牛霸王

營業中

休息中

是日又捐窿捐罅去咗一間觀塘工廠區入面嘅新餐廳。呢間絕對值得推介‼️真心值得去‼️👍忍唔住要一大讚佢既服務，非常好!一入去會好有禮貌熱情地greet客人，嗰種招呼好比高級餐廳；一坐低又會細心介紹菜式；食到中間，店員又會好細心主動offer俾兩個碟仔；成個用餐過程窩心感受到滿分既服務態度，讚‼️👍食物方面，推介佢地既：招牌手打和牛漢堡蘭王蛋丼飯$128佢有3個秘制醬汁(秘製漢堡汁/白味噌汁/日式咖哩汁)同2款配料(日式泡菜/芥辣酸瓜)選擇。大推介要試：🌟白味噌汁+芥辣酸瓜🌟呢個配搭😋白味噌汁做成忌廉汁咁，香滑甘口，又唔會好咸。芥辣酸瓜更係一流！唔係一般漢堡包夾一塊酸瓜咁樣。無諗到佢係磨成蓉既造法，類似白蘿蔔蓉咁樣，味道更均𧗾，酸酸地，超級清新開胃‼️另外，本身塊漢堡扒都煎得非常好，厚身，咬落去外脆內香軟，又juicy多汁。原來佢地用澳洲和牛手打自家製。最上仲有一粒蘭王蛋生蛋黃，撈埋日本米飯，甘香無比，整個配搭，我諗完全可以媲美日本既"挽肉與米"。照燒雞扒沙律$78另外同友人仲食左沙律，比想像中大份，雞扒烤得好香脆，帶炭烤香味，醃味啱啱好，肉質亦嫩滑，沙律汁都好好味。蜂蜜綠茶(冷) 套餐價$5白桃烏

約咗好耐冇見嘅朋友食飯，喺OpenRice見到呢間新開嘅餐廳，就去試吓，估唔到性價比咁高！夜晚食飯時間依間工廠區可能都要等電梯，所以我哋就行樓梯上去轉彎就到地方唔算好大，但係晚飯時間都有七八成滿，呢個係食完臨走先影，所以平日Walk in都可以。職員叔叔仲好細心咁介紹餐牌問我哋係唔係第一次嚟食，雖然佢都係讀返個餐牌俾我聽叫咗一個叉燒流心蛋飯，係佢黑板上面嘅廚師推介，我估每日會有啲唔同，大家可以去睇吓。隻蛋唔夠撈晒啲飯，所以有一半非常滿足佢嘅醬汁唔算好多，飯食起上嚟唔係濃味道，叉燒嘅味道啱啱好＇適合撈埋味道唔係好重嘅日本米一齊食，叉燒肥肉同瘦肉好分明，師傅切得好靚，會不知不覺食晒啲飯手打芝士安格斯漢堡蘭黃蛋飯隆 重 介 紹 依個超級好食！係一個性價比好高嘅飯！本人好鍾意食蛋，一早就知道蘭王係蛋界嘅天花板，蛋味好濃好香，色澤好靚。咖喱汁撈埋蛋黃醬係一流嘅配搭。忍唔住幫佢影多兩張相。依個飯有得俾你揀醬汁同埋配料，我哋揀咗佢好多人推介嘅咖喱汁同埋芥末酸菜，後來先知道混埋一齊食神奇地夾！（一開始仲以為佢嘅配料同醬汁係分開上）芝士撈落安格斯漢堡入邊唔係好重嘅芝士味，但係都會食到其實平時夜晚好少食飯

有事去開觀塘，喺OP見到呢間工廈新開嘅餐廳啲相好吸引🎋，漢堡扒上面鮮橙色嘅蘭王蛋睇到都流口水，於是上去一探究竟！餐廳走和洋風路線，牆身由一塊塊大麻布鋪成，🍁配上日式嘅藤椅，同柔和嘅燈光🏮，簡約隨性又不失設計感！食物方面，🍳主打漢堡扒丼飯，另外有幾款丼飯同小食可以揀，就好似啲拉麵店咁，專注做好招牌菜！🍱今次食嘅兩款漢堡扒丼飯都各有各優點，雖然餐廳menu選擇唔多，☺️但齋係漢堡扒丼飯都值得一食再食！🍛手打和牛漢堡扒丼飯 $128漢堡扒丼飯可以揀醬汁同配菜，今次揀咗日式咖喱汁配芥辣酸瓜。手打和牛漢堡扒比想像中厚，外層煎得脆脆哋，肉質比較軟稔，入口即化，脂香好豐富，好juicy！蘭王蛋撈飯本來就無得輸，配埋甘口帶微辣嘅日式咖哩，將日本米變得更濕潤，而芥辣酸瓜蓉帶出點點清新感，啖啖都好滿足！🍛芝士安格斯漢堡丼飯 $118芝士安格斯漢堡比和牛漢堡肉質較實淨有口感，入面加咗芝士，牛味更濃郁。今次揀咗秘製漢堡汁同日式泡菜，漢堡汁甘甜帶微微柚子香，而日式泡菜微辣爽口，有點睛嘅作用，解膩又增加口感，一樣食到好滿足！🍵白桃烏龍 $15白桃烏龍微甜清香，用黑色嘅茶具裝住，即刻好似去咗日式茶室咁！

//15 01 24 晴天🌞15:00 觀塘 成業工業大廈大人細路都鍾意 ☺︎「日式漢堡扒」——— 最早喺明治維新時期出現，但隨住歲月嘅洗禮，佢已經正式成為代表日本媽媽嘅家庭料理之一。將牛、豬混合嘅漢堡扒，之所以咁受媽媽們歡迎，主要係因為豬肉嘅價格比牛肉較平，而當中豐富嘅豬油更令牛肉食起嚟變得嫩滑，再加埋雞蛋同麵粉，營養價值即時大大提升啊！🔻招牌手打和牛漢堡蘭王蛋飯 HKD$128ꕀ配白味噌汁｜芥辣酸瓜白味噌食起嚟有種將味噌同忌廉嘅混合 入口味道溫和清淡 微鹹中帶一點香甜汁嘅濃稠度做得相當滑和牛漢堡扒 控制生熟度完美 煎得出色 會有焦化微脆嘅外層 每啖肉質柔軟、細膩 兼且入口即溶加上少少酸嘅芥辣酸瓜 及 好𝘧𝘳𝘦𝘴𝘩嘅蘿蔔蓉 令漢堡扒增添一種清新解膩嘅感覺日本靜岡米 粒粒分明 口感煙韌 配埋雞蛋界嘅天花板「蘭王蛋」無論視覺定味道 都係滋味嘅享受🔻芝士安格斯漢堡蘭王蛋飯 HKD$118ꕀ配秘製漢堡汁｜芥辣酸瓜秘製漢堡汁柚子味突出 但又唔會過濃 味道平衡做得非常好加埋秘製醬汁嘅輕輕酸甜 撈埋飯食確實一流芝士安格斯漢堡扒切開裏面會見到半溶流心芝士 令漢堡扒充滿住迷人嘅奶香而且肉味濃郁 油脂味

呢到系我食過最好食既漢堡扒飯！因為我本身唔中意漢堡扒飯，我覺得好多時好乾又油！飯更加唔系我杯茶！但呢度令我改觀！個白麵豉醬汁好好食！唔會好似普通麵豉醬咁死鹹！漢堡扒好有牛味！佢地用蘭王蛋放面，好有蛋味！中間再夾咗日本泡菜配菜我自己覺得真係好食得好緊要！ 好鍾意最上面嗰幾條辣椒絲，令到味道更加複雜有變化。 小食嘅金栗薯餅都好有栗子味，因為真係見到有栗子唔係得栗子蓉！蝦春捲配個醬都好無敵！裝修簡潔優雅好舒服！ 下次有機會再試其他飯！提外話，餐廳師傅好高好靚仔好後生！少見！

又係工廈發掘到一間正野食😆呢間日式餐廳環境裝修明亮新淨 應該係新開冇耐主要食丼飯 啱晒上班族中午去食lunch 🍴招牌手打和牛漢堡扒丼飯$128第一次黎食當然要試下佢個招牌omg賣相勁靚勁吸引 好似一座湖中嘅小島咁🏝揀左秘製漢堡汁 味道帶點酸甜蘭王蛋呈橙紅色 蛋味濃郁甘甜 撈飯超正漢堡扒用上澳洲和牛 手打漢堡扒有肉汁而口感較軟身仲有配菜都好特別 揀左芥末酸瓜原來係磨成蓉咁放係漢堡扒上面味蕾上好有驚喜🤩 🍴咖哩吉列豬扒飯$88好耐冇食到咁正嘅吉列豬扒顏色靚 表面香脆 入面肉質唔乾唔硬咖哩係餐廳秘製 比起一般嘅日式咖哩辛辣好有刺激感 🍴一口芝士$18另外仲追加左個小食一上枱就聞到好香芝士味🧀入面係一整塊芝士 味道超濃郁要趁熱辣辣食 入面d芝士就會好軟好好味😋🍴蜂蜜綠茶、汽水店員服務親切，會詳細介紹食物。值得一提係d碟好靚，好有日式風格🎏，食到最底見到心情都好好。☺蘭王蛋漢堡丼飯係每日限量供應架，想食要早d去喇。

碌社交平台見到依間工廈新開嘅日式小店，比蘭王蛋同漢堡扒飯依個組合吸引，所以就決定一試，試完之後相當滿意，推薦大家試試。手打和牛漢堡扒丼飯配秘製漢堡汁+ 日式泡菜蘭王蛋黃鮮艷嘅橙紅色非常搶眼，食落都好有蛋香。和牛漢堡扒新鮮煎好，食落充滿肉汁同牛香，口感適中，唔會又硬又實。秘製漢堡汁味道帶酸，又唔會搶走漢堡扒嘅牛味，食落味道幾配合。日式泡菜爽脆，食落更開胃。芝士安格斯漢堡丼飯配日式咖喱汁+芥辣酸瓜切開芝士安格斯漢堡，就見到邪惡嘅芝士，食到芝士嘅鹹香，但又唔會過多搶走漢堡扒嘅味道。安格斯漢堡同樣足滿牛香，但同和牛漢堡就有唔同嘅香味，兩款都值得一試。 日式咖喱汁食落鹹甜，芥辣酸瓜亦都唔會會好刺激，加埋無敵嘅蘭王蛋，一切都平衡得好好。

今晚試左觀塘新店「牛霸王」，主打日式打卡牛肉漢堡丼飯🥰🐄，好食而且餐廳裝修新淨呀。🔹️招牌手打和牛漢堡蘭王蛋飯 $128和牛漢堡煎好香🥰，咬落好多肉汁，質地就鬆軟有彈性，甜甜地嘅秘製漢堡汁好滋味，配左芥辣酸瓜，加埋隻橙黃色嘅蘭王蛋🍳，仲有飽滿嘅日本米飯，真係無得彈❗️🔹️手打芝士安格斯漢堡蘭王蛋飯 $118安格斯漢堡都好正，牛味好香濃🐄，有芝士味🧀！既厚身又juicy🥰，今次揀左白味噌汁，忌廉底好特別，喺餐廳獨家調製，配埋日式泡菜好惹味。🔹️可口可樂 (套餐 +$5)

友人病了好幾個星期 近日終於痊愈 可以繼續在觀塘覓食😛上openrice看到這間專做漢堡扒的餐廳的相片很吸引就決定來朝聖一下👐🏼招牌手打和牛漢堡蘭王蛋飯（$128）(9.5/10)有三款醬汁可選 配料可選～我們選了秘制漢堡汁+日式泡菜🙌🏼秘制漢堡汁偏甜～是鹹鹹甜甜的味道 味道剛好 泡菜不會很辣 口感爽脆 為這個飯加添了口感和風味🙌🏼蘭王蛋的蛋漿濃郁香醇🍳米用上日本米 軟硬剛好🍚手打漢堡扒 超!好!!吃!!!吃得出牛的油脂香 牛肉生熟程度剛好 完全不會鞋口和乾 漢堡扒稱得上入口即融🥰所有食材加起來真的找不到任何位置挑剔 這就是有誠意的餐廳應有的水準🤍本頁暫時最高分的菜!!😆🤍咖哩吉列豬扒飯（$88）(7.25/10)豬扒是剛剛炸起的～上菜時仍然在出煙♨️豬扒炸得很脆 不算很有肉汁但也不會乾 肉質尚軟～咖哩配上慷慨份量的薯仔和紅蘿蔔～煮得很腍和入味～雖然是日式咖喱 但味道是偏辣的 很好送飯～整體是個質素很不錯的日式咖喱飯🍛白桃烏龍（套餐價$15）(7.5/10)原本想叫蜂蜜綠茶 但今天售罄了～於是叫了是日精選的白桃烏龍～店員指這裡的茶類皆是自家調製的～🫖是用茶煲上的 聞下去很香白桃味 入口不

lunch hour去咗試哩間新開嘅餐廳。我自己叫咗個咖哩吉列豬扒飯，同行友人就叫咗手打芝士安格斯漢堡蘭王蛋飯。咖哩吉列豬扒飯個咖哩汁好香，食落少少辣。入面有啲紅蘿蔔同薯仔，好稔好入味。塊吉列豬扒都炸得好香口，唔油。手打芝士安格斯漢堡蘭王蛋飯揀咗白味噌汁配日式泡菜。個汁好香，泡菜唔辣。同行友人話好食。另外，啲店員都好貼心。見同行友人無叫餐飲，就主動俾咗杯熱水佢總結：今餐lunch好滿意，下次會再幫襯。

同朋友嚟到觀塘工廈新開嘅日式餐廳食早餐，專門賣漢堡扒飯😍 裝修都幾別緻，有日本小店嘅感覺。同朋友分別嗌咗兩個漢堡扒飯，我嗌果個係手打和牛、秘製漢堡汁，漢堡扒超級鬆軟，好juicy，個汁甜甜地，蘭王蛋隻色好靚，亦好啱送飯，我揀咗配菜係泡菜，豐富咗個飯嘅味道！朋友叫咗個芝士安格斯漢堡、白味噌汁，配菜揀咗芥辣酸瓜，佢話個飯好有層次芥末酸瓜唔會太濃味，同上面既日本蛋黃混埋一齊十分香口，又唔會搶左漢堡本身的肉味。

今日因工作關係，早上來到觀塘。辦完事後差不多十二點，看見差不多午膳時間，便相約在附近工作的朋友一起吃午飯，順便聚一聚舊！   牛霸王位於觀塘成業工業大廈，地鐵站出發大約五分鐘便到達，地點方便就腳。餐廳裝修有心思，我們一行二人叫了兩個漢堡餐一起分享。 日本手打和牛漢堡(⭐⭐⭐⭐⭐) 手打和牛漢堡是這裡的招牌菜，一場來就當然要試一試。一上臺便被吸引，賣相精緻，打卡一流。 和牛漢堡脂肪比例剛剛好，吃起來入口即溶， 有著香濃啲牛肉味。 我們選的是秘製漢堡汁，味道不算太濃，不會遮蓋漢堡的味道，反而令到漢堡吃起來更加惹味可口。 另外其他配料也一絲不久，白飯用了日本珍珠米，配上蘭王蛋黃撈飯一流。  手打芝士安格斯漢堡蘭王蛋飯(⭐⭐⭐⭐⭐) 朋友叫的安格斯漢堡也不錯。相對起來和牛漢堡，較為有嚼口。中間夾了芝士，提升了味道層次。配上白味噌汁，打令人停不了口。 白桃烏龍(⭐⭐⭐⭐⭐) 飲品方便我們選了白桃烏龍。 清新，而且不太甜。為這天的午餐畫上完美句號。  ~~~~~~~~~~~~~~~~~~~~~~~~  牛霸王 觀塘成業街19-21號成業工業大廈1樓26號舖 推介菜式：日本手打和牛漢堡手打，芝士安格

唔係同事推介帶我來，都不會認識到這間主打漢堡扒的隱世工廈餐廳。店長好熱情介紹食材和每款醬汁，睇得出對食物充滿熱誠。我們這次都是衝着日本蘭王蛋漢堡扒丼飯而來的。總共有兩款漢堡扒，另外可以自選醬汁和配菜。*招牌手打和牛漢堡蘭王蛋丼飯($128)我點的是手打和牛漢堡，配上日式咖喱汁和日式泡菜。和牛肉被手工打成厚厚的的漢堡扒，保留了肉質的鮮嫩和多汁，口感鬆化，十分juicy！每一口都充滿濃郁牛味。漢堡扒上面鋪了日本蘭王蛋黃，鮮橙色十分吸睛。濃郁的蛋香令整體味道昇華，加埋微微辛辣的日式咖哩和日式泡菜，每樣食材都超級夾。*手打芝土安格斯漢堡蘭王蛋丼飯($118)我同事點了芝土安格斯漢堡丼飯，配上秘製漢堡汁和芥辣酸瓜。我試了一口醬汁甜甜的都好好味！安格斯漢堡同樣juicy ，仲混入了芝士令味道更豐富。* 蜂蜜綠茶/可口可樂(+$5)蜂蜜綠茶正常發揮不會過甜，而且可以走冰，十分貼心！

- 牛霸王 @ 觀塘 -朋友話觀塘開咗好多間新餐廳，放工就算便去試吓🤣今次呢間牛霸王就位於工廈，好近地鐵站，都幾易去😆招牌手打和牛漢堡蘭王蛋飯($128)//手打芝士安格斯漢堡蘭王蛋飯($118)嚟得梗係要試晒佢哋既招牌啦😋 佢哋既醬汁同配料都有得比你自己揀，醬汁就有三款，招牌漢堡汁味道就比較甜，帶有微微嘅柚子香味；白味噌汁味噌味好濃郁，就咁用嚟撈飯都超好食；日式咖喱汁就入口甘甜，隨後就帶有香辣味😋配料就有日式泡菜同埋芥辣酸瓜兩款選擇。漢堡面仲有啲白蘿蔔蓉，相信係用嚟解牛肉既膩。標明係用蘭王蛋，蛋味濃就一定㗎啦🤣見到隻蛋嘅色澤胃口都大增🤣🤣漢堡方面，安格斯漢堡就帶有流心芝士，牛肉味會比較重；而和牛漢堡就更食得出牛油嘅香味同埋軟滑嘅肉質。蜂蜜綠茶(+$5)//白桃烏龍(+$15)飲品方面都好有驚喜!本身以為跟餐價咁抵，飲品都唔會好特別。點知蜂蜜綠茶一飲就發現茶底好香濃，完全係喜出望外，而蜂蜜都係天然蜂蜜嘅味道，所以唔會好甜，兩樣嘢加埋好夾😍白桃烏龍估唔到係用茶壺上，茶壺好靚，白桃味好香，飲到白桃既天然果香味。同樣要大贊嘅係店員服務態度好好，一入座就會主動介紹Menu，同朋友坐得耐傾偈，

係附近返工，呢間餐廳嘅漢堡扒同事話係近期打工仔午餐恩物，今日試下。招牌✨手打和牛漢堡蘭王蛋丼飯手打和牛見得到師傅用心製作。用料高質，澳洲和牛，品質保證。咬下滿溢油脂香配粒粒飽滿日本米，很滿足。當然不少得流心蘭王蛋，生蛋撈飯，我至愛。秘制醬汁—漢堡汁，甜甜地，搭配自家製芥辣酸瓜配料，帶出豐富的味道、風味。咖喱吉列豬扒飯咖喱汁入口回甘，微辣過癮。豬扒大大塊，外脆內嫩。日式丼飯款式都幾多~日式咖喱來講都算辣，但接受到。套餐只需要加$5就有汽水，想健康啲加$15就有橙汁。