牧羊少年咖啡館 (屯門市廣場1期)

營業中

休息中

呢間cafe 應該好多人都認識，最近係屯門開左分店，近近地，同埋咁啱最近晚市做緊八折優惠(要like & share 社交平台page 指定帖文)，就約埋朋友一齊去試下，今次係4個人食，介紹下菜式先：灸燒荷蘭汁豬肉排 $78舊肉好軟，而且冇筋，好好咬，個醬汁好creamy，重有少少檸檬酸，味道清香，同豬排好夾，而且重有灸燒嘅香味，$78有呢個質素真係覺得好抵食😋 千島香芒牛油果雞肉薄餅 $138餅底好脆，每塊薄餅都有至少一舊芒果同牛油果，食完第一啖芒果，酸酸地幾開胃，再食到下面牛油果配千島醬，味道都係好夾，而且可以中和返芒果嘅酸味，平時食pizza食完一塊已經好滯，但食呢個pizza 就冇滯嘅感覺。🎀個灸燒豬排同牛油果薄餅係令人最深刻嘅菜式鮮忌廉菌日本帆立貝意大利粉 $98不過不失，意粉軟硬適中，醬汁亦好足夠，忌廉汁好creamy，而且帶有香草嘅香味，share 食係啱啱好，但如果一個人食應該會有少少膩。小食拼盤 $138有坎伯蘭腸、煙辣腸、春卷、薯角、雞翼、八爪魚丸，好豐富！每樣都好食😋 配有千島醬同沙律醬日落巴黎(香蕉朱古力窩夫配朱古力雪糕)$138窩夫外脆內軟，有少少蛋香味，雪糕

黃店牧羊少年進駐屯門#屯門友 有福了 以旅行為主題的#黃店 殺入城有多間分店的#牧羊少年咖啡館 係屯門市廣場開左啦晚市六點幾黎到要排一陣隊但都好快有得入好多枱 環境舒服又闊落不得不讚係店員服務態度好好食物選擇多 份量大又抵食！叫左牛油味香芒烤雞沙律 都好耐無食咁高質的🥗 芒果好甜果肉結實 雞肉份量多又嫩滑小食炙燒荷蘭汁豬肉扒 肥美惹味夠邪惡😈主菜香草蒜茸牛油焗春雞 配菜多元化春雞肉質嫩滑香口 推介🤤以後#黃店感謝日 又多個選擇💛

環境：👍👍👍👍服務：⭐️⭐️⭐️⭐️⭐️味道：😍😍😍😍😍影相：📸📸📸📸📸Encore:98%📝進入前要度體溫 📝由1/10-14/10期間，like+share 作嘅IG post係晚市全單8折呀🥳📝提供口罩袋➖➖➖➖➖➖➖➖➖➖➖➖➖➖➖早前行屯門市中心時見到「牧羊少年」終於係屯門開分店🙆‍♀️果時真係勁開心，心諗機會終於到屯門友啦🤣等左幾個月，終於開幕作為我地嘅地頭，即刻衝過去食先😂.🔸千島海鮮薄餅 $138如果你都係千島醬迷，呢款千島海鮮薄餅就岩哂啦出自自家手製嘅薄餅批，偏向薄身口感好似梳打餅咁鬆化脆口隨伴住濃郁嘅芝士同千島醬加上蟹柳，蝦仁，墨魚仔做點綴，口感豐富～.🔸沙律醬吞拿魚焗酥盒 $68既可以充當小食，又可以係飯後係小品細細粒的的骰骰嘅酥盒入面竟然係放滿吞拿魚沙律！輕輕一咬，鬆軟薄脆而吞拿魚沙律嘅綿密又因半溶芝士而令層次感更豐富🥳最後加上士多啤梨做點綴，賣相可愛又吸引🥰.🔸風沙蒜香雞肉排 $78雞肉排有成兩大塊每塊都煎至外皮香脆，而肉質仍然Keep住嫩滑多汁加上大量香辣嘅蒜粒，令成道菜式蒜香十足又惹味.🔸Roas Latte $46最後緊係要歎杯招牌Coffee啦🥳

牧羊少年終於都開埋入嚟屯門啦🤤 個時一知道佢開都期待咗好耐佢幾時開張 終於等到啦😂 平日嘅晚餐嚟咗試下 都要等幾張枱先到我地啦～～ 🍝明太子鳳尾蝦意粉 $98 除咗明太子撈埋咗意粉同埋煎香嘅鳳尾蝦之外 仲有魚子同櫻花蝦 寫得幾香一啲都唔咸🦐金沙鹹蛋黃鳳尾蝦 $98 無錯 我地又叫咗蝦😅好似好鍾意食蝦咁 但呢個又真係好想試 好香啲咸黃味 撈埋隻蝦到成件事都幾夾👍🏼🧆照燒汁煎乾蒜牛柳粒 $78 一上枱聞到勁香乾蒜加埋牛柳既味 勁香勁惹味 而且唔係話好咸咁 味道適中👍🏼🧇京都春日 $108即係草莓窩夫配雲尼拿雪糕🍦雖然等呢個上碟都真係等咗一段時間 但個窩夫熱辣辣再配襯個雪糕真係幾好食 😋係值得等耐啲既～

🔺 牧羊少年咖啡館牧羊少年咖啡館終於開到嚟屯門🥳之前喺荃灣大會堂食過覺得都唔錯👅呢間咖啡館有別於一般文清路線裝修得好有情調好grand😍.日式大阪燒風味煙三文魚薄餅🧇大阪燒風味嘅pizza好特別賣相吸引 味道都唔錯同埋薄餅餅底勁脆😝.灸燒荷蘭汁豬肉排🐷肉排份量好多 而且非常厚肉略嫌燒得唔夠香口👌🏻.法式蘋果撻配雲尼拿雪糕🍦蘋果撻唔會太甜 酸酸甜甜😚😚搭配雪糕好好食 個蘋果撻底都好香😋

屯門開新分店！先旨聲明，我唔係佢fans，因為新開所以貪得意去試下，因為夜晚相對多人，所以今次我朝早十點幾走去食左個 brunch。 叫左個素食早午餐 $108 + 冰伯爵茶咖啡 $68唔好以為好小嘢，食落其實都好鬼飽，入面有熱辣辣嘅薯角、蕃茄、黑松露醬炒蛋、意大利飽、白菌、沙律菜 、鮮果椰奶亞奇籽布甸，沙律菜新鮮，個蛋都炒得幾滑，意大利飽煙煙靭靭幾好食。而杯咖啡無論係茶味或者咖啡都好淡味，冇搶味，如果飲開 espresso 之類嘅人，呢款未必啱你。食個 brunch 要差唔多兩舊水，對好多人黎講係好奢侈嘅一件事…最後，佢有個 Gimmick 係你可以付費買張 postcard，最多$60 佢哋就會安排5年後寄番畀你指定嘅地址，都幾得意嘅…

價錢偏貴，食物質素非常一般。新店開張，但服務員態度不太友善。最吾滿意既地方係收碟勁快，(出面冇人等緊位)岩岩放低隻叉就收，好似想趕客走咁，感覺吾relax。呢個價錢呢個服務質素唔會想再幫襯。

屯門巿廣場終於有新食肆，牧羊少年開左係以前意粉屋個位,裝修白色為主,較以前光猛,下午兩點幾去到都預左新嘢多人食,門外取票機取票，前面大概有二十個號碼等緊,但門外又不是人頭湧湧,結果等左15-20分鐘便有位,因前面好幾個號碼的人也沒出現，可能等得耐.入面座位不算多,但枱與枱之間不太近也坐得舒服。星期日也有午餐，午餐只包主菜及飲品. 侍應要叫了兩次才送上幾杯水. 侍應有禮貌.三個人叫了三個午餐,本來加多個小食拼盤但原來侍應冇落單,食完三個餐飽飽哋便不要了，因上菜速度一般,而且限食90分鐘，下次再試。甜品選擇不太多,價錢偏貴也沒有試.食物整體質素滿意，遲些可再幫襯。

牧羊少年咖啡館係好出名嘅初代cafe，一直都未有機會試，最近終於等到佢喺屯門開分店😍 最近兩星期(直至10月14日)仲有新張優惠，只要like & share 社交平台post就可享晚市全單8折！🤩 我哋驚新開張會好多人要等好耐位，所以專登提早Book咗19:00食，晚市限時90分鐘就要交枱~ 去到嘅時候發現其實都唔算好多人等位，咁我哋Book咗位就可以準時入座。晚市第一輪應該係17:30，我哋食19:00應該只係第2輪，不過落單嘅時候竟然無晒pizza同薯角😟 整體黎講，食物應該係即叫即整，每一碟都熱辣辣，但上菜速度算幾快💨缺點應該係食物份量比較細🤭•🥢 鮮忌廉黑松露醬雜菌長通粉 $78呢款喺餐牌上面有標示"VEGAN"，食到有蘑菇、海鮮菇同埋蟹味菇～長通粉偏幼身同細粒，煮得偏硬身，但個人幾鍾意呢個軟硬度。黑松露味聞落同食落都比較淡，不過值得一讚嘅係醬汁嘅忌廉蘑菇味好濃厚好Creamy，而且醬汁份量好足夠包住每一粒長通粉😆食完都唔會覺得好膩～•🥢 明太子鳳尾蝦意大利粉 $98呢款意粉嘅配料比較豐富，有三文魚籽、明太子、4隻鳳尾蝦同埋櫻花蝦。鳳尾蝦爽口彈牙，但有少許過熟~ 櫻花蝦味唔出

難得屯門開，緊係幫襯啦💛新開業唔算太多人等位可能個位置有啲入（係牛角隔離）本身以為開係中庭，都係行行下街至發現開咗😂第一日食lunch，第二日食dinner食物質素唔錯，店員服務態度都nice中意飲咖啡的我，分別飲咗2杯Rose latte同Earl grey tea coffee😋必飲意粉性價比高，份量夠，價錢唔貴Lunch食個碟咸蛋苦瓜pasta係超飽新開期間like and share fb post有8折啊

之前知道牧羊喺屯門開已經勁開心，因為之前喺其他分店食通常都要勁等，所以比較難食到。今晚7點半左右拎飛，等左唔使一粒鐘就有位，入到去發覺環境裝修好文青feel，一排窗望出青山公路，好開揚，坐喺窗邊好舒服放鬆☺️ 好適合情侶約會嘅地方。我哋total叫左四樣食物兩杯飲品：1. 紅菜頭香芒葡萄藜麥沙律：每樣食材都好新鮮，醬汁應該係honey mustard，好fresh 食完好開胃。2. 鮮忌廉野菌帆立貝意大利粉：個汁好香好滑，唔會太油膩，不過得3粒帆立貝好似少咗啲。3. 灸燒荷蘭汁豬肉排：肉質彈牙好嫩滑，唔會乾柴，配埋個汁好完美！小食嚟講份量好足夠，$78 CP值好高👍4. 法式蘋果撻配雲呢拿雪糕：甜品都出色，酥皮撻底唔會太油膩，配合雪糕一齊食好正！5. 飲品叫左梳打濃縮咖啡同埋蜜桃奶酪，前者幾特別，後者就一般般，之後未必會再叫，因價錢都略貴（$56一杯）總括而言，牧羊少年呢間分店好值得推介👍👍 舒適嘅環境同埋食物嘅高質素已經值回票價！

屯市內食店近來頻頻換新面孔。 意粉屋位置，剛剛換成牧羊少年咖啡館。曾去過它位於沙田香港文化博物館店，設計很獨特、舒適，食物有進步空間。用自動機取號碼輪候，等了大約20分鐘，繁忙時間有用餐時限，印象中是 90 分鐘。店內座位安排不算很迫，靠窗一排沙發位很寬敞。 假日午市套餐共5款，其中鹹蛋苦瓜雞肉意粉配搭很新鮮，就選它吧，加$12 升級藍莓乳酪。藍莓乳酪真材實料，入口很多打碎的藍莓粒，稀杰適中，不過甜。意粉有嚼口，材料分量足，味道配搭有驚喜，喜歡鹹蛋黃的不要錯過。總體唔錯，可以再來。