班蘭葉印尼餐廳

營業中

休息中

上星期銅鑼灣下班後和同事沒有住家飯吃，來到了這一間之前已經食過，性價比高的印尼餐廳和同事一人點了一杯飲品，椰汁冰份量非常多，而且充滿椰子香氣，在這陣子炎熱的天氣帶來透心涼的感覺，朋友就點了班蘭箭葉果蜜，嘗試了一口，班蘭味道濃郁，配合果蜜的香甜，入口非常舒適燒牛仔骨飯，牛仔骨份量不少，足夠一啖飯一啖肉，而且他們的燒汁偏甜，再加上他們自家製的印尼醬汁，味道非常豐滿點了一客炸蝦餅和同事分享，有別於泰式炸蝦餅，長條型的形狀方便一口一件，外皮香脆，蝦肉彈牙香口，十分值得推薦晚飯過後額外點了一客班蘭蛋糕，$15一件性價比非常吸引，而且充滿濃郁的班蘭香氣，蛋香，絕對不只這個價錢

強烈推介!!最近沉迷了一名youtuber叫有碗話碗既片，跟去吃一間位於銅鑼灣的印尼菜，有超級惹味的燒雞 (好像說以前要吃的話要預訂)😍 熱辣辣真的是非常好味(好味到O嘴那種程度!!)，覺得是用甜豉油蜜糖醃制而成，加上那種bbq的燒焦味真的是超級香😚 基本上不用點醬汁也已經非常好吃，旁邊的醬汁是偏酸和辣😆 飯是比較少見的斑斕飯，蒸得班蘭味很濃！ 另外我們還點了一些豬肉和白鱔串燒，是另一種惹味，燒雞是偏甜串燒是偏鹹😋但香料味還是很足，很有特色!! 白鱔非常厚身彈牙😍 最後也試了只有$15的斑斕蛋糕👽我覺得相比起主菜他沒有那麼亮眼👽但是還是挺好吃🤗 是一頓晚飯的完美句號👽

假期前夕相約好友晚餐，到了銅鑼灣糖街的特色小店「班蘭葉印尼美食」晚餐小聚，7:30餐廳已滿座十分熱鬧，剛好有食客吃完有枱。之前也聽朋友推介此店的新鮮印尼地道食品好味，我們坐下店員先為我們介紹一下食物。單看餐牌的相片已覺得吸引，而且款式非常多，真的樣樣也想試！牆壁掛滿食物相非常吸引！我們點了印尼四大天王班蘭飯、原條魚花膠湯粉皮、牛肉沙嗲、珍多冰及蝶豆花特飲。印尼四大天王非常豐富，有海南雞件、辣沙甸魚、巴東牛肉，香辣蔬菜，海南雞件嫰滑、辣椒沙甸魚非常惹味適合拌飯！巴東牛肉一絲絲夠香辣！配合香噴噴班蘭飯特別好味！另一款必食推介原條魚花膠湯粉皮湯底香濃充滿膠質，花膠大大件，配上大片粉皮非常好味有咬口，而原條魚相當大條，外脆乾身內裡多汁！相當有驚善！連湯也喝光！牛肉沙嗲有咬口唔會乾爭爭，配上秘製沙嗲醬味道更上一層樓！蝶豆花特飲紫色非常吸晴，唔太甜，配印尼美食非常搭！朋友説珍多冰也好味！

經過幾次呢間印尼餐廳都見到人頭湧湧要等位，唔想等位所以一路無試，今晚行過都有幾個人等緊位，咁岩有一大枱客食完出黎，見有位就入去試下。🍴虎蝦花膠湯粉皮 HK$98湯底由雞同印尼花膠製成，標榜無味精，飲落幾甜，但鹹左d。原條花膠唔算厚身，但幾軟滑同黏口，粉皮口感似腸粉，好滑溜，用匙羹連埋湯一齊飲就岩喇。虎蝦幾厚肉，炸得好香，仲有膏添。🍴燒雞班蘭尖塔飯 HK$98班蘭飯帶甜，香而不膩，燒雞表面燒得香脆，雞肉唔鞋，雖然唔算嫩滑多汁，但點埋辣汁就非常惹味，個汁好味到要問老闆點整，老闆都好大方分享，材料有甜豉油、指天椒、生蒜、洋蔥、青檸，至於比例就要自己研究喇。🍴牛肉沙嗲（三串） HK$58表面燒得焦脆，食落一啲都唔韌，仲充滿肉汁，配埋充滿花生香嘅沙嗲汁，齒頰留香。🍴班蘭雪芳蛋糕 HK$15充滿班蘭獨特幽香，香甜鬆軟。老闆問我賣15蚊會唔會太貴，我話隔離便利店包裝蛋糕都差唔多啦，15蚊直頭抵食添，岩晒附近打工仔買黎做早餐。🍴印尼咖啡涼粉冰 HK$30飲落陣味好熟悉，好似炭燒咖啡，甘苦味濃，不澀不酸，同奶、涼粉ge甜味好夾，好飲。🍴芒果沙冰 HK$48芒果味濃，甜味唔假，沙冰打得均勻，飲落似芒果雪芭

班蘭葉印度美食- 地道印度菜平日行銅鑼灣時也會留意到的一間印度菜，門口有各式各樣的印度小食、糕點、零食各醬料，內裡是印度菜的餐館，環境佈局非常有東南亞色彩，木系家具、藤製屏風和印度的雕像等。炸蝦餅脆炸的蝦餅，非常飽滿扎實，配上泰式甜辣醬。特色印尼炒飯鑊氣滿滿的印尼炒飯，加入雞肉、香蔥、香料炒香，再配上太陽蛋、雞肉串燒和炸蝦片，炒飯惹味、小食又豐富。黃薑炸原條魚雜錦飯超有誠意的原條炸魚，分量相當大，魚皮炸得香脆可口，內裏魚肉嫩滑，配上特色的斑蘭飯，綠色的飯十分有趣，味道甜甜的，再配上炸茄子、炸豆腐和炸黃豆餅。珍多冰很多啫喱條和濃濃椰奶味的珍多冰。涼粉冰透心涼的冰凍涼粉冰。

出去銅鑼灣有野攪，次次都唔知食咩好難得出得銅鑼灣就要試啲少食既野連鎖店返將軍澳都有，又想快快食完返屋企一search之下搵到呢間，就去試一試點知門口見到有個抗疫價menu,$50一個飯真係抵到爛入到去，位置唔多有少迫，有少少東南亞風既裝修其實就算佢冇做抗疫價，佢啲食物都唔算貴既，$70 80一個飯，我地最後揀左 巴東牛肉飯 抗疫價$50，同行者揀燒牛仔骨飯都係抗疫價 $50😂一來到，個飯比想像中大，我以為抗疫價會縮水🤣唔辣既，因為以前響觀塘巴士總站一間執左既小店食過，辣到我痴線，呢個唔辣，香料又足，好好味，對面個牛仔骨飯都燒得好味，牛仔骨好似唔係印尼野，佢燒完就成件事好印尼，最正係佢配個辣汁，勁辣，成件事印尼左，最後口多個外賣返屋企比姐姐食，佢都話正

平時出街食東南亞餐廳都係食泰國野多，見到呢間食印尼野嘅餐廳到左食飯時間好多人等位，睇黎人氣幾高，我都等左一陣先入到😂餐廳唔大座位得2-30個，不過選擇非常多，食完先知原來印尼野都咁正😋又多一個新選擇喇🤤..◾️虎蝦花膠湯米粉 $98粉樣賣晒，只好轉米粉😣奶白色嘅花膠湯，感覺淆左一段時間，有好多骨膠原咁😋一碗入面有一大片花膠，湯飲落有少少濃厚，米粉都吸到湯底，十分夠味🤤炸過嘅虎蝦比想像中細，肉質新鮮彈牙！◾️炸雞斑蘭尖塔飯 $88斑蘭飯有淡淡嘅清香斑蘭味，炸雞有半隻，醃製得入味亦唔乾，配菜魚仔花生都鹹香送飯好好食，辣椒醬加左好多香料好惹味，辣度十分足夠！推薦🤤◾️牛肉沙嗲串（三串） $56牛肉串燒肉質較結實，配上甜甜地嘅沙嗲醬幾好食😋◾️珍多冰 $28飲品十分足料，建議配料可以少啲😂因為飲晒啲椰汁仲有好多配料剩😂

環境：餐廳小小，可容納大約20人。環境優雅，舒適。服務：一坐下，老闆就主動上前介紹這裡的特色食物，很細心，有禮貌地講解。最後點了餐牌上一些必食推介，包括: 原條魚花膠粉皮，班蘭雞尖塔飯，石栗馬拉盞炒通菜，牛油果沙冰和士多啤梨沙冰。食物：原條炸魚上碟，份量不少，皮炸得很香很脆，味道也很好。花膠湯裡的花膠很大，真材實料，很有骨膠原的湯，女人最愛。另外我第一次吃班蘭味道的飯，味道還好，雞的味道跟海南雞差不多，很嫩滑，還有兩個醬料提供，一個酸酸辣辣的，另一個是甜甜的，我個人比較喜歡酸辣的醬料。通菜真心覺得炒得很好，份量也很多，味道很香，很惹味。飲品方面，喜歡士多啤梨味的沙冰，酸酸甜甜的，還有真的很大杯。很滿意這個餐廳，服務態度很好，餐廳乾淨，食物份量大，價錢合理，味道一流。

非常地道的印尼餐廳，不論是餐廳的食物和裝潢。除了提供堂食，還可以在店門口購買一些印尼小食。炸雞班蘭尖塔飯 ($88)• 極之有驚喜和新鮮感的班蘭飯✨飯粒口感軟硬適中，充滿班蘭葉獨有的香味，同時均勻分布在每粒米飯之中，非常開胃可口。• 炸雞外皮金香鬆脆，包裹著嫩滑、充滿油香的雞肉，進食時用手撕開，更有風味。• 配菜還有一些酥炸小魚乾、酥雞蛋，配上香辣的印尼辣椒醬，十分惹味！牛肉沙嗲 (三串 | $56)• 肉味和肉汁都十分豐富和突出，配上惹味的沙嗲醬，充滿了東南亞風味。• 肉質可能因為燒的時間没有控制好而變得稍為韌了一點。涼粉冰 ($28)• 在吃完重口味的一餐，十分適合飲一杯。• 涼粉口感爽滑而且份量極多，椰奶飲完了都未能吃光涼粉。• 建議怕甜的朋友，可要求小甜。

美食推介💕教人一試難忘的班蘭葉印尼美食，不枉我們開車過海到銅鑼灣，絕對值回票價😍雜菜燒魚飯（$88）條魚好大條，肉質鮮嫩，燒魚個醬汁超級好味😍送飯一流，88蚊一份真係超值👍👍必試推介❤️❤️❤️老闆推介的炸碎雞花膠湯粉皮又係一絕（$68）😍❤️❤️❤️炸碎雞好脆，脆粉薄，醃料正，雞肉結實💕花膠湯粉皮湯底好溶好足料，粉皮吸曬味非常正❤️❤️仲有成條花膠，蟲草杞子，好味又有益，係一碗連湯都可以飲曬，一滴不漏的極上美食😍❣️石栗馬拉盞炒通菜（$72）炒得好翠綠，調味剛剛好，唔會太濃太咸❣️除左贊不絕口既美食，這裡的飲品都非常吸引，有好多選擇，我們點了涼粉冰（$28）和牛油果沙冰（$48）🍧好少飲倒牛油果沙冰，沙冰不是一粒一粒的，口感好幼滑好似雪花冰，加入朱古力醬層次更豐富❤️涼粉冰的涼粉切到一條條好幼細 好易入口 甜度適中，贊👍最後食埋班蘭葉蛋糕，好鬆軟，今餐真係大滿足❤️好好好味道，唸起已經想再食😋

用網上平台 訂位用餐8折，我知折扣一向都不包括套餐及餐飲，但未試過一間餐廳連叫都吾俾叫話因為用左網上平台 訂位，只可叫餐牌上的正價食品，講緊抗疫套餐係50蚊有個飯加野飲，但餐牌一個飯多數都要90蚊，我地打算有啲野食叫餐牌再叫個抗疫套餐，話吾俾，咁我地話我地直情吾用網上平台 個折扣了，當walkin客，兩個人都叫套餐，又吾俾老板話因為用左網上平台訂位 個system 就落吾到套餐喎，只可以叫餐牌啲正價野食喎，其實到依個位已經好吾合理！😑之後我聽到有位女店員話分開幫我地落單咪叫到囉！老板都係話吾得😂（吾明點解又吾得，吾太合理)最神奇地方黎啦！最後話如果我地肯出個12蚊訂位費（因老板聲稱要俾12蚊網上平台 )就幫到我地落個抗疫餐加正價餐啦哦，其實落到單的，吾關個system事，只不過最初想賺多啲錢咁解囉🙄根本就吾想客人叫抗疫餐俾個12蚊吾係問題，但成件事根本就係老闆吾想我地叫抗疫餐，賴話因為用左網上平台就落吾到order,想我地叫正價餐牌賺多啲！我明白之前疫情嚴重可能影響左好多生意，但賺錢都吾係咁賺！好吾老實

東南亞美食一向都係香港人嘅心水至愛，但印尼食物就未必個個香港人都試過。銅鑼灣糖街成條街都係印尼美食，今日揾左呢間比較具人氣嘅店舖，個名都已經話比你知係食d咩，就係主打班蘭嘅印尼美食。老闆好親切，介紹左好多值得一食嘅印尼菜。我聽佢推介，點左原條魚花膠湯粉皮。呢味菜真係女仔至愛，花膠足足有2大舊，可以好好補充骨膠原。味道方面，高湯煮得好香，同粉皮真係好配合。朋友就點左燒雞班蘭飯。燒雞好特別，除左火喉好之外，佢用左印尼秘製甜豉油，保證其他地方食唔到。班蘭飯都名不虛傳，令我諗起以前食班蘭蛋糕陣味。

平時經過銅鑼灣都見到呢間店好多人食，門前玻璃櫃放左好多印尼糕點同埋炸物，非常吸引🤤一直都好想試，當中包括有班蘭千層糕﹑紫薯千層糕﹑六白雙層糕﹑班蘭蛋糕等，而炸物就有炸朱古力香蕉﹑炸春卷等，價錢唔貴，一件糕點都係$7，就買黎試一試.班蘭千層糕 $7千層糕煙煙韌韌，口感軟糯，顏色同口感都有D似泰國三角形椰子糖🙈而班蘭味好出，層次分明，可以分開三層咁食，性價比高既甜點，有D後悔淨係買左一款黎試，下次試埋蛋糕先😋

印尼串燒就食得多，印尼菜就真係未試過，今次就有朋友相陪一嘗印尼美食；店舖面積唔算大，但目測可以坐到20-30人，今晚都幾滿座，大約個半鐘頭內已翻枱兩次，其中都有唔少同鄉客人幫襯，相信呢度出品算係幾地道～白鱔沙嗲 (三串) $98印尼沙嗲串燒果然係正，有驚喜！好香炭燒味，白鱔肉質結實彈牙，咬一啖，啲魚油慢慢滲出來，好好味！值得一試！一定要趁熱食！印尼四大天王 $78*轉班蘭飯 +$15見到多人食呢道四大天王，所以就跟風試吓喇～ 本身係跟普通白飯，加$15可轉班蘭飯或椰漿飯(伴魚仔，少辣)，任君選擇；印尼四大天王有白切雞丶巴東牛肉丶沙甸魚丶加多加多沙律。一碟可試哂4款印尼美食，抵！印尼語Gado Gado 代表雜錦嘅意思，係形容材料很豐富，而呢度係有椰菜絲、紅蘿蔔條、芽菜加上花生醬嘅沙律。原條魚花膠湯粉皮 $78原條炸魚上枱係有D吸睛嘅，size同隻碟一樣大，炸到好靚仔，脆卜卜，好香口。花膠湯底係似中式打邊爐嘅花膠雞湯味道，味濃稠密有膠質，湯內有一塊花膠，而粉皮好薄身，微微米香，口感滑嘟嘟，同花膠湯好夾！牛油果沙冰 $48比想像中大杯！有少少朱古力漿調味，淡淡牛油果味，夏天飲，透心涼😌芒果

我對印尼菜都幾陌生，平時食泰菜同越南菜就多，印尼菜真係第一次，餐廳比左個好印象我，包括服務態度同食物質素，老闆檯檯都會親自介紹餐廳有咩出名菜式﹑如何烹調﹑有咩材料等等，等我呢個新手冇咁迷茫🥰同埋呢到好多人黎食，本地人同印尼都多，可能手法正宗，吸引到一班FANS🤣小店牆上掛滿餐廳食物相片，又有斑蘭葉作裝飾，添加小島風情，比人感覺好舒服👍🏻－－－－－－1. 印尼小食拼盤 $88 7.5/10拼盤都幾豐富，包括有炸豆腐、炸雞、炸秋葵、黃豆餅、雞翼，中間係酸辣醬，推介炸豆腐👍🏻炸粉好薄完全唔油膩，食落真係好嫩滑，加埋惹味酸辣醬，真係好好食😋炸雞一樣好嫩有好JUICY，外皮炸得好脆口，雞翼相對地就較普通，外皮燒得微脆，調味不錯，仲有好少見既炸黃豆餅，食落幾粉同埋乾身，不過我唔太好豆類🙈2. 燒雞班蘭尖塔飯 $98 8.5/10綠色班蘭尖塔飯真係好吸引🥰飯乾身粒粒分明，而且聞落有淡淡班蘭香味，好有風味，燒雞有半隻，餐廳會提供手套方便客人撕開黎食，燒雞加左印尼風味醬料去燒，所以表皮會比較重味，食落皮薄肉嫩，唔洗蘸汁都已經夠味😋隨碟有辣椒醬可以蘸，有辣椒、青檸、洋蔥等，不過真係偏辣3. 原條魚花膠湯粉