班蘭葉印尼餐廳

營業中

休息中

今日帶媽去朋友推介的印尼菜館吃晚飯。菜館細細，坐滿客人，有本地人和印尼人。老板好好人，他好勤力招呼客人，並向客人介紹印尼美食。媽按老板推介，選了印尼花膠湯班蘭雞粉皮。雞肶又滑又美味，肥瘦適中，點特製雞醬超好味。粉皮吸滿濃湯又香又滑，濃湯味鮮甜，花膠又淋滑，充滿骨膠原。叼嘴的老媽都讚好味。我選了石栗馬拉盞炒通菜和黃薑炸原條魚雜錦飯。用香料醃製的黑鰂魚很鮮甜香脆，配菜如炸豆腐，炸矮瓜和豆餅都好味有特色。芽菜青瓜和生菜鮮甜，臭豆很特別。炒通菜惹味。香芧椰糖薑蜜有益健康又滋味，珍多冰香甜有特色。我們吃得很滿意，兩個人消費$324元，物有所值。飯後忍不住買了些印尼糕點回家享用。小店出品有誠意，值得支持。

每次行過都見店舖大排長龍，座無虛席，雖然係食印尼菜，但不少香港人都去支持店舖，可能手法正宗，二來足料同抵食除左主食，門外仲有班蘭蛋糕同印尼糕點，但我次次都同班蘭蛋糕無緣－－－－－－印尼四大天王飯 $78 8.5/10係其中一項必食推介，分別有雞肉、辣沙甸魚、巴東牛肉同雜菜，巴東牛肉配飯食真係一流，肉質軟腍，食到一絲絲肉，而且辣味唔會過重，非常惹味；雞肉大件，皮薄厚肉，不過雞味唔太出；沙甸魚冇魚腥味，味道偏辣；班蘭尖塔飯必定要加錢試，綠色飯堆成塔一樣，食落煙靭，有淡淡班蘭葉香原條魚花膠湯粉皮 $88 8/10炸魚真心推介，炸得好出色，用左十多款香料先炸後燒，每條都落足心機去整，魚皮非常香脆，魚肉嫩滑，唔會過老另外冇諗過食印尼菜都會食到花膠，仲要唔係好細塊，膠質幾重，真材實料，而粉皮滑溜，口感有點似腸粉皮，湯鮮味十足炸柚子雞翼 $58 8/10一客有六隻，新鮮炸起，顏色金黃，加上柚子醬同蔥花，柚子的酸甜可以解膩，不錯小食椰汁冰 $38 8.5/10佢地飲品可以稱為家庭裝size，一個人根本飲唔哂，二個人飲都勉強，椰汁味好香濃，香甜又滑

Long time no Indonesian food. Our last Indonesian meal was about half a year ago! This place immediately came to our mind when we thought of somewhere Indonesian to go, given its convenient location, nice food quality and reasonable price. It was very busy even for Wed dinner. It was full house but luckily we managed to get our table on time as we had made a reservation in advance.The menu had a lot of choices which took us quite a while to make up our minds. They had main courses, rice, noodles

今天晚上去了這家餐廳食晚餐主要是因為被它綠色的飯所吸引，因為班蘭葉可以把這些飯染成這種顏色。今次叫了三吋白鱔一條烤魚及另外還有花膠雞湯粉。最有驚喜的可以說是沙嗲白鱔，白鱔味很濃郁及多汁另外有沙嗲醬給你作為醬料，但我還是喜歡原味因為可以把濃郁的白鱔未發揮到極致。另外花膠雞粉也十分之好吃花膠及雞的湯底令到成碗面很濃郁及很健康。最後想講一講那條燒魚其實是用非洲鯽魚來製作而成的，皮很脆魚肉也很多比想像中大條。有機會下次還會去這裏吃。

見到咁多好評又唔知食咩 就試一試佢本人好鐘意食串燒 所以一口氣買齊雞牛羊白膳沙嗲醬加左香茅味ge 香料? 我本身對香料麻麻 但燒得係好味ge 最好熱辣辣食白膳皮脆但口感有d 淋 係厚肉的羊肉有羶味 唔知係咪因為凍左 因為要等朋友仔收工先一齊食 推介係班蘭雞有雞味 算滑口牛串燒有d 筋位最好咬走 唔係會影響口感 質感係淋的原隻龍蝦花膠粉皮 龍蝦抵食 炸龍蝦肉新鮮彈牙 牛仔骨花膠米粉 牛仔骨燒得好香 汁好味 但可惜佢比錯左粉皮我 所以兩碗都係粉皮 sad花膠湯就正常都重味但偏咸 一碗有膠嘴 另一碗無

銅鑼灣向來都是找吃的好地方，今次約左朋友見面，特意想發掘一些低調不顯眼，但又能有潛力納入我們最喜愛名單的店舖。一經過這間印尼小店我們便被他的菜單吸引著。鋪頭門口放印尼甜品和小吃出售，全部的樣子都很傳統很正宗似的，有興趣不妨一試。《班蘭雞飯》餐廳最近做緊抗疫優惠，大部份餐廳的拿手菜式都以優惠套餐價$50出售。這青BB的班蘭飯的形狀十分有趣，呈三角形，班蘭和椰漿的味道都很重，米的口感則較黏彈，似乎是用糯米煮成的。雞肉的肉質嫩滑多汁，而且雞肉已經去了骨，可見老闆並沒有將貨就價，實在是良心小店。雖然雞肉沒有像海南雞一樣有甜醬油可以蘸，但卻有班蘭醬可以蘸，有過之而無不及呢！《燒牛仔骨花膠粉皮》從來沒有想過在這種小店竟然可以食到花膠，老闆這個配搭真是創意十足，而且認真益街坊。軟綿綿的花膠配上濃厚的雞湯湯底，令人忍不住一口接着一口，湯底完全沒有味精，我還把湯底幾乎全部喝清呢！燒牛仔骨也十分出色，即叫即燒，而且味道也很惹味！唯一遺憾的是當天的粉皮沽清所以用了河粉代替，不過依然不減美味程度。

Yesterday tried the beef rendang, assorted rice n beef short ribs....the beef short ribs were terrible so today take away order were grilled duck leg n the other 2 same dish with rice. But were given the wrong order. Instead of the grilled duck leg it was shedded coconut beef riceonly realised it was wrong order after opened the box.since we had took a bus back to work place n was so hungry so didn’t want to waste time go back to the restaurant 😔by the way the shedded coconut with beef rice is s

Ordered beef rendang with rice, Indonesian assorted rice n beef short ribs rice. The beef short ribs is very tough, dry, not nice. Maybe the other type grilled beef short ribs is better? The other 2 orders were good.

有一排想搵下銅鑼灣有d咩平既餐廳好食 唔想每次食平少少都要揀譚x米線 食到都厭厭地 加上香港都好少餐廳食到正宗印尼菜 又見到d食評話好食就黎試一試環境其實都幾細 得幾張枱 可能專做外賣生意掛本身想叫炒粉 點知落單時先知原來禮拜六係全部炒野都冇 就叫左撈麵食 本身都冇咩期望都係平時d印尼撈麵啫但呢個芝士炸雞撈麵係餐牌上係有個廚師推介既logo 點知！又真係幾好食咼 個炸雞好值得一讚 口感鬆軟 好有東南亞炸雞得黎 入面d肉同韓國炸雞一樣好濕潤 份量又夠 有成3舊大炸雞 d麵就係正常既印尼撈麵再加d炙燒左既芝士 有拉絲效果男朋友就叫左呢個咩都有d既飯 咩都有d但全部既份量都唔少 隻碟裝飾都好有印尼感覺 仲有個韓國風 唔係好關印尼事既柚子雞翼柚子醬食得出就係平時喺超市買沖柚子茶嘅柚子醬 偏甜 但份量5隻 雖然幅圖有6隻😂但唔緊要 我地都好飽 下次會再食其他野只係食既時候 我地大家都概嘆香港食嘢真係好貴 比著係峇里食呢度可以只係百幾蚊

喺限聚令之後好耐無出去食飯，難得今日同朋友下午喺銅鑼灣見面，於是就揀咗一直好耐想試嘅班蘭葉印尼菜門口呢個位每次經過都好想買啲小食黎食，但奈何每次都食飽左入到裏面覺得裝修到幾地道，店面亦都幾乾淨印尼小食拼盆全部熱辣辣新鮮炸起，有秋葵、豆腐、雞件、雞翼等等...全部都好香口，而且入口又唔係好油膩~印尼咖啡涼粉冰同珍多冰入口好香又唔太甜既咖啡涼粉，有得飲又有得食好爽...珍多冰就正常椰汁味亦唔算過份甜虎蝦花膠湯粉皮粉皮滑到無得輸，加埋花膠湯底係絕配~ 湯飲落好清甜同真係有花膠香味，飲完都有少少漿口感覺~ 虎蝦都爽口有鮮味，有走過油既蝦殼脆卜卜，但唔算好大隻，係中size黎既~印尼四大天王叫一個飯有齊四個願望，配料有巴東牛肉、海南雞、蕃茄沙甸魚、加多加多，全部都做得好有水準，好正宗印尼口味，配埋班蘭飯一流班蘭蛋糕最後叫左件我至愛嘅班蘭蛋糕，質地鬆軟而味道剛好唔太甜，食完好滿足~

心大心細食咩好？四大天王滿足哂4個願望!!!四大天王裏有：巴東牛肉帶點香辣軟腍入味😳!!!斑斕雞芳香斑斕味又嫩滑🤤!!!蕃茄伴沙甸魚開胃又惹味🤪!!!花生蔬菜沙律清新可口😌!!!撈撈下飯就食左成座斑斕飯⛰hahaha 只要+HKD15就有升級一座斑斕飯⛰你人生可能未必時時刻刻都有靠山⛰，但+HKD15可以改變你呢一刻心情，呢一刻味覺享受，呢一刻運情🤣相信我！你值得擁有！斑爛飯⛰唔係度度有，整得正宗又好味既更難搵!!! 嘢飲方面，椰汁珍多冰咩都有啲失色...珍多冰口感有啲林 另外再叫咗個炒通菜，choi非常之嫩口！炒得夠晒鑊氣！所以要返個椰青年咁就一定冇死！😍😍😍果然清甜又多汁！最後加埋甜品先可以叫做滿足老闆推介斑斕蛋糕果然香軟，好香斑斕椰汁，仲有點蛋香添你都仲要幾好味添！下星期又要再嚟過！餐廳仲有埋抗疫餐單添啊，晏晝得閒過嚟食下又可以幫銀包慳返啲錢喇

夏日炎炎要開胃🦦🌞夏日炎炎在銅鑼灣街頭，🥵急需食D甜甜地、凍凍地嘅好東西！眼見有間綠綠地的餐廳🍀叫”班蘭葉”, 就好似沙漠中的綠洲🏝向我招手⋯我即刻入去飲番杯沙冰🍧急救急救🧊！我哋order 咗🥑牛油果沙冰，👉🏼牛油果果味突出，甜度適中，沙冰密度高；大口一吸，心都涼晒 🌊！黑糯米特飲🧉，軟糯、冰涼、香甜同時發生！ 🧑🏾‍🍳班蘭葉確係甜品專家....正👍🏻👀掃射到人人都叫班蘭雞，真係非試不可！ 🐔鷄來了，黃油黃油的好靚仔🧝🏼‍♂️，慬熟、嫩滑、少脂肪！沾上清新的班蘭醬，或是掛上濃豉油，同樣地不負衆望！🎯🐟黃薑炸原條魚雜錦飯～炸魚外皮酥脆，內裡Juicy; +$15 轉椰漿飯，好好味🍚內含椰香、魚干仔、nuts ! 連side dish 都係吃得又睇得，個組合好🉐️，必食之選！🧕🏼原來老闆娘係正宗印尼人，原來正宗印尼菜咁好食🥳

印尼就未去過，但傳聞話呢間印尼菜好正宗，咁緊係要去試一試。燒雞花膠雞粉皮花膠都幾大塊，好香好滑，咬落唔會太硬。粉皮唔會煮到碎，一片片層次好分明，老闆仲話飲得多會養顏，搞到我連皮帶湯都清哂。燒春雞雖然得半隻，但都好大隻，外皮燒到好香脆，戴埋手套用手食先至原汁原味。可惜嘅係雞胸老左少少。牛油果沙冰沙冰大大杯，冰凍得嚟好黏，飲落好嫩滑，牛油果味好濃郁，清新得嚟又唔會太甜。值得推介。羊肉沙嗲串平時都唔太鐘意羊肉陣羶味，但今次食落唔會覺得羶，咬落好有嚼口，配埋秘制沙嗲汁，真係會食上癮，搞到我嗌完三串又三串。黃薑炸原條魚什錦飯魚燒到恰到好處，外皮鬆脆，肉質卻十分軟熟，高溫燒烤令到魚油鎖緊係魚皮入面，一切開魚皮，魚肉嘅鮮味溢出。食落好鮮甜。另外，伴盤有秋葵同印尼蕃茄，今次係我第一次食印尼蕃茄，賣相有啲似蕃石榴，食落好爽口。

約舊同學去銅鑼灣食飯 想當年 經常去校旁間印尼餐廳食學生餐碟頭飯 今晚懷緬過去 食印尼嘢-🦆🍢 鴨肉沙嗲 ($58）必叫小食 鴨肉串燒係最新出品 肉嫩又juicy 連鴨皮食 油脂甘香唔肥膩 口感似香口版嘅煙鴨胸 點吓花生醬 多咗鹹香滑溜 效果唔錯-🐂🧆巴東牛肉 ($128）用牛肉粒牛肉碎堆疊而成 嘅個招牌印尼餸 外表平庸 精髓卻在其中 牛肉經過多小時燉煮 成粒變碎 多角度吸收香料同椰奶 味道微辣少甜 滋味無窮 伴飯一流 👍-🐟 🥗🍚雜菜燒魚飯 ($88）朋友係魚痴 食少一次魚都空虛 乾脆叫原條燒魚碟頭飯 俾佢醫肚兼慰籍心靈 魚皮煙靭帶些少燒汁煙薰香 魚肉唔乾冇死實 辣椒絲🌶鼓油起畫龍點睛嘅效果 刺激味蕾 提升魚鮮味-🍸 🍋箭葉果混吉蜜 ($28)我唔知箭葉果咩嘢樣 味道係點 本着一試無妨嘅心態🤞 佢外表皺巴巴 外皮厚實凹凸不平 味道酸中帶澀 溝果蜜成開胃熱飲 酸甜有致 有啲似青檸金橘蜜-🍸 🥥黑糯米特飲 ($30）黑糯米耐嚼 補血氣 加埋椰汁 無敵嘅配搭 啜幾啖冰凍椰汁 香滑少甜又解渴 完勝椰汁紅豆冰😝-仲買咗啲甜品返屋企食：-📍銅鑼灣糖街1-5號銅

銅鑼灣其實都多嘢食，經過班蘭葉印尼餐廳，因為之前聽聞呢度d嘢好食，所以今次就去試下。 我哋order咗白鱔沙爹三串、印尼花膠湯斑斕雞配斑斕飯、燒牛仔骨，飲品叫咗碟豆花特飲同埋印尼咖啡涼粉冰。最想講係個燒白鱔，特製醬汁加埋蜜糖搽喺個面度，加埋白鱔嘅鮮味，真係燒得好正! 最緊要係即叫即燒，完全新鮮同埋特別在起曬所有魚骨，一條魚骨都冇，啖啖鱔肉絕對值得推介。花膠湯就超濃郁連埋個飯食味道一流，而且花膠湯入面嘅料因為多同埋煮得耐嘅關係，唔會好稀。班蘭雞就用咗特製印尼嘅做法，雞肉超柔嫩皮都入曬味，我雞肉連雞皮一齊食超滑。牛仔骨就用咗印尼醬汁燒，而且用咗上等牛排所以牛仔骨超冧同埋好有印尼風味。而兩杯特色飲品都係傳統印尼飲品，我覺得夏天飲絕對一流，好解暑解渴，其他地方好難飲得到呢類型嘅特色飲品。