牧羊少年咖啡館 (香港單車館)

營業中

休息中

喺香港打正旗號用旅遊做主題嘅食肆非常少，若干年前仲有間喺美荷樓嘅 Full Cup，到咗今時今日，怕且就剩返呢間，雖然佢嘅旅遊元素而家都所剩無幾🥺。Cafe 嘅前身係長沙灣嘅秘密花園 1981，當年我都算經常光顧，除咗食物質素 ok 之外，更加喜歡佢係一間有故事有感情嘅 cafe。到咗太子嘅牧羊少年，最初我都有幫襯，亦都參與過旅遊講座同 “以書換啡”，不過，隨住佢嘅食客愈來愈多，旅遊元素愈來愈少，我就好幾年都冇再幫襯。今次來到單車館入面呢間分店，嗰種久違嘅 cozy 同 lay back 感覺又再湧現😃，店內地方寬敞，食客不多，有部份座位仲擺放咗梳化，感覺舒服。叫咗一客晚市套餐，包括蘑菇汁澳洲牛肉漢堡配珍珠飯，泡沫蜂蜜綠茶同熱情果芝士餅。飲品同甜品屬正常水準，主菜份量就非常多，漢堡扒煎得比較硬同乾身，幸好蘑菇汁調味不俗，撈埋一齊食還算不錯。牧羊少年近幾年開嘅分店主要係喺政府文娛場地，我相信租金壓力細咗，老闆就可以花多啲心思同資源去打造 cafe 嘅風格。 所以如果想幫襯牧羊少年，我建議最佳選擇都係單車館呢間。

將軍澳呢度有一間連鎖cafe最近試咗都唔錯👍🏽 呢度環境都幾好，出面就係單車公園，放假食個lunch散下步都幾寫意☺️Lunch menu有幾款意粉、漢堡包同all day breakfast，價錢中規中矩🤪 叫咗芝士鮮蝦意大利麵試下，味道正常，啲蝦都幾大隻😋 芝士醬就冇咩芝士味，有啲可惜😢 食落creamy嘅，但唔會覺得好膩😌 我哋每人都嗌左杯咖啡飲，個拉花都幾靚🤣 呢間鋪幾大間，可以坐耐啲唔使趕住走，慢慢嘆杯咖啡傾下計😛▫️車打芝士鮮蝦意大利粉 $68▪️Latte 跟餐+$15

星期日提早同女朋友慶祝生日，係牧羊少年留咗個位食晚飯，去到環境裝修得好靚，心情已經好開心，女朋友都好滿意個環境！坐低咗之後，我同女朋友一人點咗個晚飯套餐加炸雞翼！開餐前，飲返杯花茶開開胃，都十分好好喇，講返菜色，我點咗個星加坡海鮮米粉，海鮮分量十分足，湯底都唔錯好有新加坡風味女朋友點咗個牛肉漢堡，牛肉肉汁豐富，配搭芝士十分好食，相當滿足，薯片炸到岩岩好，仲有少少脆口，食完後仲有個雞翼，都十分好食，雞翼炸到外脆內軟，唔會冇哂肉汁2個人食完都話會再去，試試其他嘢食

喺TKO食Lunch，搵到單車館入面呢間好神秘嘅Cafe價錢合理，半自助方式，水到調味料同餐具等可自取而且係黃色小店環境好Chill，坐低食嘢好舒服落大玻璃窗對住單車館湖景不過，建議千其唔好由單車館入面過去喺單車館門口左邊條小路兜去後面門口入單車館入面要兜勁耐先搵到餐廳但出面條路1-2mins就到意大利蕃茄蓉煙三文魚意大利粉 $68等得比較耐少少，但味道比其他好好重蕃茄味，酸酸甜甜好醒神仲混有煙三文魚，好香而上面芝士亦唔膩意粉充份吸收蕃茄蓉，好入味TEA 大盞出前一丁 $48簡餐可以試試，而且包嘢飲，可以揀當日嘅特飲只係簡單公仔麵，加上腸仔蛋蟹柳仲有漢堡扒同煙三文魚煙三文魚偏鹹，其實未必適合放本身就鹹嘅公仔麵不過落煙三文魚就感覺抵食啲蜂蜜蜜桃冰茶食完主食再飲返杯特飲，凍冰冰好爽唔算太甜，剛剛好藍莓芝士餅 $35試咗多件cheese cake正常cheese cake感覺芝士味都OK，藍莓味就係中間啲藍莓醬比例都可以藍莓酸甜味解咗芝士膩感

新一年同朋友聚一聚，黎到單車館入面的牧羊少年咖啡館位置較偏僻，亦都唔易搵到平日晚上唔會好多人，環境比較筍暗，可以享受一個寧靜的晚餐一人可以選擇精緻晚餐，有主食、甜品同飲品多人的話可以叫大吃四方，選擇都幾豐富蘋果玉桂茶 (餐飲)套茶具簡單得黎好靚，搞到我都想買返一套哩隻茶的味道都幾特別，好似將蘋果批變成茶咁開頭飲覺得怪怪地，飲飲下就覺得幾舒服😌是日特飲 - 蘋果蜜桃綠茶梳打 (餐飲)味道唔太特別，正正常常，夏天飲會爽好多磨菇汁澳洲牛肉漢堡配珍珠飯 - $108望落都幾頹廢牛肉漢堡扒的肉味好濃郁，但就有啲難咬成個飯都好正常，不過就好似茶餐廳飯，唔值哩個價錢厚切烤雞扒漢堡配薯條 - $108漢堡包比預期大個好多，而且包係黑色的，賣相好突出雞扒都好大塊，味道不錯，但就凍左少少蔬菜新鮮，成個漢堡都好好食，不足之處係唔夠熱至於薯條，每一條都係脆脆的，喜歡硬脆的人可以一試，同樣問題都係唔夠熱藍莓芝士餅芝士餅細細件，質素都唔錯，藍莓唔會搶左芝士的味道

今日來到位於將軍澳單車公園的牧羊少年餐廳吃個午餐，平日不太多人，之前來過這間店是比較自助式的，自己去收銀點餐丶去找座位和去取調味等...所以我簡稱今日做個自助文青午餐點左意式蕃茄蓉煙三文魚意粉，平日星期一至五會包一杯普通飲品，今日就揀左杯凍利賓立，因為之前食過佢嘅芝士薯條，覺得幾好味，所以追加埋芝士薯條一次客。意式蕃茄蓉煙三文魚意式就第一次試，味道好不錯，酸酸甜甜的，意粉內有既煙三文魚就爭少少，味道一般而且三文魚片較碎，稍為扣分，整體不錯，價錢不算太抵食，但就坐得幾舒服，可以渡過一個悠閑的下午

食物質數垃圾，價格與食物質素不乎，餐牌選擇過於單一，未必能乎合大眾口味，飲品方面隨了咖啡外，其餘飲品甜味不足（注意：*喜歡飲甜些小的人須留意*）係比較健康無錯，個人比較喜歡甜些小，小許便可，另外所謂窩夫，口感過軟，唔脆身，味道太淡，靠兩糕雪糕，醬汁搭夠環境好一般cafe，座位不舒適，枱櫈偏矮，店舖衞生程度麻麻，店內不設洗手間，客人須要到餐廳外的單車館洗手間，加上本身餐廳位置小小偏僻侍應服務質素次奉，大部分須客人自助餐形式，落餐須到收銀處落餐總結：整體感覺好一般，以上是個人小小意見，視乎本身個人口味，去前請三思

放假，一覺醒來，無論係幾遲都好，仲會希望可以食到一個豐富早餐打開新一day.可惜醒來時間烈能已經中午，更可能是下午，幸好單車館就有一間cafe提供英式all day breakfast,我當然就order了更叫了一杯熱珈琲。餐廳環境舒靜優雅，外面有數個小型水池，好多一家大細在遊玩，令人份外放鬆。可惜的是，早餐賣相雖好，但味道真心普通,入面加了煙三文魚更加是令人難以理解，並不合適，我個人真心不推介大家order🙊

Wooo難得放假就黎個tea set! 牧羊少年既waffle一直都有水準，熱得黎脆，食落唔濟，係下午菜既好選擇。熱辣辣既waffle配冰雪糕透心涼之外，加一片香蕉真係無得頂！🍌絕對係好食夾大件既餅黎。朋友叫左士多啤梨綠茶waffle, 又係fresh既配答😚總之就好滿足啦。48蚊有waffle有餐飲送埋真係唔話得，因為叫一杯coffee都30尾，所以絕對會選tea set❤️👅夠飽又好味，下次可試試其他set。

牧羊少年 cafe 位於將軍澳及坑口中間康文署單車館內，位置唔算方便，但環境舒服，座位也多。先自行揾位及付款購買食物，店員會送餐。餐廳提供唔少食物選擇，有沙律、意粉及漢堡。我今日㨂左明太子大蝦意粉，加 hot latte. 蝦爽口無味，說好的明太子變左做櫻花蝦，但好味同夾既，意粉忌廉底但略嫌乾身。同行友人食既素青醬意粉出色得多！Hot latte 方面沒有 skim milk 提供，standard 正常，各方面 balance . 之前食過佢既burger, 做得相對出色，但由於亞馬遜森林大火，希望盡一點力減少肉類（特別係牛肉）既消耗，做多一點點。

第一次行到嚟單車館食呢間餐廳，當時大約下午茶時段先嚟到，當時見到餐牌仲有午餐同下午茶供應。首先講地方環境係真係一流，其次就係食物質素，份量係足夠一個正常成年人食，味道都比較推介。價錢都比較大眾化，可以話價錢上不過不失，午餐平均$60起，而下午茶就$40起，值得一讚嘅係午餐同下午茶嘅份量竟然係一樣，不過當然午餐提供嘅飯麵類會較多，而下午茶就已小食為主。餐飲類都比較多選擇同埋份量都唔算細杯。整體來講，都會比9分。

星期五夜晚，7點多去，冇乜人。好耐冇黎，餐牌有不同。想食清點，點了沙律。煙3文魚凱撒沙津 $72菜都新鮮及大塊，醬汁不算多，要健康既話，無係不錯。3文魚就冇乜特別，都係煙3文魚。麵包都夠脆，又大粒，好味黑醋汁藜麥沙律配巴馬火腿 $74呢個沙律仲豐富，有好多款不同既菜，都係好大塊，仲有幾粒車厘茄，腰果，火腿都有3片左右，藜麥就唔算好多，如果可以多啲更好。黑醋汁酸酸甜甜，好開胃。

同朋友踩緊單車，經過單車館，見到呢間餐廳。空間大景靚，下午茶1430開始，價錢都係$48至$50多，好抵。野食算大份，我嗌左地獄雞扒烏冬，雞扒煎得香，湯底5算辣，幾好食。我朋友嗌左美式小食個下午茶，d野食的式得黎又好味。好開心，估5到將軍澳都有便靚正既野食。仲有，包埋免費特飲，味道5錯。餐廳係開揚而且好大既，透明玻璃，而且望到出邊既美景。多卡位又坐得舒服。今次真係無簡錯，係寸金寸土既香港，如果你想踩單車又食好野，試試呢間啦！

今日和家人一起到牧羊少年咖啡館吃晚飯，叫了兩個dinner set，一個小食和一個pizza。Dinner set $108，一個主菜，一份甜品和一杯飲料，主菜叫了兩份意粉，正正常常，不過不失，甜品叫了兩個芝士蛋糕，也是普通，反而是飲料很出色，特別是水蜜桃綠茶，不會太甜，很鮮的感覺，算是大眾多普通菜品中突圍而出，值得一試Pizza （芝士辣肉腸）和小食（蜜糖丸+腸）也是正正常常，不會說很驚喜很好吃，但也不差就是了

同朋友想搵個地方飲下咖啡傾吓計...佢推介左依一間咖啡館午餐包埋冇咖啡飲品... 但個人覺得你得意地方一定要試吓佢哋嘅咖啡所以用半價嘅價錢加購左點左一個煙三文魚凱撒沙律都幾好有大量嘅芝士粉但係沙律菜嘅款式唔太多...都只係生菜....麵包糠幾大粒👍🏻👍🏻非常脆口同有咬勁煙三文魚咁樣卷成花都幾靚....大概有五至六片左右叫咗一杯Latte 拉花中規中矩啦但係個人覺得咖啡豆唔錯 同行朋友必食嘅煙三文魚忌廉意粉， 大家有機會試吓啦