瑞記咖啡

營業中

休息中

獨個兒來到呢間老舖，歎一個下午茶...出晒名嘅樽仔奶茶啱啱賣晒，失望。唯有又係招牌動作: "茶走吖唔該..."飲落無甚澀味，texture頗滑，老舖始終有老水準...本叫咗蛋牛治，點知只係來咗個鹹碎牛治，照殺。包聽聞係從名店香香來貨嘅，睇住佢用傳統舊式多士爐慢慢烘，質感軟熟之餘帶點微脆，不錯，鹹牛肉就只係普通罐頭貨，無甚特別...有機會再嚟嘅，為咗枝"玉泉"裝嘅樽仔奶茶...

食完豬雜有少少口渴, 到位於另一個熟食中心0既呢度飲個無冰凍奶茶($10) 解解渴.可能turnover 太快, 老闆0係冰格拎支奶茶出0黎時話「你0係度飲呀? 唔係好夠凍喎!」, 不過一場0黎到, 無所謂啦. 用玉泉忌廉玻璃樽載住及用膠蓋cup 住0既奶茶當然無冰, 又真係如老闆所講唔多夠凍, 不過飲落好香茶味, 奶味夠又夠滑, 同一向好鍾意的灣仔金鳳出品好似, 好好飲! $10 一大支, 抵!呢度環境就比皇后街市惡劣得多, 周圍黑mung mung 又好污糟0下, 不過前來純為可take out 的凍奶茶, 是但啦; 招呼亦唔係咁好, 雖然要自己行到入廚房order 0野並唔係大問題, 但係一定要不斷催/ (目及)實你0既0野食, 如果唔係無人理你之餘, 仲會等到天光都無0野食.下次都係買支奶茶拎走, 一路行一路飲好d.

見到KC 照片上載有玉泉忌廉汽水樽裝凍奶茶，決定一試。扶手電梯兩層，入口右方。Order 了蛋牛治烤底大火多油和凍奶茶。奶茶甜味濃淡適中，頗合胃口。多士不合格，然而蛋牛中混有葱花，入口帶香，不俗。此家蛋牛不像有些店舖狂加牛但少蛋，搞到成份嘢好似Triple O 咁樣，欠一份內涵。負責落單嘅亞伯頗有<<逃學威龍>> 曾Sir feel ，外賣眾多時宜自備紙筆，以減省重覆落單之膩。然而枱枱都有漏單之時，各人總是笑咪咪，或許這正是香港人可愛內儉的性格。有時食野除了好不好味，抵不抵食之外，食客可從其烹調中看到生活經驗嘅點滴，帶着欣賞的眼光，感受一下，人亦會自然輕鬆D 開心D。

又是晨早要在上環工作的第二天，是日早餐就選了去茶檔。早餐時段，營業的茶檔有三間，唯獨是這裡沒有套餐供應，位置亦在最角落，不過整體而言，水準卻是最好的。是日來到，選了靠邊的位置坐下，要了煎蛋多士及凍奶茶。已特別交帶要煎蛋，但上檯時，還是變了炒蛋。蛋炒得薄薄的一塊，但吃起上來除了是熱辣辣之餘，還卻是出奇的鬆軟，已下了一點幼鹽去調味，加一層薄牛油，已是又有水準。多士烘得暖暖的，吃起上來輕盈又脆口，夾著炒蛋，很是美味。不要少看這樣的一件炒蛋多士，看起來簡單，但要做得好，也要一點功夫，這裡就做得比坊間的尋常茶餐廳好得多。朝早喝奶茶咖啡的話，通常喝熱的，因為最討厭那「溶冰效應」，即是越喝越淡味的情況。但在這裡又不妨試試凍奶茶，因為奶茶是沖好後，入在玻璃瓶內雪起，是又凍又夠味的，也是這裡的「名物」，要一試。朋友的熱咖啡，不夠濃香，以我的「茶檔標準」來說，略為輕怡了一點。不過這裡如傳統的茶檔般，是會替下糖的，所以要「多甜」或「飛沙」，請早揚聲。埋單廿四蚊，經濟抵食。題外話：雖然有說用玉泉的玻璃瓶來凍奶茶，衛生程度成疑，但味道及效果也比膠樽為好，當然還是較為環保。始終在外用膳，一定程度上也要信任食肆的了

都好耐冇同阿K一齊出去搵食，因為我地近排轉玩煮飯仔。不過，成日响屋企煮飯仔都唔係辦法，其實洗碗都幾麻煩架，希望阿K唔好介意啦！是日晏晝我地行咗去上環市政大廈，睇吓有乜好嘢食。行行吓見到一間响角落頭嘅舖頭仔，老闆係一位老人家。本著幫補吓阿伯嘅生意，我地就坐低落嚟。原來唔講唔知，呢間茶餐廳响附近一帶開咗好耐，最出名嘅就係佢啲奶茶。老闆話佢一九四九年已經開始沖奶茶，大大話話都沖咗差唔多六十年，真係唔講得少。好多响附近番工嘅大班、銀行家都專誠叫呢度嘅外賣咁話。係堅係流就不得而知，不過佢沖嘅奶茶真係十分出色，茶味十分濃郁，而且好滑，係我飲過嘅其中最好嘅一間。下次再嚟我會叫老闆落少點花奶，睇真啲茶味係點樣。咁點解我又知道啲茶味好香，與眾不同呢？秘密就係呢度嘅凍奶茶。呢度嘅凍奶茶係唔用冰嘅，而且仲用玉泉樽裝汽水裝載。據老闆話，佢堅持唔用冰，就咁倒入汽水樽然後雪凍佢，係因為如果用冰嘅話，啲冰溶嘅時候會整淡啲奶茶，所以就算顧客要求，佢都堅持咁樣做，果真「擇善固執」。老闆仲話，啲汽水樽要特登向汽水廠買，一蚊一支。如遇外區前嚟買外賣，咁就賣一個、冇一支，所以要經常補充汽水樽。咁重皮都係每支九蚊，比起一般茶餐