王子飯店 (已結業)

落地大玻璃, 唔算無敵但開揚既維港景致(見到樓下個地盤), 樓底高, 裝修唔算豪華但簡潔, 環境寧靜舒服.星期日黎左飲茶, 點心紙, 一張睇晒, 款式唔多. 真材實料, 賣相都好好, 味道亦不錯, 食完無口乾既感覺. 唯一係無泊車優惠囉...小籠包- 一籠三隻, 手工幾好皮夠薄, 多湯, 味道唔錯.鮑粒燒賣- 鮑粒幾入味, 燒賣肉質新鮮.奶皇馬拉卷- 好軟熟, 奶皇好香好好味.椒鹽豆腐粒- 都唔細碟wo, 炸得好靚, 無過火. 豆腐好滑, 味道好清, 正.王子炒飯- 承惠百二元, 開初都覺得好貴, 但食落見到有好多隻蝦, 仲要係好大隻, 咁都叫抵呀. 同埋個炒飯炒得幾乾身, 無咩油, 幾好幾好.

看了網友的意見後我都有同感, 不過想不到我好耐之前去過和現在都沒有分別, 都是貴和服務員個個都想你點貴價菜. 而且那裡的服務員都是隻眼生在頭上, 當知你點了平價菜後, 就對的的服務指數下降到0, 更令你感到被人看不起的FEELING , 好差!!!那裡最正是個景, 超美~~我上次由6點入去到7點30走,看著個天由光轉黑, 但要用咁貴的價錢而食物只是一般, 服務又差, 我就不見意大家去了.想景靚的食店不只一間.

食完泥睇番d comment, 發覺基本上係2類"貴同服務差" or "都可以既" , 大政上都中肯既, 野食係正常水準, 另外我都feel到d 友下下想搵我地嗌貴野....最頂引係門口既知客, 見我地諗甘耐, 就提議我地"先生. 不如試下set law, 抵好多嫁....睇下set menu, $680-$1000 不等, 都ok 既.......咪住......原來menu 係以人頭計........我讀書少, 我唔明差不多2000 落樓會係等於抵law (我地有3條友, 700*3 = 2100)最後都係散打叫小菜(不過款款都要100 以上) ....都係我朋友講得o岩, (1)想做下遊客的話, 可以上去試下(因為可以有令景伴貴價廣東菜) .... (2)同外國人傾生意出公數, 都可以去....如果唔係的話, 可以去第2d地方, 因為甘既價錢, 超多其他選擇.另外, 其實有冇人知, 阿一同呢間野有咩關係呢? 點解門口有佢甘多相? 最後都一定要多謝我朋友既宴客先, 令我可以免費"領教"左王子飯店!! 謝!

除了窗外的維港景一流食物認真普通點心沒啥特色waiter一問三不知好像沒帶腦返工想看靓景可以去試試~

前幾日老公生日，所以揀左哩間有景睇.. 服務好!! 食物都幾好.. 其實我都係老公生日果日先決定轉去哩間餐廳既.. 所以我地驚book唔到window table我地果日去到佢真係比左window table 比我地呀!! 好開心呀!! 我地揀左個餐係有鮑魚.. 魚翅.. 仲有燕窩添... 都幾好食... 我覺得d服務好細心..

友人說在演奏會前吃飯。在文化中心附近的食肆我不太熟﹐他就提議到北京道一號。之前到過功德林﹐很嘈吵﹔他提議火間土日本菜﹐但我曾經嘗試去﹐但在等位時頭暈了﹐所以沒打算再去﹔所以剩下他最後的提議-- 王子飯店。答應後才在網上看其他人的食評﹐發覺大部份人都覺這間粵菜太貴﹑名過於實﹐也有點後悔﹐但抱著一點點的求證精神﹐所以就硬著頭皮去了。因為演奏會在八點開始﹐我們就訂了六點。那時還沒有其他食客﹐所以我們得到殷勤的招呼。友人大概食滯了﹐就竟然要求吃點清淡的(正合我"河車")。鮑參翅肚我們當然吃不起(也不打算點)﹐所以就讓侍應發辦﹐叫來了這些:頭盤有煙葷素鵝(為什麼我覺得是腐皮卷?)﹐上檯時熱騰騰﹐不賴。接著有竹笙冬菇清湯燉菜膽﹐沒有驚喜。清炒了一碟斑塊﹐之前已跟他們說全部菜式走蒜﹐但上這碟是發覺全碟也是蒜﹐唯有叫他們再做﹔但再回來時還是嗅到蒜味(亦看到還有幾粒蒜蓉依附在木耳﹑斑塊之上)。。。吃了一點﹐其實味道還可以﹐但斑塊用太多生粉醃了﹐有陣生粉味﹔不過用上courgette (一種像青瓜的瓜類)則為它加了分。還有上湯莧菜﹐真的很"清淡" (聽說這間餐廳的東西偏鹹﹐但這碟就真的很淡)。甜品友人叫了

我同男友各自叫左一個情人節套餐,每位$880同$1088. 可能人多,d菜又要食完一道先上得另一道,所以上菜勁慢,坐左45分鐘先上另外一道,見d部長係咁吹廚房快d出菜,如果唔係情人節,我男友都冇咁好脾氣等咁耐一早走人日式甜蝦冷豆腐/八爪魚仔三文魚沙律–唔掂,完全同個set唔配合,9唔搭8日式前菜冷盤,我比0分菜膽翅/杏汁翅–d翅o既味道中規中矩,勝在份量夠,一梳梳咁食,都ok芝士焗半邊龍蝦/鴨長燴鮑魚–隻龍蝦d肉散,芝士汁多但係唔夠濃郁,不過都算入得口. 鮑魚爽口,d汁o既味道幾鮮羊架/燒春雞–羊架唔掂,d肉好生有血o既,得一條,份量勁少. 春雞半隻d肉幾滑,燒汁甜甜地,幾好清湯蝦子麵/鵝肝炒飯- 蝦子麵好爽,不過味道略淡. 鵝肝炒飯係味道同口感最好o既一道菜,鵝肝切少粒,食得出而唔會太膩,有鮮蝦菜心等切少片,d飯炒起干水有咬口,好味!燕窩蛋撻仔–熱辣辣,好好味,d酥皮好鬆化,蛋同燕窩入口即融,得一件唔夠喉冰糖燕窩/杏汁燕窩–正!果然係招牌出品,冰糖燕窩清甜,份量多到你唔信. 杏汁燕窩都好香滑睇落去好似好多野食,但係d西式主菜份量極少,有d食左等於冇食o既感覺. 總括黎講,如果唔

開開心心諗住同女朋友情人節食餐好既.**當晚我地問佢有無情人節外既manual.個waiter話無.叫左4個菜.XO醬雙脆. 180小龍包. 64炒飯. 120龍蝦. (130半隻. 我地要左一隻)照計應該計埋洒水八百蚊左右.開頭問我地飲乜.我地話水.點不知埋單見到"蒸溜水" $70.呢樣都算數喇.因為當晚女朋友話唔舒服.所以無再留心張單簽左就快D走人.後尾睇番係八百幾.不過係扣左我之前五百蚊訂先再八百幾.打去問番.佢竟然夠膽死同我講話我食左隻七百幾蚊既龍蝦.我都唔知佢去邊度搵呢樣野食出來.成個情人節manual都無呢樣野. 我嘈多兩嘈佢先至話問番落單果個人點. 但已經要到第日先可以contact到果個人.結果係點我都未知.當自己唔小心算.第日大家如果真係要去呢間野食飯.埋單一定要睇清楚.擺明呃你.

went there with my parents for my birthday.had one $480 and one $680 set for 1 person and added a dish of 鱔球. ( it was tasty!!)it's like a french type of dining... quite a lot of dishes and each was small.shark's fin soup was okay.abalone sushi was good.but we didn't like the bird's nest sweet soup... 燕碎. and the almond taste in it was not well-cooked.i'd rather want a lower-priced dessert but better taste. 佢咁樣唔整燕窩好過.and the biggest surprise was the service.quite good and prompt. very sincere.

nice food there .. expecially the chicken & the strawberry ribs. Is better to go there before 8:00 p.m. so you can enjoy watching the laser light show by the window seats.

不用說，大部份北京道一號的食市都有無敵海景。這一間都不例外，如果有煙花或激光會演，都能一覽無遺。店內裝修應該是新派的格局，但本人感覺格格不入‧‧‧因為是特價套餐，菜式方面當然是沒甚特別。菜式的味道算是中規中舉，可惜的是當晚的上湯焗龍蝦味道很怪，肉質又硬，從未試過這樣難吃的上湯龍蝦。侍應大部份都是很年青的，就連經理都較一般食店的年輕。雖然年青不是一個問題，但比較起來總是缺乏了經驗。原本我們想叫一些王子飯店的特色菜式，甚或招牌菜，經理二話不說就介紹了當晚的特價套餐，真的可笑！我從未見過有這種的情景，難道特價套餐就是這裡的招牌菜？！另外，不知道是否因為有電視的關係。侍應生們都不時望住電視發呆，而忽略了有需要的客人。這裡的確有很多地方須要改善。這裡有非吸煙區。這裡有相片:http://www.fotop.net/fanshu/Prince

21/9 珠寶廠老闆請食飯,因為唔係香港人,就帶佢去可以睇海景0既地方食野. 一行3個人入到去坐大table.對正維港景.captin LOKMAN CHAN非常殷勤招呼. 其他WAITERS都好好服務,細心介紹菜式,上菜,各樣都親自招呼服務. 不時問意見如何.3個人叫左兩個SET,仲可隨意配搭. 有SUSHI,鮑片,魚翅,燕窩,海參,大閘蟹,王子炒飯...等.都好好食^^貴係貴左0的, 埋單$1,800 每人都係$600,有咁0既服務,環境,食物常算值得呀^^

尋晚落大雨，o係尖咀附近，冇得揀之下走左去北京道一號試，去左王子飯店。之前o係度睇，見d人話好貴都唔敢叫set餐，叫左幾個小菜。可能因為都唔係真係好旺，個侍應招呼好醒war..一道一道菜黎，唔駛食得咁狼狽。我地叫o左幾個小菜都OK啦!最正係個咖哩煲，勁香!最後埋單仲送埋2張$100午市coupons，有coupons我梗係覺得低食ga!

有日同朋友到北京道一號10/F X 樓飲茶，但去到發覺環境太嘈，因我同朋友是有生意傾，所以為有轉換地點，之後在同一大廈睇下有無合適地方，最後撰擇王子。之前都有睇過食評，因我本身都是在旺角開餐廳及作連鎖管理，所以經常都有睇(開飯)而我記得寫這裹好貴及無服務，但當時最重要搵個好環境傾生意，所以就選這裡。因為環境又係幾好。當睇到Menu時價錢又真係唔平，中上價錢吧！一個小點$15蚊，唔算平、不個又唔係好貴。服務都還可以，因為我食完飯後有幫我換熱茶。食品味道就OK哪？不過有一個真係好香好好味，叫做秘製三杯雞煲，真係好味，大家一定要試下。整體上都算OK，在尖沙咀旺區價錢都算合理。因為租金都應該唔會平得去邊？

昨晚同朋友共十人左右去食飯, 諗住叫個SET, 點知打開個MENU, 個個SET都要五千蚊以上. 于是諗住散叫, 點知都係好貴.最後叫個部長幫我地寫個每人三至四百蚊的SET, 佢又寫個四千幾蚊的SET俾我地. 都算啦, 但係點知D食物又麻麻地. 最後落樓每人要五百幾, 真係好貴.D服務又唔係咁好, 可能個部長覺得我地冇錢, 所以臉色麻麻地.總之, 永遠都唔會再幫襯.