班蘭葉印尼餐廳

營業中

休息中

五個人食咗$800 dinner 其實係幾抵食! 帶埋印尼工人姐姐一齊去食，佢都話好正宗! 👍🏻👍🏻👌🏻👌🏻gado gado sals is a bit spicy but yummy still. 但係蝦片唔夠脆😳👍🏻👍🏻👍🏻特別推介係個牛仔骨, 印尼姐姐話呢個唔係印尼嘅餸，係屬於香港口味😂🤔🤔🤔🤔呢間餐廳食剩嘅嘢唔准帶走，問佢點解佢話冇原因，喺而家咁講求環保嘅社會，呢一樣野真係好失敗🤦🏻

說起印尼有名的食品，大家都會不期然想起那家傳戶曉的印尼撈麵，但除了撈麵外，印尼還有不少好吃的菜色呢！這次來到位於銅鑼灣的印尼小店，這裡的食物款式比想像中要多，雞牛魚等等都有，最後點了幾款主食和小食。📌燒雞斑斕尖塔飯斑斕飯帶有陣陣椰香，非常開胃。燒雞份量都幾多，烤得外皮香脆，入面仍舊保留肉汁，香口惹味。📌原條魚花膠湯粉皮花膠湯骨膠原豐富所以湯汁比較濃稠，仲食到有大大塊花膠，真喺落足料去煲。粉皮吸收哂花膠雞湯精華，食落口滑滑的好入味。原條魚都幾大條，炸到外皮香脆，魚肉本身有用香料腌製過，食落又幾好味。📌沙嗲牛肉串燒完嘅牛肉好香口，肉質依然嫩滑唔會鞋。最鍾意呢到個沙嗲醬，除左好濃沙嗲味之外仲食到有少少青檸味，食落酸酸地好開胃。📌珍多冰椰汁味夠香濃，加埋底下口感煙韌的配料很好吃。📌牛油果沙冰嚟到嘅時候我地都嚇左一跳，沙冰堆得滿滿的份量好大杯。沙冰都有牛油果味，不過味道稍為甜左啲，飲落有點膩。

銅鑼灣呢條街附近好多印尼餐廳，呢間店舖門面雖然唔係好大但係入面裝修都幾有心思～唔好睇佢細細間原來有好多嘢食！呢度嘅老闆好好人！每位入嚟嘅客人，佢都會好細心咁樣去介紹餐廳嘅食物👍🏻其中呢度最出名嘅應該就係班蘭飯，不過今次想試下個椰漿飯🤤所以將本身個班蘭飯底轉左做椰漿飯～呢個燒雞好好食～外層燒到好惹味🤤肉又唔會好乾👍🏻真係火喉控制到剛好～ 加埋個配送既醬汁，酸酸甜甜咁，幾開胃～我朋友就叫左個花膠湯粉皮～原條魚上！條魚勁大條！又厚肉！外皮用油炸既方法炸到勁脆😍配埋印度既辛辣香料，連本身唔係好鐘意食魚既我都覺得好食～一啲都唔腥👍🏻叫埋碟馬拉盞炒通菜～ 雖然油左少少～但好入味👍🏻呢度既野飲原來都幾大杯～又足料！唔錯～最後加埋個班蘭蛋糕～ 呢餐真係好滿足呀！🥰🥰

香港其實好少專門食印尼菜嘅餐廳，可能因為受眾實在太少。好唔容易先至喺糖街搵到呢間餐廳，佢雖然係印尼正宗嘅菜式，但係亦都糅合左香港本土風味，所以啲菜都好啱胃口。我其實係想食佢嘅花膠湯麵🍜，然後發現佢個菜單有好多款可以選擇，我就揀咗個雞烏冬，花膠湯。啲雞來時非常滑，係黃油雞，非常新鮮，而且啲雞油配埋雞肉一齊食，就冇咁乾爭爭，反而覺得非常Juicy。之後我試左佢嘅串燒，特別揀咗係鱔，想睇吓佢嘅串燒同埋日本餐廳嘅鰻魚串有咩分別。結果發現，佢嘅鱔係比較多骨，但外皮就真係烤得比較好同脆，最重要係配埋佢嘅特色沙嗲醬，甜得來亦有花生，一啲都唔辣，所以真係唔怕一點再點。再之後就係佢嘅炒芽菜，呢一款芽菜同我哋平時喺餐廳食嘅好唔同，除咗佢嘅芽菜比較大粒，比較圓身之外，更重要係佢用咗啲酸酸地嘅汁去炒，所以係會零舍開胃。我最後叫咗佢杯印尼咖啡冰，開頭以為呢杯野會好甜，但其實發現一啲都唔甜，因為佢將糖漿放到落去杯嘅最底部，咖啡同埋奶就係面層，所以如果飲管唔飲到啲糖漿嘅話，就一啲都唔會太甜，相反，其實個甜度可以自己控制。我會比呢間餐廳幾高分下。

已經係第二次幫襯了，上次o黎餐廳無中間呢d 竹製屏風，相信係疫情之下新加。轉危為機，比起其他餐廳一塊膠咁，呢隻完全融入o左o係間鋪本身o既design 入面，唔係我講你都唔知。一如既往o既係，無論當時有幾忙，老闆都一定會o係你坐低後盡心詳細介紹個menu，親力親為！燒雞班蘭尖塔飯($98) 夠晒地道，原隻上，餐檯已經準備好手套俾你用手食。燒雞沾上特色醬汁，本身已經好惹味，令人流晒口水；點埋佢另附o個隻青檸辣醬，會再多一重類似冬陰功o個類o既味道。班蘭飯呈淺綠色，o係班蘭葉o既香氣之中，再帶少少香茅或者薑o既氣息。虎蝦花膠湯粉皮($98) o既虎蝦有3 隻，隻隻都超大，炸到外面仆仆脆，裡面o既肉則結實味濃。朋友會起晒d 殼先食，我就成隻o黎喇，都不知幾正！粉皮係類似河粉o既質地，但感覺輕身一d；浸o係花膠湯入面，淡淡鮮味，而且真係有一大舊足料花膠俾你品嚐，貨真價實！上次我試過佢地d 白鱔串燒，o個個真係好好食，驚為天人，五粒星！可惜今次咁o岩無得叫，於是改為叫o左份羊肉沙嗲($58/3 串)。沙嗲醬係分開上的，辣度唔高，可以多蘸一d，更添風味~朋友係牛油果控，點o左一杯牛油果沙冰($48

銅鑼灣糖街集中左唔小既東南亞店，姐姐們都會係呢頭買野食同日用品，黎呢頭食印尼野實正宗啲。呢間印尼美食店舖細細，menu就有好多選擇，全部都好吸引。原條魚花膠湯粉皮 $78花膠雞湯底濃郁，花膠軟淋，粉皮好滑仲吸哂湯汁既精華。原條魚炸到好香脆，外皮用香料醃製到好香，魚肉保持到好嫩滑，唔會炸到好乾身，呢條魚好有驚喜👍🏻芒果沙冰 $48芒果味好濃，好甜好解渴炸碎雞撈麵 $68炸雞皮脆肉嫩多汁，炸粉酸酸辣辣，好惹味。撈麵可簡辣或唔辣，辣味好夠辣🔥班蘭雞(半隻) $90班蘭雞醃到好香，雞肉味濃仲好嫩滑，好多肉汁牛油果沙冰 $48有淡淡既牛油果香味，沙冰好smooth，甜度岩岩好

🔸巴東牛肉班蘭尖塔飯($88)分數: (8/10)牛肉稔，汁好香少少辣，好啱送飯。綠色飯落左少少班蘭，但味唔濃。.🔸印尼花膠湯班蘭雞粉皮($78)分數: (7/10)班蘭雞有廂油香味，肉質可以，唔鞋但唔係非常嫩。湯底落左花膠杞子煲，粉皮有d似好闊既河粉。.🔸石粟馬拉盞炒通菜($72)分數: (7.5/10)味道偏鹹，但炒得幾香，算大份。.🔸芒果沙冰($48)飲落似芒果乳酪味雪糕。.🔸碟豆花特飲($28)椰奶味重。.門外擺放左好多印尼小食同特色甜點作外賣。

🌿 班蘭葉印尼美食 (銅鑼灣)銅鑼灣糖街1-5號銅鑼灣商業大廈地下B2舖🔴🟠🟡🟢🔵🟣🟤⚪️🔴🟠🟡🟢🔵印尼四大天王❤️💯推薦分別有鮮嫩班蘭雞/巴東牛肉/沙甸魚/咖哩雜菜岩哂👧🏻心大心細既我，可以一次過試幾樣👧🏻最鐘意巴東牛肉和咖哩雜菜本來諗住咖哩雜菜個醬甜甜地，點知後勁陣辣味湧上來😋😋好惹味這4個配料好岩餸飯🍚不知不覺間已食哂整碟飯😋半隻班蘭雞🐔🥭芒果沙冰/青檸梳打🍋

東南亞菜式中，泰國菜食得多，印尼菜真係好少食。今晚友人介紹了一間印尼菜小館，位於銅鑼灣，環境有地道風格，只是黃昏6點，基乎爆滿，可想言之是人氣之店。綠豆冰外面氣溫三十度左右，一杯清涼解喝的綠豆冰，有綿綿綠豆蓉，充滿椰香，透心涼，清暑。斑蘭雞賣相吸引。有油光。薄薄的一層皮，沒多餘脂肪，啖啖肉香。印尼特色炒飯炒飯乾爽，粒粒分明，配料有雞肉，魚仔乾...囗感豐富。串燒雞肉，調味醬料帶有少少酸，又有少少辣，不錯。

銅鑼灣好多嘢食但通常來來去去都去返果幾條街🏃🏿‍♀️🏃印尼餐廳未及泰菜開到成巷成市🍴通常都係串燒燒烤店多，好似班蘭印尼美食嘅印尼餐廳少見啲（🌟如有記得推介我）店內充滿熱帶風情🌴現場都唔少印尼姐姐！🔸印尼四大天王 $78貪心如我想樣樣試啲😋有巴東牛肉，班蘭雞，有魚有菜，好豐富，飯可選黃薑飯或班蘭飯！沙嗲汁真係會食到人停唔到口🤣🥑牛油果沙冰 $48🥭芒果沙冰 $48我個人極推薦🥑好creamy同滑唔會好甜，加咗朱古力醬層次提升！🔸羊肉沙嗲三串 $58食印尼野點少得串燒，燒得香口啱啱好，仲有惹味嘅沙嗲醬，推介推介🌟🔸燒雞班蘭尖塔飯 $98同樣燒烤類嘅食物做得好出色，好香好惹味，但肉質依然保持嫩滑多汁🤤

平時行經過銅鑼灣見到好多姐姐喺門口，今晚平日經過見唔使等位就入去試下。老闆好細心咁介紹咗餐牌既食物俾我地，依家仲做緊抗疫優惠，$50套餐仲包飲品～我地二人叫咗一碗粉、一個主菜、一個菜，同兩杯飲品印尼花膠湯斑蘭雞雞粉皮：真係有花膠架，個花膠湯好濃郁，花膠亦好軟淋；斑蘭雞分開上，雞肉嫩滑，又唔肥，配粉皮連湯飲好正淨燒牛仔骨：牛仔骨好夠味，燒到好野味，肉唔韌，配埋個秘製汁，好食石栗馬拉盞炒通菜：馬拉盞唔算辣，食得出好有獲氣柑桔青瓜冰：成杯都係青瓜絲，好清新箭葉果混桔蜜：個名都好很意，飲落就係青檸柑桔蜜，甜甜地，好潤喉價錢唔貴，食物亦有質素

嘩，銅鑼灣特色餐廳都幾多，咩國家菜都有今次我同我個朋友就試印尼菜。 - HK$88印尼小食拼盤～小食嘅菜單入邊都幾多下樣樣都咁特別樣樣都想試。最後我哋好念是一個印尼小食拼盤樣樣都有。炸雞嘅外型真係有啲似肯德基。好食過肯德基好多薄脆肉汁多又嫰肉；炸秋葵幾特別估唔到咁好食；炸豆腐點酸辣醬好正；烤柚子雞翼就甜甜地size幾大；壓碎黃豆餅脆脆地又硬硬地，好特別又幾好食，好飽肚架又營養高； - HK$78原條魚花膠湯粉皮～wow,上枱時花膠湯仲熱辣辣，有煙出😍花膠都幾都彈牙喎估唔到同滑滑粉皮一齊食，可以咁好食架😋粉皮吸晒湯嘅精華，真係爽呀！

今日第一次食印尼菜，心情既興奮又緊張，因為我完全唔知正宗印尼菜係食咩🤣，為免中伏，我地揀左Openrice上最熱搜No.1既印尼餐廳 - 銅鑼灣班蘭葉印尼美食。牆上掛滿一系列餐廳食物相片，從中發現餐廳用以樹木製既盤代替碟，餐桌餐椅亦以木系為主，加上天花板上既仿真班蘭葉🌿，散發熱帶小島風情。食物款式超級多，飯類及主食分別超過20款，最出乎意料嘅係花膠湯粉皮系列，不過我同女友決定先食啲印尼經典菜式。- 印尼四大天王飯四大天王指魚雞牛菜，雞既味道十足海南雞，沙甸魚酸酸甜甜，牛肉不過不失，惹味但肉質偏硬，菜加左醬汁幾清甜。以上四款都唔算辣，最辣竟然係椰漿飯，原來椰醬飯加左辣椒碎，辣到個心熱烘烘😳。- 雜菜燒半雞飯 名副其實半隻香燒雞，外皮有少少焦香，唔期待雞肉十分嫩滑，但至少幾多汁，蘸汁會更惹味。- 羊肉沙嗲三串羊肉香氣十足無膻味，沙嗲醬係靈魂所在，花生味特濃帶微辣。- 鴛鴦芒果汁藥水味好重，而且好「水」，唯一可取之處係夠大杯，可以解辣🤔。- 青檸梳打解渴一流，入面仲有綠色粉條，口感幾豐富。整體而言，串燒好正，沙嗲醬好啱香港人口味。至於飯類份量好多，飲品一般般。最深刻一定係椰漿飯，反差實在太大

食勻全世界第六站嚟到印尼🇮🇩 成日都會經過呢間小小嘅店,今次終於嚟食,原本book咗7pm但因為店面細都要等15-20分鐘之後先入到去,係等待期間就可以睇下門口啲印尼小食止住渴先～四大天王有沙嗲菜、沙甸魚、巴東牛肉同海南雞～對於我呢啲貪心嘅人,一碟飯有齊四種餸簡直perfect🥴不過！我睇小咗佢嘅辣度🌶🌶🌶如果唔食得辣嘅話叫定杯珍多冰幫條脷冷靜下😝比較鐘意巴東牛肉同雞,牛肉唔會太硬又惹味而雞肉鮮嫩湯底清甜但大型牛丸有少少難整開而且牛丸bb唔夠彈牙,另外麵嘅份量較少,所以唔推薦沙嗲白鱔幾驚喜,肉幾厚而且烤到微焦,個汁勁辣所以我單食白鱔本身嘅味道已經好夠解辣良品😂

呢日過銅鑼灣做嘢，收工後同事話帶我去附近食間特色印尼小店。一去到見餐廳裡面好多人！外邊仲有唔少人等位！睇嚟好受歡迎，我地二話不說即刻拎飛等位！門外有好多印尼特色糕點同小食，等位其間，都見有唔少人嚟買。⭐️印尼四大天王飯(+$15轉黃薑飯) $93四大天王包括：班蘭雞：雞皮爽滑，肉質細嫩巴東牛肉：好腍好入味，餸飯一流辣茄汁沙甸魚：酸辣醒胃，好惹味加多加多：味道清新，沙嗲醬嘅花生味香濃，好有印尼嘅特式⭐️燒牛仔骨花膠湯粉皮 $78燒牛仔骨惹味香濃，但肉質略嫌唔夠鬆化。花膠湯粉皮好正！花膠湯味道濃厚，足料到痴咀，飲哂成碗湯都唔覺口渴。粉皮似腸粉，滑溜彈牙。⭐️烤柚子雞翼 $48柚子香甜清新，雞翼烤得外層焦香，但內裡肉質保持嫩滑juicy。⭐️士多啤梨沙冰 $48⭐️芒果沙冰 $48兩杯沙冰甜度適中，好fresh好清甜。