牧羊少年咖啡館 (香港單車館)

營業中

休息中

年初四同屋企人去食個Brunch-英式全日早餐($78)之前已經食過，非常鍾意佢哋個Allday breakfast，價錢合理得來嘢又大大份味道又唔錯。有香腸、有火腿、有漢堡扒、有炒蛋、有煙三文魚、有牛角包⋯⋯中規中矩！-鮮忌廉黑松露野菌意粉($82)味道好食， 好香黑松露味！但個人覺得太細份， 好似兩啖就食完～-新加坡咖喱豬扒飯($64)唔辣嘅咖喱豬扒，有少少似日式個種。豬扒好淋，抵讚！但係成碟碟頭飯咁，呢個價錢我就覺得唔太抵喇～-意式茄蓉雞扒飯($64)味道正常不過不失！不過真心唔會以啲個價錢去食碟頭飯～都係茶記抵啲😂👍🏼-星期一至五就包普通野飲，特飲半價（我地叫左摩卡、凍香蕉朱古力係要加錢嘅）

呢度環境好幽靜，大聲啲講嘢都驚嘈親人🙈1.凍cappuccino（$34）呢度嘅咖啡都幾好飲，有唔少綿密的奶沫，牛奶比例少d，所以咖啡味出d，唔錯。2.田園炒蔬菜配烤胡麻醬（$58）佢嘅自家製醬汁幾正，唔會太鹹或者過甜，撈落d蔬菜食好滋味。佢居然有蓮藕同埋秋葵啊，超健康！都好鮮甜美味，但係個份量就比較少啦，賣$58有啲貴。3.鮮忌廉黑松露野菌意大利粉（$64）正正常常嘅一個意大利粉，醬汁唔係幾夠，但整體個意粉都唔錯，菇類份量多，黑松露嘅味道係有嘅。

五月份去食過一次將軍澳既牧羊少年，意粉同咖啡都好味，環境都好。今日黎到將軍澳，特登去番牧羊少年坐下，嘆番杯咖啡。環境依然係舒服既，好大間，空間感好好一人叫左杯咖啡熱cappucino，以為喺cafe飲咖啡，拉花一定靚。上次都係飲cappucino，個拉花好靚。但今次就好失望，拉花好唔掂，咖啡都一般。明顯水準比以前差左好多另一杯叫凍cappucino 飲落似咖啡milk shake好過係泡沫咖啡感覺好求其唔會再去，三十幾蚊咖啡係唔值既

是日家母正日生日，雖然早前一家人早已舉行火鍋慶生宴，但作為孝順女，既然正日冇約人都要再同娘親食返餐好嘅想搵間坐得舒服啲嘅餐廳，咁啱最近又申請咗張儲asiamiles 嘅信用卡，所以就揀咗牧羊少年喇。想儲asiamiles 的好選擇👍🏻餐廳樓底高，座位闊落，微黃燈光配合有心思的梳化、餐桌和藝術品擺設，情調滿溢。意粉煮到我最愛的Al dente 口感👍🏻pizza 中規中矩，略嫌醬太多芝士蛋糕用印花換，正好當作生日蛋糕😆

一直都係牧羊人少年咖啡館既忠粉，知道佢地喺將軍澳果到開左分店。莫名去試下。成日去開荃灣果間，一黎同將軍澳哩間真係好大對比。店內地方好寬敞，樓底好高。枱同枱之間好闊落，坐得舒服之餘傾起計上黎保持一定既私隱度。一邊超大落地玻璃窗，望住個大草地。夜晚未必睇到咩景，但日抖黎一定好舒服。內部裝修都用返單車館哩個主題，牆身有單車做裝飾，一如既往有書櫃，另外仲有一邊牆掛住左啲油畫，油畫隔離既電視播放住果個藝術家既訪問。比起其他分店，哩間更文藝，更清幽自在。餐廳係半自助式，落單同水都要出到Bar枱果邊。落單後拎住個號碼牌返位，野食就會由店員送上。晚餐有兩個套餐：「雙雙對對」同「大食四方」即係二人餐同四人餐。我地兩個人就叫左個二人餐，小食係9款㨂1款，我地叫左：黑椒蜜糖牛柳粒份量都唔少，粒粒都有蜜糖味。口感岩岩好，唔會太熟，仲可以保留到啲肉汁。大細適中，一啖一粒都仲可以保留到儀態。如果唔夠可以另外叫小食，隔離枱叫左沙律，個樣都好吸引。主食係7款㨂2款，我地叫左：鮮忌廉黑松露野菌意粉 同 意式茄蓉雞扒配香米飯鮮忌廉黑松露野菌意粉：賣相一般，好似好素好淡味。但食落好creamy，忌廉同野菌味都好香，唔會膩。

將軍澳單車館 除咗牛下女車神出名之外隔離嘅單車公園同樣係假日之選每逢週末 就有一家大細嚟公園野餐 好不熱鬧難得入到嚟將軍澳 一定要參觀下呢個世界級嘅單車館喺單車館入面有一間叫做《牧羊少年咖啡館》嘅cafe呢間cafe嘅裝修非常休閒 寫意樓底超高 空間感十足今日夜晚嚟食晚飯 人少少靜靜咁傾下偈 睇下書 嘆下咖啡 優哉悠哉想舒舒服服咁過一個夜晚就梗係唔少得美味嘅食物小食《 芝士薯條》係熱辣辣 脆卜卜嘅薯條上面淋上咗熱溶芝士芝味突出 帶有咸香熱辣辣食勁正前菜《煙三文魚凱撒沙律》煙三文魚份量多羅馬生菜亦爽脆新鮮凱撒沙律醬預先已經和沙律菜伴好令醬汁平均分佈係羅馬生菜上主菜《新加坡咖哩豬扒配香米飯》咖哩味道香濃 帶有椰汁香氣豬扒juicy多汁 絕不鞋口除咗豬扒之外 伴菜蘿蔔亦炆得非常淋身《凍蜜桃綠茶》甜度剛好裏面仲有大大粒嘅蜜桃果肉蜜桃甜美 綠茶又清新至於甜品《朱古力心太軟》就真係相當好食朱古力蛋糕外面鬆脆一切開就見到流心濃郁嘅朱古力配埋雲呢拿雪糕一口冰涼 一口暖心 雙重享受呢間《牧羊少年咖啡館》真係超級值得推介去完戶外大草地再嚟食番個下午茶 嘆番杯咖啡休休閑閑咁過一日做一日偽文青

今晚同朋友出開將軍澳，參觀香港單車館，附近有間餐廳叫牧羊少年咖啡館。餐廳裝修優悠，好自在舒適的感覺，又有少少文化的氣息，外面是水池，夜景好正，好似去咗外國餐廳一樣。店員安排我們坐近窗口位，坐位好舒服，店員提示我們先到收銀購票，態度親切和友善。首先叫咗個雞翼，又熱又新鲜，好脆，口感一流。另外叫咗個野菌黑松露忌廉意粉，意粉份量十足，黑松露味道好濃，好多汁，雜菌又多又美味。是必食推介。另外叫咗個pizza。同樣有水準。薄餅新鮮又有口感，配料十足。至於沙津份量十足，真係好豐富呀。蔬菜又夠新鮮。好回味。煙三文魚好新鮮。另外芝士薯條也是必食之選，芝士又多又香，薯條又夠熱，口感一流。综合各方面，這間食店是值得推介的。

店內裝修明亮簡潔，採取了半自助模式，先到櫃檯點餐，店員會送餐，餐後要自己將餐盤送到收集處。 環境寧靜 燈光就暗淡 喜歡寧靜的朋友可試試首先係煙三文魚凱撒沙律 ,超大盤,沙侓菜夠哂爽口 羅馬生菜新鮮爽口，面頭有大量既芝士碎同埋麵包粒，煙三文魚鹹香有致，同沙律菜夾住一齊食，好夾。另外唔小得蜜糖雞翼同芝士薯條，好味小食，必點黑松露雜菌意粉，意粉份量都頗大夠3人份，黑松露味濃，鐘意食黑松露既朋友一定無唔點既理由味道非常香濃，意粉口感適中，意粉彈牙爽口，係我今晚最鍾意既食物。份量好大，芝士夠多，正餃子朋友點既呢個mini漢堡好得意最後甜品有心太軟即叫即整所以熱辣辣又脆 中間有d淋之之，好正摩卡咖啡，朱古力味和咖啡和奶的比例啱啱好，好正，上面加左Cream，每飲一啖都好滑，朱古力迷必點，真係正唔會太甜，嘆杯咖啡，然後睇下書，為自己叉叉電朋友點既，酸酸甜甜幾醒胃價錢幾抵，份量都很足夠，用餐經驗頗為愉快，好鍾意呢間嘅環境舒服寧靜環境和食物都不俗，餐廳既氣氛適合同三五知己相聚，一個人閒時黎慢活都唔錯。

餐廳位於將軍澳單車公園入面，望出去係單車館外嘅水池，日間有人喺出面玩遙控船，夜間就有水池嘅園景燈做裝飾，夜晚望出去就好似對住一片大海咁樣，餐廳裏面嘅特點在於佔地宽廣，樓底極高，有極強嘅空間感，喺劏房橫行嘅年代，呢度充足嘅空間感令人感覺十分舒適，更有如置身外國餐廳一樣嘅感覺。Oreo牛奶沙冰，沙冰口感濃稠，味道係我飲過嘅Oreo沙冰嚟講數一數二嘅好味。煙三文魚凱撒沙律，凱撒沙律醬汁味道creamy，醬汁嘅比例夠多，沙律菜新鮮，伴隨著煙三文魚嘅鹹香同埋面頭海量嘅芝士碎，好快就我地清哂。芝士薯條，芝士薯條上枱嘅時候都仲係熱辣辣脆卜卜，芝士味道香濃得嚟唔會覺得太膩。秋葵胡麻餃子，餃子皮薄，煎得香脆，內餡豐富滋味，特別鍾意佢嘅伴菜秋葵，健康得嚟又無咁悶，打破一貫伴菜嘅框框。馬來西亞喇沙海鮮湯米粉，喇沙湯底未算濃烈，啱哂鍾意清清地嘅媽咪，海鮮用料十足，係幾高性價比嘅一道。車打芝士汁鮮蝦意大利粉，鮮蝦爽口彈牙，車打芝士汁比起普通芝士又高上咗一個層次。心太軟朱古力蛋糕，心太軟朱古力味道強烈，內裏嘅流心令到口感更加綿滑，一啖溫熱嘅朱古力雪糕，再加一啖冰凍嘅雪糕就係最高嘅境界。食完飯仲可以同摰愛喺個咁富外

呢間餐廳隱身喺單車館入面，半開放式嘅設計，餐廳走文青路線，入面有排大書櫃，方便文青漂書。煙三文魚凱撒沙律 超大盤，麵包粒相當香脆，煙三文魚好正芝士薯條 香脆既薯條上淋滿車打芝士 好邪惡 但又令人食唔停口黑松露醬野菌意大利粉，濃郁的忌廉汁平均分佈在每條意粉上，野菌夾雜著滿滿的黑松露香，正千島海鮮PIZZA正，爆芝拉晒絲，真係味覺同視覺大享受食完前面咁多樣，已經飽飽地，但見到甜品好吸引價錢又唔貴，忍唔住同朋友叫左個甜點，店員話係即叫即整，所以要等等微熱又有厚度既窩夫，外脆內軟，配上雪糕同濃稠醬，為呢餐晚餐帶黎好滿足既感覺特飲點了香茅及橙我係俾佢個名吸引左,清涼之吻,有薄荷,薑,香茅同橙汁,呢個配搭真係好正!真係好清涼!自助形式自己打餐具醬汁，唔使假手於人快靚正西餐價錢來說好抵食，味道亦不錯，環境乾淨坐得又舒適，店員反應快有求必應機，用餐無時限食飽又無催促，食完唔會趕你走,侍應唔會打擾你,比客可以悠閒咁用餐同傾計坐足成晚，真係現今少有。

今日約左朋友在將軍澳做運動，之後去單車館入面的牧羊少年咖啡館食晚飯。餐廳環境很寬敞，樓底很高，感覺休閒舒適餐廳模式是半自助，需要到收銀處先下單付款，侍應之後會把食物送上煙三文魚凱撒沙律好大份，蔬菜新鮮，炸麵包大大粒，好食馬來西亞喇沙海鮮湯米份湯底很濃郁，都算大碗，有青口、魷魚仔和蝦，米粉很掛湯鮮忌廉黑松露野菌意粉好creamy, 雜菌很香，朋友非常滿意飲品餐牌上的朱古力亦相當吸引，我order 了士多啤梨朱古力，朱古力很濃滑亦帶有淡淡的士多啤梨味，有驚喜餐廳的氣氛很慢活，外邊也很幽靜，是一個忙裏偷閒的好地方

是咁的，老婆說要開展她的減肥計劃，捉了我去陪跑。怎料跑不夠20分鐘便投降，兩年沒有操練的結果⋯接著，我們便去了附近的餐廳吃飯。第一次光顧這餐廳，店內不會有人招呼。我們7了，不斷舉手招人落單🙈。店內不多客人，上菜非常快。蕃茄忌廉大蝦意粉 $7x大蝦非常彈牙！意粉量適中，有淡淡的芝士味。有很濃厚的cream。所以吃完都會挺「濟」。安格斯牛排 $138牛排非常大塊，外皮煎得非常脆，肉質很鮮嫩。薯條非常好吃！讚波仔腸墨魚丸 $7x除非口痕想食，可以不點。

將軍澳區lunch time，真係無咩好食今次行遠少少，去到單車館入面的餐廳食飯說實話，一直對這間分店的品質有點保留，之前吃過不同的意粉，通常都不夠味道或是份量太少。這次決定試新的東西，英式早餐，價錢上七十幾蚊實在有點小貴，但不想再吃伏伏意粉，還是決定狠心一試！意外的份量十足，十分飽肚，牛角飽酥脆可口最後還追加了一份蜜糖雞翼及黑松露薯條意外的好吃。小食為整餐飯加了不少分數由於太好吃，一上菜被大家搶得了七七八八整體而言環境很舒適，如果想輕鬆chillchill同朋友傾下計吃個小食是個不錯選擇。

和朋友到文曲里公園拍攝園景，拍到太陽快下山，我們離開公園去吃晚飯，朋友提議我們到隔籬單車館的「牧羊少年咖啡館」，佢話價錢唔貴，份量足又好食，講到咁好我仲有乜理由拒絕？何況朋友是老實人，我就跟佢揾食啦！來到「牧羊少年咖啡館」，地方的確幾雅緻。自斟自飲的玻璃杯，潔淨透亮，看得舒服，用得放心！朋友楝新加坡咖喱豬扒配香米飯、熱朱古力套餐$84，焦糖朱古力芝士餅$35。我選擇馬來西亞喇沙海鮮湯米粉、蜜桃奶酪套餐$85，藍莓芝士餅$35。我們到收銀落單兼付款，然後安座閒談和睇相，很快，女侍應也為我們送上豐富晚飯。舖上忌廉的熱朱古力造型漂亮，我的凍蜜桃奶酪是蜜桃混合牛奶，口感很豐富。朋友的咖喱豬扒大大的一塊半，朋友說豬扒又大又厚吃一塊已經足夠，請我吃另外的半塊，豬扒又腍又滑，好味道的咖喱汁配很爽口的香米飯，一流。我的喇沙海鮮湯米粉有很奪目的爽甜大蝦兩隻、青口、墨魚仔、豆腐卜、芽菜及被隱藏了的蟹柳，米粉份量頗不少，米粉掛上少辣喇沙湯，味道很好。我們一齊分享藍莓芝士餅和焦糖朱古力芝士餅，好滑的藍莓芝士餅，我只會說好吃，焦糖朱古力芝士餅，不會因為有焦糖而太甜，但我都是喜歡藍莓芝士餅多呢！

高評分！超級悠閒餐廳外就有一個大湖， 當日就有船仔係湖上飛馳，算是一個不錯的景象啊！ 當日2點半到達， 來個late lunch , 大家都是不怕肥啊！ 叫左凍朱古力同埋朱古力沙冰，濃濃的朱古力， 配上邪惡的cream，先來點甜啊這個芝士汁大蝦意粉真係贏晒！ 芝士汁超creamy! 完全地掛在意粉上！ 大蝦是鮮蝦！ 爽到不行！ 重點是有挑蝦腸啊！ 多細心！朋友說好肚餓，一定要食飯呀！ 這雞排飯也太大了吧！ 茄汁雞排超開胃！ 我意粉先到，也忍不住偷吃他的雞排😂😂午餐還包飲品，平日來連花茶也不用加錢，超值環境超舒服， 平日tea 時間， 不算多人，正好不太嘈，好多人帶埋電腦黎做野焦糖芝士蛋糕 🍰焦糖的甜度剛好！ 很怕那些死甜的，牧羊這蛋糕甜度適中，蛋糕雪得冰冰的更有口感！ 下午茶餐40餘元有埋野飲，真的超值！有心太軟食啊！ 店員提醒⏰要20分鐘製作，吃完正餐準備叫起就剛好 ，可以慢慢感受下慢活的氣氛！ 2球雪糕啊，今次真的肥仔了🤣🤣🤣