瑞記咖啡

營業中

休息中

是日驗完血後行去上環食個早餐, 選了瑞記. 上2樓前行入街市都有D挑戰, 味道勁勁地, 幸而2樓冇乜味.瑞記地方不大, 見之前食評得阿伯睇場, 而家有個後生仔幫手. 點了出名凍奶茶和蛋牛治 - 凍奶茶($13)不錯, 和貴價太興凍奶茶(之前是$16)相比, 沒有太興咁甜, 而奶和茶味都平衡. 蛋牛治($12)都不錯, 蛋混咸牛肉炒得幾香, 但麵包切得太差, 搞到食到四圍污穢. 鄰座食食蛋牛包切得好好多, 食得比較乾淨. 

Located in the Sheung Wan Municipal Building, 瑞記咖啡 is an old school HK cafe that feels like it's preserved in time. Even the menu prices was written in an old terminology in Chinese that was quite hard to decipher so I actually didn't know how much the items were when I placed my order. I already knew that this shop is famous for its cold milk tea and HK style french toast so I ended up trying just that. The tiny shop was manned by 2 people and one of them is an old grandpa who takes the orders

跟媽媽行上環，行到咁上下就開openrice睇下去邊度下午茶。結果附近最好評飲咖啡就係瑞記。3:45到達，咁啱係洗地下時間，其實媽媽都已經有D唔LIKE，因為洗地水味道非常勁, 塊地又滑。我哋兜左成個圈，好不容易先至搵到瑞記。先叫了兩杯熱奶茶($11)，一黎覺得熱飲會可以嗒清楚D茶味，二來因為衛生原因，怕D樽會好難洗得乾淨。茶嘅香味真係好濃郁，奶與茶的比例剛好，沖得好滑，我好耐冇飲過咁好飲嘅熱奶茶！唯一唔鍾意嘅就係啲糖已經係預先擺左係底。見奶茶咁好飲就要多左一杯熱咖啡($11)，香味ok, 唔係太bitter, 相比之下，咖啡輸了，因為較淡。可能呢到西多士($20)好出名，所以老闆都不停出西多士，好似推點心咁周圍問有冇人要，竟然全部都有人認領，我地都唔執輸！西多士煎得好香，薄薄一層蛋漿，一啲都唔覺得油膩。同奶茶一樣，甜味又係冇得自己攪，因為厚厚的一層condensed milk係default淋晒上面，對於唔慣食甜食的我，係有D唔鍾意，不過無傷大雅，下次再來會識得點樣叫！伯伯見我哋不斷睇貼係到嘅剪報，佢竟然陪我哋睇埋一份。哈哈！伯伯見我哋食完仲坐係度，就叫我哋唔使趕，坐耐D傾吓計，又提

休閒的下午，黎到上環街市探訪伯伯  我已經唔係第一次黎架喇，好鐘意呢度的原因係貪呢度夠人情味，裝潢好懷舊，令人覺得好relaxing！ 再一次黎到呢度，都係食左我的最愛－凍奶茶、西多士！好鐘意呢度的凍奶茶，除左因為佢用玻璃瓶裝，冇加冰唔會溝淡D奶茶味之外，仲因為佢唔會太甜，奶茶的味道亦好香濃！加上 伯伯話因為實在太好賣，所以每日都會新鮮咁做，唔會放太耐！～另外西多士吸引的原因係佢一D都唔脆，感覺唔太熱氣，同埋因為瑞記的西多唔係落糖漿，而係加煉奶，所以唔會太甜，食落其實似奶油多XD 金黄色好吸引不過其實... 我最鐘意瑞記的唔係呢度的野食，而係呢度的感覺！ 伯伯會同人傾計，佢今次仲主動教我睇餐牌的價錢係點睇XD呢度真係好有人情味，希望呢類型的小冰室可以繼續係香港立足啦

瑞記咖啡，我已經期待左好耐架喇！一直都好想黎，但係上兩次黎都好唔好彩摸門釘，今次終於食到喇～今次真係好好彩，我大約五點黎到，唔需要等位，即時入座之後原來佢五點半就關門！！第一次黎，但係都知道呢度最出名的係西多士同埋凍奶茶，今次雖然只係自己一個人黎，不過都決定要一次過試哂呢兩樣野！凍奶茶雖然用玻璃瓶黎裝係其中一個好吸引的賣點，望落懷舊得黎亦都好得意，不過除此之外，佢的味道都好正架！玻璃瓶的凍奶茶裝好就直接放落雪櫃，半粒冰都唔會落，所以奶茶味一D都冇溝淡，加上茶味好濃，飲落好滑，亦都唔會太甜～ 雖然玻璃瓶睇落好似好細支咁，但係都好夠飲！西多士另一樣好出名的西多士，特別的地方係佢係非油炸，而係煎既～另外佢亦唔係用糖漿，而係用奶醬既～不過我覺得呢兩樣都唔係令西多士吸引的最主要原因，而係呢度的西多士真係好香蛋味！就咁望落去已經見到有蛋漿係面，不過神奇的地方係食落蛋漿一D都唔厚～ 另外要讚的係，即使係煎的野食，但食落都唔覺得好熱氣，非常軟！不過一個人食哂成份，感覺就有D膩，因為真係有D多油....

生日過大海！未夠鐘坐船就走去搵早餐食！ 近近地過左上環街市，搵到呢個間街市舊式食店！一開始係俾佢枝奶茶吸引，因為佢係用氣水樽裝，做到有冰鎮既效果！ 跟住就係個咸牛肉餐包~本身自己好鍾意食餐包，即刻加晒分！ 個西多士更加不得了！！佢唔同出面個D西多，整完出黎油淋淋，呢個整到雞蛋分明又香口，加埋牛油同煉奶，一路食一路想咆哮！ 其實食包都飽飽地，但係又忍唔住叫左個蛋牛米，食一啖就知自己冇叫錯！！雖然環境扣晒分，不過食物同價錢真係唔錯！要食境抑或食食物，就睇你點諗喇！~***溫馨提示：越早去就越好，因為一到中午街市休息，佢地就會洗地，成地濕晒仲可能有小動物四圍走架！*XD

大約1點左右到瑞記，咁岩撞正lunch hour，不過排左十分鐘就有得坐！環境普通 餐廳比較細同逼好難得先坐到個有冷氣既位！！唔洗諗就嗌左西多同樽仔奶茶奶茶用樽裝唔會越飲越淡但同平時茶餐廳既其實冇味分別西多先浸蛋漿再煎個邊好香好脆但中間有小小太冧成份唔似平時咁有牛油同蜜糖，反而靜係落煉奶！由於驚唔飽就叫多左碗鮮牛米牛肉幾滑幾嫩成碗份量有d多好夠飽但因為碗米黎左接近十分鐘西多士黎，所以已經索哂湯建議早d落單嗌完西多再加米 成間店其實只有三個員工，負責煮得一個人，相信係老伯個仔老伯超好笑容好nice (除左叫佢加湯黑左面之外)好有愛既一間餐廳！！

男友推介瑞記咖啡就嚟try try先！蛋牛包#對本身唔鐘意食葱既我，蛋加碎牛加葱mix 埋一齊 好香 加埋熱辣辣既包 真心俾外面食既好食得多多聲！鲜牛面#用“丁丁”面有誠意！ 但鲜牛就....我覺得似係雪牛多d! 雖然口感係唔差，但見到湯面層白雪雪既野就。。。。冰凍冇冰奶茶 #我覺得味道冇杯咖啡咁濃

星期六上完堂都已經兩點幾, 既然過左lunch hour, 就同個friend走去搵tea食啦!搭叮叮落到上環, 就近近地走左上去上環街市熟食中心。第一次去, 本身諗住環境會麻麻地, 點知又有冷氣又乾淨企理喎! 因為唔係繁忙時間, 我地一去到就有座坐。 坐定定就即刻叫左個西多士同凍奶茶! 個西多士熱辣辣, 一咬落去就有好香嘅蛋香味, 加埋煉奶真係好夾, 唔會太甜之餘, 又多左一重奶香, 真係好正架! 仲要落足料, 兩塊包都又厚又多蛋汁, 脆得黎又唔太油!真心推介!至於好出名嘅樽仔奶茶就咁賣唒, 我就冇緣飲到啦, 不過都叫左杯凍奶茶! 係茶餐廳飲嘅一定好飲過d怏餐店嘅!

瑞記咖啡-本來一個只有街坊才認識的茶檔，如今因為食評網站介紹，人氣卻不輸同業如澳牛，華星，但來這裏，為的除了一口凍奶茶，還有張伯的香港人精神和生活態度。一直在新界居住，在新市鎮本來就不多瑞記，勝香園之類的街坊茶檔，要喫杯靚奶茶，多在元朗冬菇亭之類，炎夏到，相信太興的冰鎮奶茶會是不俗之選，畢竟談風味，本土風情，必是歷史悠久的舊冰室，鐵皮檔。跟其他街邊鐵皮檔不同的是，瑞記開在市政大廈的熟食中心，環境誘因是冬暖夏凉，在這裏hea時間跟咖啡店沒兩樣，或者只差一首合feel兒的歌，但和張伯聊天又可能是另一得著，試下開口吧，張伯年屆雖已八十，但小茶檔還是和老婆一腳踢，親力親為，聽著張伯說以前從大陸落黎香港搵食，從街邊檔做起，生活不易過，但靠賣啡茶醬多養活家人，張伯邊說邊自豪，說著還笑指牆上貼著孫兒的相，勞碌一生，但過得無悔，還真是香港人精神的代表人物。當然，遠水路來怎能不試招牌幾味？賣的不多，但沒有分早午茶餐，餐牌上任你配搭，成為你的自搭套餐，因為有人來只點凍奶茶，也有人來只為包，總之茶檔一向是無餐的。來這裡，熟客的，不用望餐牌，隨口就能點餐，但畢竟第一次來，還是細閱牆上的手寫餐牌吧，因為特別的價

因為要去東華醫院實習 第一次接觸上環既熟食店 跟同學一齊去試食 點知一試就愛上 樽仔奶茶好香好滑 仲有蛋牛治 25蚊一個set 好抵玩 未食過咁好食既西多士 配鍊奶真係絕頂一流 就算實習完都要再去食呀！

在上環文娛中心聽完音樂會之後時間比想像中早，於是父親大人提議去瑞記食下午茶，去嘅時候大慨五點所以比較少人吾使等鋪面同餐牌都好有香港特色作為一個九十後覺得好神奇因為價錢保留左以前嘅寫法一家人點了2枝奶茶1枝咖啡、西多士同蛋牛包奶茶香濃，吾會太甜，咖啡甜度亦適中西多煉奶同油都比較多，有d膩不過味道吾錯 ，金黄色好吸引~個人認為蛋牛包最好食免治牛加蒽蛋好match,贊~整體黎講好抵食又地道，老闆亦好好人，不妨去試下

今日08:30嚟到上環市政大廈嘆早餐，一入嚟熟食中心眼見幾間食肆都幾多人，反而出名食蛋牛治嘅瑞記居然只係得一個客人，真係奇怪。叫咗件蛋件治烘底，凍檸茶。包身烘得香脆可口，咸牛肉不太咸幾健康，略嫌蛋偏少。幫襯過兩次都發現同一問題，凍檸茶不夠凍，唔通真係要飲樽仔奶茶。價錢真係好平，$25埋單。

今日去左上環街市個熟食中心，見到瑞記幾多人，所以坐低試吓。叫左個西多加凍奶荼。先講個凍奶荼，佢地d凍奶荼係一支支，又冇加冰，正!再講個西多，一般西多都係加糖漿，不過瑞記D西多係加煉奶，所以唔會太甜，有西多x奶油多的感覺，正！

今日和友人來這一嚐，雖是下午二，三點，但人也很多！因第一次嚐，故問伯伯餐牌，他叫我自己拿。決定吃什麼後，我找伯伯落單，他叫我直接入廚房，可惜那先生說還有很多未煮，就算落單都冇，叫我出去等，一等，便等了30分鐘，連對面的客人也幫我們叫那先生幫我們落單！結果食物格了！1）聞名奶茶糖水！2) 牛肉面牛肉剛熟，軟軟的，讚的！3）牛肉蛋包！包里面面，脆脆的。牛肉蛋味道適合我，而且有陣陣蔥香，不錯的！4)西多士 這個和外面吃的不一，是煎的，味道還可以！總括而言，價錢平，味道不錯，只是等待時間長且落單後根本不是分你落先後，是跟你有冇人地快叫到食物！