王子飯店 (已結業)

老細響AQUA包場,人太多大,所以工作人員只能在這裡吃飯新開張的時候係食過一次又貴又唔抵食今次普通菜式反而覺得ok(兼且又係本人俾錢,要求當然唔同)燒味拼盤唔錯,义燒最出色xx烏雞湯夠濃浸菠菜鮮淮山-味道ok,不過感覺兩種材料不太配合炸子雞-皮脆煎大蝦-夠入味xx炒飯-味道普通,夠乾身

情人節同男朋友去王子食飯,果晚d餐牌係set死左只有果款,每人700幾蚊一個set dinner!!!!貴到眼特,,都算,,睇下有咩好食la~佢果set野咩菜都有,又有鮑魚,又有翅,又有魚生等等,但食完後,,完全唔記得食過d乜~!而且味道勁勁普通,,又話整鮑魚好能手~完全唔覺,勁失望~總之下次比埋錢我都唔去~>.<~

舊同學聚會，諗住食間好d，一行四人走去北京道一號。上到十一樓就見到有好多名人照片及獎項掛晒係牆上，夠晒氣派，因沒有預約的關係所以安排座在近大門的位置，冇維港夜景睇。我地叫個套餐A加多四個小籠包，第一道菜係海王翅，食食下有d硬物(垃圾)係個口度，吐出黎係幾塊白色物體，已經冇晒心機同埋期望，跟住既海蔘，雞，小籠包，炒飯，魚全部都普通冇驚喜。身穿啡色衫的侍應服務態度好好，經常同我地換茶及好有禮貌，但穿西裝的侍應(可能高級d)整晚係度講是非(從佢地既眼神就知道佢地講緊邊檯客)，可能我地都係目標之一最後到甜品，個濘濛雪萉好好味，但到埋單，穿西裝侍應竟然先後拎兩張唔同價錢的單據叫我朋友簽名，如果唔係我朋友睇清楚就真係..............埋單二千四百幾，我深信係北京道一號是但搵一間食肆服務態度好過佢！

完全是名過於實.<br />服務差勁,當作是吃環境...但是兩百幾,我就完全覺得不值.<br />一行八人,點了五個菜啩..不記得了. 份量特少,我跟丈夫就吃不飽,加埋甜品,都係五成左右,還好我班朋友比較細食.<br />雞-有點鹽<br />炒豆苗, 好似是100一碟,味道一般,真係嘩一聲,重係好細好細碟.<br />初初坐下,也有替我們倒茶,但是食咗30分鐘後,就冇理我們了.<br />最激氣是在serve甜品時,我們各叫了一樣,那位姓張的主任(那晚有4位主任級人士,沒帶眼鏡,皮膚比較差的那位)跟待應各拿著4碗糖水,他命令那待應只是放低糖水在枱上就走了,那沒有跟我們說是什麼糖水,我們就各自自取了.<br />唉,在這種地方,食物又一般,可能係魚翅及鮑魚,會好好味?那不要做其他小炒算了...但是我比得這些錢,就是要買他們的服務吧.真係不知所謂.主任級那麼差勁,應該要再培訓.真係好想叫他們去鏞記及農圃看看什麼是服務.<br />

12/12星期五晚因為有外國朋友旅行回港,所以友人book了一間向海景的房間晚飯,順便欣賞維港夜景.當晚由友人點好菜式..燒味拼盤<--以這個價錢級數謹可入口一般胡椒豬肚湯<--得個辣未毫無鮮味??牛柳粒<--因為老口有渣,只吃了一粒已沒有再吃,配菜記憶中係南瓜或青椒??炒毛豆<--又係難食又油膩片皮鴨<--鴨肉鞋口皮有乾炒鴨鬆生菜包<--又鞋口又鹹大閘蟹蒸籠仔飯<--全晚食到火滾的一味菜(後話再講!)清炒豆苗<--豆苗老又有渣而且偏油流沙包<--唯一全晚可食的楊枝甘露<--一般沒特別我講返最火滾的"大閘蟹蒸籠仔飯"事件,首先是我父親先食出大閘蟹蒸不熟,因為我父親都食大閘蟹相當有研究,佢話蟹不熟而有腥味不香...於是叫了一位類似部長的人入來向佢講話蟹不熟,正常來講作為一位"高級"食肆部長,對人客的投訴理應先禮貌地不好意思再檢查作出跟進,但這位部長的態度卻是即時面黑及斷言說"冇可能!"我的父親即是已很勞氣,那位部長再走埋去檢查一下,佢亦証實了係不熟,但係又冇即時講出跟進!於是我們問應該如何,佢竟然答拎入去再返

老公忽然提議去呢度食晚飯,話呢到睇到海景,忽然咁浪漫,真係受寵若驚!!環境吾錯, 走新派高檔中菜格局. 我地張對正大大個維港夜景,但食肆燈光太強,搞到塊玻璃勁反光,完全浪費左一個美好維港夜景,可惜!如果食肆負責人係醒目,實在應該調節下室內燈光.講番食物, 打開餐牌,前面多數係貴價鮑參翅肚,到最後幾頁先係平常小菜,我地點左兩個前菜,兩個小菜,仲有一個炒飯,以為實係份量好細,點知後尾都食到反肚:小黃瓜海蜇頭--兩樣都好爽脆,醬油調味剛好. 芥辣牛柳粒-- 牛肉好淋,芥辣醬汁只係惹味,吾辣,好正!瑤柱炒西施-- 其實係粉絲牙菜蛋絲炒瑤柱絲, 炒得好乾身,少油,好有家常風味!魚湯腐竹浸豆苗--魚湯好香濃, 最精采係豆苗,嫩滑無渣, 腐竹都好滑,但太飽,食吾晒,個部長建議我地加手打魚旦一般,其實可以吾加. 王子炒飯-- 炒得乾身,但飯吾飯, 少油, 水準之作, 配料有蝦仁,蔥花,叉燒等,份量約四小碗,都食吾晒. 最後埋單用恆生咭九折左近六百蚊,如果下次再黎,我諗吾叫頭盤都夠飽.

尋晚同男朋友o係王子食飯.....第一次上到去.....好靚.....環境真係幾靚.....又有海景睇......覺得係聚會既好地方....食物都好好味....唔知係咪肚餓....所有o野清灑....勁呀!!我地食左:1) 大閘蟹.....一流....2) 草莓香酥骨...好開胃!!!! 不過好似少左D!!3) 例湯(竟然一盅盅燉出黎)好surprise!!好味好味冇味精!!!有朋友話都幾貴...但係都可以接受gei.....

本人昨午到上址飲茶, 因為之前太座來吃過商務套餐話唔錯所以昨午同友人及太座一行4人去試下飲茶又怎樣? 我們點了點心如下:流沙奶皇飽(味道很好), 鮮蝦炸竽角(可能因為有蝦在入面竽蓉沒有調味只食到很重竽頭味, 外形炸得很美觀但油未完全吸乾), 叉燒包味道OK但很的骰, 鳳爪排骨也是OK當然沒有一般食肆那麼肥膩, 帶子粒煎腸粉應該叫帶子粒粒因為只有幾粒在碟底而鋪面的蔥段及銀芽只有數條, 無理由廚師會數過幾多條才鋪面,寥寥幾條實在寒酸, 豬頸肉賣相唔惦用叉燒醬搽再燒成橙紅色外皮但奉上泰式燒雞用甜酸醬?肉質似叉燒但礁泰式燒雞用甜酸醬?南乳炸排骨味道OK,但與我們平排窗邊旁的方另一洋人遊客則提供了一則笑話內容如下:他們兩男一女叫了套餐是可以自選幾款,因為他們是三人所以是三款,但不知為何三個分三次上, 而第一個-紅燒豆腐待者不是將放上中間而是放到女士前面,她一個人食, 第二個(咕嚕肉之類) 放到另一男士前面他也是一個人享用,第三個- 咸魚蒸肉餅待者將整碟放到剩下的那個男士前面, 肉餅有PIZZA般大咸魚多大家應該猜到了吧, 他很努力地一口肉一口咸魚一口水的吃, 我們已笑彎了腰, 但吃了差不多10分

公司春茗包下最大的套房(有karaoke, toilet在內) 酒水約$5500.無敵大海景推介: 1. 鉋魚, 入味, 有咬口2.燒乳豬, 即制, 要等3.王子炒飯, 味道好好4.鹽焗燒雞- 好好食

上星期五同班朋友去食晚飯,打開menu,樣樣都係要百幾元既菜色.這個沒問題啦,俾貴少少,環境都算過得去...最令人氣憤的是我們叫過菜後,另一位部長過來"大聲"讀出我們點了的菜,再問,"你們夠食了?不用再要湯或其他食品?"我們說:"食住先啦,唔該晒."佢就黑晒面口咁收起個menu走開... (我們四個女仔,叫了四樣食品,合理呢,可能我們沒有叫貴價菜啦,所以俾面色我們睇.再者,那兒環境都很靜,不用這樣大聲.) 另外,我們食完之後,沒有問我們要不要其他就給我們收起所有食具,好像要趕我們快點離開.天下第一飽,只不過是細細個的"叉燒餐飽",3個包要三十幾大元,再加10%,你自己計計值唔值.其他我們食過的都是一般,沒有驚喜,只覺得,要俾這個價錢,得一個這樣的服務不太值.去酒店食,都是差不多價錢,不過不用受氣, 錢都用得開心.

上星期日慕名來試下,水準同之前我係深圳同集團的海港酒樓一樣咁好,價錢當然差好遠(約一倍),不過計埋時間同車錢,係香港食當然舒服d啦.而推介除了天下第一包之外,還有而家係香港好難找到的正宗流沙奶王包,另外,仲有香芒星斑卷,燒腩仔, 金沙南瓜片(用蛋王炒,非常香咸蛋王味),d茶都比普通酒樓香濃.又多特色點心. (佐比起深圳海港較少)而且服務又好,唯讀美中不足唔可以有泊車優惠.由於女士細食,是次5個人都係食左4百幾元.

周末下午一時, 兩個人沒有訂枱反而被安排坐房, 一人一張沙發打對面坐。舒服是, 你需要侍應時他會不請自來; 不需要他時, 他會在你眼前消失, 不會有事沒事地在你四圍巡邏, 又或者三五成群地聚在角落聊天。舒服是, 套餐的食物井然有序地由湯至餐茶一樣樣慢慢上, 不會堆得滿滿一桌, 就不虞食物放涼了不好吃。較特別的是: 1.竹笙雞絲翅上枱時伴有火腿汁一盎, 讓你自由調味。個火腿汁齋飲非常美味。2.套餐裡的荷葉飯體積比珍珠雞大一點點, 好香瑤柱味, 但沒有荷葉味。3.中式套餐包西式甜品一件(Tiramisu或芒果撻或士多啤梨奶酪)及即磨咖啡一杯。4.醎魚肉餅不醎但好鮮肉味。5.咕嚕炸魚塊不是用雪藏魚。招呼我們的侍應哥哥全程笑容可掬，有求必應，服務一百分。

是次安排於最右邊的房間座，兩面單邊，全維港景，很不錯。人客不算太多，很舒服，服務亦幾好。點心則不過不失，其中的流沙奶皇飽稍突出，飽內的奶皇真的做到是流上來的，好味!至於此店的其中一款signature dish「王子炒飯」$120，就不覺有什麼特別。

兩個人食dinner:1) 鮑魚小籠包: ok啦, 特價$15/pc...2) ?? 蛋(唔記得個名): 用個碗仔裝住, 上面有一片皮蛋, 少少蟹籽, 仲有大約一匙蟹黃, 好好味...3) 法國鵝肝炒飯: 無想像中咁好食, 鵝肝味唔重, 唔抵食... ($250呀...)4) 燒味拼盤: 有雞、海蜇、乳豬、叉燒&膳, 整體味道都唔錯~另外叫咗一杯紅酒, 埋單要>$800, 都幾貴下...不過個環境真係唔錯, 個view好靚, 服務都幾好...

星期日做孝順女，同爸爸媽媽飲茶，平時去開映月樓，今次轉地方，貪佢可以book位，唔駛一早起身去搵位。環境唔錯，面對維港，可惜安排我o地坐房，不過都可以對住部大電視。點心都係大路貨式，例如：天下第一飽其實係叉燒餐飽，沒有什麼買點，最主要係新鮮出爐所以好食。奶皇千層糕好夠香味，不過奶皇太多，食一舊已經幾溜。蘿蔔絲酥餅-酥皮好脆，入面勁多蘿蔔絲。蔥油餅-有d似花卷，只係加了少許蔥同少許雲腿絲，都幾香好軟熟。另外兩款鹵味小食，豬腳仔-入口鬆化入味，肉質又唔至於太腍，鵝掌翼-我冇食，但我的老豆奄尖至欣賞。之後老豆又發板叫了咖哩斑頭腩炒麵，係港式咖哩，味道唔錯只是略咸了少少，斑腩亦滑冇雪味，老豆話唔會冇新鮮靚斑腩，但食落質素有番咁上下。整體而言，食物水準同價錢與美心不相百眾，但環境地方與服務，又可有得訂位，下次去尖咀飲茶我都會選擇呢間。