牧羊少年咖啡館 (屯門市廣場1期)

營業中

休息中

Situated in a quiet corner of Tuen Mun Town Plaza, the beautiful hillside view gave a tranquil ambience that I don’t feel like I am in Hong Kong. The interior is well thought-out, and I particularly like the wall of books, as if I were eating in the library.I ordered a pancake with chocolate icecream and banana. The pancake was crispy at the outside but soft at the inside. It’s not too sweet and the chocolate icecream is rich in flavour.I also ordered chicken wings with fries.The chicken wings w

牧羊少年終於在屯門區開了，身邊很多朋友也說要去拜訪！餐廳菜式以輕食為主，更有素食系列，而咖啡更是餐廳裡必點的飲品。這次到訪是晚上時間，人流很多，餐廳外一堆堆等位的客人。就座時，職員再三叮囑，食物上枱時才可除口罩，場內食客也非常專規矩。由於已經是晚上，我就避開不飲咖啡了，下次再試試吧。這次點了兩個主菜、以及一個甜品。黑椒香蒜煙鴨胸意大利粉 $88意大利粉煮得清爽，軟熟度適中。而且更能吸收黑椒、香蒜味道，非常開胃；份量剛好是一位女士食量，如果是男士可能未夠飽肚。煙鴨胸厚肉，軟熟度適中，容易咬開，很惹味。真是在街買的即食鴨胸，味道差很遠。媽媽更說，不知道怎樣醃製才可以這麼好味道！而且配菜的青椒和磨菇，亦非常惹味，用料GOOD AR！香煎加拿大保濕豬鞍配蘋果泥 $158豬鞍配菜很多，有蔬菜、薯蓉等，更有蘋果泥作點綴，一口豬鞍再沾上蘋果泥，可以減輕油膩感，其實豬鞍跟蘋果味是很夾，令整體肉香更特別。豬鞍份量十足，非常厚，容易切開和咬開。初時擔心表面已經乾，但內裡才剛熟，不過切開時就發現自己擔心過多。猜不到裡面都是很多汁，很JUICY，加上豬鞍質感爽口，很好吃！感覺此時多加一杯酒，感覺更好，哈哈！心

真心食到一肚氣唔明點解咁多好評店員無禮貌，黑面，成日都係度提你仲有幾多分鐘就要交枱d野都未食晒就想收走晒你d碟其實有90分鐘比我食架！咁如果你提我last order我覺得係好合理但唔係每5～10分鐘就走埋黎收走你d野又不斷提你要準時交枱囉，講真仲有成半個中已經想你走我知出面有人等位，咁如果你咁心急做咁多生意就好似爭鮮咁，食45分鐘算啦係咪呀？打開門做生意唔好咁小家，好肉酸，搞到成餐飯大家都勁大壓力勁唔開心勁嬲講真係咪好好食？咁好多餐廳都有呢個質素啦又唔係平，唔明點解比錢又要受氣一定唔會再去呢間野！

2年前的一頓生日飯，同事帶了我到「牧羊少年咖啡館」，自此之後便對餐廳念念不忘。得知它在大西北開了分店便來光顧。餐廳寬敞開揚，落地玻璃窗設計更具空間感。因為附近景色一般的關係，筆者感覺午間有日光的時候應該會更漂亮一點。餐廳裡面有一個大書架，其實是漂書之用。客人可以把舊書帶去，等待下一位惜書人的出現把它帶走。這個理念實在值得欣賞！鮮忌廉意粉煮得好香，意大利粉質感帶微煙韌，掛上忌廉汁後變得creamy。帆立貝大粒肥美，煎到金黃色，入口後滲出牛油香氣。另外還添加了爽口洋蔥粽，和蘑菇片在意粉中，務求令每口有豐富的口感。一客有6塊，可供2-3人食用。薄身餅底烤得十分香脆，批邊更有點像梳打餅的口感。餅身塗上了千島醬汁，上面舖上了小墨魚、鮮蝦還有蟹柳，頗為香口。誘人非常的甜品，女生看見大多會淪陷吧。士多啤梨口味的窩夫甜品，有4小塊窩夫、士多啤梨果醬、鮮忌廉、2球雲呢嗱雪糕，還有大量士多啤梨粒。窩夫外脆內軟，先在上面淋上果醬，再塗抹鮮忌廉、雪糕。時帶士多啤梨味，時帶雲呢嗱奶香，吃得滿足。

屯門牛都有得食牧羊少年啦🤩🤩 相信都唔洗點介紹牧羊少年係咩黎啦😌 終於喺屯門開分店啦‼️平日下午茶時段食有 Lunch set 同 Tea set，lunch會包湯同飲品，tea就淨包飲品，飲品選擇都有好多🍹Lunch set 🐣 厚切雞扒蕃茄沙律菜意大利包 配 蜜糖芥末薯角 ($78)絕對係違反商品說明條例🤭 塊雞扒比相片大好多😂😂 雞扒煎得香脆多肉汁，意大利包又軟熟😋 薯角熱辣辣又脆卜卜，點埋蜜糖芥末醬真係停唔到口🙈Tea set🍕 日式大阪燒風味煙三文魚薄餅 ($52)薄餅又薄又脆，大阪燒醬汁加上煙三文魚，咸咸香香，又脆又惹味🤤🤤 略厭份量有啲少，得兩塊😣 另外伴碟生菜沙律如果有醬汁就更完美🥰餐廳空間好大，木系裝修風格，光潔明亮🥰 仲有一排大書櫃，存放#漂書 活動收到嘅舊書📚 真正嘅文青cafe👍🏼 食野同時可以支持環保、文化、公益！———————————————————————可以 Like & Follow 埋我地其他Channel 😉 以便得到最新吃喝玩樂資訊💕

之前食過太子分店，一試難忘，除咗環境裝修得好靚，因為本身自己都係旅行友，好鍾意收藏唔同地方嘅明信片，呢間Cafe用旅遊做主題就啱晒我，加上食物質素唔錯，價錢又唔貴，知道佢喺屯門市廣場開咗新店，就帶埋另一半過來。環境一見到店舖有啲驚艷到，因為同太子嗰一間嘅裝修截然不同，太子店走嘅風格比較親民少少，而呢一間餐廳裝修成個感覺高貴左，好似去咗高級西餐廳咁，但係都冇忘記到本身旅遊嘅主題，周圍放滿唔同國家代表嘅裝飾品。餐牌餐牌就做到成本雜誌咁，一開頭介紹餐廳嘅歷史，中間嘅食物餐牌亦都全部附上圖片，到餐牌最後係雜誌形式咁介紹其他唔同嘅餐廳。照燒汁煎乾蒜牛柳粒 $78$78食到牛柳粒價錢真係超級抵，份量亦都唔少，一上枱見到出晒煙，牛柳粒咬落去好鬆軟，當然以$78嘅價錢，牛嘅質素唔會係特別高價嗰種，但係咁大份飽肚亦都可以頂頂食牛之癮。是拉差醬法國雞翼 $68 另一半係是拉差醬嘅粉絲，見到佢唔係水牛城雞翼而係特別少少用是拉差醬就叫咗，有五大隻，外層果座炸粉去炸，但係一咬開唔會入邊係空氣，雞翼真係好大隻！雞肉仍保持到嫩滑，帶點微辣好惹味。黃金鹹蛋苦瓜忌廉雞肉意大利粉 $88當鹹蛋遇上苦瓜會點樣？有幾夾喎！整

牧羊少年餐廳相信大家都唔會陌生之前不時都會幫襯荃灣店好可惜荃灣店係之前已經關閉幸好喺屯門又開返間新店喎咁今次我哋又去打卡啦我好喜歡呢句子願你出走半生，歸來仍是少年充滿著書卷文青味道而且餐廳亦都裝修得好別緻尤其鍾意佢嘅大書櫃作為書生嘅我不禁係咁望啲書餐牌方面其實主食嘅數量唔多不過每樣主食都好吸引今次我哋就叫咗一個pizza同一個烤雞千島海鮮pizza呢個pizza相當足料基本上每一塊pizza都包含一隻大蝦，一件蟹柳同一嚿墨魚仔大蝦食落好彈牙，墨魚仔亦都好爽脆配上千島醬，味道係啱啱好非常推薦大家試下呢個香草蒜蓉牛油焗春雞呢個燒春雞個擺盤都幾靚燒春雞方面德國都有少少燶邊而且都食落好滑嘅我覺得比較有驚喜嘅係個薯蓉都真係幾有質感同埋佢啲配菜都係加咗啲心思係有蒜蓉嘅香嚟嘅所以整體嚟講都算係一個唔錯嘅菜式冰水果茶杯水果茶都幾香濃飲落嘅有粒粒嘅果肉蘋果蜜桃鮮打紅茶呢杯水果茶嘅味道偏淡不過蘋果頭蜜桃嘅鮮味都突出嘅可以睇返自己鍾意濃味啲定淡味啲係揀冰茶啦總結就係，屯門少見嘅文青咖啡店相信都會紅一排嘅舖頭想試嘅朋友記得早啲去排隊啦

大學時代食到宜家，牧羊少年咖啡館終須開拓大西北市場，等我呢d屯門牛唔洗出遠門先有得食。一黎就叫左個千島香芒牛油果雞肉pizza晾下個胃，食住等男朋友，因為佢遲左放工😂，唔等佢我食下食下我已經食左三塊，千島夏威夷醬係好難抗拒既，不過就遮左牛油果個味，反而芒果味都出到。佢黎到我地再叫左個煙三文魚凱撒沙律，食返多啲菜，啲菜好新鮮所以爽脆，加埋大大嚿麵包既焦脆，食得好愉快。最後嗌多咗個甜品，卡魯哇咖啡tiramisu。因為加咗隻咖啡甜酒所以咖啡味特別香濃。

《金沙鹹蛋虎尾蝦》香噴噴 仲要用鐵煎pan上 特別吸引每隻蝦碌都掛滿金黃色鹹蛋醬🦐鹹香加鮮味 勁邪惡.《千島香芒牛油果雞肉薄餅》樣子精緻 有少少似日本食物模型 哈哈Pizza似餅乾底 比較脆身上面有好多千島醬同芝士芒果既微酸帶點中和既作用🥭🥑🍕不過牛油果可以再熟少少就更好.《香煎黑椒蒜茸日本帆立貝》大大粒帆立貝 肉質在嫩滑同爽脆中間同名稱一樣 充滿黑椒蒜茸香.《卡魯哇咖啡酒提拉米蘇》杯裝tiramisu 像兔耳朵🤎🐰很可愛Kahlúa咖啡酒出自墨西哥🇲🇽甜酒以香草及南美洲咖啡原豆磨成的香料來調味造出來的tiramisu帶有淡淡酒香 又有有濃郁醉人的咖啡香氣.《煙三文魚凱撒沙律》🥗雖則話呢道沙律係基本款但都有保持誠意而呢間Cafe亦烤到麵包好脆.《冰伯爵茶咖啡》比預期多冰同多奶不過伯爵茶味都幾出既

餐廳以旅遊為主題 ，並提供免費旅遊書籍給客人閱讀， 裝修簡約、型格， 座位寬敞舒適， 配上柔和燈光， 播放著悠揚音樂、歌曲， 氣氛不錯。黃金鹹蛋苦瓜忌廉雞肉意大利粉$88意粉醬汁用搓爛的鹹蛋黃，再加上忌廉汁，顏色金黃耀眼 ，賣相好吸引， 意粉口感煙韌， 每條意粉都掛上濃濃的鹹蛋黃， 甘香誘人，令意粉鮮味加倍提升， 配上滑溜的雞肉， 及清爽的苦瓜， 意外地配搭， 食指大動。沙律醬吞拿魚焗酥盒$68沙律醬吞拿魚焗酥盒， 外層的 酥皮有很多層， 口感酥脆， 裏面嘅餡料有沙律醬吞拿魚 ， 清新惹味， 配上士多啤梨粒點綴， 賣相精緻， 混合了士多啤梨果香， 令人難以抗拒， 啖啖窩心。是拉差醬法國雞中翼$68法國雞中翼外表炸至非常酥脆，咬下去“吱嚓”聲，內裡嫩滑多汁， 再沾上惹味的是拉差醬汁，令雞翼更加誘人，吃完滋味得舔舔手指上的雞油。藍莓奶酪(凍)$56藍莓奶酪， 冰爽清甜， 還有 啖啖藍莓果肉， 果香味迷人， 入口柔順細膩， 味道不會隨冰溶化而減退， 十分欣賞。

從前就常常去K11的牧羊，知道佢逆市在屯門開分店，真係笑不咧嘴。十月開幕至今，已光顧了4次。.最喜歡吃下午茶，份量剛好且抵食。而屯門分店最特別的地方係窗外一片綠油油的山景，光猛舒適。.與友人叫左兩份下午茶：📍英式窩夫配雪糕（香蕉朱古力）$68呢度嘅窩夫真係冇得輸，口感鬆脆，外型飽滿，配上有朱古力碎粒粒的雪糕，同又甜又香的蕉，幸福感瞬間提升。.📍炸法國雞翼配蜜糖芥末薯角$48雞翼又係另一樣必試食品，外層脆卜卜，難得地鎖住肉汁，雞肉嫩滑，溫度剛剛好。反而薯角係一般的薯角，當然點醬好食點。.絕對係屯門區口袋餐廳之一，要試呀！

牧羊少年走文青風路線，獨有的漂書文化，給予客人一刻的寧靜。餐廳以創意咖啡為主題，安坐在玻璃窗旁，緩緩喝一口咖啡，滋養心靈。鮮忌廉野菌帆立貝意大利粉 $98帆立貝肥美、誘人，煎至油光亮澤，濃郁牛油令貝肉更油潤，鮮味中帶陣陣咸香，令人欲罷不能! 意粉幼身煙韌，沐浴在鮮忌廉中，一口滑嫰帆立貝，一口香滑意粉，夾合爽口雜菇粒，啖啖充滿細膩口感。京都春日 $108窩夫質感酥脆，並灑上糖霜，賣相精緻。很喜歡配料選擇眾多：草莓、忌廉及雪糕，雲喱嗱雪糕奶滑香甜，溶化後填滿窩夫格格，令人甜入心扉! 再倒上草莓果醬，令口感鬆化中帶綿密，和清甜草莓相輔相成，幸福感指數升華。凍玫瑰可可朱古力$52忌廉奶泡稠密，表面鋪滿可可粉及玫瑰花瓣，呷一口充滿濃郁的玫瑰幽香，令人甜思思。拌勻滑滑的泡沫，質感更細滑，像奶滑的Smoothie。朱古力流過舌尖，細味到淡淡的花香，卻不減可可的醇厚，令人迷醉。

好耐無去牧羊少年食啦，屯門終於有牧羊少年，真係好，呢間裝修感覺比其他高檔啲，暗暗地嘅燈光，都幾有氣氛，今次我係平日晚上去dinner,都要等一陣間先有位。。（1）明太子鳳尾蝦意大利粉$98。呢個好好食，好多明太子，有成5-6隻蝦，配合個意粉汁，好開胃😋。（2）灸燒荷蘭汁豬肉扒$78呢個必推，豬扒好juicy,份量又夠多，個汁好特別，小小似芝士加mayonnaise嘅混合體。。（3）法式芥抺鷄肉薄餅$118餅底好薄好脆，配埋法式芥抺醬，好惹味，又冇日本芥抹咁辣，唔錯😋P.S. 呢間店員幾好服務，注意晚飯只有90mins 要交枱。

屯門開左人氣之店，當然要立即試試。諗住平日應該唔使等位，點知都係要等半小時。入去座位都幾闊，有紙袋裝口罩，幾貼心。Lunch set有湯有主菜有飲品。點左黑松露雜菌長通粉同明太子鳳尾蝦意粉。是日餐湯係西蘭花湯，味道淡淡。長通粉既黑松露味好濃郁，非常creamy，素食人之選。明太子意粉非常足料，蝦仁大大粒，估唔到仲有三文魚子！飲品推介冰茶，因為都幾多人order，味道唔會太甜，涼快！下次要再黎試埋甜品至得！

想當年拍拖時，牧羊少年係我地經常拍拖之地，第一間白楊街，長二店，葵青劇院分店都留咗唔少腳毛，以旅遊作主題，大量旅遊書籍取閱，食物同咖啡質素高，仲可以拎家中舊書嚟參與漂書由街舖到入到大商場變成連鎖cafe，好在牧羊少年無令我哋失望，品質依舊氣氛依舊，屯市新舖開咗不足一個月已經成為人氣店，好在我哋6點就到early dinner，7點走時已經幾十人排隊.鮮忌廉鮮菌日本帆立貝意粉＄984粒巨型帆立貝，意粉軟硬度適中，大愛個忌廉汁，緊緊巴住每條意粉，正！日式大阪燒風味煙三文魚薄餅 ＄128薄脆餅底pizza，佈滿煙三文魚啖啖都咬到，一堆會跳舞嘅柴魚絲及大阪燒醬汁，意外地match京都春日 ＄108老公食第一啖就大讚甜品！鬆餅熱辣辣鬆軟無比，配上特製士多啤梨醬，加cream及雪糕，為呢餐劃上完美句號