牧羊少年咖啡館 (香港單車館)

營業中

休息中

放假，一覺醒來，無論係幾遲都好，仲會希望可以食到一個豐富早餐打開新一day.可惜醒來時間烈能已經中午，更可能是下午，幸好單車館就有一間cafe提供英式all day breakfast,我當然就order了更叫了一杯熱珈琲。餐廳環境舒靜優雅，外面有數個小型水池，好多一家大細在遊玩，令人份外放鬆。可惜的是，早餐賣相雖好，但味道真心普通,入面加了煙三文魚更加是令人難以理解，並不合適，我個人真心不推介大家order🙊

Wooo難得放假就黎個tea set! 牧羊少年既waffle一直都有水準，熱得黎脆，食落唔濟，係下午菜既好選擇。熱辣辣既waffle配冰雪糕透心涼之外，加一片香蕉真係無得頂！🍌絕對係好食夾大件既餅黎。朋友叫左士多啤梨綠茶waffle, 又係fresh既配答😚總之就好滿足啦。48蚊有waffle有餐飲送埋真係唔話得，因為叫一杯coffee都30尾，所以絕對會選tea set❤️👅夠飽又好味，下次可試試其他set。

牧羊少年 cafe 位於將軍澳及坑口中間康文署單車館內，位置唔算方便，但環境舒服，座位也多。先自行揾位及付款購買食物，店員會送餐。餐廳提供唔少食物選擇，有沙律、意粉及漢堡。我今日㨂左明太子大蝦意粉，加 hot latte. 蝦爽口無味，說好的明太子變左做櫻花蝦，但好味同夾既，意粉忌廉底但略嫌乾身。同行友人食既素青醬意粉出色得多！Hot latte 方面沒有 skim milk 提供，standard 正常，各方面 balance . 之前食過佢既burger, 做得相對出色，但由於亞馬遜森林大火，希望盡一點力減少肉類（特別係牛肉）既消耗，做多一點點。

第一次行到嚟單車館食呢間餐廳，當時大約下午茶時段先嚟到，當時見到餐牌仲有午餐同下午茶供應。首先講地方環境係真係一流，其次就係食物質素，份量係足夠一個正常成年人食，味道都比較推介。價錢都比較大眾化，可以話價錢上不過不失，午餐平均$60起，而下午茶就$40起，值得一讚嘅係午餐同下午茶嘅份量竟然係一樣，不過當然午餐提供嘅飯麵類會較多，而下午茶就已小食為主。餐飲類都比較多選擇同埋份量都唔算細杯。整體來講，都會比9分。

星期五夜晚，7點多去，冇乜人。好耐冇黎，餐牌有不同。想食清點，點了沙律。煙3文魚凱撒沙津 $72菜都新鮮及大塊，醬汁不算多，要健康既話，無係不錯。3文魚就冇乜特別，都係煙3文魚。麵包都夠脆，又大粒，好味黑醋汁藜麥沙律配巴馬火腿 $74呢個沙律仲豐富，有好多款不同既菜，都係好大塊，仲有幾粒車厘茄，腰果，火腿都有3片左右，藜麥就唔算好多，如果可以多啲更好。黑醋汁酸酸甜甜，好開胃。

同朋友踩緊單車，經過單車館，見到呢間餐廳。空間大景靚，下午茶1430開始，價錢都係$48至$50多，好抵。野食算大份，我嗌左地獄雞扒烏冬，雞扒煎得香，湯底5算辣，幾好食。我朋友嗌左美式小食個下午茶，d野食的式得黎又好味。好開心，估5到將軍澳都有便靚正既野食。仲有，包埋免費特飲，味道5錯。餐廳係開揚而且好大既，透明玻璃，而且望到出邊既美景。多卡位又坐得舒服。今次真係無簡錯，係寸金寸土既香港，如果你想踩單車又食好野，試試呢間啦！

今日和家人一起到牧羊少年咖啡館吃晚飯，叫了兩個dinner set，一個小食和一個pizza。Dinner set $108，一個主菜，一份甜品和一杯飲料，主菜叫了兩份意粉，正正常常，不過不失，甜品叫了兩個芝士蛋糕，也是普通，反而是飲料很出色，特別是水蜜桃綠茶，不會太甜，很鮮的感覺，算是大眾多普通菜品中突圍而出，值得一試Pizza （芝士辣肉腸）和小食（蜜糖丸+腸）也是正正常常，不會說很驚喜很好吃，但也不差就是了

同朋友想搵個地方飲下咖啡傾吓計...佢推介左依一間咖啡館午餐包埋冇咖啡飲品... 但個人覺得你得意地方一定要試吓佢哋嘅咖啡所以用半價嘅價錢加購左點左一個煙三文魚凱撒沙律都幾好有大量嘅芝士粉但係沙律菜嘅款式唔太多...都只係生菜....麵包糠幾大粒👍🏻👍🏻非常脆口同有咬勁煙三文魚咁樣卷成花都幾靚....大概有五至六片左右叫咗一杯Latte 拉花中規中矩啦但係個人覺得咖啡豆唔錯 同行朋友必食嘅煙三文魚忌廉意粉， 大家有機會試吓啦

Friday night's out好多人都會揀落bar飯番兩杯 但係個人喜好流連cafe😂住左將軍澳咁耐 估唔到今次竟然係由一個屯門友介紹將軍澳一間高質cafe俾我😰而成日都經過單車館既我居然從來都冇發現Cafe係半自助既 先order 再搵位(不過我一早電話book左位) 跟住餐廳職員會送餐過黎 我單點左兩款pasta鮮忌廉煙三文魚意大利麵@$74 ⭐⭐⭐⭐⭐鮮忌廉醬好夠份量 味道恰到好處 香滑唔漏意粉硬度亦都控制得非常好👍最重要係超級夠熱😍😍撈埋既時候都噴曬煙咁南瓜蘆筍意大利麵@$70 ⭐⭐⭐⭐呢一款係素食pasta (有照顧到素食人士非常抵讚) 味道偏啖口 冇鮮忌廉果個咁鮮明 但食落感覺清新d配料好足 有蘆筍紅蘿蔔磨菇Cafe環境一流 夜晚都幾暗下 幾有情調😂😃重點係任坐唔嬲 又有wifi 又有冷氣 仲有價廉物美美食既地方仲可以響邊度搵呀😄😄

Today is my holiday and try this restaurant, when I walk in the environment feel comfortable and service very nice. About the food I eat set of udon, taste of udon is good , set including the dessert and beverage. The dessert I eat lemon tart very fresh of lemon and drink of cool kiss feel good too. Overall feel good. I will come again.

餐廳食物水準幾好，價錢平民化，小孩又可玩歺飽、算是德政，屋邨區冇㑹所，但是小孩可以免費玩室內遊戲，又安全又方便、嬸嬸淸潔又盡責牧羊少年咖啡館，食品0k好味道，可以好慢慢咁享受自己的食物，優哉游哉舒服午餐，6x元午餐，包飲料一杯、最緊要食物美味又夠熱，半自助形式、排隊購買食物先、然後有人送上，水也是自己拿的

今日太大雨啦⋯⋯被困在單車館，晏少少仲要去工業村做野，時間又唔早，又唔晏，11:00，早餐又唔係，午餐又唔係。結果係單車館參觀一下，才發現呢到原來有間餐廳，但佢位置就偏啲，向公園方向，係景色好啲既。坐咗好耐，仲未有人 serve 既呢？遠處望去，個姐姐玩手機都唔過黎，即刻劉華上身啦⋯⋯一個客都冇，都唔 serve 客既，原來佢呢到餐牌寫明半自助開放式，即係六點後，麥記店內麥麥送囉⋯⋯結果要白等囉⋯⋯為咩唔可以行多步呢？我自認傻仔，但你都要幫下呢個傻仔忙架。扣分...等我試下佢個意粉先蕃茄好鮮，唔太酸，雞肉咸淡適中，係中上既味道，配合埋少少芝士，令到呢個意粉既層次更豐富。可以加返啲分...

Long weekend 既第一日落咗屋企樓下既牧羊少年Cafe食左個Tea😋悠悠閑閑咁過一日～叫左餃子豬骨烏冬，波波腸拼八爪魚丸，蜜糖雞翼all day breakfast餃子豬骨烏冬：不過不失，係啲嗚門卷切得太薄！波波腸拼八爪魚丸：正常現成既腸同丸，加咗蜜糖都OK蜜糖雞翼：炸到脆卜卜，再加上蜜糖好好味！All Day Breakfast：普通，都係d現成野甜品：Waffle 好香好吸引生果，雪糕同埋Waffle嘅配搭好滿足！略嫌朱古力醬「杰」左少少，淋上去做唔到個好靚嘅效果

一直想幫襯, 因路過見其落地玻璃面對將軍澳的大公園, 感覺寧靜悠閒.星期六中午終於去試食午餐, 不過一入去有點後悔.事實上, 食物是合格有餘嘅. 叫咗香草醬青蘋果意大利粉, 佢用橄欖油, 調味佳, 賣相又唔錯, 杯餐茶雖用茶包, 味道都幾好. 如果你只追求食物質素, 絶對可以推薦, 但可能我揀錯時間去, 當日十分多人, 好多家長帶小朋友去用餐, 非常嘈吵, 絶對與一個悠閒午餐相去十萬八千里, 你追求食環境的話, 或者都可以揀個 weekday afternoon 試吓嘅, 不過我唔會再去了.所以, 睇你食嘢係重視邊樣吧. 

同朋友既細路黎開單車公園玩發現有間牧羊人cafe之前都係沙田文化博物館食過不過呢度就大好多而且附近仲有個模型船池個view好唔錯同朋友揀左窗邊卡位平日下午茶唔算多人好似快餐比左錢先冇waiter黎同你落單叫左呢個窩乎tea加杯果茶窩乎好新鮮，外脆內軟熱辣辣加雪糕好正，而且加埋側邊既蘋果感覺好清新，一d都唔漏飲埋杯果茶，唔太甜我朋友叫左餃子烏冬他餓得濟，冇影相拉麵湯底味精重不過餃子都足料，唔係得塊皮整體，小有餐廳可以禁舒服同朋友吹水休息都係唔錯既選擇