牛魔 (已結業)

今次再黎棉登徑呢間燒肉店食飯，唔想諗食咩就揀左個set B ，有我同小朋友都鍾意食既煎餅，又有齊牛，雞，豚肉，沙律同飯，好啱我呢啲選擇困難既人食燒肉拼盤附上檸檬起爐減少油膩感，牛肩接近入口即溶口感另外仲叫左個dry age 牛扒試，店員教兩邊燒完rest 一陣，燒到兩邊個皮脆脆地，dry age 無咁油膩又夠牛味，幾啱女士食👍🏻👍🏻不過聽店員講呢個dry age牛扒未必一定次次有，想再食都要有緣先食到人均4百令一家大細大滿足！！

收工見肚餓，問同事有無興趣一齊食個晚餐🥣先返屋企。佢即刻二話不說話要食燒肉🥓🥩🍗🍖。老實講行過幾次都無留意到呢間餐廳嘅存在，點知相當有驚喜。櫻花🌸蝦🦐豆腐，我發現呢到有幾味菜都係以櫻花同蝦做主食。豆腐好滑身。一放入口已經滑到去喉嚨。配合少少嘅櫻花🌸味。好有驚喜。和牛他他🐮🐮，肉質鮮嫩，入口軟綿綿，仲會有油花香，配合香蔥，再加埋新鮮雞蛋🥚🥚，油花喺嘴裏面慢慢滲出嚟，真係好食到暈低！薄切牛舌🐮👅，肉質煙韌，餐廳預先係牛舌上灑左少少黑椒。黑椒🧂🧂將牛舌🐮👅嘅香味帶晒出嚟。又係唔需要任何醬汁，都可以食到本身食材嘅味道。黑松露肉碎炒飯🍛🍛，炒飯以石頭鍋上，所以食嘅時候係熱辣辣。黑松露香味濃郁，炒飯粒粒分明，肉碎帶有少少香辣。將幾種食材撈均嚟食。每一啖都係味蕾嘅衝擊。好複雜，但好好食😋

話說幾次經過都想入去試下。難得今日同事收工興起提出一齊食晚飯🥣。我就提議到呢到食晚餐🥣。慶幸我地七點前就入座，食下食下先發現餐廳出現人龍。餐廳以燒肉為主食。岩晒我呢隻食肉獸🥓🥩🍗🍖前菜係韓國泡菜同中華沙律🥗🥗，泡菜夠酸夠辣好開胃。中華沙律都好爽口。櫻花🌸蝦🦐餃子🥟，有淡淡嘅櫻花🌸香味，食落好清新。餃子雖然煎過但唔油膩。脆卜卜好好食。牛板腱，牛味好濃🐮🐮，肉質紋理亦都相當清晰，肥瘦均勻。輕輕一燒已經食得。燒完嘅油脂香味充斥住成個口腔😋😋厚切豬五花🐷🐷，如圖所見，食五花肉一定要夠肥先好食。將五花肉燒到有少少燶邊，再用生菜🥬包住五花肉🐷🐷嚟食。咁樣食嘅好處係可以中和返五花肉嘅肥膩，咁樣就食多兩舊都唔會怕啦😋

牛魔古法漬泡菜，🌶微辣泡菜非常惹味，味道酸爽，口感好香脆。🥗豆腐沙拉配芝麻 汁，嫩滑豆腐，❤配上最愛芝麻汁超香超濃郁，簡單又健康。🐮美國 Prime 牛小排(8片) ，好香牛肉味，而且都好嫩滑，少少脂肪係燒肉時融入其中，更加誘惑。🥩澳洲 M7 和 牛肉眼排，厚切肉肉超滿足，而且M7的脂肪比例比瘦肉更豐富，所以更可以體驗油香的感覺。🇯🇵日本特級帆立貝，鮮味可口，夠厚夠實正。🦐櫻花蝦粟米餃子，甜甜粟米好正！加上櫻花蝦，皮脆肉嫩。🥘辣豆腐海鮮湯，少辣更過癮，海鮮分量頗豐富。

揚櫻花蝦豆腐 ，topping超多櫻花蝦，豆腐都好嫩滑，夠有特色。🍎 煙燻蘋果木松露和牛他他，烟熏之後，更加會帶上獨特的蘋果木香，松露份量都幾多，牛魔特上牛舌條，🥰全粉紅色超吸引，牛舌爽滑juicy，彈牙有肉汁。🐮A4 牛魔野原燒 ，入面更加是薄切和牛西冷，再配上月見汁，入味好食。🥩三藏 和牛 盛宴( 四款和牛部位)，油脂甘香肥美，入口即溶， 🍚黑松露和牛肉碎炒飯，牛肉切成肉碎超有咬口！配上黑松露，更香。

Happy Friday 要食好啲獎勵自己，見牛魔個二人前 premium set幾吸引就試吓。套餐8道餸，份量勁多，食到後期都係格硬塞埋落口勁飽，另配啤酒再加埋一都係千令蚊兩位。梅酒蕃茄其實食唔倒酒味，但就好甜梅味，夾埋蕃茄酸酸甜甜咁好開胃，個底啲啫喱微甜，有啲似台灣愛玉果種，都幾得意。櫻花蝦豆腐，炸得好香好脆。櫻花蝦個味幾濃，夾埋豆腐食就岩岩好，唔會話太咸/太淡。依個牛肉他他本身係一個細罐仔上，不過經理主動幫我地分左兩個碟仔放🙈 厚切牛舌真心推介，肉質爽嫩又好juicy，如果唔係個套餐太多野食我都想再叫多個😍其他既牛都好食，對得起依個價錢👍🏻👍🏻最後個飯太飽食唔晒，仲要飽到唔記得影相。😂

當晚大概7點到達餐廳, 一入到去就已經感覺無涼意, 初時諗可能自己行得急, 所以先覺得熱.但坐低一陣之後就覺得唔對勁, 唔係喎, 真係熱喎, 跟住就問個職員可唔可以開大D冷氣, 佢就話已經開到最大. 如是者, 朋友陸續到達並且點餐, 大家一路食就一路覺得熱+焗, D石英燈照住, 又要對住個爐, 真係幾唔舒服.再次去問另外一個職員到底個冷氣係咪壞咗, 佢話唔係個冷氣壞, 而係個抽風散熱有問題, 所以導致D熱氣一路焗住咗.呢個職員都好好, 馬上提供冰水比我哋飲, 而我哋亦都好迅速地完成個晚餐離開.我想反映既係一間餐廳除咗冷氣之外, 抽風同散熱都同樣重要, 希望該餐廳既負責人可以儘快跟進, 畢竟都係一間烤肉餐廳, 全部爐一齊開哂而又焗既, 叫D食客點樣再幫襯

好耐冇去食燒肉，平時常去嘅牛角長期滿座，決定去試試牛魔訂位 🤤去嗰日時間尚早未滿座，坐咗近門口位，餐廳環境舒服，下午去有自然光曬落嚟，係放假嘅感覺呀～同男朋友叫咗三款牛試，三款都好高質～最鐘意係和牛(圖三，唔記得名🥹)軟綿綿又多汁🥹❤️只點鹽已經好好食❤️ 非常推薦 ❤️牛之外，仲叫咗個帶子，非常好肉！仲叫咗份蔬菜~店員仲好細心教我哋點煮南瓜最好食 🤤店員話如果平日比較少客人佢哋會幫客人燒肉，可惜我去嘅時候慢慢開始多人，下次會再嚟食 🤤希望疫情快啲完，大家多多光顧好餐廳，以後都有得食 🥹

反正晏晝唔想多食，最緊要是食物有質素，所以睇完食評就決定一試。我哋叫了七百幾果個二人餐，再加一份厚切牛舌。先來湯、沙律菜及中華沙律作前菜。湯味道清甜。年輕的男侍應一上肉就提醒我哋邊啲放爐側，邊啲可放置中間。更提我們大約燒幾耐。不過，講左，聽左，我哋都係冇乜技巧。所以男侍應都會不時提，更會出手幫忙😂⋯⋯個餐包一個什麼沙律，我自己覺得冇乜特別，就是青瓜、椰菜絲撈埋一齊，菜蔬味道不特別fresh。泡菜煎餅，泡菜少得可憐，唔合格。講真肉方面，豬同雞沒有什麼特別。牛舌按侍應提示的去燒，最後都係un . 牛肉味唔濃，肉質一般，我不覺得值回票價。不過，家人話滿意，唔算差。但我就覺得性價比唔值。午市二人餐成七百幾蚊，質素同味道麻麻，有啲唔值。

Bookmark左牛魔好耐，疫情日漸緩和終於一嚐好多review都話性價比高嘅lunch set！平日一點半嚟到餐廳只有兩三台客，所以坐得好寬闊舒服。我地order左和牛系列嘅Set B牛魔燒肉盛合$246同有牛有豬又有雞嘅Set A燒肉自選七款盛$248，每set都跟沙律、前菜同飯，準備放肆咁大食一餐。牛魔燒肉盛合有A4和牛霜降、澳洲和牛西冷、澳洲和牛胸腹、澳洲和牛五花、和牛牛肩肉、厚切和牛舌各2枚。每款牛都好新鮮，每邊燒一陣就食得，牛嘅油脂香一邊燒一邊撲上嚟，超幸福。各款牛肉都好嫩，而厚切和牛舌獨有嘅爽口彈牙口感真係冇得輸！是次有幸得到高手侍應生傳授燒厚切和牛舌心得，首先將牛舌放係爐中心有紋鐵板位置每邊燒兩至三分鐘，再放爐兩旁平滑位置燒，咁牛舌嘅筯就會融，用鉗按落去會變硬，然後變得有彈性及有口感，真係好正~燒肉自選七款盛有黑毛豬頸肉4枚、全天然豚五花厚切2枚、醬油鳥肶肉4枚、全天然豚五花薄切4枚、和牛牛肩肉3枚、澳洲和牛胸腹2枚及薄切和牛舌5枚。黑毛豬頸肉超有驚喜，油脂滿滿一邊燒一邊有吱吱聲，而且啱啱燒好非常爽脆，一d都唔比牛遜色。薄切和牛舌都好好味好有咬口，但當然厚切完勝~ 豬肉

🚦牛魔（尖沙咀）大滿足Set（二人前）🫕牛魔古法漬泡菜及前菜🫕9/10【任添】問咗侍應，前菜係任添的！😍同小妹去韓國exchange嘅餐廳一樣呢😘泡菜好好食😋醃咗好耐嘅感覺，又入味、又軟身🥗豆腐沙拉配芝麻汁🥗9/10【Wow個汁】沙律醬好好食，唔會覺得好膩😍小妹懷疑黑色粒粒嗰啲係黑芝麻，但唔係好肯定，有少少味但真係足夠吊下味only😉同埋啲豆腐細細粒但好嫩滑👶有啲餐廳兩條菜就當係沙律，但佢嘅沙律份量都好合理！🥓美國Prime牛小排（8片）🥓9/10【牛味濃】牛小排一開始有少少過咗火搞到燒老咗👴第一啖以為咁老嘅🥺但其實係小妹自己搞錯，第二舊正常翻好好食🥰重牛味，重油香！肉質以prime嚟講，係非常好了✅🥩老饕澳洲M7和牛肉眼排（厚切）🥩9/10【幸福感】雖然話係厚切，但其實都薄嘅，燒嘅時候好快就要拎返起🍴一樣好重牛味，好油，呢個份量兩個人分啱啱好㗎啦😼再多就會膩🤣食過牛角對比之下，牛角嘅和牛出色少少🤏因為會入口即化🐚日本特級帆立貝🐚8/10【啖啖肉】似係可以生食level嘅帆立貝，有鮮味嘅🍣但海鮮味可以再出啲😚佢本身個底有少少醬汁，燒嘅時侯就會咋咋聲，同埋呈少少啡色咁🥫落少少鹽同檸檬汁啱

前排朋友約左我食晚飯～聽講啱啱新開冇耐，但已經勁好生意🤣味道一定好正😍滿懷期待入去試吓先❤️整體評分：7.5/10味道：7.5/10服務：7.4/10環境：7/10人均消費：$200-400地址：牛魔 (尖沙咀)尖沙咀棉登徑8號地下5-6號舖A4和牛海膽刺身（兩件）$120:呢個一定要推介比大家！😍😍😍和牛入口即溶，一開始見到生嘅有啲驚驚地，但估唔到完全唔腥！😍仲好香～海膽鮮甜十足，配搭和牛有不一樣嘅體驗🤤燒肉系列🐮🐷:香蔥牛脷：牛脷簿切大大片，燒完略帶脆身～配埋蔥一齊食好惹味😋老饕澳洲和牛牛板鍵：將和牛整成花嘅形狀😍好精緻好有心！和牛牛板鍵牛味香濃又夠滑～牛五花：油脂十足，燒完好香黑毛豬頸肉：同樣係整成花嘅形狀～黑毛豬頸肉食落脆脆地～❄️小食：櫻花蝦餃子🥟：櫻花蝦比得勁足！配上餃子食鮮味十足泡菜煎餅：好有韓式風味又開胃❤️松露肉碎炒飯：個松露超香！🤤🤤🤤忍唔住食咗好多碗🙈酒🍶：金紋 世界鷹純米吟釀🍶（$198）：清香又帶少少甜

身為牛魔王嘅我最鍾意周圍搵牛牛食，今次係尖沙咀棉登徑嘅日韓式燒牛牛令我直豎拇指！每張枱都有自己嘅鐡板燒，佢哋有好多選擇，揀嘅部位啱啱好，唔會太肥，最緊要食我手上嘅海膽和牛卷同埋即叫即整嘅生牛肉撈撈！最後和牛炒飯索晒牛嘅油脂，香濃冇比！仲有每台必嗌嘅牛肋骨，但係今次冇試到，下次一定要食！大家去食嘅時候記得book枱，因為就算weekdays都好full吓！鍾意打卡嘅你更加要早啲去，因為埲牆都好靚🥰🥰

🥩🥢🧂假日的午間燒肉🥳沒有限時的燒肉，可以慢慢坐數小時🍻，慢慢烤肉，食物質素還可以😌，環境不錯👍🏻，疫情😷下，人客數目當然有點疏落吧😔我哋點了套餐，再額外加些豚肉及蔬菜🥬，包括：🇯🇵日本帆立貝🥒翠肉瓜🐮牛魔古法漬泡菜及前菜🥗豆腐沙拉配芝麻汁🥙🐷泡菜豚肉煎餅🇯🇵日本A4 上等雪花和牛小排🥩🥩岩鹽日本🇯🇵A4和牛牛肩肉（粉紅鹽花）🥩🐷全天然豚肉五花腩 （薄切跟生菜）🥬🥬🐥鳥肶肉醬油🍛黑松露肉碎炒飯🐷豚肉五花腩(厚切/生菜）🥬🥬🍺Draught Suntory /三得利🍻食物質素都幾好，講真，燒肉就係食其肉質是否新鮮及醃料不能太過重口味，自己烤肉時要睇火，不能燒焦，那便稱之為ok。🐷泡菜豚肉煎餅🥞，反而有點驚喜，香脆可口，夾少少泡菜，吊出少少香辣🌶口感，不錯👍🏻

環境舒適！.📌全天然豚肉五花腩厚切 $130豚肉五花油香四溢，味道濃郁，用生菜包住食，唔錯！.📌牛魔終極拼盤 $620 （澳洲M7和牛肉眼扒、和牛牛五花、厚切和牛牛脷、差國Prime醬油牛肋骨）拼盤望落精美，但食落無咩牛味😵‍💫.總括而言，大家都話牛魔高質，但親身試體之後，個人認為食物質素一般，可以一試，但未必會再回頭！.=========================.食物：7/10環境：8/10抵食度：7.5/10回頭度：6.5/10..