狎鷗亭居酒屋

營業中

休息中

朋友推介這韓式居酒屋，欣賞它食物夠地道。不太喜歡韓菜的我，當然也奉陪到底。這店全木製裝修帶點復古味，燈光暗淡，設有數張榻榻米式餐檯，感覺舒適。牆壁上畫了朝鮮時代的男女，頗具特色。食韓菜，我最喜歡食那些小碟前菜，尤其是辣泡菜。這裡提供六小碟，鹹魚仔味道不錯，奄製辣泡菜的辣醬惹味，其他小菜味道清淡感健康。蔬菜沙律配上蛋黃醬，沒有特別。沙律菜也只是普通質素。純豆腐辣湯味道不夠，湯料也不豐富，個人覺得這湯還是Han Spoon做得比較出色。韮菜翠肉瓜餅味道不俗，煎得很香，淡淡的韮菜味佈滿整個薄餅，點上少許豉油醬汁更惹味。海鮮炒年糕除了藍青口及魷魚外，沒有其他海鮮了，韓式年糕比較硬有咬感，辣味醬汁幸好配合香港人口味，不太濃。用餐時間限定個半鐘，我們超出五分鐘便被老闆娘黑著臉叫埋單，還附加一句....你們已經超出時間，真反感。其實我們不介意到時候便被要求埋單，只是覺得態度應該可以好一點😔

慶祝朋友生日，話呢間餐廳唔錯幾正宗。可惜遲到，朋友們已入坐同點餐，佢地話原先坐他他咪，但之後比人轉檯，話坐果度要最低消費同埋職員態度唔太友善。先上前菜六小碟，味道不過不失。雞肉炒年糕辣辣地，味道ok。水冷麵真係好味，湯汁酸酸地好開胃，食落好清爽。涼拌豬仔腳都有驚喜，同芥末醬汁好配合，連同蔬菜食都幾fresh。辣牛肉八爪魚鍋，勁大份，八爪魚有好多，所以個湯辣得黎又幾鮮甜。食物方面唔錯，價錢都ok，5個女仔都食到好飽......如果服務好啲應該會食得更開心。

跟男朋友紀念日，決定試下呢間出名的韓國餐廳，餐廳位於諾士佛臺附近樓下，全都是酒吧非常熱鬧。可能當晚比較夜上去，所以上到去都不用等。環境十分之好光猛寬敞仲有kpop聽 侍應全是韓國的姐姐 ，但點餐亦不會不便。 餐牌裏面嘅菜式有很多，湯，燒肉，拌飯，煎餅類等等 。兩個人最後嗌咗個泡菜湯，海鮮煎餅，雞肉炒年糕同埋一個拌飯 。泡菜湯十分好味呀， 香濃嘅泡菜味。雞肉炒年糕，本人不是太愛吃年糕，但係呢一個年糕實在太好味，年糕好入味雞肉亦都好嫩滑， 絕配。仲有個拌飯係超乎我想像咁好味，跟喺韓國食嘅差不多，十分之正宗。唯一海鮮煎餅令我失望，因為可能煎得唔夠耐一夾就會散，同埋唔香脆。總括味道係超水準，不過略嫌有點貴。

相信我呢一世仔都未試過咁差嘅服務。由訂枱都差唔多埋單總共提咗我超過20次叫我八點鐘要俾返張枱佢。我得三個人，訂6：30嘅枱，而家幾時有話要磨爛蓆？食到7:40竟然夠膽攞張單過嚟叫我地埋單。Guess what? With services like that, PLEASE FOR THE LOVE OF GOD, do not ever, ever even try to improve. 因為你哋嘅服務簡直係太好，小弟真係佩服佩服! 我相信香港有咁多好似我咁樣嘅蟻民，一定想試吓佢哋咁尊貴嘅服務！

又係時候食好嘢的時間~ 因為人比較多所以可以叫好多嘢一齊食~ 個人認為食韓國菜最好就係一大班人! 大家一齊分享樣樣嘢都可以食啲~ 又唔會太貴鮑魚非常新鮮 好好味~ 炒粉絲 熱辣辣而且彈牙! 炸雞同韓國食到嘅一模一樣非常好味

母親大人到訪，在選餐廳方面不能怠慢，其中試了這家韓國菜連愛吃韓食的母親大人也舔舔嘴。餐廳座落在尖沙咀的酒吧街諾士佛臺，已經開了10多年，裝潢走傳統韓國風，還有四人座的韓式榻榻米。老闆是地道韓國阿珠媽，會講點廣東話，廣東話加英文加韓文大概明白意思哈哈哈。我們禮拜天晚上6點到，店裡沒人我們包了場。餐前小食有六款，味道都非常棒。我們點了純豆腐辣湯（$98）。豆腐很滑，湯還蠻辣的，不是那種BB辣，裡面還放了一兩塊蜆調調味，但配白飯吃超開胃的！接著是石頭什錦炒泡菜飯（$118）。飯上來吱吱生，吃到底層還有飯焦。這個飯裡面沒有肉，飯炒得粒粒分明，泡菜酸辣酸辣的很好吃！最後我們還點了鮑魚人參雞湯（$178）。上來的時候最上面擺了兩隻小鮮鮑，還蠻爽口。雞噸得骨頭也能吃下去那種，湯裡面可以看到幾條人參，味道濃郁鮮味，兩個人每人大概可以喝三碗，這個大冷天喝上一碗暖暖身超舒服，贊贊贊！想吃地道韓國菜可以試試這家韓國餐廳喔(●’◡’●)ﾉ♥

從舊同事的相片中看到這裡的鰻魚好吸引經其推介下...便相約朋友一起前來光顧啊！一進店內，就是那種熱熱鬧鬧的居酒屋氣氛！除了一般的座位啊，也有塌塌米座位啊～～5~6個人的話，坐塌塌米座位，邊喝酒邊聊天的感覺會很好呢～先上6小碟的前菜，有菠菜﹑黑豆﹑大豆芽﹑泡菜﹑魚乾&豆角前菜的味道都清清淡淡的，大豆芽和泡菜都不算辣必點烤鰻魚點了三枚肉﹑炒年糕+炸紫菜卷﹑半半炸雞&生拌牛肉烤鰻魚，上桌時熱呼呼的鰻魚肥美甘香，每一口都好稔滑熱熱的鐵板迫出其油香！！鰻魚汁的調配是完美配合，不會過鹹而蓋掉鰻魚的味道～～是吃過的鰻魚中，最好吃的！！！底部的洋蔥充分吸收了魚油和醬汁～～整碟都被我們清光光啊！！三枚肉，即是五花腩，配有一些菇類食材熱騰騰的以鐵板送上，香氣四溢腩肉瘦肉分明，吃的時候不會覺得太油膩可是..這道三枚肉像沒醃過一樣，沒什麼味道呢！而且上一道菜是極美味的鰻魚，這就菜就更加被比下去了！炒年糕+炸紫菜卷，炒年糕還伴有青口和魷魚年糕煙韌彈牙有嚼頭，醬汁甜甜辣辣的青口算鮮甜啊～～炸紫菜卷，脆漿不會太厚紫菜仍能保持爽脆，沒有稔掉內裡捲著粉絲，口感外脆內軟，沾年糕醬汁吃更滋味！生拌牛肉，牛肉色澤紅潤，配生蒜

同朋友一班gathering，book左8:30，今次喺諾士佛台食呢間韓國菜，首先上到去都仲要等大概15分鐘，我見佢哋都好full所有枱，一開始就有8至10個頭盤小食，跟住我哋已經急不及待叫嘢食啦，因為已經好肚餓，我哋一行六人， 叫咗十幾款，平均都幾快就上菜，仲要好好味，我哋另外叫左啲飲品有啲係有酒精，peach味綠色樽超贊，份量都幾足，仲要講緊埋單每人除翻開都係＄300左右，諗都冇諗過咁平，食物水準亦有質素，唯一係啲服務員有啲淨係識得講韓文或者係英文，英文麻麻哋嘅就可能要搵返香港人先至可以落到單啦

星期四同朋友慶祝生日，預約了8點，4位。7點45分已經上到去，服務員提到今日人多，讓我們先等等。好的，當然無問題。已經有一枱2人坐的賣單。亦見門口位置有2人的吉枱空置。到8點再問一下，同樣一句:你等等！好再等等，8點15分已經好餓，再問一下:請問可以入坐了嗎？還是一句:你等等！一係坐住2人枱先！請問訂坐的意義在於......4個人坐2人枱，坐的方式是......而且當日並非爆棚，眼見6人卡位只有2人坐。安排之差......算.......終於等到有客賣單，正式入坐已8點30分。極肚餓，即落單，點了4樣食物，4支飲品。如食物味道很好的話都值，可惜極一般完全沒有驚喜。只可以說正正常常，在這個質素之下價錢真的偏貴。賣單1049。如果一班朋友去有卡位坐環境算不錯且別緻的。可能預約早啲如6，7點可能就真的不用等了。不過總體來說很一般。如非服務及安排特別差都不會寫食評。

昨晚跟朋友來到了這間近年很有名的韓式居酒屋。地點很方便，在諾士佛臺，在大廈大堂上一層升降機便到。韓國食物這十年都很受歡迎，風頭甚至一度蓋過了日本菜，那年頭的韓燒、部隊鍋及炸雞。。。然而，香港飲食競爭大，沒有持續創新 或 維持高水準的話，很快就會被忘記，當時有一兩家在金巴利道瘋狂排隊的炸雞店現在也結業了。吃過了主攻海鮮和傳統韓式食物的狎鷗亭，我認為它若果能維持水準，應該是能夠延續其旺人氣的。主要原因是其韓國人主理的優勢，還有每一道菜的平均水準，沒有讓人跌眼鏡，更重要的是，傳統簡單的菜色如海鮮煎餅、烤豬肉因為沒有gimmick到處也吃到，更難留住人心，除非要好吃到讓人記住才行，而這裡算是做到了呢一點！傳統菜吃不膩，維持到高水準，又能不時創出一些新菜的話，又那怕後者居上？

book左六點，一早講左七點半交台，波羅野飲 : 😛😛好好飲呀，仲可以飲到幾杯甘多，兩個人叫一個都好夠飲呀！燉牛排 : 超鐘意食呢個，D肉好多，好淋，好正架😜😜😜鮑魚人參雞湯 : 鮑魚好大隻，湯好大兜，好味。芝士卷蛋 : 唔太好食，可以唔使叫。炸蠔 : 有8隻，有兜鹽可以比你掂下，唔錯。海鮮煎餅 : 好食呀，個煎餅好多海鮮，個汁好味😜😜😜😜

朋友生日飯聚，由於有位孕婦，食品選擇有限，待應親切向我們介紹美食，為孕婦建議可選擇食品。。牛仔骨好好味，很軟熟亦容易咬。炸雞有兩款，本人較喜歡酸辣醬炸雞，雞肉不老而十分香口。餃子也很特別，餡料是粉絲，不錯。豬手很好味，用菜包住食，加上好好味既醬料，好味不肥膩。韓國粉絲好好食，不過是油多了一點點。場地不算很多人，很適合大家傾談吹水，坐得舒適，裝修也滿有韓國特色，坐著吹水影相不錯。有卡位的座位，需要脫鞋進入坐下的，幾得意。

八點鐘， 開始食 ，8:50點鐘已經 問我哋 幾時走 佢話要九點半交枱 ， 侍應話有人喺十點鐘包咗場 ，book位時冇講到， 但我哋食到10:10都冇呢件事 ，好奇怪。未試過食韓國菜 食鐵板冇蒜頭辣椒提供，叫咗4個鐵板，六個人得兩小碟生菜 ，叫咗三四次加生菜待應只 敷衍回應最終冇左件事 ，每人平均得兩塊生菜， 食物質素很一般 ，bad list，六個人叫左hkd 2200包括埋海鮮煲，炸雞,farewell dinner成肚氣

一陣子沒吃韓國菜，今天看完軍艦島，戲中小妹妹說想吃雞蛋冷麵加糖，看完戲後意猶未盡，於是找韓國餐廳，發現全部是炸雞炸雞炸雞，還有其他韓菜新潮菜，都不是我想吃的，於是找了這間試一試，限時1.5小時。7點到達，已經有幾台客人上面中間那款前菜很美味其他也不錯海鮮炒年糕，有八爪魚、青口，炒年糕比較辣炸紫菜粉絲卷 很美味，炸得很香脆什錦菜冷湯麵辣椒醬自己加，只加了一點點，麵本身有甜味，配上酸酸的白蘿蔔，很好吃呢兩個人吃剛剛好，沒有浪費食物！下次再來

是日友人生日。我哋一行十個人！好開心，因爲要禁多人先可以叫到禁多嘢食！正宗嘅韓國地方俾我地無限添前菜小食！全部都好好味！炸雞都唔錯，辣嘅嗰個好惹味，原味嗰個就好脆。芝士雞蛋卷。係，係好多芝士。我估應該係卡夫芝士，味道唔算特別正。只係好勁嘅芝士。。。豆腐海鮮湯，有跟飯架。個湯好夠味，料都足嘅！五花腩！每一舊有肥有瘦，佢搵過火喺下面熱住，保持舊肉夠熱！用啲菜包住加埋佢個醬，好味！天氣咁熱我哋又想食個冷麵！果汁唔算太酸，好開胃。上面仲有幾塊梨，同個麵好夾！呢個炒牛肉。味道都OK，但啲肉片就好似碎咗少少。 洋蔥都仲俾啲肉片多同埋大塊。去食韓國嘢點可以唔食炒粉絲！有水準，好味！炒年糕- 呢個醬有少少辣。佢啲料都好夠，唔係齋年糕！呢個石頭飯個蛋上枱嘅時候都仲係半生熟，好正！因為咁樣先至可以撈好過飯！呢度啲嘢食全部都有返咁上下水準，但係最主要嘅係呢度可以坐得舒服傾計飲嘢。佢啲韓國燒酒都有幾隻味可以選擇：西柚，桃，原味，等等。我超鍾意桃味！