班蘭葉印尼餐廳

營業中

休息中

東南亞美食一向都係香港人嘅心水至愛，但印尼食物就未必個個香港人都試過。銅鑼灣糖街成條街都係印尼美食，今日揾左呢間比較具人氣嘅店舖，個名都已經話比你知係食d咩，就係主打班蘭嘅印尼美食。老闆好親切，介紹左好多值得一食嘅印尼菜。我聽佢推介，點左原條魚花膠湯粉皮。呢味菜真係女仔至愛，花膠足足有2大舊，可以好好補充骨膠原。味道方面，高湯煮得好香，同粉皮真係好配合。朋友就點左燒雞班蘭飯。燒雞好特別，除左火喉好之外，佢用左印尼秘製甜豉油，保證其他地方食唔到。班蘭飯都名不虛傳，令我諗起以前食班蘭蛋糕陣味。