玉桃軒酒家 (鱷魚恤中心)

營業中

休息中

飲茶呢件事從來只喜歡和家人分享，襯星期六冇節目約兩老茶聚。位於APM 隔離的鱷魚恤中心是飲茶好地方，今日老爸選了「玉桃軒酒家」。當大家夾岩時間飲實在好扺，茶錢 $9/位星期六就更抵午飯時間已經可以享用特價點心。我們主力叫點心，由老媽喜歡的「潮洲蒸粉果」開始。粉果皮透薄微微煙靭，隻隻飽滿，一啖咬開涵料傾瀉下來，有沙葛、花生、蝦米、瘦肉等。飲茶必選包，今天好想吃是「薑汁鷄包仔」 三個白雪雪的包子塞在寵內。蒸包皮鬆透，鷄肉嚐到不只有薑味還帶少許酒香，但嫌涵料略少。「蜜汁叉燒腸」賣相精緻，腸粉皮煙韌幼滑，叉燒不會太過碎濕濕，配上咸度適中的豉油令味道更提升。吃過蒸點心後來到香口野環節。首先是「五柳炸雲吞」其精髓在於五柳汁，雖則看上是平平無奇，但味道出奇地調得酸甜度恰好，將脆口炸雲吞浮在五柳汁中讓其吸收醬汁，大啖咬落去，爽呀！原來好戲在後頭，叉燒酥就食得多，到底「陳皮叉燒酥」是什麼回事？原來大廚將陳皮焗香後灑在焗香的叉燒酥面。估吾到陳皮絲和叉燒酥頓時起了微妙的變化。叉燒酥鬆脆香口，香而不膩，正！臨近小妺生日，特別加推「蛋黃壽包」助慶。雖然外貎未能誰是完美，但那份溫暖感從心裡感受到。慢慢細嚼令那熱呼

秋冬來臨，是時候開始進補，聽聞「玉桃軒酒家」有蛇羹供應，令我感有興趣，而且有一個舒舒服服的環境下享用晚飯，都是一個不錯的選擇，今晚放工後與家人相約來此食dinner，他們都也讚成，雖然沒有訂枱，但都好快有位給我們，由知客帶領我們入座，而且環境都好寧靜又可以看到電視，同時好有效率地送上餐牌及奉上熱茶及小食，服務真是好有效率又細心。等了一會，食物開始逐一端上來，天氣雖然未夠凍，今年都已經開始想食下太史五蛇羹($168)，例牌的size大約可以有5至6碗，份量都好足，蛇羹有滋陰養顏、行氣活血，而且有暖身作用。湯中茨汁都夠濃稠，而且渣多湯小，當中加入了蛇肉、肉絲、木耳、冬菇等配料去煮成蛇羹，用料豐富又足料，水準真是不錯，客人可以自行再加入菊花瓣、薄脆在蛇羹中，更可以增加口感。平時食小菜總喜歡點碟咕嚕肉，今次媽媽點了蜜桃咕嚕黑豚肉 ($78)，聽起來都好吸引，採用的是肉味濃郁的黑豚肉，內裡肉質咬下鬆化juicy，咕嚕肉外層炸得好香脆又夠薄，有果香清甜的蜜桃味，伴碟還有鮮蜜桃肉，味道不會太酸，反而散發了鮮果的自然的甜味，炒的汁醬份量剛好又夠濃稠，此咕嚕肉的製法及材料令人有驚喜，值得一讚。清新的一就

涼風吹來，尋找美食之餘，更想坐得舒適，心血來朝的想吃中菜，來到了玉桃軒！玉桃軒有婚禮都有晚市，平日多數做晚市，相信因為婚禮喜宴場所，所以在晚市地方會比較舒適，坐下了先看餐牌下次宴請朋友的可以考慮考慮！我先點了一個冬天常會吃的*煲*，今次吃涼瓜班頭腩。涼瓜班頭腩煲來到有名氣的中菜，所選用的材料也有水準，涼瓜夠淋入味，班頭腩每一塊都是有肥香味，而且經走油後更添香口，能夠吃到魚肉的一刻更喜出望外！再來就是炸豆腐粒，炸豆腐粒上菜時還有著油份在豆腐上跳躍， 能夠吃上香脆可口的炸豆腐，而口感也鬆軟！作為餐前小食實是不錯的選擇！最後我當然沒有放過吃主菜的一刻，就是！芝士焗波士頓龍蝦是主菜！男朋友和我看到都興奮！龍蝦把榖剪一刀半自動化的吃蝦方法也通令精華滲入蝦肉中，口感較爽，肉質彈牙，不會因芝士的香而搶了蝦的鮮味。芝士味香濃！更要話的是烏冬，芝士加上烏冬，令人難忘的感覺，烏冬不會爛到沒口感，能夠有烏冬的煙韌和那烏冬里說不出的*烏冬味*！在晚餐的最後，喝上一杯水仙，苦甘香來清一下味蕾上美味的晚餐！

係官塘想靜靜地揾間中菜食都不是一件容易既事，好在有好姊妹介紹呢玉桃軒，所以一早就打電話book 定位， 如果唔係又要等位等上半小時以上猴頭菇粟米豬蹄老火煲靚湯$118鮮甜老火湯，足料而十分滋潤，係呢個十分乾燥天氣係時候補一補枝竹炆原條游水海石班原先母親大人話想食清蒸魚，但我見有另一個選擇好像很不錯， 先炸條魚再配上枝竹炆，魚質並沒有因為炸關係而變得乾返而炸過魚身十分索汁，而魚肉亦保持嫩滑蒜香海蝦粉絲煲 $108大蝦配上十分索味的粉絲， 蝦十分香口，而粉絲也吸收了蝦的鮮味，而粉絲不感一點油膩簡簡單單一餐晚飯，幸福就是這樣簡單

咁多年未試過打電話資訊/訂枱被間餐廳cut線，呢間玉桃軒酒家係第一間！上網見呢間餐廳評價幾好，打電話問問明天星期六午市/下午茶幾點開始？阿姐話下午茶1點9開始派籌，無得訂枱。我就轉問1點9前午市同下午茶有什麼不同，阿姐就話午時咪正價囖！我話咁食物方面呢？姐姐話自己上網睇喇，我都未講完唔知去邊度睇，之後個阿姐就cut咗我線。真係O晒嘴！

上星期突然好想食龍蝦伊麵，於是同老公揀左玉桃軒食晚飯呢度地方寬敞，樓頂高，所以坐得都幾舒服最喜歡呢度啲水晶燈，感覺很 Grand砂鍋乾蔥燒牛仔骨，鑊氣十足，牛仔骨醃得啱啱好，肉質夠嫩，十分惹味，用來送飯一流Yeah！等了十分鐘，主角終於出場喇~ 波士頓龍蝦伊麵，原隻龍蝦擺放得很美觀，龍蝦肉結實，鮮甜，份量也不少，不過伊麵就比較清淡紅燒花菇豆腐煲，花菇很厚身，夠冧, juicy,豆腐很滑，豆味濃最後，還有紅豆沙送

一向以來，我都好少同父母一齊去飲茶，食返一盅兩件的，各有各忙，連食晚飯都好少一齊聚天倫。趁今日大家都在放假，難得可以瞓晏些，起床都差唔多過食早餐時間，匆匆地來過興起，去歎茶吧！酒樓裝修豪華、樓底高，掛左幾盞大水晶燈，大廳闊大，適合大型婚宴。燒賣，肉質鮮味有肉汁，蝦仁爽口彈牙。香煎蘿蔔榚，麵粉同蘿蔔絲分量各半，咬落啖啖蘿蔔絲，加上蝦米臘味香味，增添蘿蔔榚口感。馬拉糕，熱噴噴，香滑軟棉，入口椰香味。花生椰絲甜薄撐，糯米皮厚，軟糯𠲖韌，花生粒椰絲香口甜味，食落有口感。叉燒酥，酥皮鬆化，入口即化，叉燒肉香口。蜜汁叉燒腸粉，皮薄餡正，滑溜不嚡，滑不留口，啖啖叉燒肉，有雙重口感。雞扎，腐皮包裹著雞、魚肚、火腿、豬肚、香芋，用料豐富，香芋，魚肚吸收了各自的味道及精華，香口味清。

之前因為試過呢度啲潮式月餅，對佢留下咗一個好印象。咁啱朋友約喺觀塘晚飯，想起呢楝大廈有多間中式食肆，就揀咗呢間。朋友話呢度啲叉燒好得，一定要試，所以就叫咗碟例牌，一咬落去真係好多肥肉，個人認為叉燒要肥先好食，啱我胃口。芝士焗龍蝦烏冬底，中西合壁又幾盞鬼！芝士份量足，重口味就啱。估唔到個胡椒豬肚酸菜湯又整得幾惹味，辣辣地啱今日凍凍地嘅天氣！

约了長辈在觀塘飲早茶、這區有很多食的選择、今次我選了"玉桃軒"……步入酒楼感覺環境不错、光綫柔和、裝修清雅、招乎也殷勤、不覺得嘈雜、坐得舒適！ 驚喜！這裡水夠滚！茶特别香！一瑤柱鲜蝦灌湯餃 (隻) $ 26.50 (特)料足、皮簿湯底鲜甜。 上海小籠包 (大) $21.50一客三件、皮比較厚、肉饀過多、汁較少、但味道不錯。蟹籽烧賣皇 $24蝦肉鲜、肉爽甜！鲍汁燒野山菌 (小食) $ 38.00什菌、云耳都好爽滑鲜嫩、蜜糖豆清甜爽口、炒得很有鑊氣、不油膩。每樣材料配合得恰到好處、很不錯的清爽小食！ 玉桃蝦餃皇(2隻) $18.00皮薄、蝦鲜甜筍粒爽口。五式點心拼 $ 27.50潮州粉果、香茜餃也很香口腸粉夠滑、原隻蝦肉很爽甜。很多小食也很吸引、下次再試！還有這裡的薑汁燉奶也很不错呢！

鱷魚恤中心，就近觀塘MTR站。整座大樓有多間中式洒樓，而玉桃軒位於6樓瑤柱鮮蝦灌湯餃，蝦大隻彈牙，湯及瑤柱鮮味涼瓜煎魚餅，魚餅煎得好香、好脆，涼瓜切得細粒，味道甘甜，唔苦，配魚餅好夾原條焼茄子，茄子中間釀左魚肉，再在上面灑上碎花生粒，賣相特別雖然原條上，廚師好細心，中間其實已經切開，方便食用茄子燒得時間啱啱好，唔乾，配上魚肉碎花生一起吃，回味無窮香芋雞粒餃，皮薄及煙靭。香芋細細粒，芋頭味濃，好粉，喺一個特色點心

難得夜晚早收工同屋企人可以悠閒地食飯，於是揀左附近既酒樓晚膳。食小菜當然首選酒樓，菜式都有保證點。晚上時間餐牌選擇都ok, 每樣野大約$78起,價錢就中上。茶錢同前菜就另收錢。我地叫左魚香茄子帶子煲$88我個人好鐘意魚香茄子，連汁送飯一流。第一次食加左帶子既煲，平時都係斎茄子多。帶子吸左汁味道唔算太濃,比出面既淡竹笙菌什菜煲$78潮流興綠色飲食，多菜少肉感覺良好d叫左個雜菜煲，份量都幾多。素食者選擇，有竹笙，菇，粉絲等等。雜菜煲向來比人一種好悶的感覺，但食素味道冇想像中咁淡，反而上湯令菜變得濃郁。清蒸海班仔$16814两都幾大條，蒸得算OK,不過差少少先熟晒, 魚肉中間未完全同魚骨分離, 但算係新鮮食唔到雪味。唔洗點點豉油都已經夠味。晚飯仲送紅豆沙, 不過紅豆煮得幾綿, 起晒沙, 但甜左少少。我覺得呢度食物質素都幾高，不過價錢就中上，但環境真係唔錯，岩一家人聚會。

晚飯的時間，我和朋友路過這間吃中菜的餐廳，看見店內環境寬敞，富有空間感又清潔衛生，燈飾高貴大方，看見餐牌的選擇很多，店內的顧客很多，而且有我最愛吃的片皮鴨，便決定入去試一試，片皮鴨 ($148)有專人在客人面前極速片片皮鴨，上碟後，看見食物賣相十分美而且整齊，，皮脆肉嫩，用鴨餅包著鴨，瓜，蔥，整體配撘十分完美，吃上來泛著油膩和膩滯感的感覺例牌炭燒原隻燒鵝 ($128)份量很多的燒鵝皮脆肉嫩，加上自製的燒味汁和醬，吃上來感覺酸酸甜甜，十分開胃蜜汁叉燒皇 ($88)煙韌厚身的叉燒，吃上來富有肉汁，賣相十分整齊兩位用椰汁百合燉雪蛤 ($76)椰汁十分香，薄身的百合，彈牙的雪蛤，份量十分多，十分開胃杞籽桂花糕 ($22)一粒粒的杞籽，數量十分多，整體感覺十分清甜整體來說，食物的質素很高，價錢可以接受，店員有良好的服務態度和有禮貌，所以我認為這間餐廳值得再專顧

早排同媽咪來觀塘行街街~行完上左來呢度食晚飯~之前來過飲茶覺得野食同服務都唔錯~所以試下個晚餐~我地叫左個晚飯孖寶 套餐$268有魚有雞,  媽咪平時最愛食呢兩樣!魚係海斑仔，以為好細份點知來到都幾大份下wor魚蒸得剛好, 口感食落十分香滑~個醬油金蒜黃金雞外皮炸得好靚金黃色~望到都流口水~食落~ 外皮勁脆，味道都算幾入味，完全唔需要點醬都已經好惹味。另外我地叫左西施柚子蝦球 $98估唔到d蝦球勁大粒，柚子味道清香，蝦球鮮甜得來又香口彈牙，超好食!食到飽飽原來有甜品送真係happy啦！甜品係紅豆沙，食到有陳皮香味，紅豆口感好軟，整體唔太甜，好好食!呢度晚餐抵食又好味，下次會再來!

早兩個月和朋友在觀塘玉桃軒茶聚， 覺得點心、服務不錯， 最難得是坐了幾個小時閒聊， 都冇被請結帳離場， 今次想吃中式晚飯就想到玉桃軒。 我晚飯時間習慣不會太晚， 六點鐘已經是座上客。 點選合意菜餚後， 一邊等待家人到來， 一邊拿出手機隨拍， 見個餐牌又影得不錯， 拍攝一下來打發無聊時間。 上菜了！先上杏片黃金蝦丸， 熱騰騰的！金金黃黃的賣相很吸引，啖啖鮮甜蝦肉，很滿足！ ~龍蝦芝士焗烏冬~ 剛上枱的龍蝦芝士焗烏冬， 芝士還在卜卜跳動， 龍蝦肉爽彈，但蝦肉不多， 龍蝦走油再焗，包裹龍蝦殼的薄薄脆漿非常惹味香口， 濃濃芝士汁剛好包裹每條烏冬，不愛芝士的我也，也能接受！ 侍應很細心提醒我們小心碟子很燙， 還替我們換碟，服務值得一讚！ ~椒鹽百花鮮魷~脆漿覆蓋爽脆鮮魷，鮮魷又包裹蝦膠，關係一點都不複習，而且口感層次分明，又一大滿足！ ~陳皮紅豆沙~一餐裏享受兩款香酥炸海鮮，有正氣中式甜品，陳皮紅豆沙中和是最好不過，嗅到、吃到陳皮的香，很消滯， 紅豆沙沒有漿粉獻，非常合格。 承惠$517，平均每位消費$173。

今日約左幾個朋友食飯, 其中一個朋友係觀塘返工, 佢話平時食lunch 去飲茶都好好食架, 好想試下晚飯, 於是我地就去試下啦一入到去環境都幾寬躺, 哈哈啱啱仲有個電視位, 正一坐低待應就拎左碟前菜黎, 嘻嘻d待應都好有禮貌, 好少有, 今時今日真係要有呢d服務態度先得架, 讚之後緊係睇下有咩好食先啦, 有d套餐同小菜, 我地睇中個個晚餐孖寶$268, 好抵食, 又有雞又有魚, 條魚仲要係斑黎tim先黎孖寶餐入面既醬油金蒜脆皮雞, 大廚將雞炸得好乾脆, 外脆內嫩, 仲可以鎖住雞肉既肉汁, 好滑, 仲好夠味, 唔使點個個醬汁都已經好正之後呢個就係孖寶餐入面既清蒸海斑仔, 呢條斑仔都好大條下, 而且呢條魚真係唔可以唔講, 係好耐以前都食過一條咁滑既魚, 之後都無再食到啦, 估唔到係呢到再次食到, 嘩...D肉真係滑到無朋友呀, 唔係講笑, 仲啖啖肉, 令人回味無窮.有魚又有雞, 叫埋碟菜就啱啱好啦, 呢款係瑤柱金菇扒豆苗$108, 豆苗好嫩, 相信係開始食豆苗既季節黎啦, 瑤柱同菇都好有份量, 每一啖菜都可以夾到瑤柱同菇, 口感豐富.最後超級好既係, 當你食哂D 餸之後, 好好味既紅豆沙糖