雪糕，底下嘅沙冰同2粒好細嘅士多啤梨。D24榴槤係幾香嘅，曲奇雪糕一般貨色，但底下嘅沙冰超越多，以為白色係椰汁味，但係冇味嘅，浪費晒。總括，$58食一球D24榴槤同雪糕都幾貴，而且我見到廚房有隻曱甴仔係廚具附近行過，真係眼不見為淨就算。下次都係食返D有保證嘅甜品店。

今日同同事收工係附近食完飯，見時間尚早，諗住去食個甜品🍮見呢間咁穩世既位置同岀面都有些明星黎過，決定試下門口已經俾多款甜品吸引住，好多款都想試下入面個環境都好令，真係好甜美榴連忠粉既我點左個 榴連飄香配雪糕 💵$58見佢個餐牌寫住用D24既榴連，食落個陣榴連味真係好香濃似係榴連肉雪凍左變左棉棉冰咁，但又有好多榴連肉，真心好味抹茶雪花冰💵$46份量都幾大，抹茶味都算濃郁，個雪花冰幾滑。配埋個紅豆個味道好夾，唔係好甜。側邊仲有d小丸子，幾有咬口心太軟 💵$49送上枱時已文聞到陣陣朱古力味流心既情況都幾澎湃一開就有一條朱古力瀑布朱古力味好濃郁，唔會太甜，配埋個雲尼拿雪糕，冰火交融士多啤梨脆磚杯 💵 $45感覺好少女上面係士多啤梨雪糕，有些士多啤梨肉，再配埋 cream, 好士多啤梨下面既磚其實係炸左既麵包粒。好脆口！面有少少蕉，入面有少少軟，口感十足芒果吐司磚塊🧱💵$88個份量好大話就話二人份量，其實4人都夠食上面個雪糕係芒果，面有一層 cream ，側面有些芒果肉，芒果都幾甜下面既吐司全部都好脆，脆得黎唔會好吉咀。大家都食得好暢快

平安夜一定要放縱一下! 今日一於連食兩間甜品店! 第一站來到這裡。男友純粹口渴, 所以只點了個益力多沙冰, 味道較平常的益力多淡, 甜味沖淡了一點, 喝起來尚算解渴。而我則點了個榴槤雪糕脆磚杯, 初時覺得好大杯, 仔細一看, 原來只是底部的多士粒墊起的視覺效果罷了。最上層的是榴槤雪糕, 中間的是忌廉和小丸子, 最底層的是脆脆多士粒。 榴槤雪糕其實有點失望, 榴槤味太淡了, 不夠濃又不夠香甜。忌廉甜度較低, 配上沒味的多士粒, 其實整體不夠甜, 完全不覺得自己在食甜品。 唯一值得讚的是多士烤得外脆內軟和小丸子夠煙韌。 但味道上有待改善, 老實說, 一個$50, 60多的甜品, 我會期待它給我應有質素。我想下次都不會再來了, 因為這間的甜品不是太便宜, 味道又不是太好, 實在未能符合我的期望。

士多啤梨脆磚杯 受到茶x嘅影響,近來愛上了蜜糖磚塊估唔到呢一間隱世小店都有，梗係要試下啦！！ 新鮮又香甜嘅士多啤梨，配上濃滑的忌廉， 仲有 士多啤梨味雪糕， 簡直係 邪惡嘅絕配 ！！！磚塊 焗得剛剛好 ，唔會太硬不過應該冇加上蜜糖去烤焗，所以冇咁甜 。呢個份量啱曬一個女仔飯後嘅甜品 除咗士多啤梨味，仲有 抹茶紅豆同朱古力， 滿足曬不同口味的你

3人行一路吹水一路遊車河嚟食碗糖水先～冇咩人唔洗等位可以慢慢坐繼續吹水一人打算叫一份甜品～餐牌款式算多花多眼亂熱椰纖果配湯丸西米露～有5粒芝麻湯丸～椰果可能煮得太熱有D膠膠地好難咬～唔係太好口感～椰汁西米露正常味冇咩特别～反正甜度適中唔過份黑牛即可樂配朱古力雪糕球一個大杯上～鍾意食好甜又係可口可樂迷嘅就like香芒小丸子配西米露～芒果肉有D少又唔太新鮮～一齊食冇咩芒果味～西米露就一大堆～真係唔係幾抵食

雪糕都好大大大大大大🍨 第一次幫診，完全不知道在深水埗有這麼一間甜品店！ 甜品全部都好大一份 價錢不算貴！ 好igable！ 但我影相不靚，所以出來效果就麻麻地😂😂😂甜品都味道都幾好！ 估唔到佢仲有雞翼尖，應該想抄B仔，辣是夠的，但翼尖不夠味道！

係長沙灣食完Dinner見仲早，搵下附近有咩糖水甜品舖，座底傾下計，搵到呢一間，行去地鐵站5min左右，十分方便。秘制雞翼尖$26，我地見枱枱都叫雞翼尖，所以都叫左一碟，又幾好食喎，辣味岩岩好呀，不失雞味一定要試呀榴槤仙境$53，一兜甜品有好多款料，西米，綠色的東東，椰果，椰汁沙冰，茫果沙冰，同主角榴槤榕，本來冇茫果沙冰呢款料，老闆娘話唔夠椰汁沙冰，就咁又多款野試，個榴槤榕陣陣榴槤味，好香呀香芋雪花冰$48，有椰果，香芋冰同練奶，相對榴槤仙境比較遜色，香芋味較淡

不過不失的甜品鋪雖然各款甜點不是有太大特別不過每一款份量十足,一個人食係有少少飽由其佐治王子,下面原來係多士黎,食完真係飽如果可以同人一齊分享一齊食,係幾開心最後都係鍾意隻熊仔咁岩仲影到佢好似笑緊

紫薯脆磚杯($48)好在紫薯係真材實料，不過就冇乜味喎，個吐司硬左少少，但整過唔差既。紫薯芋圓冰($41)話說哩個杯上面配左水晶珠，司令問水晶珠有冇得轉做西米，侍應姐姐話可以，點知上到枱，係西米冇錯，但走左成個冰底😂，原來佢地以為司令要冰底轉西米露😂。最後講左一輪，廚房又話其實水晶珠同西米差不多，唔洗轉啦，大家評評理😂，司令就真係覺得佢地差好多啦，一個爽架喎🤓。味道都係不過不失啦，冰底係椰汁冰，芋圓唔算好有味，配埋個球冇乜味紫薯，當過下口癮啦。-去到長沙灣食糖水，見哩間冇乜人就入去試下啦，佢地甜品款式好鬼多，不過出野超級慢，旁邊枱既人叫左個香蕉船，都等左成八個字，司令叫既野更加唔洗諗啦，成大半個鐘都未有，好在唔趕時間慢慢坐炸，再去既話就免啦😂。

係長沙灣食完壽司，諗住搵下附近一D特色甜品。 好開心搵到呢間甜一刻，又見佢食評品唔差。 check埋星期六開4點 就決定帶媽咪去試，點知去到 未開門佢個門口仲有張營業時間 都係開4點！真係呆左⋯摸門丁⋯咁小既營業時間都唔update。令人失望

食完晚飯就想食甜品，似乎係香港人既壞習慣。出到深水埗區真係大把野食！一入呢間「甜一刻」果陣榴槤味就湧出來，搞到我望住個餐牌，明明幾百樣嘅選擇，我就係咁要搵榴槤嘅產品出嚟。結果叫咗呢個--榴槤依人。有椰汁冰、有啲珠、有凉粉、同埋主角榴槤。舊榴槤雪硬左！好彩都食到果肉。店舖話係D24. 不過我唔識分。凈係知道好味啫。同行朋友叫左--朱古力奬門人，係朱古力雞蛋仔再有野響中間，偷左佢粒雞蛋仔。無蛋味，但外脆內軟，好Q. 有咬口。

吐司好多口味都食過, 枕頭吐司都是第一次試, 呢個枕頭吐司, 面層是棉花糖, 下層是吐司, 配上朱古力醬汁及雪糕, 口感都幾得意, 棉花糖就軟淋淋, 吐司就脆口, 幾新鮮。另一推介: 益力多沙冰, 不太甜, 不錯。

食完晚飯想食甜品見呢間裝修都唔錯，又唔洗等位決定一試點咗傳統香蕉船雪糕係芒果，士多啤梨同朱古力味道不過不失薑汁芝麻湯圓薑汁夠濃，但上枱時溫度不夠熱仲有香芒芋圓（唔記得個全名）芒果味較淡芋圓軟硬度稍硬，口感一般不過呢度嘅衛生真係好差我地食到一半有隻成2吋長嘅大曱甴從天而降跌咗喺我膊頭上😱😱😱😱😱條件反射下當堂大嗌同掃走隻嘢跟著有位女職員出來了解我地要求佢地道歉同解釋返雖然佢地有講對唔住但係佢地竟然話「曱甴唔係我地養，我地無辦法」聽到呢個咁不負責任嘅解釋已經無辦法再同佢地溝通啱啱上來睇返openrice comment原來有人已經評論過呢度嘅衛生情況總括一句，如果大家對細菌有抗體又唔介意食d唔好食嘅嘢可以一試嘅

昨晚飯後路經這甜品店，看到門口這招牌好吸引，我們決定入去一試甜品 我點了個 "榴連依人" (店主選用 D24 榴連作食材) ，榴連果然香滑，配上粒粒爽脆意米，味道一吃停不了口！ 薑汁小丸子，特濃薑汁加軟滑小湯圓！

好耐之前係團購買左優惠券所以去左深水埗既甜一刻食，味道比較普通，同埋塊窩夫窿左小小，不過記得價錢好平，所以不過不失啦環境麻麻比較細，搵左一段路先見到鋪頭，但哩個心太軟朱古力都幾好食，而且個陣夜12點去都未關鋪，住係深水埗既朋友仔可以有多個選擇，只係甜品賣相差左小小