狎鷗亭居酒屋

營業中

休息中

呢度嘅食物種類多到呢... 由街邊小食炒年糕、辛辣麵，到到湯鍋、炸雞、拌飯乜都有，所以真係好多嘢想食，想吓想吓就叫到成枱都係...點完菜發現原來筷子座係好可愛嘅臘腸狗冇耐侍應就送上六小碟。呢度嘅前菜除咗有大路嘅kimchi、魚仔、大荳芽，同菠菜之外，仲有好特別嘅茄子，辣辣哋甜甜哋好開胃［韓式魚生］除咗新鮮彈牙嘅魚生外，個醬亦係重點韓式豆瓣醬再加咗麻油、青辣椒，同蒜頭，好香口。食完個口雖然會臭，但真係好好味。不過如果有生菜或芝麻葉包住食會更好［生碎牛肉，$158］生牛肉係我最愛嘅韓國菜式之一生雞蛋黃令牛肉更加滑身，亦冇腥味；梨絲就令生牛肉唔會太膩，亦增加甜味同口感🏻正［青口麵，$88］餐廳呢排做緊promotion，呢個咁大碗咁多青口咁大隻魷魚喺面嘅麵，$88咋冇理由唔試湯頭有海鮮嘅清甜味，青口新鮮飽滿，魷魚亦彈牙［紅燒牛排，$198］牛肋骨炆到腍到冇牙都食到而且又易甩骨，所以即使有嚿大骨喺度都近乎係啖啖肉，加上炆得十分入味，餸飯一流［拌刺身，$158］呢個「沙律」入面刺身都幾多，仲有蘋果、芝麻葉、洋蔥、生菜，同甘荀個醬同韓式拌飯個醬好似，所以如果加碗飯就已經可以做到個韓式拌飯，可以食到