牛魔 (已結業)

尖沙咀行街後食燒肉，呢度最好要預先訂位，如果唔係就要等下先有位，先送上前菜小碟，有泡菜及中華沙律 🥓煙燻蘋果木松露和牛他他煙燻和牛他他，配生蛋同蔥花蛋，係好香嘅生牛肉食法🥩澳洲和牛牛板腱肉質鮮嫩多汁，肉味香而濃，好有牛香味😋 🥓香蔥牛脷香燒牛脷，烤香後加點盬更美味👍 🥟櫻花餃子粟米豬肉餃子，櫻花蝦乾🦐🦐🦐滿佈餃子，味道好香脆，餃子食落皮薄而入面又多餡料巨峰梳打特飲橘子梳打特飲～兩款特飲都好清涼，又多果肉

今晚食牛魔王,環境唔錯,坐得舒適~呢度一向出名多人介紹,多人介紹就自然好難排隊一定要預訂先有位呢度主打爐燒肉,個爐夠火力夠大,快速封住牛肉既肉汁,又食得爽,易控火,仲有好多日本酒同唔同既特色酒類配埋食物套餐最抵食,包括前菜,日式沙律另包和牛他他,炸餃子配櫻花蝦,炸豆腐配芝麻汁主食包括了A4牛小排/牛舌,五花腩肉,黑松露肉碎炒飯前菜3點,各有特色,脆口既豆腐咬開係嫩滑既質感,2極既口感,口感好豐富!餃子好飽滿好大隻,加上大量櫻花蝦,夠曬香氣!另外仲有香嫩既牛舌片,肥美既五花腩肉,仲有特製既醬汁夾埋食非常好食,香又肉味濃另外包埋炒飯一份,石鍋上,食到脆口飯焦,仲有黑松露醬既香氣#牛魔 #尖沙咀美食 

☘️朋友想吃烤牛，提議去試新嘢。就去咗呢間響尖沙咀的牛魔。我哋去嘅時候時間尚早，所以人不是太多，找了個靠外面的位置坐下。 ☘️第一次來當然係搵店員做吓介紹佢哋嘅招牌菜，經過介紹，最後我們點咗個蘋果木煙燻松露牛肉tartare,櫻花蝦日式炸豆腐，櫻花蝦煎鮫子，烤肉點咗香蔥牛舌，全天然豚五花腩和澳洲M5/6和牛腱。☘️食物水準不錯，店員服務也很到位，怕我哋不會烤肉，主動幫我們烤😉 整體來說滿意，應該下次吃燒肉也會再來😜

好耐沒去吃日式燒肉了， 今晚踫巧跟朋友去尖沙咀逛，就來到這家燒肉吃晚飯。餐廳算寬敞，我以前來過，雖然不是任食，但我們倆其實也吃不多，所以情願吃質素好點的。我們點了揚櫻花蝦豆腐、煙燻蘋果木松露和牛他他、全天然豚五花腩、牛香蔥牛舌、澳洲和牛牛板腱及櫻花蝦粟米餃子，配一份牛魔古法漬泡菜及前菜，應該夠了吧。日本揚豆腐幾乎是我吃日本料理必點項目，因為喜歡日本豆腐的嫩滑，但炸過後又脆口惹味。和牛他他是店員推介給我們的， 蘋果木煙燻過其實氣味不突出， 但顏值極高， 和牛夠鮮嫩，沒帶筋，入口滑溜。五花腩肉脂分明，很漂亮，但燒完後又不會肥膩，肉質很有質感，用附有的辣醬及生菜包更健康。和牛板腱味道較濃，薄切，輕輕燒一面10數秒就可以食。不明所以，每次吃燒肉都會自自然然點牛舌，可能因為肉質特別，跟牛肉不同，吃著有不同口感及味道吧。本想點個飯，但實在有點飽，所以只點了份餃子，叫做有主食吧。

老公生日， lunch 食左餐貴，夜晚就簡簡單單同佢食一餐，佢話要食牛，夠飽肚，去左牛魔，因為食黎食去牛魔性價比最高，牛又靚，地點方便，又好坐又吾貴，好過好多連鎖燒肉店前菜2碟今日主力都係食牛肉點左一份牛板腱，一份有五大塊，紋又靚，油脂分布平均，色澤紅潤，肉味香濃，燒幾秒就食得蘋果木煙燻黑松露牛肉他他，第一次食，好香黑松露，牛肉加左蛋又滑，夏天食好舒服仲有一碟牛舌，薄薄地都好爽口，有7片再點多一個松露牛肉炒飯，牛肉粒夠多又淋，又多肉汁，飯吸收左松露香味同埋牛肉汁，超好味

成年無食過燒肉，雖然天氣開始熱，不過都影響吾到食燒肉心情，因為之前去開牛魔，店入面抽氣系統好好，又吾會擔心成身燒肉味今日太熱，坐低一人一杯飲品先，一杯啤酒加一杯鳳梨梳打，鳳梨梳打甜度適中，有少少椰果粒燒肉今次點左2 款，一碟五花腩，另多一碟牛舌五花腩keep 住用靚貨，肥瘦適中，爽口彈牙，厚切有質感，燒完油脂香口又吾肥，一份有8件好抵食，夠飽，仲有生菜同辣醬牛舌薄切，薄切比較爽口，牛味都好香，仲有洋蔥配，牛味更加突出小食差吾多都係點櫻花蝦餃子同埋櫻花蝦炸豆腐貪佢平，$68 超植，豆腐外脆内嫩，餃子大大件煎得好香口，仲有櫻花蝦增加口感同香味

早幾日同幾個朋友經過棉登徑 諗住天時暑熱嗱嗱聲搵間嘢食 經過時店員出嚟耐心推介 咁就入咗去 坐低咗見到個裝修花過心思 心諗一定唔平 但係都冇計啦坐低咗朋友中又有女仔 咁就嗌啦 結果喜出望外 啲嘢食又真係得喎 有兩件餸特別想推介 會出煙嘅黑松露和牛他他 少少凍啱晒下夏天 最緊要啲女仔鍾意 係咁影 ，第二個係牛魔拼盤 坦白講開頭見到好似唔係好多肉 食完之後又真係飽 都有問過經理佢都好好咁同我哋講解下啲牛 ，牛夠靚 油花多 只要配合埋識得去cook 掌握時間就會香同好食 雖然餐飯都食咗四百幾蚊一個 咁但係我又覺得呢個質素對比中環嗰幾間又確實真係抵 個經理都幾好人傾熟咗 留咗電話俾我下次搵佢會送嘢飲 我覺得可以推介俾大家試吓

香蔥薄切牛舌(七枚)$82牛舌油花均勻，食落軟嫩多汁，鮮脆爽口，加小小香蔥將香味提升，味道更加醇香。櫻花蝦餃子$68外皮煎到香脆可口，肉餡惹味多汁，仲有粒粒香甜嘅粟米，加埋鮮香嘅櫻花蝦，熱辣辣食味道一流。揚櫻花蝦豆腐$68大量嘅櫻花蝦包裹住，香味濃郁，鮮甜美味，裡面係嫩滑嘅豆腐，兩者非常之夾。老饕澳洲M5/M6和牛板腱(五枚)$198牛板腱纖維豐富含有肉筋，脂肪較少但均勻，口感柔軟得嚟又有彈性同嚼口，肉汁豐富肉味濃郁，唔怪得之係近年最受歡迎嘅部位之一。全天然豚肉五花腩(八枚)$130脂肪豐富，肥瘦層次分明，油香四溢，食落爽口，肉味甘香濃郁。用生菜包夾，加小小泡菜，更加惹味且冇咁膩。蘋果木煙燻松露和牛他他$158生免治和牛肉，混和蘋果絲、松露和香蔥，再加上蛋黃攪勻，既有松露嘅香味，又有蘋果嘅酸酸甜甜，加埋蛋香味，果種嫩滑嘅口感，鮮味得嚟有嚼勁，令人一試難忘。松露肉碎炒飯$108粒粒飽滿分明嘅米飯，鋪上牛肉碎、蔥同松露，再灑上白芝麻，煙韌嘅飯夾雜住小小飯焦嘅脆口，口感同味道都好豐富。巨峰梳打特飲$48 / 鳳梨梳打特飲$48巨峰梳打香甜，鳳梨則酸酸甜甜，最緊要係夠汽，冰冰涼涼，消暑解膩一流

好耐無食燒肉，於是就問朋友尖沙咀有無邊間性價比較高嘅餐廳推介！有朋友食過呢間ok，於是就book定枱😋😋😋餐廳位置都算方便，地鐵行過去8分鐘左右到！餐廳唔算好大，開放式廚房，望落去都好干淨企理☺️香蔥薄切牛舌$82配埋香蔥再點啲醬汁，入口多汁彈牙😋櫻花蝦餃子$68入邊係粟米肉餡，外皮煎到金黃香脆，再有炒香嘅櫻花蝦，口感十分豐富揚櫻花蝦豆腐$68豆腐超滑超嫩，外層裹滿櫻花蝦，啖啖鮮味牛板腱$198餐廳職員教燒20秒，再卷起燒5秒就食得，太熟就會老，牛味濃厚切豚肉五花腩$130個人至愛😜肥瘦均勻，配埋生菜同泡菜一齊食，好味得黎，一啲都唔油膩👍🏻蘋果木煙燻松露和牛他他$158牛肉入口即融，又有蘋果嘅酸甜味，正黑松露肉碎炒飯$108飯味道雖然徧淡，但更突出黑松露香味，總體很不錯😌巨峰梳打特飲$48鳳梨梳打特飲$48

今日心血來潮想食燒肉，就相約朋友到《牛魔》食燒肉，喜歡這裏多選擇，環境氣氛不錯👍！入座之後職員為我們遞上前菜，海帶和泡菜😋！可以一邊食一邊用QR code落單十分方便！.澳洲N7和牛～牛肉色澤紅潤，質素好好👍油花分佈好靚，食落好香好嫩！.全天然豚肉五花腩～（薄切跟生菜）五花肉份量十足，慢慢燒至金黃香脆，再剪成一口，連同蒜片包在生菜中吃，肉質充滿彈性，油脂十足，肉汁香濃！.香蔥薄切牛舌～薄片牛舌有七塊，燒一陣就食得，加入香蔥好惹味！.櫻花蝦餃子～餡料有栗米粒同豬肉，餃皮沾滿了櫻花蝦，食落味道都好夾好特別！.櫻花蝦豆腐～熱辣辣一碟有四件,外皮煎至香脆，加入樱花蝦更加香口！.黑松露和牛碎炒飯～上枱時已經聞到香噴噴黑松露味道，混合埋一齊食，好食到停唔到口！

有book位，準時到，但要係門口罰企，諗住入去等，個staff唔俾縱叫番番出去等話全部人都係booking.好啦…坐到入去，乜都未叫有個staff話幫我哋開定爐，咁咪睇下menu叫乜，最後叫左個二人餐A加五花腩，諗住同男友食餐好故事就由呢度開始啦…個餐啲野光速咁黎(5分鐘左右，除左個飯就嚟齊)…放低盤肉都睇到啲肉解凍唔切，肉質亦唔算新鮮最搞笑係男友見到個伴菜檸檬跌落枱個staff夠膽死就咁攞番上碟俾客！！！即係我哋，佢見到4隻眼望住都係咁，要男友出聲先肯換咁我諗都起碼都已經有5至10分鐘,個爐應該ok la,但望落就覺得古怪點解個煎pan冇油…咪諗住落塊肉落去等佢分泌啲油出嚟…點知塊肉極度黐底…最尾問個staff點解會咁…佢就一句話係個爐要夠十分鐘先用得，唔夠熱好正常，用伴碟嘅檸檬做清潔個爐就可以重用……我果刻除咗無奈真係冇野好講…開爐果時唔同個客講，之後又唔換爐亦冇咩補救嘅處理手法…果刻連個飯都嚟埋我就諗住算數諗…快啲食飽就算…但啲肉熟左縱岀事…筋縱多過肉…有啲肉嘅部位縱要係邊位係難燒…總括嚟講呢餐飯縱要收我900蚊我完全覺得呢間野唔值，食物品質同質素同價錢唔成正比，啲staff嘅應

朋友生日又鐘意食燒肉就帶佢去到位於尖沙咀「牛魔」，去到已經八點鐘餐廳都爆滿，好彩預先訂了位😋全天然豬肉五花腩豬肉肥瘦適中，燒既時候油脂慢慢慘出，好香好吸引，夾住生菜🥬再加入小量辣椒醬一齊食，口感及味道都好夾。香蔥薄切牛舌牛舌切得好薄我個人比較鍾意食，輕輕燒幾秒鐘已經食得，加入香蔥一齊食，更提升牛舌味道。煙燻蘋果木松露和牛他他上枱時預先將材料分開上，有雞蛋、蘋果絲和牛肉，全部放入一個玻璃樽入邊攪勻就食得，牛肉加入雞蛋之後變得鮮嫩好滑，再連埋蘋果絲一齊食口感更加有層次。揚櫻花蝦豆腐豆腐本身味道唔會太突出，加入了櫻花蝦，食到鹹鹹香香嘅味道，幾特別！澳洲M7和牛牛肉眼扒牛肉油脂分佈平均，入口牛味濃郁，有入口即溶嘅感覺，非常好食！櫻花蝦餃子🥟餃子外皮炸到脹卜卜，每一啖都食到櫻花蝦的香味，咬落多汁又食到粟米粒粒，正！最後飲埋杯乳酸梳打，好滿足😋

除咗烤肉之外，🤩更加要試吓佢哋呢度嘅主食！因為佢哋嘅炒飯，材料用嘅係日本米，細節位一啲唔求其👏而且佢會加上特製醬料一齊炒，所以成品嘅炒飯更係金黃色，非常之吸引。粒粒飽滿，帶上少少嚼勁，😙有咬口。🥩鮮嫩嘅牛肉粒，同埋脆脆紫菜，拌勻之後一齊食，口感不錯，好好味。🐷超中意食豬腩肉！！件件新鮮，而且肥瘦均勻分佈，慢慢煎熟咗之後，更加有獨特嘅甘香☺️記住包埋生菜一齊食，🥬加菜口感會更fresh~

第一次發現，🥟佢哋嘅小食都好好食！餃子上邊滿包櫻花蝦，食落去除咗有餃子嘅鮮嫩，更加多咗一層櫻花蝦的脆口🥰餃子煎得啱啱好，金黃色，非常吸引。食落去入邊，都保持住好多肉汁，🥢粟米餡料非常豐富。牛小排，無論係邊爐，🔥定係烤肉，呢一個部位嘅牛肉，都係一個唔錯嘅選擇，🐮因為呢一part不會太過肥，😋而且又帶有少少油脂，所以食起身好有牛肉味。❤環境都好舒服，同朋友一齊坐住傾，食dinner幾享受。

今日下午行過尖沙咀棉登徑，見到裝修幾新穎嘅一間餐廳，環境寬敞❤️，所以決定入去食個午餐，蘭王飯意想不到嘅好味，蛋黃係橙色同其他雞蛋不同，口感豐富。另外我哋仲order左厚切牛舌同埋薄切豬腩片，和牛牛舌有肉味口感亦都好soft。黑毛豬薄切豬腩片，油香非常重，亦都食得出好新鮮唔係啲急凍肉😊。呢間餐廳令我有驚喜，以前食過晚市燒肉，冇諗過午市及唔係牛嘅菜式都做得十分出色，另外抽氣系統好好，食完之後沒有任何油煙味，總括嚟講午餐不錯 👍🏻