狎鷗亭居酒屋

營業中

休息中

未來99生日指定要食韓國野。韓國野真係考起我，因為喺我印象韓國野係貴夾唔飽嘅韓燒、熱氣到爆嘅炸雞、屋企都煮到嘅部隊鍋或者平平無奇嘅石鍋飯，都唔知有乜好食。即刻搵食家介紹，就黎咗呢間狎鷗亭居酒屋。先上菠蘿椰子麗塔解解渴。本身睇到張相係沙冰咁嘅樣就已經非常hesitate，因為唔太喜歡太冰凍，但太口渴所以照搏一捕！點知比我搏到原來唔係沙冰，仲要冰涼感係剛剛好！菠蘿加椰子少少甜味，配埋Hite嘅小小酒味，非常適合女仔口味！韓式炸醬麵啲醬料好夠，不過麵嘅份量就少啲，夾兩碗就無晒，攪到我淨係食到料。我食到有薯仔同疑似冬菇片，炸醬味道又甜甜地，清清涼涼，幾開胃。平常食炒雜菜粉絲，味道好分離。雜菜還雜菜，粉絲還粉絲。呢度嘅炒粉絲，係表現到何為融入，原來粉絲都可以入味。烤豬肉係驚喜，無諗過豬肉都有鬆軟嘅肉質但絕對唔係梳打粉嗰種質素。韓燒烤肉唔洗自己烤，仲可以用埋生菜同辣醬包。燒過嘅豬肉，加埋燒醬，係帶出到豬味。辣鮑魚海鮮鍋係誠意之作，因為海洋份量好足。除咗鮑魚，仲有原隻蟹、蝦、魷魚、三文魚、扇貝、青口，仲有少量蔬菜蘿白、金菇同蘿蔔。就咁列晒有咩料出黎都覺得勁滿足！雖然係叫辣海鮮鍋，但係佢其實唔係好辣，

同朋友星期五黎到尖沙嘴唔知食咩好最後去大家都想食的韓國餐廳，嘗嘗正宗的ajuma料理第一道菜芝士蛋捲其實這道菜在那麼多道菜來說水準平平，芝士只有熱的時候才好吃是真的牛肉鍋很大份，用料新鮮，菜和肉的份量都很足！醬汁很好，湯底不油膩，整個鍋都很好吃！菜的質量真的很高，全部都很新鮮，令鍋底更鮮甜了！其他還叫了立魚刺身，其實menu上沒有的，我們看隔壁桌吃的很美味也忍不住叫了。自己很喜歡吃紫蘇葉的關係就叫店主給我多加點。配上大蒜辣醬，用紫蘇葉包的刺身真的很好吃！強烈推薦！老闆娘好人！不過最後吃的很開懷也很貴！人均400多（對我們可能叫太多了)

揀呢間食飯就係因為，佢同坊間好多嘅韓國餐廳有區別。而家最Hit嘅唔係炸雞啤酒就係烤肉，老實講都真係幾悶，有時想試吓地道嘅小菜都未必搵得到，呢間餐廳似乎就啱心水D。兩個人訂位當然就坐唔到韓式TATAMI，當晚叫咗個炸紫菜拼炒年糕，韓式青蔥，白灼魷魚。落完order，六碟前菜就即刻奉上，你幾碟前菜味道都唔錯。白灼魷魚：又咸又鮮，我就覺得唔使點醬油都已經夠味道了。估唔到佢份量咁大，竟然有整整兩條。炸紫菜+炒年糕：菜如其名，炸紫菜入邊包住粉絲，而炒年糕，又係魷魚炒，感覺今日要嘅嘢好重複啊。雖然炸紫菜冇乜驚喜，但其實都幾脆口，送酒都唔錯。我仲叫咗個豆腐辣湯，仲有一碗白飯跟。湯無乜嘢特別，豆腐都尚算可以，當然就唔可以同自家製嘅去比較啦應該都係來貨既豆腐。一個人食晒一碗飯同飲完呢碗湯其實都幾飽肚。當然唔少得嘅，仲有韓國嘅米酒，有少少氣，感覺都幾清爽，幾好味，易入口。不過唔飲得嘅人，就要留意，由於太易入口，飲多幾杯都會醉醉地架。

無假去韓國旅行，搵間韓國居酒屋食飯補返數首先黎先泡菜餅$108@，只係少少少辣，平時唔食得辣既我都覺得👌！好大塊架，四個人食都一定夠！叫左個煎餃子$78@，拎緊過黎已經聞到好香，一個有6隻，我地三個人，每人兩隻唔駛爭 😊呢個豬仔腳不得了，超大碟！！！$288@三個人無可能食得晒包住菜食，會減少罪惡感🙈樣樣野食都好大碟架！野飲都一樣，大大杯！$88@三杯唔同味可以交換試下如果飲唔晒咁大杯，可以兩個人share一杯下次要試烤肉😋

Book 台嗰陣都冇話最低消費！頸谷氣囉！星期四一行三人諗住去試下新嘢book左7:45一入到去見得四五台客，見塔塔米冇人坐，諗住request坐啦，嗰個本地員工即刻話嗰張六人台黎嘅，你地三個人要最低消費1400蚊啦，呢張(近厠所嘅）就1000蚊，你地自己諗下。咁一場黎到諗住開開心心今下嘢，點知聽到呢句奇怪嘅說話，我地揀左1000蚊台坐低。。。愈坐愈奇怪，1.book台又冇話最低消費。2,間嘢有幾旺呀，得4,5台客！你同我講話有人book左冇咁嬲，但反而做價錢高低去定客人坐邊。個心唔舒服囉。好似我食唔起咁。之後我叫左個人黎問，佢話冇d咁嘅事，話呢張台冇，嗰張先有。。。我地當堂啞左。。。。唉！冇下次囉！

朋友生日飯book左8:30我地早左到8:10到左 眼見裡面有兩張台 樓面年紀唔細既長髮女侍應 話未有台 咁ok我地早到 等都好正常，我地係門口等，等到8:20有位客人話四位但無訂台，但個樓面就比佢直接入去坐，咁我就問樓面點解佢無訂台反而有位，我地訂左台就無得入既，之後佢話果到逼 你地唔介意我咪叫佢起身 （咁點解你會一早預計到我介意坐果個位呢？）我話下 但人地坐低左 佢話無問題 可以叫佢起身 咁之後我同朋友傾完話算啦人地都坐低費時咁樣 問佢咁等幾耐？佢話8:30有台夠鐘 但未必即時有要等一陣！咁ok我地繼續等 等到全部人入晒去 8:50得我地都未入得去 覺得有d怪 咁我就望佢地個表 係唔係我地仲未得 之後另一個好有禮貌但唔太識中文既侍應問我地乜事 我話我地book左8:30但個個入晒去都未到我地 之後侍應都有d愕然 ，此時 之前同我地交涉既樓面就出黎話 叫左我地兩次都無人應，仲話張台一早有！我就話你無叫到我地 佢話叫左兩次 但當時我地一直企係佢旁既門口 佢只叫過兩次其他人名 而果兩次無人應佢都專登行出去叫 所以我地肯定無叫我地 之前又嘈左兩句 點會見到我地企起到都覺得無問題 係出面等

Book左位8:30同朋友慶祝生日8:10已經到左門口。本地女侍應話未夠鐘。叫我地去行個圈。都好明白。但拎住太多野所以決定喺門口等。 等時睇下個booking list, 我地既booking 係第一個。心諗。8點半實好快入得座點知8:30時。突然黎4個walk in 客。 安排佢直入去用餐。朋友都噩哂然問個本地女侍應點會咁安排。 佢問都無問過我地就話我地唔想坐嗰張檯。我地坐既。 就叫嗰4個walk in 客起身。亮點係。佢係指我地自己去叫佢啲客起身！簡直一額汗！ 我地選擇等多陣。 到最後等到9:15，係！係9:15！終於忍唔住去問另一個staff(韓國人）佢叫左我地booking既資料。之後成個人呆左！個本地女人即刻行埋黎。 話叫左我地兩次無人應我地足足企正喺門口45分鐘。肯定佢無叫過！ 更何況企我地問過點解walkin 客可以入先。佢無可能唔知我地既booking資料！ 仲夠膽話張四人檯一早有！真係未食都著哂火！ 擺明玩我地！不知所謂既服務態度完全因為一個本地女侍應！成餐飯都谷住就氣！ 野食麻麻！ 豬手無咩味！ 泡菜餅好酸！ 炸雞普通。 不過週街都食到囉！成餐飯都噪到爆！ 最正常既

話說個日系我其中一個朋友生日聚會, 而我係今次生日聚會ge搞手所以前幾日已經打去餐廳訂6人位. 落booking時員工都有講明19:00入座的話 20:45要還枱 因為星期5會比較full booking. 咁我都好理解而朋友們都一至讚成去試所以就confirm booking.當日我同其一個朋友拎完蛋糕6:40早左4個字到餐廳, 企左幾分鐘都無人行出泥理我地, 之後其中一個識中文ge員工行出泥問我地係咪放底蛋糕, 我地話係啊加上早左少少想拎位坐先 其他朋友都差唔多到. 呢個員工堅持左2次唔比話 如果依伽入座就要早反4個字交枱, 但明明成間餐廳都空 唔明點解唔可以早4個字比我地入座 我地又唔系食放題.點解一入座就計時 同訂位時都無咁講~ 之後我地無奈地呆企系門口, 點知隔左5分鐘突然無解釋又可以比我地入去, 真系好奇怪! 仲要無啦啦remind我地2次一定要每人食夠$130 wor! 唔明呢句有咩意思? 覺得我地食唔起定點? 都系個句 我地依伽又唔系食放題!反晒白眼個下真係 不過中途其他唔識中文D韓國員工就都幾好服務 又會講笑搞下氣氛. 食物方便都還不錯的, 只係個泡菜煎餅就超超超超酸

I went on Saturday night. We did not have a reservation but we were able to get on the condition subject to the 90 minute limit.We ordered various things.Sundubu jjiage,Crispy chicken and sweet chicken,Seafood Korean pancake,Simmered shank meat.Especially sundduve and crispy chicken were delicious.Seafood pancake crumbled down when it was eating. I do not think I want to order next.By the way, I brought various side dishes when ordering.It is a full-fledged Korean style shop, and a lot of Korean

其實平時我是甚少食韓國料理的，原因在於我覺得韓國料理的味道唔夠霸氣，要辣唔夠辣，要刺激唔夠刺激。今次若非Farewell的同事堅持想食韓國料理，我是絕不邁入韓國餐廳的。同事挑選的是位於諾士佛臺酒吧街的「押鷗亭居酒屋」，居酒屋不是位於地下，而是位於某大廈一樓，要乘電梯上去。一出電梯就會見到招牌。點完菜，韓裔的老闆娘每台客人都會送上幾款前菜，包括翠玉瓜、醃菠菜、青瓜、豆芽、茄子和泡菜等等。我個人鍾意菠菜同茄子，菠菜和茄子的味道恰到好處，唔會特別辣、甜或鹹。海鮮蔥餅，盛惠$98，煎餅以紅、青辣椒加上章魚粒煎成圓餅，味道較淡口，所以隨碟會附上一骨碟醬油/魚露，但我喜歡點前菜裏的泡菜的汁，包上一塊泡菜會更好味。辣牛肉章魚鍋，上台時店員會放埋部Gas爐上黎，而鍋內的章魚仍是很生，大約還要煮上十分鐘才熟。鍋內有豆腐、金菇、粉絲、娃娃菜、辣牛肉片和章魚粒......湯底味道還可以，越煮越濃味。整個煲最好味是章魚粒，咬口有彈性，而豆腐也十分嫩。一定不能少掉這道鮑魚人蔘雞湯，雞胸腔內塞了糯米，湯清而人參味香，雞肉很嫩，湯也很好喝。最驚喜係，兩隻鮑魚肥而厚,甜而新鮮。韓國餐廳不愧是韓國餐廳，餐廳設有的電視，

野食冇問題，不過三個人比張二人檯，問個侍應，佢話全場都滿，轉唔到檯，但係轉個頭，我左邊右邊都係兩個人比張四人檯，見到都眼火爆！我都唔知講咩好，都唔知咩服務，真係冇下次!

乍想以為是日式居酒屋 其實是韓式的啊🤣一行五人 大家都餓到呱呱叫快快食個附贈既前菜先 新鮮好味 讚！荔枝沙冰- 媽媽桑提我地要小心倒荔枝味不太重 不過不失啦石板烤牛肉半半雞 個人覺得原味好食啲配埋個芝士粉真係一絕炒年糕配紫菜卷 - 世界級美味 紫菜卷熱辣辣架 裡面有粗粉絲 口感一流芝士雞蛋卷- 蛋卷好滑溜 芝士味道香而不膩韓式炸醬麵- 醬汁又香又開胃 麵條爽彈攪拌後未影已經被迅速KO薯仔排骨湯- 收結補氣神物 一碗又一碗呀仲可以加湯 仲要係加返原湯底（感動）今次坐位要脫鞋的 腳仔就放在枱底的「深淵」享受極樂舒暢😂😂😂😂

放長假前既前夕，幾個女生黎到諾士佛臺食燒肉暢所欲言，哈哈哈笑足成晚！先黎6碟side dish，其中以右上角魚仔最好味，甜甜地，較少喺香港既韓國餐廳見到呢款。正式開始雞牛豬肉食派對啦，第一碟燒牛肋骨，烹調既時候可能加埋醬汁去燒，所以牛肉好夠JUICY，令人keep住想食。呢度既生菜係可以refill， 用黎夾肉食，一次食幾塊都唔會太膩。第二碟黎既燒肉係梅頸肉，比起第一碟較乾，燒既時候冇加肉汁不過口感都唔錯。最後登場既係炸雞，揀咗半原味半酸甜辣味，原味加上芝士粉好惹味，而酸甜炸雞有啲似buffalo wing嗰種醬味， 無咩辣嘅感覺。一碟份量都唔少， 每種味大約都有6件，多人黎食就最啱㕸！

是晚食團年飯, 表妹話年年都食中菜好悶於是今年就攪攪新意思, 食韓國菜啦呢間0野係朋友介紹的, 講真, 一早已對"諾士佛臺"的餐廳失去信心因為個人覺得實在是嚴重地overpriced了不過既然朋友介紹 & 一下子諗唔到食咩, 又冇時間做research, 唯有就試下佢啦!!!!裝修係幾靚的~~一碟碟的前菜, 都好味的~~呢個炒粉絲都ok呀 (基本上食親韓國野都會order炒粉絲的了!)其實樣樣都係不過不失啦不過都係偏貴, 下次唔會翻兜lu~~~

近期越來越多新派韓國餐廳湧現，今次喺朋友介紹下嚟咗呢間比較地道嘅韓國餐廳，但之後入店才知道是BBQ military同一集國的首家韓國店，感覺有點奇怪哈哈..狎鷗亭居酒屋位於諾士佛臺商廈一樓一入去就覺得地方好cozy，係一個畀朋友閒聊嘅好地方。一坐底就有六小碟前菜: kimchi，魚仔、大荳芽，黑豆、菠菜、茄子。再望望餐牌，食物種子還真多，由小食、麵類、炸雞、海鮮，芝士骨到到湯鍋與拌飯都有，總有一款合你意。是次一行三人，點了牛肋骨($188)，三枚肉($148)、半半炸雞($188) 與海鮮葱餅($110)。六小碟前菜: kimchi，魚仔、大荳芽，黑豆、菠菜、茄子牛肋骨 牛肋骨肉味濃  這味牛仔骨確是用中上等食材,肉味很濃郁加上醬汁，夾以生菜+泡菜進食，惹味非常。三枚肉這是日文(為甚麼韓國店食物名會用日文?_? )，亦即五花肉，呢碟五光肉沒有經過醃制，食過牛肋骨後，再試五花肉隨即覺得沒甚味道.. 半半炸雞炸雞一半甜辣/一半唔辣，原味好香脆再加配芝士粉都幾惹味，但我都係比較喜歡酸辣醬雞，有少少甜甜味道，更開胃。海鮮葱餅這個也是不過不失，沒有太大驚喜。食食下才發現佢: 可愛臘腸狗筷子座後