王子飯店 (已結業)

今晚去終於去試左呢間飯店, 我同男友兩個人, 叫左以下幾樣野:1) 清湯燉花膠(花膠漂白過, 兼且唔夠厚)2) 蒜香雞(隻雞over cook, 又無乜肉食)3) 青芥一口牛柳(呢碟算係有少少新鮮感, 牛柳亦算滑)4) 砂窩蝦醬唐生菜(同海都比, 真係差太遠啦)5) 甜品: 楊枝甘露(尚可), 焗蓮蓉西米布丁(甜到食左一半就食唔落啦)埋單連比tips總共$880... 一句講晒... 唔抵! 平時我去酒店中菜廳食同樣既野最多都係$600, 仲要好食過佢好多... service 算ok, 因為得三幾台客... d waiter 好得閒四維行行企企...講真, 我以後都唔會再幫趁佢...

尋晚婆婆生日係度食飯,唔知點解,冇之前果餐咁好食喇...有上湯龍蝦,蒜粒瑤柱燴生菜,翅,鮑魚+鵝掌,蒸東星,雞,小籠包,木瓜燉椰汁雪蛤,芝麻餅~除左果d甜品同鮑魚+鵝掌外都唔係太好食,太鹹喇...service都係冇上一次咁好,只係今次佢地拉開左窗簾...

Today this is my first time to visit this restaurant. 點心價錢好貴，雖然頗精緻味道亦不錯，但我個人寧願不要景，完全吃不飽。值得推薦是皇子炒飯$120..其實昰蝦仁义燒蛋?炒飯...非常貴但好吃。不過下次不想再去了，因為感覺自己像"水魚"....>_<

講的不是呢間酒家的情況，而是個景觀。星期日上午與一班朋友聚舊，其中有人提議這裡，當時我還問會不會好難搵位，原來事實又不然，一日前訂仲遲到左5分鐘都有張大圓檯，似乎又唔係咁緊張。呢度位處十一樓，面向維港，景觀當然一流。樓底高夠光猛，地方整潔，坐得舒服，仲有大電視睇，在環境上真的沒有什麼不對的地方。侍應招呼算周到，幫客人套椅套，加茶都好快手。朋友聚會，都是以點人尋常為主，賣相精緻，味道也不錯。又少左幾碟野，說好味是談不上，但一定不是難食，可能沒有特色，就是這裡不夠旺場的一大原因，始終靚景，是吃不下肚的。埋單位位百二蚊，以招呼及地方計不算太貴。但老實講，唔係有咩特別場合，都未必會諗起呢度。我都唔知點解會咁諗。

公公生日,舅父話黎呢度食飯~一出lift,果d獎呀,鮑魚一哥d相嚇左我一嚇,已經知道呢一餐飯將會好貴開左房,有獨立toilet,食左:1.龍蝦沙律--頭盤已經覺得好正,龍蝦好多又好大舊,d生果唔係罐頭(比得咁多錢你仲開罐頭我真係會鬧喇),加左椰果,連伴碟果3粒車厘茄都係甜架2.翅--呢度既翅好特別,要食晒個翅先飲湯,翅粗湯清,不過我唔食得鹹...甜到鹹左d囉,不過好正~3.鮑魚+鵝掌--嘩,鮑魚果然係正爆!!!好入味好好食~鵝掌都整得好好食4.東星--用煲煮,低下有蒜頭,超好食,d魚夠滑,蒜頭整得林晒好好味5.脆皮雞--明顯比之前果幾度遜色左,d雞唔夠滑伊麵食唔晒,打包~仲有d甜點都整得幾好食~個manager係超識做,知我地食得貴,舅父又係常客,好surprise咁叫d staffs take住籠壽包入黎唱生日歌比我公公聽,tum得個老人家好開心,我都好開心,我好享受同屋企人一齊食飯既感覺~

上星期六同大班朋友黎食晚飯, 呢度環境的確唔錯, 雖然近電梯那邊的海景被大廈擋住, 但另一邊則有海景, 因窗口位只有四至六人, 我地人太多故只獲安排在窗口第二排, 如果係落一級的二至四人就唔係咁好la.因為我地冇叫海鮮同趐個d貴, 所以個經理有d唔高興, 不過service都ok既, 都有成日黎換碟. 佢地d最平都要$100, (有d 點心同炒飯等就平d, 幾十蚊咁la). 我地叫片皮鴨兩食($290), 士多啤梨骨(好似$120), 燒鱔, 上湯瑤柱蒸蛋, 蒜蓉豆苗, 一個唔知乜腐皮同另外兩個. 味道唔錯, 份量亦好夠, 埋單每人百幾蚊唔算貴. 如果人少d 坐到窗口位仲正, 可以再試.

今晚去吃晚飯，坐下點菜發覺價錢不便宜，竹笙紅燒豆腐只有數件，味道普通，但要＄１２０，魚湯雙菇津白份量也不是太大，亦要＄１２０，最好味的是王子乳鴿，＄４８一隻，可以接受，草莓排骨味道幾好，但份量不多，都要＄１２０．埋單差不多＄８００，但唔係咁飽．服務則幾好啦．

10月7日同埋d朋友一行6人去試這一間食店。裝飾：大致可以，如果坐入面對正夜境都可以算得上幾好，同之前有一位食客的感覺一樣，如果坐出面真的試唔過，所以在訂位的時候一定要訂入面才好訂。食物：我地覺得整體的食品都比較鹹我地試了6 道小菜加一個湯。得出的結論。價錢：由於我地沒有吃海鮮，沒有吃一些太貴的食品，所以都可以接受，6人平均$200 幾元。甜品：我地叫了幾個甜品，一般啦。現在用DBS白金咭及東亞的白金咭有9折，仲有送每人一個甜品，不過就冇得選擇食什麼甜品的。

星期日同BOSS三個人上左去食LUNCH，上到11樓O既王子飯店，個景唔係太靚，因為比前面D建築物遮左D，裝修大致上都OK，唔會好土，但係我想講如果唔O係入面靠窗坐而係坐O係近LIFE，就唔係咁好喇，O個度好似條走廊咁，見到都唔想坐O係O個食飯，我地食左唔係好多野，叫左個王子炒飯同一D點心，中點好似廿幾三十蚊，... 個炒飯D料雖然幾多，但係太多油，D飯太硬，食落唔係咁好食囉，仲要120蚊每人一碗多D咁啦；D點心都係...麻麻

我係在5月頭來食tea,$88任食,因為我同小熊真係食得之人,所以我覺得都好抵,我地起碼食左十幾碟野,食物質數大至上都唔錯,好過鴻星金龍船果d,服務我覺得好佢地好過火間土同aqua,環境都ok,個海景又係比前面遮了d .

I had dinner there about 3 weeks ago. The restaurant looked high class and I saw that the view was very good. I checked the menu and wanted to order the daily soup but after I checked with the captain (I believe she was the captain) what it was. She told me and I didn't like it. She then recommended 瑤柱螺頭soup. But I was surprise when I paid the bill that that soup was HK$600. I sure had the responsbility I should ask the price between placing the order or when the bill came, I should asked i

本來對任食都唔係好有興趣，但見佢有話晒都叫有海景(雖然久不久就會去有海景既餐廳食)，今日去試咗佢個下午茶食物有好有麻麻，整體質素算做比中位高一點，裝修不算得甚麼，個11樓海景都幾ok既，坐得都舒服，所以環境都可畀佢4分佢show晒啲獎狀出嚟，sell自己係師承一哥，佢既鮑參趐肚，一啲都唔平，食唔起------------------------------------題外話：不過由於呢幢樓喺文化中心後面，所以要無敵海景，就要上28樓既胡同，或者29樓既aquaaqua之前試過，與之前中環舊址已是兩回事，而家齋食環境，胡同就未試過，因為睇過佢個menu，佢啲嘢類似旗下中環果兩間「水滸居」，感覺唔多啱食，但眼見間嘢同樣sell獨特view

今日同個朋友去試88元任食下午荼，環境一流；張張都望維港景而且地方闊落座得舒服。食物質素有水準，特別推介：第一包，幾香口感不俗，其實是燒餐包，不過叫天下第一就有點作大。餃好，真材實料。山竹牛肉有鮮味、蒸雲正。食物整體水準中上，但這級數的食府而言，服務態度卻未算合格，全人類唧都唔笑，埋單多謝無聲，兩個人194皮，價錢ok，如果服務唔改進幾好食都無用。

打過電話去，佢話無得book位，仲話有好多人去位添，仲要星期一至五先有供應，上個星期五，同個friend兩點鐘到，己經見到一條人龍，咁咪跟住排囉，點知，真係到位喎！兩點半先入去，裏面唔係好大，但真係望住維港架，最衰我地遲，坐唔到海景，不過我地張係四人，都好舒服．佢地係tick飛仔既，飛仔上都有好多野食，都預左份量一定唔大，好多點心都係兩粒，蝦餃幾好，燒賣一般咋，XO醬帶子炒腸粉幾正．牛仔骨都好淋，好夠味．最衰食唔到天下第一包，奶黃包好正，我地都忍唔住反抄．真係直得再試．

We've been there for dinner. The environment is just so so and it's managed by a Mainland Restaurant Operator. You can imagine it's very Chinese style with lots of gold decoration and also don't expect to have very sincere services. However, the food is surprisingly good, especially for those who have a heavier taste bud!! What I would recommend are: Prince Fried Rice, Gold-sand fried prawn (better to be shell-less), Traditional Braised Beef/Lamb. Overall, it's worth to have a try!!