瑞記咖啡

營業中

休息中

路經上環 酷愛奶茶的我 見open rice咁多人讚 就即管試試 一開始見茶檔滿滿的客 老闆又好親切熱情與客人閒聊 等緊位的我已充滿期待 一黎即叫樽裝凍奶茶 蛋牛熱狗 牛肉米粉。。。失望隨即出現。。一上台的凍奶茶樽咀顏色奇怪 白色杰杰的!!飲落去 酸酸怪怪 和男友即時合拍地兩眼對望 很疑惑 繼續試 再望其他食客 不明白點解仍能喝下去??我地諗應該是原支裝放在雪櫃久了奶已變壞 後來靜靜通知伙記 即時更換。。但味道仍是怪怪的 茶味很啖很稀。。。而蛋牛熱狗亦甚為普通。。真的不明賣點在那。。。這是令我開始懷疑open rice的推介

因為轉左黎上環返工~~ 所以終於有機會試好好好多人推介既瑞記咖啡!星期五既中午 大約1:15左右黎到 已經見到大約5-6個人排緊隊 雖然係係上環街市入面 環境唔太好 但見到都有人排隊 就更加知道一定要試下好好彩等左15分鐘左右就有位坐 不過係坐係距離廚房比較遠既位置 係通道上據幫襯過既朋友講 甘樣就會有排等d野食 因為侍應落完單就唔記得係邊枱叫 坐近廚房既枱就會食晒先呢d就係近廚房既座位呢度供應既都係港式食物 包括各式三文治同粉麵我叫既係 鮮牛蛋雙拼米粉 $26凡係配左鮮牛既粉麵都係$26，其他就一律$22其實落單時我係叫鮮牛腸仔米粉既, 不過黎得呢度 除非你有好多時間慢慢等如果唔係 都係選擇照食~~ 落錯單/記錯野係平常事當然 呢碗米粉完全無令人失望!普通既蛋都剪得好香 蛋邊好脆口, 有好多件牛肉米粉本身都好入味我同朋友叫左一凍一熱奶茶 $12反而有d失望 唔係特別香滑 同埋太甜朋友叫既係餐蛋雙拼公仔麵 $22我無試到 不過見到大部分客人都係叫呢個 味道應該都唔錯最後我地三催四請終於肯上份西多士$22真係不得不試! 同平時食既西多士好唔同一上枱已經比香味吸引住大大啖食落去麵包好軟熟

早有聽聞瑞記的樽仔奶茶，所以決定午飯時間行到上環街市試下。街市裡面的食店裝潢和衛生程度，大家唔好期望太高。街市內食店很多，瑞記佔的位置不大，伙記工作效率不高，所以等了一會兒才能坐下點餐。點了蛋牛治同西多士蛋牛治味道一般，有少少咸。而西多士就特別D，煎完配煉奶，好香甜。主角 - 樽仔奶茶沒有想像中好飲得出神入化，但奶茶濃滑，沒有冰就不怕放久了會變淡。

上環熟食街市內, 頗多卧虎藏龍, 瑞記是其中一間, 位於街市內一角, 並不起眼, 但很多人專程來吃西多士及著名的樽仔奶茶。樽仔凍奶茶，勝在香滑, 茶味尚算香，但我認為甜度太重, 比起灣仔金鳳的凍奶茶, 瑞記似乎名過於實。我反而喜歡這店的三文治, 格局像港式漢堡飽，談不上特別, 但麵包軟腍腍, 每次的水準都保持到, 已算昃不錯了。

大排檔，Ok woo.好得意的包裝，凍奶茶，茶味不錯，但喝後條脷有些 ‘鞋‘ ,咁即係唔夠滑。不過，我鍾意佢無冰，唔會越飲越淡。西多士，蛋滿滿的，整件好厚，煎得好香。配以練奶，唔錯。另外，亦叫了公仔麵，可惜就一般了。鮮牛用鬆粉整過，沒有牛味。

朋友係咁話呢到既樽仔奶茶好正,今日終於到我試!!環境唔係話特別靚,但以市政大廈食肆黎講夠晒乾淨企利.見有少少肚餓,除左必試樽仔奶茶,仲叫左個蛋牛麵.由於即叫即整,蛋牛麵既牛肉熟度岩岩好,好好咬口.而且成個麵都唔重味精,飲埋D湯都仲得!到主角樽仔奶茶啦,奶茶味真係好重,由於無冰既關係,就算而家天氣咁熱,都唔會搞到D冰融落奶茶到影響味道,甜到入心

三顧草盧，今日終於食到瑞記！雖然呢度冇靚環境，冇服務，但呢種風味只有在這裡才能找到，簡單既蛋牛包和樽仔奶茶究竟有何吸引之處？來兩個蛋牛包先，可樂一支和我最期待既樽仔奶茶！樽仔奶茶到啦，奶味和茶味比例不錯，沒有過甜情況，亦有着應有的茶味，炎熱天氣，黎一支冰涷奶茶，大大享受！蛋牛包黎啦～好吸引！熱呼呼！包烘焙得脆脆，入面既料當然有炒埋一齊既蛋加牛肉加葱花！好香！牛肉鹹味適中，好味！一定有下次！他也比十個讚哩！喜歡呢度既不只是味道，還有這種小店既風味！

由於吸收左上次週末摸門釘嘅經驗，今次同朋友星期四下午再黎！終於一嘗心願！試到佢地嘅特色樽仔凍奶茶！ 名副其實，冇令人失望！入口香滑順喉，茶味同奶味比例啱啱好，又吾會太甜 (朋友飲慣走甜覺得甜左小小) 但我就好覺得好好飲。 而且因為冇加冰塊，飲到最尾都吾會變淡，對平時飲野勁慢嘅我簡直不可抗拒。另外叫左幾樣野食，首先係馳名西多士。本人覺得還可以，煉奶有點過多，食到一半已經覺得太甜太陋。口感方面略嫌外層唔夠香脆，裡面則沾染太多蛋漿和煉奶，吃多幾口便覺得膩口。然後我地仲叫左個火腿腸麵，相當不錯！朋友都爭住要食！首先我地對煎香嘅火腿同腸仔完全零抵抗力！加埋出前一丁麻油味。。真係冇辦法唔滿分，唯一要嫌嘅只可以話湯底鹹左小小。店內雖小，但從當中陳舊的餐牌和牆上掛飾可見已經營數十載，應該係一直深受舊街坊愛戴才能屹立不倒。而且重點是價錢大眾化，食得到濃厚舊香港茶餐廳風味，和舊街坊食客的人情味。

和group mates 在上環做完pj，想找個地方high個tea，看到這裡在上環是名列前茅的食店，於是便來這裡試試。友人a點了一枝樽裝奶茶，她指很甜，沒有特別友人b是蛋牛治的狂迷，於是點了這裡的名物之一，蛋牛治等了超過半小時才送上，吃罷，她指沒有牛味，好像只是一個很乾的炒蛋，而且包亦沒有烘過，整體十分普通我則點了蛋治，比蛋牛治還要等得更久，在追問下才送上。薄薄有點燶的煎蛋，很油，夾在包裡只有一陣油油的味道。很差另外，這裡基本上是沒有服務的，waiter是位高高的年青人，多次無視我們揮手下單，態度亦很不好。

平時weekday黎食lunch成日黎哩個熟食中心食但星期6都係第一次下午15:xx黎到, 得幾枱客話說雖然我黎過好多次食lunch但瑞記就一直冇食過今日就特登黎試下佢o既蛋牛包同樽仔奶茶蛋牛包我覺得有d過譽, 雖然唔係差, 但我就唔覺特別好食可能我比較鍾意食d烘過o既包, 哩度o既包冇烘過, 林的蛋牛亦唔見得好出眾至於奶茶, 味道算係中上, 茶味同奶味都配合得好好但未至於係飲過最好飲的, 不過已經好過而家o既蘭X園了最特別都係樽裝, 同因為冇加冰, 係成枝雪凍所以唔怕飲飲下, 因為d冰融左d令奶茶變淡

最出名的樽裝奶茶和西多士，當然要試。 1. 樽裝奶茶，奶茶煮好，入樽放入冰櫃，茶不香，茶味不濃。(基本上，港式奶茶，是要熱喝，不能凍喝，凍飲奶茶是因為天氣熱而喝，這是基本飲茶原則，奶茶雪凍后，茶味流走了，茶味會變得不濃，質量隨時間而改變)，維x紙盒裝奶茶比更好喝。2.西多士，麵包塗上蛋漿後上鍋煎，之後，塗上練奶吃，跟普通茶餐廳做法不同，各有特點，但不覺得他們做的出色，這是家庭式西多士做法，兒時媽媽在家也用這方法做，比他們做得更好。這裡吃的是老鋪茶檔風情，但食物水準一般，不止，還需要有耐性等待。

西多士真係好好味!! 又有蛋味 炸得岩岩好 聽店員原來一份西多士用足料一隻雞蛋 所以保證夠蛋液但樽仔奶茶就一般 其實又唔算係好好飲 不過個樽係幾靚 但味道真係冇特別，朋友叫左碗牛肉公仔麵聽講好好食 黎到係幾香好重牛肉味 牛肉都好入味 好和味面質岩岩好 唔硬唔林 湯底唔會太咸同埋位置係街市熟食中心 所以有陣怪氣味...

難得到上環，想試下馳名既瑞記個西多真係幾特別，可能係因為用煎吾係炸既原固啦，香香脆脆真係幾吾錯，又吾係好油但支凍奶茶就真係幾普通，分分鐘差過普通茶餐廳水準，係個玻璃樽特別啲姐

執筆的時候, 忽然想起在讀大學的時候, 其實來過一次。那時我正在為自己那幾隻智慧齒而煩惱, 不時要回到菲臘牙科覆診。不知是福不是, 雖然脫智慧齒一事搞得很麻煩, 但就讓我多了很多機會過海。既然那麼少機會過海, 總要想想怎樣善用這些機會, 去吃港島區的東西。不要笑, 那時對我來說, 「過海」, 還真的是一件大事呢。位於上環街市熟食中心的瑞記咖啡一直在開飯網有極高的評論, 自然也是我的目標之一。至於為什麼只是吃了那麼一次, 就沒有再回頭了呢? 只記得那一次, 來得實在早。到達之時只見主理人張伯在開檔。當然, 沒有別的客人。還是黃毛丫頭的我非常腼腆, 見到這陣勢只想回頭就走! 不過, 張伯已經拉過椅子示意我坐, 也不好意思推卻。記得那次吃的蛋牛包, 好吃。奶茶, 也好喝。壞事的, 是隔壁的店子。不知怎地似有陣陣腥氣逼過來, 讓我吃得混身不自在。快快吃完之後就落荒而逃, 之後, 也就沒有回去的念頭了。現在卻是很企理事隔多年再回去, 不見張伯。熟食中心的環境卻似是好轉了很多? 見到幾位老伯伯在瑞記吃早餐看報紙, 互相調侃, 忽然升起一個很滑稽的念頭。當年我竟然比他們到得還要早, 其實真的蠻厲害吧

西多士瑞記招牌西多黎到點可以唔試下泥個西多同一般既唔同瑞記西多係有沾蛋醬而且係即叫即煎 唔係油炸所以香口得黎唔會好熱氣而且黎到個陣仲熱啦啦蛋香撲鼻 再加上入味既煉奶鐘意西多既一定要黎試下價值唔貴 份量幾多絕對底食樽裝奶茶第二講到招牌特色點可以唔提樽裝奶茶首先佢係樽裝好特別無冰但係凍飲係佢第一個特色而且佢絕非一般 佢茶味係我飲過最濃而且充滿香港本土特色所以黎到一定要試下宜個呀又平又值得飲唯一不足既係份量唔係好多我一個人都要飲兩支先夠