瑞記咖啡

營業中

休息中

大排檔 茶檔 真正香港味道 更勝荼餐廳！分別是 做法制法 1）麵包新鮮（片片方包及小長包）用焗烤爐的方法 故包內軟外脆2）凍奶茶 茶味夠➕黑白奶 預早沖好茶連奶糖搖下攤凍 入樽雪凍備用 飲時夠晒味 不像茶餐廳➕了冰底 越飲越淡（香港仍用此樽裝的僅幾間而已）3）煎雞蛋牛肉公仔麵 像是普通的麵 但雞蛋煎香味濃郁（少有）牛肉是新鮮街市貨 非冷藏貨式。 都是我的心水！50年來 一直保持水準！

上環熟食中心既老字號茶檔，簡陋既裝修，座位唔多，食懷舊既味道。呢度出名樽仔奶茶，西多士，蛋牛包。今日黎試哂佢，再食多碗鮮牛麵。先講下鮮牛麵，牛肉估唔到好滑，但個麵就完全無味，又煮得太淋，唔好食西多士係用蛋汁煎既，煎到脆脆地，中間仲係軟熟既，沾上煉奶，係幾好食，好香。不過個人覺得西多士一定要有花生醬，煉奶，牛油先夠好食夠邪惡，如果佢有埋花生醬就會更加好食啦。蛋牛包包烘到外脆內軟，好加分。再加上咸牛肉蛋，簡單美味。樽仔奶茶我自己認為奶味同茶味都唔夠，不過放係樽仔入面係幾有趣既。

有些東西，唔單純係食個味道，而係要食個感覺。而係瑞記，我就食到一種感覺，係細細食過既西多士既感覺😋食完lunch之後好想食個港式甜品，就黎左瑞記食佢個西多士同飲番支樽仔奶茶☕️ 依度嘅西多士真係冇得頂，佢有一種蛋香味，加埋煉奶同花生醬，係會食上癮嘅。比起而家新式嘅西多士，呢度嘅西多士真係好純粹，個人認為係好食好多嘅💕而呢度嘅樽仔奶茶呢就好出名嘅，我自己就覺得佢太甜啦。不過一啖樽仔奶茶一啖西多，真係夠晒滿足。

Great place for breakfast in sheung wan. Chinese style coffee in glass bottles which give an extra novelty to the experience. Went for two noodles, having luncheon meat and egg. The broth was good however the toppings were a bit cold.The main thing we went for though was the french toast. It was great and soft.

之前見過啲人話瑞記係上環必食，於是就去抱住好大嘅期望試試佢，然後就失望而回啦。首先係西多士，炸就炸得幾香脆，但係各種材料嘅味道完全唔和諧，煉奶嘅甜、牛油嘅香、蛋味，三樣嘢嘅味道響個口入面好似係分開嘅，完全唔balance。另外，樽仔奶茶望落就好靚啦，但係奶味唔香濃，茶底唔靚。蛋牛治入面嘅炒蛋係暖嘅。火腿牛面嘅面可能浸得太耐所以完全淋晒，但牛肉用料比較好嘅。但我包算係比較可以接受嘅，因為入面嘅蛋仲係熱嘅，而個包都脆嘅，但係我就真係講唔出佢比起其他正常水準嘅茶餐廳有咩特別好食。所以嗰日去到發現其實其他檔口好似仲好生意過佢。我去嗰日佢當口只係得一個人，所以有少少手忙腳亂，會想初賽同埋要等好耐。檔口真係好有香港情懷，但味道就真係好一般。

次次黎呢間餐廳都係食西多士，今次試吓啲新嘢，鮮牛肉面！老實說賣相幾好，但食落一般般，首先面條過淋，湯是清水加麻油，牛肉冇味🤡，可幸嘅就係佢既樽仔奶茶同西多士都維持到高質！

今早去上環做運動，經過上環熟食市場，所以我就上左去瑞記食番個早餐。我本人十分支持本地食肆，尤其是小店。食店飲品款式多，最特別或叫出名的是樽仔凍奶茶，我當然一試。食物種類也多，我點了蛋牛治，其實也想食鮮牛麵，可惜一個人食唔到甘多，下次先再試。蛋牛治餡料美味，食店加了蔥花炒蛋牛，所以味道很香口惹味，值得一讚。樽仔凍奶茶係食店最出名的名物。凍奶茶唔加冰可以讓奶茶的濃度穩定，唔會愈飲愈淡，是個保持品質的好方法。致於奶茶本身好唔好味，夠唔夠濃又係另外一種睇法。我自己就覺得 A B C D E F G H I J K。

一直都覺得西多士要煎先好食，除咗自己煮，出邊有99%嘅餐廳都係炸，除咗依間（小弟孤陋寡聞，如果有唔係嘅請PM我），依個西多士出面煎到好香脆，又有蛋香味，同埋佢用煉奶代替糖漿，食落更香滑有奶香，另外必點嘅係樽仔奶茶，香！滑！濃！

蛋牛包$16，樽仔奶茶$14蛋牛包：個包烘得得好脆，夾埋碎牛蛋一齊食。簡單得黎又幾好食，不過我當日比較少葱。通常少人時候，葱係會多D。見人地平時影既都有好多葱，我自己就鍾意多葱，香D嘛。以呢個價錢黎講，唔好要求D咩蛋味濃定牛味濃la！樽仔奶茶：次次都會飲埋，佢D奶茶好多奶，我通常唔受得都會肚痛。

好耐冇去過上環瑞記記食lunch😭 超掛住佢哋嘅樽仔奶茶同埋西多士!!!同一般喺茶餐廳食到嘅西多士唔同,瑞記係用蛋漿浸滿兩塊面包跟住攞去煎,然後加左牛油同埋煉奶💕 佢冇一般嘅花生醬西多士咁膩, 充滿蛋香!!! 可以話係全香港其最好食嘅西多🤤 今次黎到再order返我ge all-time favorite 蛋牛包覺得好似冇禁好食😭個蛋炒得有少少老左, 不過整體調味都好好食geh😛而且個麵包都烘得好香~鮮牛麵就冇咩特別,同普通茶餐廳食到嘅差唔多😂

聞名已久，終於有機會來試試了聽說瑞記西多士和樽裝奶茶是必食的當然我們叫了啦，還試試蛋牛治同熱奶茶先上冷熱奶茶，熱奶茶茶味都夠，朋友試了一口，覺得茶味不夠濃，而凍奶茶就較甜少少，又是不較茶味，有點兒失望蛋牛治就一般啦，塊包有烘焙過，塗了層薄薄的牛油，牛肉較少，蛋都ok la最後西多士來了，賣相吸引好吃的樣子！上面有層煉奶奶油，裡面原來還有層薄蛋沾了奶油漿，烘過的麵包，個西多士真的很好吃😋 平日不太好西多士都覺得好味，好滿意！

呢間位於上環既熟食中心大約12點鐘去食 坐滿曬上班族😆🍜🍜🍜鮮牛腸仔米粉+鮮牛蛋麵 ($30+$30)牛肉幾嫩滑👍🏻唔會煮到好老建議食麵多過米粉可惜今日兩碗都煮耐左🤢🥖🥖🥖蛋牛飽 ($16)鹹牛肉炒蛋既味道配合得好好🤪裏面仲加上適量既葱 加左少少分😋🍾🍾🍾樽仔凍奶茶 ($16)一入口幾香濃茶味不過奶味可以再重啲🤓

早幾年有同朋友都黎過呢間 瑞記咖啡 ，試過呢度既食物都覺得唔錯。今日黎到上環工作緊係要再試 瑞記咖啡 的風彩啦！位於上環市政大廈2樓熟食中心，雖然地方唔算好繁華，但有固定既熟客都同老闆娘關係唔錯，可見老闆娘同大家既關係都唔錯。蛋牛治呢度既麵包唔係一般坊間可用的白麵包，而係咸餐包。看落好簡單，但將牛肉與雞蛋混和，煎得香口而不油膩都好考廚師的功夫，加上蛋漿有蔥花的香味，添加了蛋牛治的味道唔會太過單調！西多西多做法其實好簡單，利用白麵包沾上蛋漿再煎香就可以。呢樣可以係屋企都整到既美食又點解要係度食？因為呢度既西多係好豐富既蛋味，而果種蛋味並唔假，而我食過兩次都唔明白點解可以禁香蛋漿味，亦係呢度著名小食之一！必食樽仔奶茶五六十年前已經出現的產物，將沖好的奶茶倒係玻璃瓶內雪凍，由於沒有冰塊融化而沖淡奶茶既味道，所以飲落會比一般既凍奶茶好飲！茶味濃厚香醇，茶味同奶味互相配合，如黃金比例，係香港難得既美味！整體黎講，瑞記咖啡 既食物同飲品都有一定既水準，仲存有濃濃的人情味。位置唔係人來人往的街道，卻因為禁儲存了一群老顧客！相隔數年再黎都係禁喜歡呢間既奶茶同西多！

今日一個人去了上環，記得熟食中心內有一間有名的舊式咖啡冰室，就決定要去一試。瑞記位於二樓熟食中心的一個角落，只有數張枱。點了冰室最出名的樽仔凍奶茶，奶茶茶味香濃，口感細滑，奶和茶的比例剛剛好，的確不錯，值得推薦。因為餓的關係點了鮮牛米粉，米粉滿滿一碗，牛肉是街市的新鮮貨，嫩滑有牛味。除了奶茶，亦有非常多食客點蛋牛飽。可惜冰室只有店主二人，上菜比較慢，飽類等雖烘的食品需時較耐，這次就沒有嘗試，唯有等下次再光顧。

呢間茶餐廳位於熟食中心裏面，呢間係人氣最旺既，有好多人慕名而來，包括我🤣•🍞西多士（$25）呢個西多士冇得輸，有別於一般出面食到係炸既，佢係加左蛋漿慢慢煎🍳食到勁重既蛋香味，再加上牛油、煉奶等，賣相味道滿分💯超正呀。第一次食到真係覺得好驚喜🥰必食推薦👍🏻•🥤樽仔奶茶($16)樽仔咁飲的確夠特色👅奶味夠，幾香滑，茶味略嫌不足，由於預設左甜度無得揀少甜，個人覺得偏甜左少少🙈•🥖蛋牛包（$16）呢個包烘熱左，雞蛋鹹牛肉加埋蔥一齊炒好少見，係幾足料，味道都唔錯。————————————（5⭐️滿分，💫為半分）整體環境：⭐️⭐️💫食物外觀：⭐️⭐️⭐️⭐️味道：⭐️⭐️⭐️💫性價比：⭐️⭐️⭐️⭐️回頭指數：⭐️⭐️⭐️💫————————————ig: fatfatman_foodie