牛角Buffet (利東街)

營業中

休息中

We coming here for Yukiniku buffet, yaya, neat environment is pretty comsy, and it’s funny cooking your own meats haaa, you can order meats, seafoods and sides dishes by scanning their qr code and there are some desserts corner outsides you can choose yourself, 100mins is ok but a bit rush if you have to cook yourself, overall such a nice experience haaJapanese Pork Rib Eye is so dry and thick really unacceptable you can’t feel any water insides at allThick cut Japanese Pork Belly and Pork Slice

牛角我食過好多次，聽講轉左Menu所以再返黎試下，發覺價位好似係偏貴左，不過，今次因為朋友係金卡會員既關係，計返條數係抵食左，仲要有得優先入座，仲想點先？今晚大約7:30入座都好多人等位，因為金卡會員嘅關係所以唔使等好耐，等左1張枱咁大把。🔖Menu：🥢食後感：最後揀咗水之燒肉，以肉嘅質素黎講應該對比以前嘅level4左右，好老實講，肉嘅質素大不如前，一啲牛味都無，黎牛角都知牛角飯必食係常識架啦，平時我落牛角燒肉汁，今次試下鹽醬，慶幸個牛角飯不過不失，不過D飯淋咗少少同濕咗少少，有啲難撈，令到有啲撈唔勻，但都ok嘅。🍰甜品：食左朱古力大福和北海道牛奶雪條，依然無得輸。👨🏻‍🍳Service：服務態度幾好，上菜速度快，換網速度亦快又 helpful。

Limited Offer All You Can EatGyukaku is having a special offer for their all day all you can eat course.The price starts from 178hkd and you can choose the duration and the course. The standard buffet zone is open for both courses.SS1 course has 26 items while SS2 has 45 items. Each table should order the same course.Love how their buffet zone has so many options like salad, seaweed rice, soup, curry, and ice cream (with cone!).We chose SS2 with 100 minutes. For details about the items, feel fre

同同事去食60分鐘牛角午餐，由入座開始就要爭分奪秒，要處理嘅太多，時間得好少😭提一提手機落餐唔可以多人同一時間㩒送出，每個人要隔幾分鐘先可以逐一送出order。首先出去自助區拎飲品，種類都算幾多，湯、咖啡、汽水、茶等基本飲品一定有，仲有蘋果汁、雪梨汁、雜果賓治，其實仲有幾款，時間關係無再睇同試。飲咗蘋果汁，味道有啲似加咗薄荷，個人唔太鍾意。雪梨汁好飲，同枱幾位後嚟都轉飲哩樣。之後去拎關東煮🍢魚榚、雞蛋、白蘿蔔、芝士丸，味道都唔錯，可以每樣一試。見到其他人拎咗一樽樽嘅沙律菜喺度搖，如果有足夠時間都可不坊試下。冷盤有日式螺肉、韓式泡菜、芽菜，可以每樣試一啖。重點牛角飯，白飯+大量紫菜+牛角醬汁，我唔食蔥就無加蔥啦。同行嘅人形容哩樣先係最好食，其他嘅燒烤嘢都係配角，我都覺得係😂所以我哋點選咗最平嘅燒肉餐，因為都無時間細味同細心燒肉。自助區有雞漢堡扒加刈包、墨汁墨魚丸同台式腸可以拎返去燒，三樣當中反而係雞漢堡包最好食。手機點選嘅燒烤物，一塊塊嘅肉類會比較方便燒，非塊狀肉類就食唔到都唔需要覺得可惜。甜品只係勉強食到朱古力同紅茶軟雪糕，兩款都好濃味好好食👍👍其實佢仲有好多甜品選擇，不過真係無時間再

約咗幾位靚女朋友食lunch大家既提議竟然係lunch一齊去食燒肉Ok 我鍾意！原來係因為牛角既lunch set 好抵食因為仲有自助bar 食幾位女仔都唔食得幾多肉，所以自然唔洗叫放題想share 自助bar 都好夠做，有牛角飯牛角飯牛角飯牛角最好食的當然係牛角飯 (任食） 淨係呢樣都贏哂，另外仲有Salad 關東煮腸仔漢堡扒丸，飲品及甜品叫最平set 60mins都係ard. 100好抵 當然金會員仲有得extra 85折添！

係為牛角既長期金card會員，真心想寫篇post讚一讚灣仔呢間分店。同其他分店比（e.g旺角，TST)呢間環境唔止闊落好多，而且冇咁大油煙。地方亦乾淨企理。重點係，近呢3個月夜晚嚟都唔需要等位（雖然對佢地嚟講未必係好事😛）。但唔知係咪咁樣，呢間分店既員工亦相對好有禮貌。所以呢半年我都由TST轉咗嚟呢間。希望佢地會越做越好。但更加希望佢哋會保持到佢哋有禮貌嘅服務。講返肉，唔知係咪心境好，肉都好似好味d咁。起碼我就覺得呢間分店既肉好dd. 可以睇下我之前影其他分店既相以作比較

小人從未食過日式燒肉，週末終於一試。放題一百分鐘，燒肉任叫之餘，還有自取的前菜、關東煮、咖哩、飲品、甜品等等，琳琅滿目，各適其式。小人拿的前菜有凱撒沙律、咖哩牛肉、韓式泡菜、蒜味韮菜、蜆肉青瓜和京蔥絲。牛油果沙律或菜絲沙律罝於玻璃瓶內，隨意加凱撒沙律汁或日式胡麻汁，鮮爽開胃。其他當中蜆肉青瓜最為可口，調味恰好。燒肉之外還有一些小食都是任叫的。章魚小丸子及七味炸雞翼是我們的選擇。章魚小丸子外皮很脆，中間軟糯的粉糰及章魚粒配合燒汁和沙律醬，非常美味！雞翼是單骨的，七味粉不會過多，剛好提味，怕辣的亦無需恐懼！緊接著的燒肉碟碟都精彩！牛頸脊、牛肩頰、牛肋肉和牛柳粒，肉味甚濃，滑得來沒有過份的油脂。內臟有雞肝和雞腎，兩者之間雞肝較佳。多春魚一點不腥，還真的夠多魚春！至於日本與澳洲和牛的比拼，這回合是澳洲勝利，更腍更香！外貌似是軟雪糕的甜筒原來是檸檬雪葩！吃了那麼多燒肉，正好用來消一消滯，清一清味蕾！餐廳很整潔，通風做得好，食後也不會有一大陣油煙味！

雖然都出左新menu一排，不過最近先得閒去食😂。揀左世の焼肉，正價$448/1，不過有金會員星期一8折扣埋coupon，$365/1😝。🔅肉類🥩之前上網見人講轉左新menu難食左，不過我同朋友都覺得差唔多，本身唔同分店質素都差得遠👀。澳洲和牛前胸肉唔錯，油脂比例啱啱好。厚切澳洲和牛腹扒肉味都濃，但有啲難咬😂。和牛赤身就麻麻，輕輕燒完都唔嫩，偏鞋。豬頸肉🐷厚切左又爽口，jeng💮!🔅炸物推薦新既海膽忌廉餅！雞軟骨趁熱食都唔錯，其他唔算特別出色但都ok既😝。🔅雪糕🍦有幾款新味，白葡萄似QOO既青提味，檸檬忌廉就好fresh，帶少少cream味唔會太酸，意大利朱古力最好食，朱古力味夠濃😋，阿薩姆紅茶就普通。💬整體都係ok既，無啲人講到咁差。太嘴刁既就可能未必啱🤫，始終連鎖放題店，質素有保證但又未到好食到wow～咁😆。同埋人老左真係食唔到好多肉🫠，食食下去左燒粟米菠蘿🙈…不過最舊食左一大碗牛角飯，如果有返雞頸同黑糖蕃薯有貨就好啦😳。

餐廳：牛角Buffet地點：灣仔利東街菜式：日式燒肉放題餐牌：放題做6組價錢，100分鐘就有4組價錢，我哋揀左100分鐘最平嘅人氣好評特選放題，6點前入座$258一位，另收加一。呢個餐聲稱包48款野食，牛一款牛五花（跟四款醬汁）：口感味道唔錯，夠嫩口，不過太肥啦，要剪左肥膏先可以食多幾次。試左燒肉汁同炭燒醬，味道都差唔多，不過都好味。辛味醬汁都好惹味。豚肉4款厚切日本熊本豚腩肉：算厚切，唔算太肥，肉嫰多汁日本熊本豚肉眼：好大塊，好多肉食，可以燒到少少燶面，不過無醬汁揀，肉較乾身，食左兩塊就夠皮豚肉燒：無寫日本貨色即係大陸貨色？無試啦豬頸肉：細細段，當然肥，所以爽脆雞肉兩款雞腿肉雞翼：正常王樣Premium有2款日本熊本豚腩肉：同普通非王樣好似無分別蜜糖香腸內臟大腸新潟雞腎：好爽口新潟雞肝：係味噌味道，質感正常海鮮有多春魚同青口青口連殼，正常貨色其他食品有:枝豆：麻麻地，本身無味。蒜片麻油燒蒜粒牛油金菇：好香牛油味迷你甜薯麻香椰菜味噌膳良豬青瓜牛油本菇：菇仔好滑燒菠蘿牛油粟米芝士粟米：粟米好甜，不過芝士太少炸芝士圈七味炸雞翼波菜芝士薯餅日式章魚燒：整得好專業，熱辣辣，外脆內滑又有章魚粒炸

牛角buffet geh lunch有啲複雜😂係門口搞咗一大輪 先揀到食咩🫣有分60分鐘同100分鐘 100分鐘嘅肉係60分鐘嘅1.5倍 然後唔同價錢有唔同嘅選擇 咁就再係相應嘅區域揀2款肉喺門口揀好先有得上去食 有啲壓力😂燒肉定食C (100mins) $185牛胸腹 + 肩脊肉牛胸腹好高質燒到外面少少焦香 入面就有油香而肉質又有咬口 幾好幾好肩脊肉相對之下就一般般~除咗肉之外其他都係自助形式任食最開心係可以自製牛角飯關東煮仲有成桶沙律埋尾仲可以整個銅鑼燒 唔錯唔錯最後埋單每人$200 都幾滿足

食物無問題，環境都可以，但服務態度唔好，講嘢好難聽，出食物慢，我哋最後order時間係在70分鐘，仲有半小時，等左十幾分鐘先到，燒好，吃野我哋都要時間㗎。最後已經無咩吃剩，雖然係過時10分鐘，但燒烤爐中仲有幾片肉已燒好，同幾隻螺熟咗。話吃埋先走都唔得，一定要收枱，服務態度差，話人人特登叫到成枱食物，我哋咩好唔掂！事實上不是這樣，係吃到剛剛好，我哋都不想浪費食物，話吃埋都唔得！好似唔駛錢請你吃咁，最後無奈浪費了一些食物一肚氣走。其實係平日晚上九點幾來仲有好多吉位，落到樓下都無人排隊。處理完全無彈性，感覺十分差。好似計時比賽，完全唔enjoy。

身為牛角忠粉，內心會想試勻不同分店的牛角BUFFET，睇睇各間分店的座位大小、舒適程度、肉類品質、食物選擇等等。整體而言，呢間灣仔店的牛角在我心中可算是高水準。先講餐廳，上完樓梯後餐廳好有空間感，無論係通道，定係座位之間都相當闊落，如果你多人去的話仲可以有私人房添，私隱度高。而外面的自助區亦夠大夠闊，與其他分店一樣，不怕與他人左推右撞。自助區有前菜小食蔬菜甜品雪糕等等，兩部雪糕機分別有阿薩姆紅茶、意式朱古力、8.0牛奶、草莓牛乳4種口味。至於肉類品質都keep到高水準，始終各間分店來貨都係同一供應商，所以品質都係good quality，不用擔心，好，可以專心燒肉啦！

位於利東街的牛角buffet ，開咗咁耐，都是第一次去。門面望落去都幾靚，地下是接待處。進食就上一層。上樓梯後一邊是座位，另一邊是自助區。而且座位挺大的。食物大致上同其他分店都差不多。牛角本身都有質素的，所以我都很有信心。午餐時段幾乎滿座。幸好我早了進去。午餐c 入邊的安格斯和牛牛肋條，真心推介。燒到四邊都熟後，再剪成細細舊，再燒中間。啲油嘅香味，食落又牛香，非常好食。另外加錢，叫了兩隻廣島蠔。大大隻，兩隻廣島已經放滿一個圓兜度。有肉有海鮮有菜，又有甜品。真係滋味。

話咁快Happy Friday😚放工即刻約同事去牛角食番餐燒肉buffet😍去到嘅時候 見到個餐牌 寫住6:00前入座有優惠！但係唔好彩行錯路😂我地去到嘅時候已經6:02😂差少少不過唔緊要啦 唔洗排隊已經好好彩😝平日放工去過幾次 6點到呢啲時間都唔洗排隊☺️今次我哋叫左lv 3精選和牛放題🥰都覺得唔錯😆啲肉都幾好👍🏻 不過我就成日叫錯左呢隻薄切（唔記得咗全名）呢種肉 燒完之後 食落就會有啲乾😂我自己就比較鍾意油脂多少少嘅肉😝當然我地無做大嘥鬼 有食曬嫁😆

有優惠券去吃燒肉，加上早了優惠價，吃level 3 有和牛和安格斯。主力吃牛，但手機落單設定是英文，要自己轉中文。爐火力第3度太大易燶，2度半火力不大。一口牛其實大件，幸好有剪刀，不然咬壞牙。飲品選擇不多，雪糕8度北海道牛乳但冇味。燒菠蘿好好味，朱古力大福也好軟身。